మధ్యంతర బాలిస్టిక్‌ క్షిపణిని ప్రయోగించిన ఉత్తర కొరియా

సియోల్‌: ఉత్తర కొరియాలోని కిమ్‌ సర్కారు వరుసగా క్షిపణి ప్రయోగ పరీక్షలు చేపడుతుండటంతో ఉద్రిక్తతలు పెరుగుతున్నాయి. మంగళవారం ఈ దేశం అక్కడి తూర్పు జలాల్లో అనుమానాస్పద మధ్యంతర బాలిస్టిక్‌ క్షిపణిని  ప్రయోగించిందని దక్షిణ కొరియా సైన్యం తెలిపింది. ఆ దేశ రాజధాని ప్యాంగ్‌యాంగ్‌ సమీప ప్రాంతం నుంచే క్షిపణిని పరీక్షించిందని, అది ఎంత దూరం వెళ్లిందనేది ప్రస్తుతానికి తెలియరాలేదని పేర్కొంది. దక్షిణ కొరియా రాజధానిని లక్ష్యంగా చేసుకొని చేపట్టిన క్షిపణి ప్రయోగాన్ని కిమ్‌ జోంగ్‌ ఉన్‌ గత నెల 18న ప్రత్యక్షంగా పర్యవేక్షించిన తర్వాత ఆ దేశం చేపట్టిన తొలి ప్రయోగం ఇది.