కెనడా సర్కారుకు షాకిచ్చిన కమిషన్‌

దేశ ఎన్నికల్లో భారత ప్రమేయం లేదని స్పష్టీకరణ

ఇంటర్నెట్‌ డెస్క్‌: కెనడా దర్యాప్తు సంస్థలు ఆ దేశ అధ్యక్షుడు జస్టిన్‌ ట్రూడోకు షాకిచ్చాయి. అక్కడి ఎన్నికల్లో భారత్‌ జోక్యం చేసుకోలేదని వాటి దర్యాప్తులో తేటతెల్లమైనట్లు నివేదికను సమర్పించాయి. 2021లో జరిగిన ఎన్నికల్లో భారత్‌, పాకిస్థాన్‌లు జోక్యం చేసుకున్నాయని ఆరోపిస్తూ ట్రూడో ప్రభుత్వం ఈ అంశంపై దర్యాప్తునకు ఆదేశించిన సంగతి తెలిసిందే. ఇతర దేశాల ప్రజాస్వామ్య ప్రక్రియలో జోక్యం చేసుకోవడం మా విధానం కాదని కెనడా తీరును భారత్‌ ఇప్పటికే తీవ్రంగా ఖండించింది కూడా. ఈ ఆరోపణలపై కమిషన్‌ ఓ నివేదికను సమర్పించింది. ఎన్నికల్లో భారత్‌ ప్రమేయం లేదని అందులో స్పష్టం చేసింది. 2019-21 ఎన్నికలను ప్రభావితం చేసేందుకు చైనా యత్నించిందని కెనడియన్‌ సెక్యూరిటీ ఇంటెలిజెన్స్‌ సర్వీస్‌ (సీఎస్‌ఐఎస్‌) నివేదిక వెల్లడించడం గమనార్హం.