బ్రిటన్‌లో 12 మంది భారతీయుల అరెస్టు

వీసా నిబంధనల ఉల్లంఘనే కారణం

లండన్‌: బ్రిటన్‌లో 12 మంది భారతీయులను ఇమ్మిగ్రేషన్‌ ఎన్‌ఫోర్స్‌మెంట్‌ అధికారులు అదుపులోకి తీసుకున్నారు. వీసా నిబంధనల ఉల్లంఘన, చట్టవిరుద్ధంగా ఉద్యోగాలు చేస్తున్నారనే కారణంతో వీరిని అరెస్టు చేసినట్లు అధికారులు తెలిపారు. నిందితులº్ల 11 మంది పురుషులు, ఒక మహిళ ఉన్నారు. అక్రమంగా పనిచేస్తున్న ఏడుగురు భారతీయుల్ని.. వీసా నిబంధనలు ఉల్లంఘించారన్న కారణంతో మరో నలుగురిని అరెస్టు చేసినట్లు అధికారులు తెలిపారు. మహిళను సైతం వలస నేరాల ఆధారంగానే అదుపులోకి తీసుకున్నట్లు వెల్లడించారు. అరెస్టయిన 11 మంది పురుషుల్లో ఏడుగురు పరుపుల తయారీ కర్మాగారంలో, నలుగురు కేక్‌లు తయారుచేసే కర్మాగారంలో పనిచేస్తున్నారు. మహిళ ఓ ఇంట్లో పనిచేస్తున్నారు. నిందితుల్లో ఎనిమిది మందికి షరతులతో కూడిన బెయిల్‌ ఇవ్వగా మరో నలుగురిని భారత్‌కు పంపించడంపై చర్చిస్తున్నామని అధికారులు తెలిపారు.