అఫ్గానిస్థాన్‌లో వరదలు.. 33 మంది మృతి

ఇస్లామాబాద్‌: వరదల కారణంగా అఫ్గానిస్థాన్‌ అతలాకుతలమవుతోంది. గడిచిన మూడు రోజుల్లోనే అక్కడ 33 మంది చనిపోగా, 27మంది గాయపడ్డారు. 600కు పైగా గృహాలు ధ్వంసమయ్యాయి. దాదాపు 200 పశువులు మరణించాయని తాలిబన్‌ ప్రభుత్వ ప్రతినిధి ఒకరు తెలిపారు. ఫరా, హెరాత్‌, జాబుల్‌, కాందహార్‌ ప్రాంతాలు తీవ్రంగా నష్టపోయాయని పేర్కొన్నారు.

టాంజానియాలో 58 మంది..

తూర్పు ఆఫ్రికా దేశమైన టాంజానియాలో వరదల కారణంగా గత రెండు వారాల్లో 58 మంది మృతిచెందారు. తీరప్రాంతాలు తీవ్రంగా నష్టపోయాయని, 1.26 లక్షల మందికి పైగా ప్రజలు ఇబ్బందులు పడ్డారని ప్రభుత్వ ప్రతినిధి ఒకరు తెలిపారు. భవిష్యత్తులో వరదలను నివారించేందుకు కొత్తగా 14 డ్యాంలను నిర్మించే ఆలోచనలో ఉన్నామని ఆయన పేర్కొన్నారు.