జైలు నుంచి గృహ నిర్బంధానికి ఆంగ్‌ సాన్‌ సూకీ

బ్యాంకాక్‌: మయన్మార్‌ కీలక నేత, నోబెల్‌ శాంతి బహుమతి గ్రహీత ఆంగ్‌ సాన్‌ సూకీని ఆ దేశ సైనిక ప్రభుత్వం జైలు నుంచి గృహ నిర్బంధానికి మార్చింది. మయన్మార్‌లో వేడిగాలుల తీవ్రత ఎక్కువగా ఉందని.. జైలులో ఉన్న వృద్ధ ఖైదీల ఆరోగ్యం దృష్ట్యా ఈ నిర్ణయం తీసుకున్నట్లు వెల్లడించింది. దీంతో కారాగారంలో శిక్షను అనుభవిస్తున్న మాజీ అధ్యక్షుడు విన్‌ మైంట్‌ (72), సూకీ (78)లను గృహ నిర్బంధానికి తరలించినట్లు సైనిక ప్రభుత్వ ప్రతినిధి మంగళవారం ఓ విదేశీ మీడియా సంస్థకు వెల్లడించారు. నూతన సంవత్సరాన్ని పురస్కరించుకుని మరో 3వేల మందికిపైగా ఖైదీలను క్షమాభిక్షపై విడుదల చేసినట్లు పేర్కొన్నారు.