క్షిపణి ప్రయోగం చేపట్టిన ఉత్తర కొరియా

సియోల్‌: ఓ భారీ క్షిపణి వార్‌హెడ్‌ను, విమాన విధ్వంసక క్షిపణిని ప్రయోగించినట్లు ఉత్తరకొరియా శనివారం వెల్లడించింది. దేశ పశ్చిమ తీరంలోని ఓ ప్రాంతం నుంచి ట్రక్కుల ద్వారా ఈ ప్రయోగాలు చేపట్టారు. అమెరికా, దక్షిణకొరియాలతో సంక్షోభం ముదురుతున్న నేపథ్యంలో తన సైనిక పాటవాన్ని పెంపొందించుకునేందుకు ఉత్తరకొరియా ఇటువంటి ప్రయోగాలను నిర్వహిస్తోంది. అయితే ఈ ప్రయోగాలు తమ సాధారణ సైనిక కార్యకలాపాల్లో భాగమేనని.. వీటికి అంతర్జాతీయ వ్యవహారాలకు సంబంధం లేదని ఆ దేశ జాతీయ మీడియా వెల్లడించింది. శుక్రవారం ప్రయోగించిన ఈ వార్‌హెడ్‌ను హవాసెల్‌-3 క్రూయిజ్‌ క్షిపణి కోసం రూపొందించగా.. విమాన విధ్వంసక క్షిపణి పేరును పైలోజీ-1-2గా ఉత్తరకొరియా పేర్కొంది.