చైనాతో కలిసి పనిచేసేందుకు సిద్ధం

తైవాన్‌ అధ్యక్షుడు లై చింగ్‌-తె

తైపీ: చైనాతో కలిసి పనిచేయడానికి తాను సిద్ధమని తైవాన్‌ నూతన అధ్యక్షుడు లై చింగ్‌-తె పేర్కొన్నారు. తైవాన్, చైనా మధ్య శాంతి ప్రాంతీయ స్థిరత్వానికి కీలకమని, అంతర్జాతీయ భద్రతకూ ముఖ్యమని పేర్కొన్నారు. ఇటీవల తైవాన్‌ అధ్యక్షుడిగా ప్రమాణ స్వీకారం చేస్తూ చైనాపై చింగ్‌-తె ఘాటు వ్యాఖ్యలు చేశారు. తైవాన్‌ స్వయంపాలనను సమర్థించారు. దీంతో ఆగ్రహించిన చైనా.. నూతన అధ్యక్షుడిని వేర్పాటువాదిగా పేర్కొంటూ తైవాన్‌ చుట్టూ భారీ ఎత్తున సైనిక విన్యాసాలు చేపట్టింది. దీంతో చింగ్‌-తె దూకుడు తగ్గించారు. చైనాతో కలిసి సమన్వయం చేసుకొంటూ.. పని చేసేందుకు సిద్ధమేనన్నారు. ఆదివారం ఓ సమావేశంలో పాల్గొన్న ఆయన ఈ వ్యాఖ్యలు చేశారు.