అమెరికాలో 19కి చేరిన టోర్నడోల మృతుల సంఖ్య

టెక్సాస్, ఓక్లహామా, ఆర్కన్సాస్‌లో భారీ విధ్వంసం

టెక్సాస్‌లోని వ్యాలీవ్యూ ప్రాంతంలో టోర్నడోల ధాటికి ధ్వంసమైన వాహనాలు

హూస్టన్‌: అమెరికాలోని టెక్సాస్, ఓక్లహామా, ఆర్కన్సాస్‌లను టోర్నడోలు కుదిపేశాయి. మూడు చోట్లా భారీ విధ్వంసం చోటుచేసుకుంది. వందలాది ఇళ్లు ధ్వంసమవడంతోపాటు విద్యుత్తు లేక చాలా మంది అంధకారంలో మగ్గుతున్నాయి. మరోవైపు, ఈ విలయంలో మృతిచెందిన వారి సంఖ్య సోమవారం నాటికి 19కి చేరింది. శనివారం సంభవించిన టోర్నడో కారణంగా వంద మంది వరకు పౌరులు గాయపడ్డారని టెక్సాన్‌ గవర్నర్‌ గ్రెగ్‌ అబాట్‌ తెలిపారు. 200 ఇళ్లు ధ్వంసమయ్యాయని, మరో 100 ఇళ్లు పాక్షికంగా దెబ్బతిన్నాయని ఆయన వెల్లడించారు.