విమానంలో నగ్నంగా పరుగులు

ప్రయాణికుడిని అదుపులోకి తీసుకున్న పోలీసులు

మెల్‌బోర్న్‌: ఆస్ట్రేలియాకు చెందిన ఓ విమానంలో ప్రయాణికుడు నగ్నంగా పరుగులు తీశాడు. అడ్డుకోవడానికి ప్రయత్నించిన సిబ్బందిని కిందకు తోసేశాడు. ఈ ఘటన సోమవారం రాత్రి పెర్త్‌ నుంచి మెల్‌బోర్న్‌కు వెళుతున్న వర్జిన్‌ ఆస్ట్రేలియా విమానంలో చోటుచేసుకొంది. టేకాఫ్‌ అయిన కాసేపటికి ఓ ప్రయాణికుడు తన ఒంటిపై ఉన్న దుస్తులను తొలగించి నగ్నంగా విమానంలో అటూ, ఇటూ పరిగెత్తాడు. సిబ్బందిని కింద పడేశాడు. అతడి చర్యకు తోటి ప్రయాణికులు హడలెత్తారు. దీంతో విమానాన్ని అత్యవసరంగా వెనక్కి మళ్లించాల్సి వచ్చింది. విమానాశ్రయంలో ఆ వ్యక్తిని పోలీసులు అదుపులోకి తీసుకుని ఆసుపత్రికి తరలించారు.