నెదర్లాండ్స్‌ ప్రధానిగా రాబ్‌ జెట్టన్‌!

ది హేగ్‌ (నెదర్లాండ్స్‌): నెదర్లాండ్స్‌ సార్వత్రిక ఎన్నికల్లో రాబ్‌ జెట్టన్‌ నేతృత్వంలోని సోషల్‌ లిబరల్‌ పార్టీ ‘డి-66’.. 26 స్థానాలు నెగ్గింది. దీంతో ఇతర భాగస్వామ్య పార్టీలతో కలిసి ఆ పార్టీ సంకీర్ణ ప్రభుత్వాన్ని ఏర్పరిచే అవకాశాలు కనిపిస్తున్నాయి. 150 స్థానాల పార్లమెంటు దిగువ సభకు బుధవారం ఎన్నికలు జరిగాయి. గత ప్రభుత్వంలో కీలక పాత్ర పోషించిన విల్డర్‌ నాయకత్వంలోని పీవీవీ 25 సీట్లకే పరిమితమైంది. గత ఎన్నికల్లో ఆ పార్టీ 35 స్థానాలు సాధించింది. ప్రస్తుత పరిస్థితుల్లో విల్డర్‌కు మిగతా పార్టీలు మద్దతిచ్చే అవకాశాలు తక్కువేనని విశ్లేషకులు భావిస్తున్నారు. ఈ నేపథ్యంలో 38 ఏళ్ల రాబ్‌ జెట్టన్‌.. నెదర్లాండ్స్‌ పగ్గాలు చేపట్టే అవకాశం ఉంది.