Malala Yousafzai: వెండి తెరపై తళుక్కుమన్న మలాలా యూసఫ్‌జాయ్

ఇంటర్‌నెట్‌ డెస్క్‌: పాకిస్థాన్‌లో బాలికల విద్య కోసం పోరాడుతున్న నోబెల్‌ బహుమతి గ్రహీత మలాలా యూసఫ్‌జాయ్(Malala Yousafzai)  వెండి తెరపై మెరిసింది. బ్రిటీష్ షో ‘వి ఆర్ లేడీ పార్ట్స్’ రెండో సీజన్‌లో అతిధి పాత్రతో తెరపై అలరించింది. ఆమెకు సంబంధించిన ఫస్ట్‌ లుక్‌ సోషల్‌ మీడియాలో వైరల్‌గా మారింది. టీవీ సిరీస్‌లో ఆమె మలాలా నటించిన టీవీ షో సీజన్ 2 గురువారం అమెరికాలోని ఎన్సీబీ యూనివర్సల్ స్ట్రీమర్, బ్రిటన్‌లోని ఛానల్ 4లో ప్రారంభమవ్వనుంది.

వీడియోలో బ్యాండ్‌లో పాట పాడే ఓ మహిళ కుమార్తె తన గురువుపై గుడ్లు విసురుతుంది. దీంతో ఎందుకలా చేశావని ఆమె తల్లి ప్రశ్నించగా మలాలా ఏమి చేస్తుందో అదే చేస్తున్నానంటూ ఆమె బదులిస్తుంది. మలాలా ప్రతిరోజూ బాలికల విద్య కోసం పోరాడుతుంది. ఇలా గుడ్లు విసరదని చెబుతున్న సమయంలో బ్యాండ్ 'మలాలా మేడ్ మీ డూ ఇట్' పాటను ప్రదర్శిస్తుంది. ఈ పాటలోని ఒక ఫాంటసీ సీక్వెన్స్‌లో మలాలా యూసఫ్‌జాయ్ కౌబాయ్ టోపీని ధరించి గుర్రపుస్వారీ చేస్తూ కనిపిస్తుంది. ప్రస్తుతం ఈ లుక్ సోషల్ మీడియాలో వైరల్ అవుతోంది.

బ్రిటన్‌లో ప్రత్యేక ఇంటర్వ్యూలో సీక్వెన్స్ గురించి మలాలా మాట్లాడుతూ తాను తెరపై కనిపిస్తానని ఎప్పుడూ అనుకోలేదన్నారు. ‘‘ఈ రెండు నిమిషాల క్లిప్‌ కోసం ఎన్ని టేక్‌లు తీసుకున్నానో కూడా నాకు గుర్తు లేదు. ఇందులో నాకు డైలాగులు లేనందున ఎక్కువ కష్టపడాల్సిన అవసరం రాలేదు’’ అని ఆమె అన్నారు.