Malawi: మలావీ ఉపాధ్యక్షుడు ప్రయాణిస్తున్నసైనిక విమానం అదృశ్యం

బ్లాంటైర్‌: మలావీ  ఉపాధ్యక్షుడు సౌలస్‌ షిలిమా(51), మరో తొమ్మిది మందిని తీసుకెళుతున్న సైనిక విమానం సోమవారం అదృశ్యమైంది. రాజధాని లిలోంగ్వే నుంచి బయలుదేరిన ఈ విమానం సుమారు 45 నిమిషాల అనంతరం 370 కిలోమీటర్ల దూరంలోని జుజు అంతర్జాతీయ విమానాశ్రయంలో దిగాల్సి ఉంది. అయితే ఎంతసేపైనా ఉపాధ్యక్షుడి విమానం జాడ లేదు. అదే సమయంలో దానికి రాడార్‌తో సంబంధాలు తెగిపోయాయి. మరోవైపు, విమానం గల్లంతైన సంగతి తెలియగానే అధ్యక్షుడు లాజరస్‌ చక్వేరా బహమాస్‌ పర్యటన రద్దు చేసుకున్నారు. విమానం ఆచూకీ కనిపెట్టేందుకు విస్తృతంగా గాలింపు చర్యలు చేపట్టాలని అధికారులను ఆదేశించారు.