Viral news: పిడిగుద్దులు.. గాల్లోకి లేచిన కుర్చీలు.. రివర్‌పార్కులో రచ్చరచ్చ

ఇంటర్నెట్‌డెస్క్‌: కొందరు శ్వేత జాతీయులు, ఓ నల్లజాతీయుడైన సెక్యూరిటీ గార్డును విచక్షణా రహితంగా కొట్టేశారు. ఇష్టమొచ్చినట్లుగా పిడిగుద్దులు గుద్దారు. అక్కడున్న కుర్చీలను విసిరేశారు. అడ్డుకున్న వారిపైనా దాడికి దిగారు. ఈ ఘటన అమెరికాలోని అలబామాలో ఓ నది ఒడ్డున ఉన్న పార్కులో చోటు చేసుకుంది. పెద్ద బోటు వస్తోందని, అందువల్ల అక్కడి పాంటూన్‌ బోటును తీయాలని సెక్యూరిటీ గార్డు ఓ శ్వేత జాతీయుడిని కోరడంతో ఈ వివాదం మొదలైనట్లు తెలుస్తోంది. సెక్యూరిటీ గార్డుకు మద్దతుగా మరికొందరు అక్కడి వచ్చి శ్వేతజాతీయులపై విరుచుకుపడ్డారు. దీనికి సంబంధించిన దృశ్యాలు సామాజిక మాధ్యమాల్లో వైరల్‌ అయ్యాయి. దీంతో కేసు నమోదు చేసిన మాంట్‌గోమేరీ పోలీసులు పలువురి అరెస్టు చేసినట్లు అక్కడి మీడియా వర్గాలు వెల్లడించాయి.