YSRCP: చంద్రబాబు, పవన్‌కు మద్దతుగా వైకాపా మాజీ ఎమ్మెల్యే ఫ్లెక్సీలు

అన్నమయ్య జిల్లా రాజంపేటలో తెదేపా, జనసేనకు మద్దతుగా వైకాపా (YSRCP) మాజీ ఎమ్మెల్యే మేడా మల్లికార్జున రెడ్డి పేరుతో ఫ్లెక్సీలు వెలిశాయి. కాబోయే ముఖ్యమంత్రి చంద్రబాబు, జనసేన అధినేత పవన్‌కల్యాణ్‌కు.. మల్లికార్జున రెడ్డి శుభాకాంక్షలు తెలుపుతున్నట్టుగా ఆ బ్యానర్లపై ఉంది. ఈనెల 12న నియోజకవర్గ వ్యాప్తంగా భారీగా ఇలాంటి బ్యానర్లు వేయాలని నిర్ణయించినట్లు మేడా వర్గీయులు వెల్లడించారు. మేడా సోదరుడు రఘునాథ్‌రెడ్డి ఇటీవల రాజ్యసభకు ఎన్నికయ్యారు. అయితే మేడాకు టికెట్‌ దక్కకపోవడంతో ఆయన ఈ ఎన్నికల్లో తెదేపాకు అనుకూలంగా పనిచేయడం గమనార్హం.