Inspirational Story: నాన్న స్ఫూర్తితోనే నీట్‌లో.. 19వ ర్యాంకు

రాజమహేంద్రవరంకు చెందిన కార్తీక్‌ రామ్‌ కిరీటి తండ్రి బాటలోనే నడవాలనుకున్నాడు. ఎలాగైనా డాక్టర్‌ కావాలని బాల్యం నుంచే స్పష్టమైన ఆశయం పెట్టుకున్నాడు. అందుకు కావాల్సిన మార్గాలను తెలుసుకున్నాడు. ఆపై ప్రణాళికా బద్ధంగా అకుంఠిత దీక్షతో చదివాడు. నీట్‌ ఫలితాల్లో ఆలిండియా 19వ ర్యాంకు సాధించి వైద్య రంగంలో ఉజ్వల భవిష్యత్తుకు అడుగులు వేశాడు. తాను కలగన్న కాలేజీలోనే ఎమ్‌బీబీఎస్‌ కోర్సులో చేరబోతున్నాడు.