27, 28, 29 తేదీల్లో తెదేపా మహానాడు

తాజావార్తలు


27, 28, 29 తేదీల్లో తెదేపా మహానాడు
విజయవాడ: తెదేపా జాతీయ అధ్యక్షుడు చంద్రబాబు అధ్యక్షతన విజయవాడలోని ఆయన నివాసంలో తెదేపా పొలిట్‌బ్యూరో సమావేశం జరిగింది. ఈనెల 27, 28, 29 తేదీల్లో తిరుపతిలో మహానాడు నిర్వహించాలని సమావేశంలో నిర్ణయించారు. కేంద్రంతో అనుసరించాల్సిన విధానం, మహానాడు తీర్మానాలపై సమావేశంలో చర్చించారు.
రాష్ట్రాభివృద్ధికి కేంద్ర సహకారం పూర్తిగా లేదని చెప్పలేం కానీ అంతంత మాత్రమేనని చంద్రబాబు అన్నారు. ఇన్నిసార్లు దిల్లీ వెళ్లి కేంద్ర పెద్దల్ని కలిసి రాష్ట్ర సమస్యలు ఏకరవుపెడుతున్నా తగిన న్యాయం జరగటం లేదంటే.. లోతుగా సమస్యల్ని అధ్యయనం చేసి సమన్వయం చేసే వారిలో లోపముందనే అభిప్రాయాన్ని వ్యక్తం చేశారు. కేంద్రం రెండు తెలుగు రాష్ట్రాలకు నీటి పంపిణీపై ప్రత్యేక బోర్డు ఏర్పాటు చేసే వరకూ తెలంగాణ ప్రభుత్వం కొత్త ప్రాజెక్టులు చేపట్టడం సరికాదని అభిప్రాయపడ్డారు. త్వరలో వచ్చే రాజ్యసభ స్థానాల్లో ఒకటి తెలంగాణ వారికి ఇవ్వాలని ఆ ప్రాంత నేతలు కోరారు. కేంద్రమంత్రిగా ప్రాతినిధ్యం కల్పించే అవకాశం ఇచ్చినా తప్పులేదని.. అలా జరిగితే పార్టీ పరంగా తెలంగాణకు మేలు జరుగుతుందనే అభిప్రాయాన్ని వారు వ్యక్తం చేసినట్లు సమాచారం. జగన్‌ వ్యవహార శైలిపైనా సమావేశంలో చర్చకు వచ్చినట్లు తెలిసింది. తిరుపతిలో నిర్వహించనున్న మహానాడుకు సంబంధించి కమిటీల ఏర్పాటు బాధ్యతను సీనియర్‌నేత యనమల రామకృష్ణుడుకు అప్పగించారు. సమావేశం చివర్లో బండ్రు శోభారాణి తనకు తితిదే బోర్డు సభ్యురాలిగా అవకాశం కల్పించాలని సీఎంకు వినతిపత్రం ఇవ్వగా.. అందుకు సహచర నేతలు మద్దతు పలికినట్లు తెలిసింది. ఇప్పటికే అన్యాయం జరిగిన అరికెల నర్సారెడ్డి కూడా రేసులో ఉన్నారుగా అని సీఎం అన్నట్లు సమాచారం. ఏపీ అధ్యక్షుడు కళా వెంకట్రావు, తెలంగాణ అధ్యక్షుడు ఎల్‌.రమణ, పార్టీ సీనియర్‌ నేతలు సమావేశంలో పాల్గొన్నారు.
FileName

  • FileName
మరిన్ని
FileName
FileName

  • FileName
మరిన్ని
FileName

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని

  • FileName
మరిన్ని
జిల్లా వార్తలు

దేవ‌తార్చ‌న

రుచులు

© 1999- 2016 Ushodaya Enterprises Pvt.Ltd,All rights reserved.
Designed & Developed by Eenadu WebHouse
For Digital Marketing enquiries Contact : 9000180611, 040 - 23318181 eMail :marketing @eenadu.net
Best Viewed In Latest Browsers

Contents of eenadu.net are copyright protected.Copy and/or reproduction and/or re-use of contents or any part thereof, without consent of UEPL is illegal.Such persons will be prosecuted.