బ్రేకింగ్

రిజర్వేషన్లకు RSS వ్యతిరేకం కాదు: మోహన్‌ భాగవత్‌

హైదరాబాద్‌: రిజర్వేషన్లకు ఆర్‌ఎస్‌ఎస్‌ వ్యతిరేకమంటూ ఓ వీడియో వైరల్‌ అవుతోందని ఆ సంస్థ చీఫ్‌ మోహన్‌ భాగవత్‌ అన్నారు. తాము రిజర్వేషన్లకు వ్యతిరేకం కాదని స్పష్టం చేశారు. అవసరం ఉన్నంత వరకు వాటిని కొనసాగించాల్సిందేనని చెప్పారు. హైదరాబాద్‌లోని నాదర్‌గుల్‌లో నిర్వహించిన ఓ కార్యక్రమంలో ఆయన మాట్లాడారు. సమాజంలో బేధ భావాలు పోయే వరకు రిజర్వేషన్లు ఉండాల్సిందేనన్నారు. ఆర్‌ఎస్‌ఎస్‌పై దుష్ప్రచారం చేస్తున్నారని.. ఏఐ ఉపయోగించి తప్పుడు వీడియోలు సృష్టిస్తున్నారని ఆగ్రహం వ్యక్తం చేశారు. సామాజిక మాధ్యమాలను మంచి కోసం వాడాలని హితవు పలికారు.