Breaking | Feedback | ePratibha | E-PAPER | Pratibha

రామోజీరావు అస్తమయం

Updated : 09 Jun 2024 12:07 IST

09/06/2024 11:36(IST)

ముగిసిన రామోజీరావు అంత్యక్రియలు

రామోజీ గ్రూప్‌ సంస్థల ఛైర్మన్‌ రామోజీరావు అంత్యక్రియలు ముగిశాయి
తెలంగాణ ప్రభుత్వ అధికారిక లాంఛనాలతో రామోజీ ఫిల్మ్‌సిటీలోని స్మృతి వనంలో ఆయన అంత్యక్రియలు నిర్వహించారు
రామోజీరావు కుమారుడు కిరణ్‌ అంతిమ సంస్కారాలు నిర్వహించారు.
అక్షర యోధుడికి కడసారి వీడ్కోలు పలికేందుకు వివిధ పార్టీలకు చెందిన నేతలు, రామోజీ గ్రూపు సంస్థల ఉద్యోగులు, ప్రజలు తరలివచ్చారు
రామోజీరావు పార్థివదేహం వద్ద కుటుంబసభ్యులు కన్నీరుమున్నీరయ్యారు
అంతకుముందు రామోజీరావు పాడెను తెదేపా అధినేత చంద్రబాబు మోశారు

09/06/2024 11:08(IST)

అంతిమ సంస్కారాల్లో పాల్గొన్న రాజకీయ ప్రముఖులు

రామోజీరావు అంతిమ సంస్కారాల్లో పాల్గొన్న నారా లోకేశ్‌, ఎర్రబెల్లి దయాకర్‌రావు, నామా నాగేశ్వరరావు, వి.హనుమంతరావు, కేఆర్‌ సురేష్‌రెడ్డి, వద్దిరాజు రవిచంద్ర, సుజనా చౌదరి, జూపల్లి కృష్ణారావు, అరికెపూడి గాంధీ, వెనిగండ్ల రాము

09/06/2024 10:42(IST)

అంత్యక్రియలకు హాజరైన తెదేపా అధినేత చంద్రబాబు

రామోజీరావు అంత్యక్రియలకు హాజరైన తెదేపా అధినేత చంద్రబాబు
స్మృతి వనం వద్దకు చేరుకున్న తెదేపా అధినేత
రామోజీరావుకు కడసారి వీడ్కోలు పలికిన చంద్రబాబు

09/06/2024 10:39(IST)

స్మారక కట్టడం వద్దకు చేరుకున్న రామోజీరావు అంతిమయాత్ర

ఫిల్మ్‌సిటీలోని స్మారక కట్టడం వద్దకు చేరుకున్న రామోజీరావు అంతిమయాత్ర
భారీగా చేరుకున్న అభిమానులు, రామోజీ గ్రూపు సంస్థల సిబ్బంది
కాసేపట్లో అధికారిక లాంఛనాలతో అంత్యక్రియలు

09/06/2024 10:37(IST)

అంత్యక్రియలకు హాజరైన సినీ, రాజకీయ ప్రముఖులు

రామోజీరావు అంత్యక్రియలు హాజరైన సినీ, రాజకీయ ప్రముఖులు
తెలంగాణ మంత్రి తుమ్మల, కేంద్ర మాజీ మంత్రి సుజనా చౌదరి, నామా నాగేశ్వరరావు హాజరు
హాజరైన బోయపాటి శ్రీను, సురేశ్‌ బాబు తదితరులు

09/06/2024 09:32(IST)

రామోజీరావు అంతిమయాత్ర ప్రారంభం

ఫిల్మ్‌సిటీలో రామోజీరావు అంతిమయాత్ర ప్రారంభం
నివాళులర్పించిన మనవడు సుజయ్‌
కడసారి వీడ్కోలు పలికిన కుటుంబసభ్యులు
ఫిల్మ్‌సిటీలోని స్మారక కట్టడం వద్ద అంత్యక్రియలు
అధికార లాంఛనాలతో అంత్యక్రియలు చేపట్టనున్న తెలంగాణ ప్రభుత్వం

08/06/2024 22:22(IST)

తెలుగుజాతి గౌరవాన్ని నిలబెట్టిన వ్యక్తి రామోజీరావు: తుమ్మల

సామాన్య రైతుకుటుంబంలో పుట్టి రామోజీరావు అత్యున్నత శిఖరాలకు ఎదిగారు
నీతి, నిజాయతీలతో కూడిన ఆయన నడవడిక తెలుగుజాతికి మార్గదర్శకం
అడుగుపెట్టిన ప్రతిరంగంలో విజయం సాధించారు
ఏ రంగంలో ఎవరు తప్పు చేసినా నిలదీసే శక్తి రామోజీరావు సొంతం
ఆయన లేని లోటు తెలుగుజాతికే కాదు యావత్‌ భారతదేశానికి నష్టం

08/06/2024 20:48(IST)

తెలుగు జాతి ఔన్నత్యాన్ని చాటిచెప్పిన గొప్ప వ్యక్తి రామోజీ: బుచ్చయ్య చౌదరి

మేము రాజకీయాల్లోకి వచ్చిన కొత్తలో ప్రజా సమస్యలపై ఎలా స్పందించాలో నేర్పించారు
రామోజీ కుటుంబ సభ్యులకు నా ప్రగాఢ సానుభూతిని తెలియజేస్తున్నా

08/06/2024 20:15(IST)

మీడియా రంగంలో రామోజీరావు నూతన ఒరవడిని సృష్టించారు: కిషన్‌రెడ్డి

తెలుగు భాష గురించి ప్రపంచానికి చాటిచెప్పిన మహనీయుడు: తెలంగాణ భాజపా అధ్యక్షుడు కిషన్‌రెడ్డి
ఆయన తీర్చిదిద్దిన అనేక మంది జర్నలిస్టులు తెలుగు రాష్ట్రాల్లో పనిచేస్తున్నారు
ఒక గొప్ప మహావ్యక్తిని కోల్పోయాం
రాజ్యసభలో చోటు కల్పిస్తామని చెప్పినా సున్నితంగా తిరస్కరించారు
ఆయన కుటుంబ సభ్యులకు నా ప్రగాఢ సానుభూతిని తెలియజేస్తున్నా

08/06/2024 20:01(IST)

రామోజీరావును అభిమానించే కోట్ల మందిలో నేనూ ఒకడిని: బాబూ మోహన్‌

రామోజీరావు నన్ను ఎంతో అభిమానించేవారు
ఫిల్మ్‌సిటీకి వస్తే కచ్చితంగా కలిసి వెళ్లేవాడిని
నేను మంత్రి అయిన తర్వాత వెళ్లి కలిస్తే ఎంతో సంతోషించారు
ఫిల్మ్‌సిటీలో కాలానికి తగ్గట్లుగా సరికొత్త మార్పులు తీసుకొచ్చారు

08/06/2024 19:43(IST)

తెలుగుకు వెలుగునిచ్చిన మహనీయుడు రామోజీరావు: బుద్ద ప్రసాద్‌

ఆంగ్ల పదాలు లేకుండా పత్రికల్లో అనువాదం తీసుకొచ్చారు: జనసేన ఎమ్మెల్యే మండలి బుద్దప్రసాద్‌
తెలుగు వెలుగు మాస పత్రికను తెలుగుకు అంకితం చేశారు.
విపులతో ప్రపంచ సాహిత్యాన్ని ప్రోత్సహించారు.
ఈనాడు జర్నలిజం పాఠశాలతో వేల మంది జర్నలిస్టులను తయారు చేశారు.
మహా నిఘంటువును ఓ రూపానికి తీసుకొచ్చారు.
1977 దివిసీమ ఉప్పెన తర్వాత బాధితులకు సహాయం చేశారు.

08/06/2024 19:34(IST)

రామోజీరావు అస్తమయం పట్ల నటుడు మహేశ్‌బాబు సంతాపం

రామోజీగ్రూప్‌ సంస్థల ఛైర్మన్‌ రామోజీరావు అస్తమయం పట్ల నటుడు మహేశ్‌బాబు సంతాపం.
చిత్రపరిశ్రమపై ఆయనకున్న అభిరుచికి రామోజీ ఫిల్మ్‌సిటీ నిదర్శనం: మహేశ్‌బాబు
రామోజీరావు కుటుంబ సభ్యులకు నా ప్రగాఢ సానుభూతి.

08/06/2024 18:40(IST)

ఆయన పేరుకున్న కీర్తి అజరామరం: నాగబాబు

‘‘పత్రికా రంగ లెజండ్, కీర్తిశేషులు రామోజీరావు గారు జర్నలిస్టు విలువలకి గొప్ప అర్థం చెప్పిన వ్యక్తి. ప్రధాని ఇందిరాగాంధీ ఎమర్జెన్సీ సమయంలో సామాన్యుడు తన భావ ప్రకటనా స్వేచ్ఛను వెల్లడించడానికి భయపడే తరుణంలోనూ నిజాలు నిర్భయంగా వెల్లడించిన ఏకైక పత్రికగా ఈనాడును చూశాను. ఆయన పేరుకున్న కీర్తి అజరామరం. పత్రికారంగాన్ని ఎంచుకున్న ఎంతో మందిలో స్ఫూర్తినింపారు. ప్రభుత్వాలు ఇబ్బంది పెట్టినా ధైర్యంగా ముందడుగు వేశారు. రిటర్మైంట్‌ అన్న పదాన్నే ఆయన ఒప్పుకోరు. మనిషి బతికున్నంతకాలం పనిచేస్తూనే ఉన్నారు. ఆయన్ని కోల్పోవడం యావత్ తెలుగు జాతికి, పత్రికా ప్రపంచానికి తీరని లోటు’’ -సినీ నటుడు, జనసేన నాయకుడు నాగబాబు

08/06/2024 18:30(IST)

రామోజీ అంత్యక్రియలకు ఏపీ ప్రభుత్వం నుంచి ముగ్గురు అధికారులు

ఈనాడు గ్రూప్ సంస్థల అధినేత రామోజీరావు అంత్యక్రియలకు ఏపీ ప్రభుత్వం తరపున ముగ్గురు సీనియర్ అధికారులు
ఆదివారం నిర్వహించనున్న అంత్యక్రియల కార్యక్రమానికి రాష్ట్ర ప్రభుత్వ అధికార ప్రతినిధులుగా హాజరు కానున్న ఆర్పీ సిసోదియా, సాయిప్రసాద్, రజత్ భార్గవ
ఆంధ్రప్రదేశ్ ప్రభుత్వం తరపున పార్థివదేహానికి నివాళి అర్పించనున్న అధికారులు

08/06/2024 17:23(IST)

ప్రమాణ స్వీకారం తర్వాత వచ్చి కలవాలనుకున్నా.. ఇలా జరగడం బాధాకరం: పవన్‌

రామోజీరావు మృతి దిగ్భ్రాంతిని కలిగించింది
ప్రభుత్వాలు ఎన్ని ఇబ్బందులు పెట్టినా తట్టుకుని నిలబడి ప్రజల్ని చైతన్యవంతుల్ని చేశారు.
తెలుగు మీడియాలో పనిచేస్తున్న వేలాది జర్నలిస్ట్‌లు ఈనాడు జర్నలిజం స్కూల్‌ నుంచి వచ్చినవారే
ఫిల్మ్‌సిటీ నిర్మించడం ద్వారా తెలుగు సినీ పరిశ్రమకు ఆయన ఎంతో సేవ చేశారు
ఆయన కుటుంబ సభ్యులకు, ఈనాడు సంస్థల ఉద్యోగులకు సానుభూతి తెలియజేస్తున్నా.

08/06/2024 17:17(IST)

రామోజీ కుటుంబ సభ్యులకు ప్రధాని మోదీ సందేశం అందించిన నిర్మలా సీతారామన్‌

రామోజీరావు మృతి పట్ల కేంద్ర మంత్రి నిర్మలా సీతారామన్‌ విచారం
రామోజీ మరణవార్త తెలిసి ఆయన కుటుంబ సభ్యులకు సానుభూతి తెలిపమని ప్రధాని నన్ను పంపారు : నిర్మలా సీతారామన్‌
తెలుగువారికి ఇదొక పెద్ద విషాదం
రామోజీ ఆరోగ్య పరిస్థితిపై రెండు రోజుల కిందట కూడా ప్రధాని ఆరా తీశారు.
రామోజీ ప్రజలకు చేసిన సేవలేంటో ప్రధానికి తెలుసు.
మనందరికీ ఇదొక పెద్ద విషాదం వార్త.. కేంద్ర మంత్రి నిర్మలా సీతారామన్‌

08/06/2024 17:10(IST)

రామోజీ పార్థివ దేహానికి పవన్‌కల్యాణ్‌ నివాళి

రామోజీరావు పార్థివదేహానికి జనసేన అధినేత పవన్‌కల్యాణ్‌ నివాళి
దిల్లీ నుంచి నేరుగా హైదరాబాద్‌ వచ్చిన పవన్‌
రామోజీ పార్థివదేహం వద్ద పూల మాల ఉంచి నమస్కరించిన పవన్‌
పవన్‌తో పాటు నివాళులర్పించడానికి వచ్చిన దర్శకుడు త్రివిక్రమ్‌, నిర్మాత చినబాబు

08/06/2024 17:07(IST)

అధికారిక లాంఛనాలతో రామోజీరావు అంత్యక్రియలు.. రెండు రోజుల సంతాప దినాలు

ఆదివారం రామోజీ గ్రూపు సంస్థల ఛైర్మన్‌ రామోజీరావు అంత్యక్రియలు
ప్రభుత్వ అధికారిక లాంఛనాలతో అంత్యక్రియలు నిర్వహించేందుకు ఏర్పాట్లు
రామోజీ మృతికి నివాళిగా ఏపీలో రెండు రోజుల (ఆది, సోమవారాలు) పాటు సంతాప దినాలు
ఆదివారం చిత్ర పరిశ్రమ బంద్‌కు పిలుపునిచ్చిన చలనచిత్ర నిర్మాతల మండలి

08/06/2024 16:45(IST)

రామోజీరావు మా కళాకారులందరికీ దేవుడు: సీనియర్‌ నటి అన్నపూర్ణ

మా ఊపిరి ఉన్నంతవరకూ మర్చిపోలేము
తెలుగుకు వెలుగులిచ్చిన మా తెలుగువాడు రామోజీ
తెలుగు ఎనలేని గౌరవం తెచ్చిన వ్యక్తి.. సినీ నటి అన్నపూర్ణ
కింది స్థాయి నుంచి ఎవరెస్ట్‌ ఎత్తుకు ఎదిగిన వ్యక్తి రామోజీ
రామోజీలాంటి వ్యక్తి ఇక్కడ పుట్టడం తెలుగువారి అదృష్టం
ఆయన పేరు చరిత్రలో చిరస్థాయిగా నిలిచిపోతుంది: నటుడు గౌతంరాజు
ఆయన మరణం ప్రతి రంగానికి తీరనిలోటు
మా కుటుంబానికి ఎంతో సాయం చేశారు
ఆయన ఆదర్శాలను మనం కొనసాగించాలి: నటుడు శంకరరావు

08/06/2024 16:38(IST)

ఎప్పుడు కలిసినా చాలా ఆప్యాయంగా మాట్లాడేవారు: ఇంద్రజ

ఇండస్ట్రీకి ఏం కావాలో దాన్ని తారస్థాయికి తీసుకెళ్లిన ఘనత రామోజీరావుకు దక్కుతుంది
ఫిల్మ్‌సిటీని నిర్మించి ప్రపంచస్థాయికి తీసుకెళ్లారు.
ఎప్పుడు కలిసినా ఆప్యాయంగా మాట్లాడేవారు
ఆయన ఆత్మకు శాంతి కలగాలి

08/06/2024 16:32(IST)

రామోజీ ఎంచుకున్న ప్రతి రంగంలోనూ విప్లవమే: బోయపాటి శ్రీను

ఒక లెజెండ్‌ మన మధ్య నుంచి వెళ్లిపోయారు
తెలుగు రాష్ట్రానికి ఆయన గొప్ప పేరు ప్రఖ్యాతులు తీసుకొచ్చారు
ఆయన ఎంచుకున్న ప్రతి రంగంలోనూ విప్లవమే
ప్రతి వ్యాపారంలో అద్భుతాలు చేసి, తెలుగువారికి పేరు తెచ్చారు.
లక్షల మందికి ఉపాధి కల్పించారు.. సినీ దర్శకుడు బోయపాటి శ్రీను

08/06/2024 16:22(IST)

రామోజీరావు మార్గనిర్దేశకుడు: ఎడిటర్స్‌ గిల్డ్‌ సంతాపం

‘‘ఎడిటర్స్‌ గిల్డ్‌ మాజీ అధ్యక్షుడు రామోజీరావు మృతి పట్ల విచారం వ్యక్తం చేస్తున్నాం. మీడియా మెఘల్‌గా ప్రజల గుండెల్లో నిలిచిన రామోజీరావు ఎన్నో మార్గాల్లో మనందరికీ మార్గనిర్దేశకులు. నిర్భయంగా నిజాలు మాట్లాడే గొప్ప వ్యక్తి. ఆయనో ఐకాన్‌. మీడియా రంగానికి ఆయన చేసిన కృషి.. దేశవ్యాప్తంగా జర్నలిస్టులందరికీ నిరంతరం స్ఫూర్తి కలిగిస్తుంది’’ - ఎడిటర్స్‌ గిల్డ్‌

08/06/2024 16:06(IST)

సమాజానికి ఏం చేయాలో నిత్యం అక్షరరూపంలో రాసేవారు: చిరంజీవి

రామోజీ కలలను, ఆశయాలను కుటుంబ సభ్యులు ముందుకు తీసుకెళ్లాలి
అందరూ ఆయనలో గంభీరాన్ని చూస్తే, నేను చిన్న పిల్లాడిని చూశా.
ప్రజారాజ్యం స్థాపించే సమయంలో ఆయన సలహాలు, సూచనల కోసం కలిసేవాడిని.
ఆ సమయంలో ఒక పెన్ను ఇస్తే ఎంతో సంతోషంగా తీసుకున్నారు. తెగ సంబరపడిపోయారు
అంతేకాదు, ఆయన దాచుకున్న పెన్నులను కూడా చూపించారు.
రామోజీరావు మరణం తెలుగు రాష్ట్రాలకు తీరని లోటు
తెలుగు జాతి ఒక పెద్దను కోల్పోయింది.

08/06/2024 15:48(IST)

రామోజీరావు కారణ జన్ములు.. యుగపురుషుడు: చంద్రబాబు

రామోజీరావు చివరి వరకూ సమాజహితం కోసం పనిచేశారు.
ఆయన కేవలం వ్యక్తికాదు.. గొప్ప శక్తి
ఈనాడు ద్వారా ప్రజల్ని చైతన్యవంతుల్ని, విజ్ఞానవంతుల్ని చేశారు
ఏ పనిలోనూ రాజీపడేవారు కాదు
మొదటి నుంచి ప్రజల పక్షాన నిలబడతానని చెప్పిన గొప్ప వ్యక్తి
రామోజీరావు ఇచ్చిన స్ఫూర్తితో తెలుగుజాతిని ముందుకు తీసుకెళ్తా
రామోజీ కుటుంబ సభ్యులు, ఉద్యోగులకు నా ప్రగాఢ సానుభూతి: తెదేపా అధినేత చంద్రబాబు

08/06/2024 15:41(IST)

మంచితనం ఉన్నంతవరకూ రామోజీ సజీవంగా ఉంటారు: పరుచూరి

సమాజంలో మానవ ధర్మాలు, నీతినిజాయతీలు, ప్రజాస్వామ్య ధర్మాలు ఎలా ఉంటాయో అద్భుతంగా చూపిన మహానుభావుడు రామోజీరావు
తాను నమ్మిన నీతి నిజాయతీలను జీవితాంతం వరకూ కొనసాగించారు.
అలాంటి మహానుభావుడితో కలిసి పనిచేయడం మా అదృష్టం
ఈనాడులో వార్త వచ్చిందంటే అది నిజమని నమ్మకం కలిగించిన గొప్ప వ్యక్తి
ఆయన భౌతికకాయాన్ని చూస్తుంటే ఇంకా జీవించే ఉన్నారనిపించింది : పరుచూరి గోపాలకృష్ణ

08/06/2024 15:34(IST)

రామోజీరావు కన్నుమూయడం బాధాకరం: కేఏ పాల్‌

తొలిసారి ఈటీవీ ద్వారానే శాంతి సందేశంతో నేను మీ ముందుకు వచ్చా.
శాంతి సందేశాలు మతపరమైనవి కావని దృఢ నిశ్చయంతో రామోజీరావు గుర్తించారు.
ఆయన మరణం తెలుగురాష్ట్రాలకు ఏర్పడిన భారీ నష్టం

08/06/2024 15:27(IST)

ప్రజల మేలు, రాష్ట్ర భవిష్యత్‌ కోసం ఆలోచించే వ్యక్తి రామోజీ

ప్రజల మేలు కోసం ఏ ప్రభుత్వాన్నైనా ప్రశ్నించే తత్వం ఉన్న వ్యక్తి రామోజీరావు
ఈనాడుతో తెలుగు ప్రజలకు 50ఏళ్ల అనుబంధం.
ఆయన మరణం తెలుగువారికి తీరనిలోటు: సోమిరెడ్డి చంద్రమోహన్‌రెడ్డి

08/06/2024 15:23(IST)

రామోజీరావు జీవితం అందరికీ ప్రేరణ: ఎల్వీఎస్‌ఆర్కే ప్రసాద్

ఈనాడు పత్రికను ప్రారంభించి తెలుగునాట సంచలనం సృష్టించారు.
మొక్కవోని దీక్షతో ప్రజల తరఫున పోరాటం చేశారు
నిరంతరం ప్రజలకు అండగా ఉంటూ చెడుపై యుద్ధం చేసి అనేక విజయాలు సాధించారు
ప్రజాశ్రేయస్సే ధ్యేయంగా వేల మంది జర్నలిస్టులను తయారు చేసి మంచికి స్థానం కల్పించిన మీడియా మొఘల్‌ రామోజీరావు
అక్షరమే ఆయుధంగా చెడుపై విజయం సాధించిన మీడియా మొఘల్ రామోజీరావు
ఈనాడు రామోజీరావు గారి జీవిత కథ ఎంతో ప్రేరణతో నిండి ఉంది
ఆయన ఆత్మకు శాంతి చేకూరాలి

08/06/2024 15:20(IST)

ఈనాడు గ్రూప్‌ ఛైర్మన్ రామోజీరావు మరణవార్త విని బాధపడ్డా: కమల్‌ హాసన్‌

రామోజీ ఫిల్మ్‌ సిటీ ఓ అద్భుతం.
అది షూటింగ్‌ లొకేషన్‌ మాత్రమే కాదు.. ప్రముఖ పర్యాటక కేంద్రం కూడా ఆదరణ పొందుతోంది.
అంత దూరదృష్టి, వినూత్న ఆలోచనాపరుడు మరణించడం భారతీయ సినీ పరిశ్రమకు తీరని లోటు.
వారి కుటుంబానికి నా ప్రగాఢ సానుభూతి - కమల్‌ హాసన్‌

08/06/2024 14:47(IST)

రామోజీరావు పార్థివదేహానికి నివాళులర్పించిన చంద్రబాబు

రామోజీరావు పార్థివదేహానికి నివాళులర్పించిన చంద్రబాబు దంపతులు
ఉదయం దిల్లీ నుంచి హైదరాబాద్‌ చేరుకున్న తెదేపా అధినేత
రామోజీరావు పార్థివదేహం వద్ద కొద్దిసేపు మౌనం పాటించిన చంద్రబాబు
నివాళులర్పించిన అనంతరం రామోజీ కుటుంబ సభ్యులకు ధైర్యం చెబుతూ పరామర్శ

08/06/2024 14:26(IST)

ఈ తెలుగు నేల మీద రామోజీరావు మళ్లీ పుట్టాలి: విజయ్‌రామ్‌

ఈనాడు, ఈటీవీ ద్వారా ప్రకృతి వ్యవసాయాన్ని రెండు రాష్ట్రాల్లో ప్రచారం చేసిన గొప్ప వ్యక్తి రామోజీ
తిరుమల తిరుపతి దేవస్థానానికి నైవేద్యం ఇస్తున్నామంటే ఆయన చలువే.
తెలుగు అక్షరానికి ఎంత సేవ చేశారో.. ప్రకృతి సేద్యానికి అంతే సేవ చేశారు.
ఆయన ఆత్మకు శాంతి కలగాలని కోరుకుంటున్నా.. విజయ్‌రామ్‌

08/06/2024 14:19(IST)

కేరళ కష్టాల్లో ఉన్నప్పుడు రామోజీరావు ఆదుకున్నారు:పినరయి విజయన్‌

రామోజీరావు అస్తమయం పట్ల కేరళ సీఎం పినరయి విజయన్‌ సంతాపం
మీడియా, సినీ రంగాల్లో రామోజీరావు సేవలు మరువలేనివి: కేరళ సీఎం
వరద బాధితుల కోసం రామోజీ ఫౌండేషన్‌ ఇళ్లు నిర్మించింది
రామోజీరావు మరణం దేశానికి తీరని లోటు

08/06/2024 14:07(IST)

‘ఈనాడు’ రిపోర్టర్‌గా పనిచేసినప్పుడు ఎంతో నేర్చుకున్నా: ఎంపీ కలిశెట్టి

రామోజీ గ్రూపు సంస్థల ఛైర్మన్‌ రామోజీరావు గారు ఇక లేరన్న వార్త తనను బాధించిందని విజయనగరం ఎంపీ కలిశెట్టి అప్పలనాయుడు అన్నారు. తాను ‘ఈనాడు’లో రిపోర్టర్‌గా పనిచేసినపుడు జీవిత పాఠాలను నేర్చుకున్నట్లు చెప్పారు. గ్రామీణ ప్రాంతం నుంచి పనిచేసిన తనకు రాష్ట్ర స్థాయిలో అవార్డు ప్రకటించి ప్రోత్సహించారని.. హైదరాబాద్‌ పిలిపించుకుని దీవించారని గుర్తుచేసుకున్నారు. సమాజం పట్ల ఓ వ్యక్తి ఎలా ఉండాలో చెప్పేవారని గుర్తు చేసుకున్నారు

08/06/2024 13:56(IST)

రామోజీరావు కారణ జన్ములు..: నటుడు శివాజీ

కీర్తిని మాత్రమే వదిలేసి రామోజీ స్వర్గస్తులయ్యారు
మనవల్ల, మనం స్థాపించిన సంస్థల వల్ల పది మందికి ఉపాధి కల్పించడమన్నది సామాన్యమైన విషయం కాదు
లక్షలాది కుటుంబాలకు ఆయన అన్నం పెట్టారు
ఆ కీర్తిని మించింది లేదు. ఆయన మేరు పర్వతం. కారణ జన్ముడు.
రామోజీరావు గురించి ఎంత చెప్పినా తక్కువే.
ఆయన సంస్థలో ఐదు సినిమాలు, ఒక వెబ్‌సిరీస్‌ చేశా
ఆయన చూపిన బాటలో నడుస్తూ పది మందికి సాయపడటమే మనం చేయాల్సింది.

08/06/2024 13:47(IST)

కోట్ల మందికి మార్గదర్శకుడు రామోజీ: సాయికుమార్‌

రామోజీరావు లేరన్న వార్త ఎంతో బాధ కలిగించింది.
ఆయన మరణం మన దేశానికి తీరని నష్టం
నాన్నగారితో మొదలైన అనుబంధం ఇప్పటికీ కొనసాగుతోంది
చాలా విషయాల్లో మాకు సలహాలు ఇచ్చారు.
ఒకప్పుడు కోట్ల మందిలో సామాన్యుడు.. ఇప్పుడు అదే కోట్లమందికి మార్గదర్శకుడు
సినిమాల్లో నాకు ఎంత పేరు వచ్చిందో.. ‘వావ్‌’ ద్వారా నాకు అంతే పేరు వచ్చింది.
నా షో బాగుంటుందని మెచ్చుకునేవారు.

08/06/2024 13:46(IST)

పత్రికాస్వేచ్ఛ, ప్రజాస్వామ్య పరిరక్షణ కోసం పాటుడిన వ్యక్తి రామోజీ: బండారు దత్తాత్రేయ

రామోజీరావు మరణం తీవ్ర దుఃఖాన్ని కలిగించింది.
ఆయన గొప్ప వ్యక్తి మాత్రమే శక్తి కూడా.
మితభాషి.. సామాజిక మార్పునకు ఆయన చేసిన కృషి గొప్పది
తెలుగు భాష, సాహిత్యాభివృద్ధి కోసం ఈనాడు, ఈటీవీల ద్వారా విశేష కృషి చేశారు.
పత్రికాస్వేచ్ఛ, ప్రజాస్వామ్య పరిరక్షణ కోసం పాటుపడ్డారు
ఎన్ని ఆటుపోట్లు ఎదురైనా ధైర్యంగా పోరాటం చేశారు.
నేను మంచి స్నేహితుడిని కోల్పోయా

08/06/2024 13:31(IST)

తెలుగు జాతి సూరీడు రామోజీ: దర్శకుడు తేజ

రామోజీరావు మరణం తెలుగు జాతికి తీరని నష్టం
పత్రిక, సినిమాలు, వ్యాపారం ఎందులోనైనా అత్యున్నత ప్రమాణాలు పాటించేవారు.
నేను దర్శకుడు కావడానికి ఆయనే కారణం
‘చిత్రం’ సినిమాను 20 నిమిషాల్లో ఒకే చేశారు.
ఆయన దగ్గర ప్రతి పని పద్ధతి ప్రకారం జరుగుతుంది
నా జీవితంలో చూసిన అతి గొప్ప భారతీయుల్లో రామోజీరావు ఒకరు.

08/06/2024 13:27(IST)

లెజెండ్‌లకు మరణం ఉండదు.. మన హృదయాల్లో నిలిచి ఉంటారు: తరుణ్‌

రామోజీరావు మరణం అస్సలు ఊహించలేదు.
ఆయన గొప్ప విజనరీ
బాలనటుడిగా, కథానాయకుడిగా ఆయన మార్గదర్శకత్వంలో పరిచయం కావడం నా అదృష్టం
ఆయనకు జీవితాంతం రుణపడి ఉంటాను
రామోజీ మరణం తీరనిలోటు లెజెండ్‌లకు మరణం ఉండదు. మన హృదయాల్లో నిలిచి ఉంటారు

08/06/2024 12:58(IST)

ఒక అఖండ తెలుగు జ్యోతి ఆరిపోయింది: ఎం.వెంకయ్యనాయుడు

ఒక అఖండ తెలుగు జ్యోతి ఆరిపోయింది
రామోజీరావు వ్యక్తి కాదు. శక్తిమంతమైన వ్యవస్థ
స్వయంకృషితో కష్టపడి అనేక రంగాల్లో విజయం సాధించారు.
ఒక ధ్రువతారలా నిరంతరం వెలుగుతూ ఉంటారు.
ఆయన చేపట్టిన కార్యక్రమాలు భవిష్యత్‌ తరాలకు ఆదర్శం
ఆయనతో మాట్లాడటం వల్ల ఎంతో పరిపక్వత సాధిస్తాం.
రామోజీ ఒక పోరాట యోధుడు. ఆయన అనుకున్న విజయాలను సాధించారు
రామోజీ కుటుంబ సభ్యులకు ప్రగాఢ సానుభూతి తెలియజేస్తున్నా

08/06/2024 12:54(IST)

రామోజీ ఒక విజనరీ.. మొబైల్‌ ఎన్‌సైక్లోపిడియా: కేటీఆర్‌

‘‘తెలుగు పత్రికారంగం, ప్రసారమాధ్యమాల్లో ఒక విప్లవాత్మకమైన మార్పునకు బీజం వేసిన మహానుభావుడు రామోజీరావుగారు. విలువలతో కూడిన జర్నలిజానికి చిహ్నంగా ఆయన చిరకాలం నిలిచిపోతారు. తెలుగు భాషాభివృద్ధికి నిరంతరం తపనపడేవారు. దేశం, రాష్ట్రం బాగుండాలని కోరుకునే వ్యక్తి. భవిష్యత్‌ గొప్పగా ఎలా ఉండాలో కలిసినప్పుడల్లా చెప్పేవారు. ఆయన ఒక మొబైల్‌ ఎన్‌సైక్లోపిడియాలా మాట్లాడేవారు. ఆయన మరణం ప్రపంచవ్యాప్తంగా ఉన్న తెలుగువారికి తీరనిలోటు. ప్రపంచస్థాయి స్టూడియో స్థాపించాలన్న విజనరీ రామోజీరావు. ఆయన ఆలోచనలు, ఆశయాలు ఎప్పుడూ స్ఫూర్తినిస్తూ ఉంటాయి’’ - కేటీఆర్‌

08/06/2024 12:36(IST)

రామోజీ ఎప్పుడూ తాను ప్రజల మనిషినని చెప్పేవారు: మోహన్‌బాబు

‘‘రామోజీరావుగారితో నాకు 43ఏళ్ల అనుబంధం. కలిసినప్పుడల్లా ఎన్నో మంచి విషయాలు పంచుకునేవారు. క్రమశిక్షణతో ఎలా ఉండాలో చెప్పేవారు. తాను ప్రజల మనిషినని, వారి కోసమే బతుకుతున్నానని చెప్పేవారు. ప్రజల కష్టసుఖాలు తెలుసుకుని తనవంతు ఏం చేయగలరో చెప్పేవారు. ఆయన మరణం తెలుగువారికి తీరనిలోటు. ఇలాంటి స్టూడియోను నిర్మించటం ఒక్కడి వల్ల కాదు. కానీ, ఆయన స్థాపించి చూపించారు. రామోజీ ఆత్మకు శాంతి చేకూరాలని ప్రార్థిస్తున్నా’’ -మోహన్‌బాబు

08/06/2024 12:26(IST)

తెలుగు ప్రజల జీవితాల్లో రామోజీ మమేకం: జస్టిస్‌ ఎన్వీ రమణ

ప్రజాస్వామ్య పరిరక్షణలో భాగంగా ప్రజల కోసం అలుపెరగని పోరాటం చేసిన యోధుడు రామోజీరావు
రామోజీరావు మరణం పట్ల ఆయన కుటుంబ సభ్యులకు ప్రగాఢ సానుభూతి తెలియజేస్తున్నా.
ఉదయం నుంచి రాత్రి నిద్రపోయే వరకూ తెలుగు ప్రజల జీవితాల్లో రామోజీ మమేకమై ఉన్నారు.

08/06/2024 12:02(IST)

రామోజీరావు నాకు ఎంతో స్ఫూర్తి: నిర్మాత సురేశ్‌బాబు

రామోజీరావు నాకు ఎంతో స్ఫూర్తి
సొంత వ్యక్తిత్వంతోనే జీవించాలన్నది ఆయనను చూసే నేర్చుకున్నా.
ప్రతి ఒక్కరూ నాయకత్వం లక్షణాలు ఆయన నుంచే నేర్చుకోవాలి.
ఆయన మార్గంలో పయనిస్తే ఉన్నత శిఖరాలను చేరుకోవచ్చు.
రామోజీరావుతో మాట్లాడి బయటకు వస్తే తెలియని శక్తి వచ్చేది.
రామోజీ కుటుంబానికి ప్రగాఢ సానుభూతి తెలియజేస్తున్నా

08/06/2024 11:55(IST)

రామోజీరావు మరణానికి సంతాపంగా రేపు చిత్ర పరిశ్రమ బంద్

రామోజీరావు మరణవార్త తెలుగు చిత్ర పరిశ్రమను తీవ్రంగా కలచివేసింది. పలువురు సినీ ప్రముఖులు రామోజీ పార్థివదేహానికి నివాళులర్పించారు. ఆయన మరణానికి సంతాపం తెలియజేస్తూ ఆదివారం చిత్ర పరిశ్రమ బంద్‌కు పిలుపునిచ్చినట్లు చలనచిత్ర నిర్మాతల మండలి ప్రకటించింది.

08/06/2024 11:51(IST)

ఫిల్మ్‌సిటీని వరల్డ్ నెం.1 చేయాలన్నది ఆయన కోరిక: మురళీ మోహన్‌

రామోజీఫిల్మ్ సిటీని వరల్డ్ నెం.1 చేయాలన్నది ఆయన కోరిక
ఎన్నో సంస్థలతో ఎంతో మందికి జీవితాలను ఇచ్చారు
నేను ఎప్పుడు వచ్చిన ఆప్యాయంగా పలకరించేవారు
మహోన్నత వ్యక్తి రామోజీరావుగారు

08/06/2024 11:50(IST)

అసాధారణ వ్యక్తి రామోజీరావు: విద్యావేత్త చుక్కా రామయ్య

బహుముఖ ప్రజ్ఞాశాలి రామోజీరావు అస్తమయం తెలుగువారికి అశనిపాతం.
దాదాపు ఆరు శతాబ్దాలకుపైగా తెలుగువారి జీవితాలతో పెనవేసుకుపోయిన ఆయన విశిష్ఠ వ్యక్తిత్వం పోరాట స్ఫూర్తికి నిదర్శనం.
పత్రిక, వ్యాపార, సినిమా, టీవీ, డిజిటల్ రంగాలలో ఆయన చెరగని ముద్ర వేశారు.
రామోజీరావు అస్తమయం తెలుగు ప్రజలకు తీరని లోటు.
అసాధారణ వ్యక్తి రామోజీరావు ఆత్మకు శాంతి చేకూరాలని భగవంతుణ్ని ప్రార్థిస్తున్నా.

08/06/2024 11:45(IST)

మహోన్నత వ్యక్తిని కోల్పోయాం: సంగీత దర్శకుడు కోటి

‘‘నేనెప్పుడూ చెబుతూ ఉంటా. అలెగ్జాండర్‌ ది గ్రేట్‌.. రామోజీ ది గ్రేట్‌. ఎంతో మందికి ఉపాధి కల్పించిన గొప్ప వ్యక్తి. నేను, రాజ్‌ ఉషాకిరణ్‌ మూవీస్‌ బ్యానర్‌లో చిత్రాలకు పనిచేశాం. ‘నువ్వే కావాలి’ చిత్రానికి సోలోగా అవకాశం ఇచ్చారు. సిల్వర్‌ జూబ్లీ ఫంక్షన్‌ రోజున నన్ను ఎంతో మెచ్చుకుని ఆశీర్వదించారు. ఆయన ఆత్మకు శాంతి కలగాలని కోరుకుంటున్నా’’ - సంగీత దర్శకుడు కోటి

08/06/2024 11:40(IST)

శ్రమను నమ్మే వ్యక్తి రామోజీ: మంత్రి పొన్నం ప్రభాకర్‌

‘‘శ్రమిస్తే ఎంత ఎత్తుకైనా ఎదగవచ్చని నిరూపించిన వ్యక్తి రామోజీరావు. అందరికీ ఆదర్శనీయులు. ఆయన మరణపట్ల సంతాపం తెలియజేస్తున్నాం. రామోజీ కుటుంబ సభ్యులకు ప్రగాఢ సానుభూతి తెలియజేస్తున్నా’’ - మంత్రి పొన్నం ప్రభాకర్‌

08/06/2024 11:36(IST)

గొప్ప వ్యక్తి మనకు దూరమైపోయారు: ఎస్వీ కృష్ణారెడ్డి

‘‘ఒక మహానుభావుడిని మేం కోల్పోయాం. స్టూడియో కట్టేటప్పుడు కూడా మమ్మల్ని పిలిచి సలహాలు అడిగేవారు. అలాంటి గొప్ప వ్యక్తి మాకు దూరమైపోయారు. షూటింగ్‌ సమయంలో ఆయన అందించిన ఏర్పాట్లు ఎంతో ప్రయోజనం కలిగాయి. మయూరి డిస్ట్రిబ్యూషన్‌ ద్వారా చాలా సినిమాలు విడుదల చేశాం’’- సినీ దర్శకుడు ఎస్వీ కృష్ణారెడ్డి

08/06/2024 11:19(IST)

తెలుగుజాతికి రామోజీరావు మార్గదర్శి: పశ్చిమ బెంగాల్‌ సీఎం మమతా బెనర్జీ

రామోజీరావు నన్ను ఒక్కసారి ఫిల్మ్‌సిటీకి ఆహ్వానించారు
ఫిల్మ్‌సిటీ సందర్శన మధురానుభూతి నాకు ఇంకా గుర్తుంది
రామోజీరావు కుటుంబ సభ్యులకు నా ప్రగాఢ సానుభూతి

08/06/2024 11:11(IST)

ప్రజల పక్షాన నిలబడి పోరాటం చేసిన గొప్ప వ్యక్తి రామోజీ: రేవంత్‌రెడ్డి

పత్రికారంగంలో ఆదర్శంగా నిలబడి, పత్రికలు ప్రతిపక్ష పాత్ర పోషిస్తాయని చాటి చెప్పిన వ్యక్తి.
ప్రజా సమస్యలను లేవనెత్తి, పాలకుల నుంచి ప్రజలకు మేలు జరిగే విధంగా పోరాటం చేసిన గొప్ప వ్యక్తి
ఆయన కుటుంబంతో నాకు వ్యక్తిగతంగా ఎంతో అనుబంధం ఉంది.
వారి మరణం బాధాకరం. వారి కుటుంబానికి ప్రగాఢ సానుభూతి తెలియజేస్తున్నా.
రామోజీరావు అంత్యక్రియలు తెలంగాణ ప్రభుత్వం అధికారిక లాంఛనాలతో నిర్వహించాలని ఆదేశాలు జారీ చేశాం.
ఆయన కన్నుమూయడం దేశ పత్రికారంగానికి తీరనిలోటు.

08/06/2024 11:01(IST)

రామోజీరావు నా జీవితంలో గొప్ప ప్రేరణ, మార్గదర్శకులు: రజనీకాంత్‌

నా గురువు, శ్రేయోభిలాషి రామోజీరావు మరణవార్త నన్ను ఎంతగానో బాధించింది: రజనీకాంత్‌
జర్నలిజం, సినిమా రంగాల్లో రామోజీరావు చరిత్ర సృష్టించారు: రజనీకాంత్‌
రాజకీయాల్లో రామోజీరావు కింగ్‌ మేకర్‌: రజనీకాంత్‌

08/06/2024 10:59(IST)

రామోజీరావు మృతి విషాదకరం: అల్లు అర్జున్‌

నేను గౌరవించే స్ఫూర్తిదాయక వ్యక్తుల్లో ఆయన ఒకరు
మీడియా, సినిమా, ఇతర రంగాలకు ఆయన చేసిన సేవలు మరువలేనివి
ఆయన కుటుంబ సభ్యులకు నా ప్రగాఢ సానుభూతి తెలియజేస్తున్నా
రామోజీరావు ఆత్మకు శాంతి చేకూరాలని ప్రార్థిస్తున్నా

08/06/2024 10:57(IST)

నాలాంటి ఎంతో మంది నటులను పరిచయం చేశారు: కల్యాణ్‌రామ్‌

‘‘తొలి చూపులోనే’ సినిమాతోనే నా సినీ ప్రస్థానం మొదలైంది. నాలాగే ఎంతో మంది సినీతారలకు అవకాశం ఇచ్చారు. టెలివిజన్‌లోనూ రచయితలు, నటులను పరిచయం చేశారు. ఈనాడు, ఈటీవీల ద్వారా నమ్మకమైన వార్తలను అందించిన వ్యక్తి. సినిమా ఇండస్ట్రీకి రామోజీ ఫిల్మ్‌ సిటీ గొప్ప ఆస్తి. ఏ షూటింగ్‌ అయినా సులభంగా ఇక్కడ జరిగిపోతుంది. ఆయన మరణం కలచివేస్తోంది. ఆయన కుటుంబ సభ్యులకు ధైర్యం ప్రసాదించాలని ఆ దేవుడిని ప్రార్థిస్తున్నా’’-నందమూరి కల్యాణ్‌రామ్‌

08/06/2024 10:55(IST)

ఆయనతో మాట్లాడితే ఎంతో ఎనర్జీ వచ్చేది:నరేశ్‌

‘‘శ్రీవారికి ప్రేమలేఖ’ నుంచి ఆయనతో నా అనుబంధం ప్రారంభమైంది. 40ఏళ్ల సుదీర్ఘ ప్రయాణం. నాకు మానసికంగా నాలుగు స్తంభాలు.. అమ్మ, కృష్ణగారు, జంధ్యాలగారు, రామోజీరావుగారు. నాకు ఎనర్జీ కావాలనుకున్నప్పుడు ఆయనతో మాట్లాడితే ఎక్కడలేని శక్తి వచ్చేది. ప్రపంచ సినిమా ఇక్కడకు తీసుకురావాలని రామోజీ ఫిల్మ్‌సిటీ నిర్మించారు. ఇండియాలో యూనివర్సల్‌ స్టూడియో నిర్మించిన గొప్ప వ్యక్తి. ఆయన ఆత్మకు శాంతి కలగాలని, వాళ్ల కుటుంబ సభ్యులకు నా ప్రగాఢ సానుభూతి తెలియజేస్తున్నా’’ - సినీ నటుడు నరేష్‌

08/06/2024 10:47(IST)

రామోజీ సేవలు చిరస్మరణీయం: రాష్ట్రపతి ముర్ము

‘‘రామోజీ మరణంతో మీడియా, వినోద రంగం ఓ టైటాన్‌ను కోల్పోయింది. ఈనాడు వార్తా పత్రిక, ఈటీవీ న్యూస్‌ నెట్‌వర్క్‌, రామోజీ ఫిల్మ్‌ సిటీ సహా అనేక సంస్థలను స్థాపించి ఎంతో మందికి మార్గదర్శకులుగా నిలిచిన సృజనాత్మక వ్యాపారవేత్త ఆయన. తన దూరదృష్టితో ఎన్నో విజయాలు సాధించి సమాజంలో చెరగని ముద్ర వేశారు. పద్మవిభూషణ్‌ సత్కారం అందుకున్నారు. మీడియా, సినీ పరిశ్రమలకు ఆయన అందించిన సేవలు చిరస్మరణీయం. ఆయన కుటుంబసభ్యులు, శ్రేయోభిలాషులకు నా ప్రగాఢ సానుభూతి’’ - రాష్ట్రపతి ముర్ము

08/06/2024 10:41(IST)

తెలుగు భాషకు ఆయన ఎనలేని సేవ చేశారు: జానారెడ్డి

రామోజీరావు మరణం పట్ల ఆయన కుటుంబానికి ప్రగాఢ సానుభూతి తెలియజేస్తున్నా
1983 నుంచి ఆయనతో నాకు అనుబంధం ఉంది
పత్రికాధినేతగా, వ్యాపారవేత్తగా కీర్తిగడించారు
అంతర్జాతీయ ప్రమాణాలతో ఫిల్మ్‌సిటీ నిర్మించారు
తెలుగు భాషకు ఆయన ఎనలేని సేవలు చేశారు
వ్యవసాయంపై మక్కువతో అన్నదాత తీసుకొచ్చి రైతులకు ఎంతో సాయపడ్డారు

08/06/2024 10:38(IST)

రామోజీరావు మరణం మీడియా, సినిమా రంగానికి తీరని లోటు: అనురాగ్ ఠాకూర్‌

ఆయన చేసిన కృషితో దేశంలో మీడియా రంగం బలోపేతమైంది
ఆయన ఆత్మకు శాంతి కలగాలని భగవంతుడిని ప్రార్థిస్తున్నా
రామోజీరావు కుటుంబ సభ్యులకు నా ప్రగాఢ సానుభూతి: అనురాగ్ ఠాకూర్‌

08/06/2024 10:33(IST)

రామోజీరావు గొప్ప మనిషి: సినీ నటి యమున

రామోజీరావు గొప్ప మనిషి.
క్రమశిక్షణగా ఎలా ఉండాలో ఆయన వద్దే నేర్చుకున్నా.
కష్టాన్ని నమ్ముకున్నవాళ్లు ఎప్పుడూ బాగుంటారని చెప్పేవాళ్లు
పనిచేయడంలోనే సంతోషాన్ని వెతుక్కునేవారు
మానవత్వం ఉన్న మనిషి.
కష్టపడి పనిచేసే వాళ్ల స్థాయిని చూడకుండా కుటుంబ సభ్యుల్లా భావించేవారు.
ఆయన మరణవార్త విని షాకయ్యా
ఎలాంటి పరిస్థితులు ఎదురైనా పనిచేస్తూనే ఉండాలని చెప్పేవారు

08/06/2024 10:26(IST)

ఆదివారం రామోజీరావు అంత్యక్రియలు

రామోజీ గ్రూపు సంస్థల ఛైర్మన్‌ రామోజీరావు అంత్యక్రియలు ఆదివారం నిర్వహించనున్నారు.
ప్రభుత్వ అధికారిక లాంఛనాలతో అంత్యక్రియలు నిర్వహించేందుకు ఏర్పాట్లు చేస్తున్నారు.

08/06/2024 10:13(IST)

ఆయన జీవితం స్ఫూర్తి పాఠం: బ్యాడ్మింటన్‌ కోచ్‌ పుల్లెల గోపీచంద్‌

రామోజీ మరణం తెలుగువారికి తీరని లోటు
ఆయన జీవితాన్ని మించిన స్ఫూర్తి పాఠం మరొకటి లేదు
ఎంతో మంది క్రీడాకారులకు గుప్త సాయం చేసిన గొప్ప వ్యక్తి
ఆయన కుటుంబానికి ప్రగాఢ సానుభూతి తెలియజేస్తున్నా

08/06/2024 10:07(IST)

ఆధునిక జర్నలిజానికి పితామహుడు..: ఎంపీ బండి సంజయ్‌

తెలుగు జాతి గర్వించదగ్గ మేరునగధీరుడు..
అక్షర ఆదిత్యుడిగా పత్రికా రంగంలో ఉన్నత విలువలను పెంచిన.. పంచిన యోధుడు..
ఆఖరి క్షణం వరకు శ్రమనే ఊపిరిగా జీవించిన నిత్య కృషీవలుడు..
లక్షల మంది ఉద్యోగులకు విలువలతో కూడిన జీవితాన్ని అందించిన మహనీయుడు..
క్రమశిక్షణ గల అక్షర సైనికులను తీర్చిదిద్దిన మహానేత... పద్మ విభూషణ్‌ గ్రహీత.. ఈనాడు, ఈటీవీ, మార్గదర్శి సంస్థల అధినేత రామోజీరావు మహాభినిష్ర్కమణం చాలా ఆవేదన కలిగించింది
పత్రికా రంగానికి.. సమాజానికి ఆయన లేని లోటు తీరనిది. తెలుగుజాతి దశా దిశను మార్చిన దార్శనికుడు రామోజీరావు పవిత్ర ఆత్మకు శాంతి చేకూరాలని ప్రార్థిస్తూ ఆయన కుటుంబసభ్యులకు, సంస్థలోని ఉద్యోగులందరికీ నా ప్రగాఢ సానుభూతిని తెలియజేస్తున్నాను -కరీంనగర్‌ ఎంపీ బండి సంజయ్‌

08/06/2024 10:06(IST)

రామోజీకి భారతరత్న సముచిత గౌరవం: రాజమౌళి

ఒక మనిషి అనేక రంగాల్లో వివిధ సంస్థలు స్థాపించి వాటిని ఉన్నత శిఖరాలకు తీసుకెళ్లారు.
ఎంతోమందికి మార్గదర్శకంగా నిలిచారు. మరెంతో మందికి ఉపాధి కల్పించారు.
అలాంటి వ్యక్తికి భారతరత్న ఇవ్వడమే సముచితమని రెండు తెలుగు రాష్ట్ర ప్రభుత్వాలు, కేంద్ర ప్రభుత్వాన్ని కోరుతున్నా: దర్శకుడు రాజమౌళి

08/06/2024 09:56(IST)

రామోజీ మరణం తెలుగు జాతికి తీర‌ని లోటు: అశ్వనీదత్‌

‘‘ఏ రంగంలో అయినా, ఎలాంటి నేప‌థ్యం లేక‌పోయినా క‌ష్ట‌ప‌డితే చాలు... విజ‌యం ద‌క్కుతుంది అనే స్ఫూర్తిని నాలాంటి ఎంతోమందికి పంచిపెట్టిన రామోజీరావు జ‌న్మ ధ‌న్యం. తెలుగు కీర్తిని, స్ఫూర్తిని ప్ర‌పంచానికి చాటి చెప్పిన ఆయన మ‌ర‌ణం ఈ దేశానికి, ముఖ్యంగా తెలుగు జాతికి తీర‌ని లోటు’’ - సి.అశ్వ‌నీద‌త్ (నిర్మాత‌)

08/06/2024 09:52(IST)

రామోజీరావు ఇక లేరు అన్న వార్త ఆవేదన కలిగిస్తోంది: నందమూరి బాలకృష్ణ

తెలుగు పత్రికా రంగంలో రామోజీ రావు మకుటం లేని మహారాజు: నందమూరి బాలకృష్ణ
తెలుగులోనే కాదు దేశ పత్రికా రంగంలో ఓ కొత్త ఒరవడిని సృష్టించారు
భావితరాల పత్రికా ప్రతినిధులకు మార్గదర్శిగా నిలిచారు
చిత్రసీమలో అదే తీరున సాగి ఉషోదయ కిరణాలను ప్రసరింపజేశారు
ప్రపంచంలోనే అతిపెద్ద స్టూడియోగా రామోజీ ఫిలిం సిటీని తెలుగు నేలపై నెలకొల్పారు
మా తండ్రి నందమూరి తారక రామారావుతో ఆయన అనుబంధం ప్రత్యేకమైంది: నందమూరి బాలకృష్ణ
ఆయన ఆత్మకు శాంతి కలగాలని ప్రార్థిస్తున్నాను
ఆయన కుటుంబ సభ్యులకు నా ప్రగాఢ సానుభూతిని తెలియజేస్తున్నాను

08/06/2024 09:48(IST)

‘గేమ్‌ ఛేంజర్‌’ సెట్‌ నుంచి రామ్‌ చరణ్‌ నివాళి

పత్రికా రంగంలో చెరగని ముద్ర వేసిన ఈనాడు సంస్థల అధినేత, దిగ్గజ పాత్రికేయులు రామోజీరావు గారి మరణం అత్యంత బాధాకరమని రామ్‌ చరణ్‌ అన్నారు. రాజమండ్రిలో ‘గేమ్‌ ఛేంజర్‌’ చిత్రీకరణలో ఉన్న రామ్‌ చరణ్‌ అక్కడి నుంచే రామోజీకి నివాళులు అర్పించారు. ఆయనతో పాటు దర్శకులు శంకర్‌ చిత్రబృందమంతా రెండు నిమిషాలు మౌనం పాటించారు. రామోజీ రావు మరణం తెలుగు ప్రజలకు తీరని లోటు అన్నారు.

08/06/2024 09:42(IST)

రామోజీ నుంచి జీవిత పాఠాన్ని నేర్చుకున్నా: మంచు విష్ణు

‘‘రామోజీరావు గారి మృతి చాలా బాధాకరం. ఆయన్ని కలిసిన ప్రతిసారి ఎంతో లోతైన జీవిత పాఠాన్ని నేర్చుకున్నాను. ఆయన తెలివి, ధైర్యం, నాపై చెరగని ముద్ర వేశాయి. సినీ పరిశ్రమకు కూడా ఆయన ఎప్పుడూ అండగా నిలిచారు. జర్నలిజం, వినోద రంగంలో అసమానమైన ప్రమాణాలను నెలకొల్పి గొప్ప సామ్రాజ్యాన్ని నిర్మించారు. ఎంతో మందికి స్ఫూర్తి. ఆయన కుటుంబానికి నా హృదయపూర్వక సానుభూతి తెలియచేస్తున్నా’’ - మంచు విష్ణు

08/06/2024 09:35(IST)

రామోజీరావు నిజమైన దార్శనికుడు: సినీ నటుడు వెంకటేశ్‌

రామోజీరావు గారు నిజమైన దార్శనికుడు, భారతీయ మీడియాలో ఆయన విప్లవాత్మక కృషి చేశారు. జర్నలిజం, సినీ రంగంలో ఆయన చేసిన కృషి ఎంతోమందికి స్ఫూర్తి. ఆయన ఆత్మకు శాంతి కలగాలి - సినీ నటుడు వెంకటేశ్‌

08/06/2024 09:34(IST)

రామోజీ మరణం దిగ్భ్రాంతికి గురిచేసింది: జగన్‌

‘‘రామోజీరావుగారి మరణం దిగ్భ్రాంతికి గురిచేసింది. తెలుగు పత్రికారంగానికి దశాబ్దాలుగా ఆయన ఎనలేని సేవలందించారు. ఆయన ఆత్మకు శాంతి చేకూరాలని భగవంతుడ్ని ప్రార్థిస్తున్నా. ఆయన కుటుంబానికి నా ప్రగాఢ సానుభూతి తెలియజేస్తున్నా’’ - వైఎస్‌ జగన్‌

08/06/2024 09:32(IST)

నా గాడ్‌ఫాదర్ మృతి పరిశ్రమకు తీరని నష్టం: నరేశ్‌

‘‘రామోజీ రావు గారు మరణించారనే హృదయ విదారక వార్త విని బాధపడ్డా. ఆయన నా సినీ కెరీర్‌కు పునాది వేశారు. నా గాడ్‌ ఫాదర్‌, నా స్ఫూర్తి. తెలుగు చిత్రపరిశ్రమను గొప్ప స్థాయికి తీసుకెళ్లిన మహోన్నత వ్యక్తి. ఆయన మృతి పరిశ్రమకు తీరని నష్టం. ఆయన కుటుంబానికి సానుభూతి తెలియచేస్తున్నా’’ - సినీ నటుడు నరేశ్‌

08/06/2024 09:29(IST)

రామోజీ రావు ఆకస్మిక మరణం తీరని లోటు: నందమూరి రామకృష్ణ

రామోజీ మరణం పట్ల నందమూరి రామకృష్ణ దిగ్భ్రాంతి.
ఆయన ఒక రైతు కుటుంబంలో జన్మించి కష్టపడి చదువుకున్నారు.
అన్ని రంగాల్లో వారి సేవలందించారు. చాలామందికి ఉద్యోగాలు కల్పించి అందరిని ఆదుకున్నారు.
ఆయన ఆత్మకు శాంతి చేకూరాలని ప్రార్థిస్తున్నా. ఆయన కుటుంబ సభ్యులకు ప్రగాఢ సానుభూతి తెలుపుతున్నా

08/06/2024 09:24(IST)

రామోజీగారికి భారతరత్న ఇవ్వడమే ఘనమైన నివాళి: రాజమౌళి

రామోజీరావు మృతిపట్ల దర్శకుడు రాజమౌళి సంతాపం
తన కృషితో లక్షలాది మందికి ఉపాధి కల్పించిన గొప్ప వ్యక్తి రామోజీరావు.
50 సంవత్సరాల నుంచి ఎంతోమందికి జీవనోపాధి కల్పిస్తున్నారు.
‘భారతరత్న’తో ఆయనను సత్కరించడమే మనమిచ్చే ఘనమైన నివాళి

08/06/2024 09:21(IST)

పాత్రికేయ రంగంలో విప్లవాత్మక మార్పులు తెచ్చారు: ఖర్గే

‘‘ప్రముఖ సినీ నిర్మాత, మీడియా సంస్థల అధినేత, విద్యావేత్త రామోజీరావు మరణం విచారకరం. మీడియా రంగంలో విప్లవాత్మక మార్పులు తీసుకొచ్చిన దూరదృష్టి గల వ్యక్తి ఆయన. సినిమా, పాత్రికేయ రంగానికి విశేష కృషి చేశారు. ఆయన కుటుంబానికి ప్రగాఢ సానుభూతి తెలియజేస్తున్నా’’ - కాంగ్రెస్‌ అధ్యక్షుడు మల్లికార్జున్‌ ఖర్గే

08/06/2024 09:15(IST)

పాత్రికేయ రంగంలో రామోజీరావు చెరగని ముద్ర: దత్తాత్రేయ

రామోజీరావు మృతిపట్ల హరియాణా గవర్నర్‌ బండారు దత్తాత్రేయ సంతాపం
పాత్రికేయ రంగంలో చెరగని ముద్ర వేశారు
పత్రికా స్వేచ్ఛను కాపాడటానికి విశేష కృషి చేశారు
పత్రికా రంగంలో నూతన ఒరవడి సృష్టించారు
తెలుగు భాషకు ఆయన చేసిన సేవలు మరువలేనివి
ఆయన ఆత్మకు శాంతిని చేకూర్చాలని, ఈ బాధాకర సమయంలో వారి కుటుంబసభ్యులకు మనోధైర్యాన్ని ప్రసాదించాలని భగవంతుడిని ప్రార్థిస్తున్నా

08/06/2024 09:09(IST)

రామోజీరావు మృతి తీరని లోటు: భారాస నేత హరీశ్‌రావు

సాధారణ వ్యక్తిగా ప్రారంభమైన ఆయన జీవితం అందరికీ ఆదర్శం.
నిరంతర శ్రమ, నిత్యం కొత్తదనం కోసం తపన, చెదరని ఆత్మస్థైర్యం, నిబద్ధత, క్రమశిక్షణ కలగలిసిన గొప్ప వ్యక్తి
తెలుగు వాడి సత్తాను యావత్ ప్రపంచానికి చాటి చెప్పిన రామోజీరావు చిరస్మరణీయులు.
పత్రిక, టీవీ, సినిమా తదితర రంగాల్లో రామోజీరావు సాధించిన విజయాలు ఆయనకు మాత్రమే కాకుండా యావత్ తెలుగు జాతికి గర్వకారణం
రామోజీరావు గారి కుటుంబానికి, శ్రేయోభిలాషులకు, రామోజీ సంస్థల ఉద్యోగులకు నా ప్రగాఢ సంతాపం.

08/06/2024 09:07(IST)

ఆయన సేవలు సువర్ణాక్షరాలతో లిఖించబడతాయి: కల్యాణ్‌రామ్‌

‘‘రామోజీరావు భారతీయ మీడియా, చలనచిత్ర పరిశ్రమకు చేసిన సేవలు చరిత్రపుటల్లో సువర్ణాక్షరాలతో లిఖించబడతాయి. ఆయన ఆత్మకు శాంతి చేకూరాలని ప్రార్థిస్తున్నా. ఆయన కుటుంబసభ్యులకు నా ప్రగాఢ సానుభూతి’’ - సినీ నటుడు నందమూరి కల్యాణ్‌రామ్‌

08/06/2024 09:01(IST)

నమ్మకానికి మరో పేరు రామోజీ: డిప్యూటీ సీఎం భట్టి విక్రమార్క

మారుమూల ప్రాంతంలో జన్మించిన రామోజీరావు విలక్షణమైన, సృజనాత్మకతతో కూడిన వ్యక్తిత్వం ఆయన సొంతం
తెలుగు నాట అనేక సంచలనాలకు ఆయన మూల స్తంభం.
మీడియా మహా సామ్రాజ్యాన్ని సృష్టించారు. వ్యాపార రంగంలో నమ్మకానికి మరో పేరు.
అద్భుతమైన ఫిలింసిటీని నిర్మించి సినీ రంగాల్లో చెరగని ముద్ర వేశారు.
పనిలోనే తనకు విశ్రాంతి అనే ప్రాథమిక సూత్రం పైనే ఆయన చివరి శ్వాస వరకు పనిచేశారు: తెలంగాణ డిప్యూటీ సీఎం భట్టి విక్రమార్క

08/06/2024 08:56(IST)

అక్షరానికి సామాజిక బాధ్యత ఉందని నిరూపించారు: పవన్‌ కల్యాణ్‌

అక్షరయోధుడు రామోజీరావు తుదిశ్వాస విడిచారని తెలిసి తీవ్ర దిగ్భ్రాంతికి లోనయ్యాను: పవన్‌ కల్యాణ్‌
ఆయన ఆత్మకు శాంతి కలగాలని భగవంతుడిని ప్రార్థిస్తున్నా
ఆయన స్థాపించిన ఈనాడు పత్రిక భారతీయ పత్రికా రంగంలో పెను సంచలనమే
అక్షరానికి సామాజిక బాధ్యత ఉందని నిరూపించారు
ప్రజా పక్షం వహిస్తూ వాస్తవాలను వెల్లడిస్తూ, జన చైతన్యాన్ని కలిగించారు
ప్రజా ఉద్యమాలకు వెన్నుదన్నుగా నిలిచారు: పవన్‌ కల్యాణ్‌
రామోజీ ఫిల్మ్ సిటీ నిర్మాణంతో భారతీయ చిత్ర పరిశ్రమకు హైదరాబాద్ను వేదికగా చేశారు
ఆయన కుటుంబానికి నా తరఫున, జనసేన పక్షాన ప్రగాఢ సానుభూతి తెలియజేస్తున్నాను

08/06/2024 08:47(IST)

రామోజీరావు మరణం మీడియా, సినీ రంగానికి తీరని లోటు: రాజ్‌నాథ్‌సింగ్‌

రామోజీరావు అస్తమయంపై భాజపా అగ్రనేత రాజ్‌నాథ్‌సింగ్‌ సంతాపం
మీడియా, చలనచిత్రాల రంగాల్లో తనదైన ముద్ర వేశారు: రాజ్‌నాథ్‌సింగ్‌
ఆయన మరణం మీడియా, సినీ రంగానికి తీరని లోటు
రామోజీరావు కుటుంబానికి నా ప్రగాఢ సానుభూతి.

08/06/2024 08:42(IST)

అధికారిక లాంఛనాలతో రామోజీ అంత్యక్రియలు: తెలంగాణ ప్రభుత్వం

రామోజీరావు అంత్యక్రియలను అధికారిక లాంఛనాలతో నిర్వహించాలని తెలంగాణ రాష్ట్ర ప్రభుత్వం నిర్ణయం.
సీడబ్ల్యూసీ సమావేశాల కోసం దిల్లీ వెళ్లిన ముఖ్యమంత్రి రేవంత్ రెడ్డి అక్కడ నుంచి రాష్ట్ర ప్రభుత్వ ప్రధాన కార్యదర్శికి ఆదేశాలు.
అంత్యక్రియలకు సంబంధించిన ఏర్పాట్లు పర్యవేక్షించాల్సిందిగా రంగారెడ్డి కలెక్టర్, సైబరాబాద్ కమిషనర్‌కు సీఎస్ ద్వారా ఆదేశాలు.

08/06/2024 08:35(IST)

రామోజీరావు లేరన్న వార్త తెలుగు జాతిని శోకసంద్రంలో ముంచింది: పురందేశ్వరి

రామోజీరావు లేరనే వార్త ప్రతి ఒక్కరిని కంటతడి పెట్టిస్తోంది
పాత్రికేయ రంగంపై రామోజీరావు చెరగని ముద్ర వేశారు
సినీరంగంలో కూడా ఎంతోమంది సామాన్య కళాకారులను పరిచయం చేసిన మహోన్నత వ్యక్తి రామోజీరావు
తెలుగు భాషకు ఆయన చేసిన సేవలు మరువలేనివి

08/06/2024 08:26(IST)

రామోజీరావు మరణం తీవ్ర దిగ్భ్రాంతి కలిగించింది: ప్రధాని మోదీ

మీడియాలో రామోజీరావు సరికొత్త ప్రమాణాలను నెలకొల్పారు
రామోజీరావు నుంచి ఎన్నో విషయాలు నేర్చుకున్నా
పాత్రికేయ, సినీరంగంపై ఆయన చెరగని ముద్ర వేశారు
మీడియాను విప్లవాత్మకంగా మార్చిన దార్శనికుడు
ఆయన ఎప్పుడూ దేశాభివృద్ధి కోసమే ఆలోచించేవారు
రామోజీరావుతో మాట్లాడే అవకాశం నాకు ఎన్నోసార్లు దక్కింది
రామోజీరావు కుటుంబానికి నా ప్రగాఢ సానుభూతి

08/06/2024 08:21(IST)

రామోజీరావు లేని లోటు పూడ్చలేనిది: జూపల్లి కృష్ణారావు

ఈనాడు గ్రూప్ సంస్థల ఛైర్మన్ రామోజీరావు మరణంపై మంత్రి జూపల్లి కృష్ణారావు సంతాపం
ఆయన ఆత్మకు శాంతి కలగాలని భగవంతుడిని ప్రార్థిస్తున్నా
రామోజీరావు కుటుంబ సభ్యులకు నా ప్రగాఢ సానుభూతి
ఆయన జీవితం మొత్తం విలువలు, నిబద్ధత, క్రమశిక్షణ, అత్యున్నత నాణ్యతా ప్రమాణాలు, నైతిక విలువలు పాటిస్తూ అందరికీ ఆదర్శంగా నిలిచారు
తెలుగు పత్రిక, టెలివిజన్ రంగంలో కొత్త ఒరవడిని సృష్టించిన సృజనాత్మక రూపశిల్పి రామోజీరావు
ఆయన లేని లోటు పూడ్చలేనిది: జూపల్లి

08/06/2024 08:18(IST)

రామోజీరావు మృతి తెలుగు సమాజానికి తీరని లోటు : నారా లోకేశ్

ప్రజా పక్షపాతి, అలుపెరుగని అక్షర యోధుడికి కన్నీటి నివాళులు
జనహితమే తన అభిమతంగా జీవితాంతం నిబద్ధతతో పని చేసిన వ్యక్తి రామోజీరావు
ప్రజాస్వామ్య పరిరక్షణకు రామోజీరావు ఉద్యమస్ఫూర్తితో పని చేశారు

08/06/2024 08:13(IST)

రామోజీరావు లేని లోటు ఎప్పటికీ పూడ్చలేనిది: సీఎం రేవంత్ రెడ్డి

తెలుగు జర్నలిజానికి విశ్వసనీయత, తెలుగు పారిశ్రామిక రంగానికి రామోజీరావు విలువలు జోడించారు : రేవంత్
తెలుగు పత్రిక, మీడియా రంగానికి రామోజీరావు లేని లోటు ఎప్పటికీ పూడ్చలేనిది
ఆయన ఆత్మకు శాంతి చేకూరాలని భగవంతుణ్ని ప్రార్థిస్తూ.. కుటుంబ సభ్యులకు నా ప్రగాఢ సానుభూతి

08/06/2024 08:09(IST)

రామోజీరావు మరణ వార్త చాలా విషాదకరం: తెదేపా నేత రావుల చంద్రశేఖర్ రెడ్డి

రామోజీరావు అంటే తెలుగు రాష్ట్రాల్లో తెలియని వారెవరూ ఉండరు
ఆయన క్రమశిక్షణ, సమయపాలన, జ్ఞానం అమోఘం
సామాన్యుడిగా జీవితం ప్రారంభించి అంచలంచెలుగా ఎదిగి ఎంతోమందికి ఆదర్శంగా నిలిచారు
రామోజీరావు మరణ వార్త చాలా విషాదకరం
ఆయన ఆత్మకు శాంతి కలగాలి
రామోజీరావు కుటుంబ సభ్యులకు మనోధైర్యం కలిగించాలని ఆ దేవుని ప్రార్థిస్తున్నాను

08/06/2024 08:08(IST)

రామోజీరావు మరణం తీవ్ర విషాదానికి గురిచేసింది: కిషన్‌రెడ్డి

రామోజీరావు అస్తమయంపై భాజపా తెలంగాణ రాష్ట్ర అధ్యక్షుడు కిషన్‌రెడ్డి సంతాపం
మీడియా రంగానికి రామోజీరావు చేసిన సేవలు అమూల్యం: కిషన్‌రెడ్డి
ఆయన మరణం తీవ్ర విషాదానికి గురి చేసింది
రామోజీరావు కుటుంబానికి నా ప్రగాఢ సానుభూతి

08/06/2024 07:58(IST)

రామోజీరావు తెలుగు వెలుగు.. ఆయన మృతి తీరని లోటు: చంద్రబాబు

సామాన్య కుటుంబంలో జన్మించి అసామాన్య విజయాలు సాధించిన రామోజీరావు
ఆయన మరణం తీవ్ర ఆవేదనకు గురి చేసింది: చంద్రబాబు
కొద్ది రోజులుగా అనారోగ్యంతో ఉన్న ఆయన తిరిగి కోలుకుంటారని భావించా
కానీ ఇలాంటి వార్త వినాల్సి వస్తుందని అనుకోలేదు.
తెలుగు వారి జీవితాల్లో అత్యంత ప్రభావవంతమైన ముద్ర వేసిన వ్యక్తి రామోజీరావు
ఆయన తెలుగు ప్రజల ఆస్తి, రామోజీరావు మరణం రాష్ట్రానికే కాదు దేశానికి కూడా తీరని లోటు
మరికాసేపట్లో దిల్లీ నుంచి హైదరాబాద్ రానున్న చంద్రబాబు
రామోజీరావు పార్థివ దేహానికి నివాళులు అర్పించనున్న చంద్రబాబు

08/06/2024 07:52(IST)

రామోజీరావు లాంటి దార్శనికులు నూటికో కోటికో ఒకరు: ఎన్టీఆర్‌

మీడియా సామ్రాజ్యాధినేత, భారతీయ సినిమా దిగ్గజం అయినటువంటి ఆయన లేని లోటు ఎప్పటికీ పూడ్చలేనిది
ఆయన మన మధ్యన ఇక లేరు అనే వార్త చాలా బాధాకరం.
‘నిన్ను చూడాలని’ చిత్రంతో నన్ను తెలుగు సినీపరిశ్రమకి పరిచయం చేసినప్పటి జ్ఞాపకాలు ఎప్పటికి మరువలేను
ఆ మహనీయుడి ఆత్మకు శాంతి చేకూరాలని కోరుకుంటూ, వారి కుటుంబ సభ్యులకు నా ప్రగాఢ సానుభూతి

08/06/2024 07:47(IST)

రామోజీరావు మరణం తెలుగు రాష్ట్రాలకు తీరని లోటు: మంత్రి పొన్నం ప్రభాకర్

ఈనాడు గ్రూపు సంస్థల ఛైర్మన్‌ రామోజీరావు మృతి పట్ల రవాణా, బీసీ సంక్షేమ శాఖ మంత్రి పొన్నం ప్రభాకర్ సంతాపం
ఆయన మరణం తెలుగు రాష్ట్రాలకు తీరని లోటు
అతి సామాన్య కుటుంబంలో జన్మించి పత్రిక, మీడియా, టెలివిజన్ రంగంలో అత్యున్నత స్థాయికి ఎదిగి తెలుగు జాతికి రామోజీరావు గర్వకారణంగా నిలిచారు
రామోజీరావు జీవితం అత్యంత నిబద్ధత, క్రమశిక్షణ, పట్టుదలతో బతికిన వ్యక్తి అని, ఏ పని అయినా విజయతీరాలకు చేర్చడమే లక్ష్యంగా పనిచేసేవారు
తెలుగువారి సత్తా యావత్ ప్రపంచానికి చాటి చెప్పిన మహావ్యక్తి రామోజీరావు
ఆయన కుటుంబానికి, రామోజీ సంస్థల సిబ్బందికి నా ప్రగాఢ సానుభూతి

08/06/2024 07:46(IST)

రామోజీరావు వ్యక్తిగా మొదలై వ్యవస్థగా ఎదిగారు: వెంకయ్య నాయుడు

రామోజీరావు అస్తమయంపై వెంకయ్యనాయుడు సంతాపం
ఆయన ఆత్మకు శాంతి కలగాలని ప్రార్థించిన వెంకయ్యనాయుడు
రామోజీరావు కుటుంబ సభ్యులకు ప్రగాఢ సానుభూతి: వెంకయ్యనాయుడు
రామోజీరావు అంటే క్రమశిక్షణ, సమయపాలన, నిబద్ధత
అడుగుపెట్టిన ప్రతి రంగంలో సరికొత్త ఒరవడి సృష్టించారు
తెలుగు భాష-సంస్కృతులకు ఆయన చేసిన సేవలు చిరస్మరణీయం
రామోజీ ఫిల్మ్‌సిటీ ద్వారా ప్రపంచానికి తెలుగు ఘనత చాటారు
వ్యక్తిగా మొదలై వ్యవస్థగా ఎదిగారు: వెంకయ్య నాయుడు

08/06/2024 07:37(IST)

రామోజీరావుది తెలుగువారి హృదయాల్లో చెరగని ముద్ర

మీడియా మహాసామ్రాజ్యాన్ని నిర్మించిన రామోజీరావు.. చైతన్యదీప్తుల్లాంటి చిత్రరాజాలను సృజించారు
అద్భుత ఫిల్మ్‌సిటీని సృష్టించారు
తెలుగువారి హృదయాల్లో చెరగని ముద్ర వేశారు
ఆఖరు క్షణం వరకు ప్రజా శ్రేయస్సు కోసమే పరితపించారు
పనిలోనే విశ్రాంతి అనేది ఆయన ప్రాథమిక సూత్రం
చివరి క్షణం వరకు పనిలోనే విశ్రాంతి సిద్ధాంతాన్ని పాటించిన మహనీయుడు

08/06/2024 07:31(IST)

బహుముఖ ప్రజ్ఞ.. కఠోర సాధన.. ఇవే రామోజీ అస్త్రాలు

1936 నవంబర్‌ 16న కృష్ణా జిల్లా పెదపారుపూడిలో రామోజీరావు జన్మించారు
ఈనాడు దినపత్రికను ప్రారంభించి తెలుగునాట సంచలనం సృష్టించారు
1974 ఆగస్టు 10న విశాఖ సాగర తీరంలో ‘ఈనాడు’ను ప్రారంభించారు
ప్రారంభించిన నాలుగేళ్లలోనే పాఠకుల మానసపుత్రికగా ఈనాడు మారింది
ఈనాడుతో పాటు కీలక మైలురాయిగా సితార సినీ పత్రిక నిలిచింది
బహుముఖ ప్రజ్ఞ.. కఠోర సాధన.. ఇవే రామోజీ అస్త్రాలు. నలుగురు నడిచిన బాట కాదు.

08/06/2024 07:26(IST)

రామోజీరావు అస్తమయం

ఈనాడు గ్రూప్‌ సంస్థల ఛైర్మన్‌ రామోజీరావు కన్నుమూత
ఈ నెల 5న ఆయనకు శ్వాస తీసుకోవడంలో ఇబ్బందులు ఎదురవడంతో హైదరాబాద్‌లోని ఓ ఆసుపత్రిలో చేర్చారు.
అక్కడ చికిత్స పొందుతూ ఆయన శనివారం తెల్లవారుజామున 4.50 గంటలకు తుదిశ్వాస విడిచారు.
ఫిల్మ్‌సిటీలోని నివాసానికి ఆయన పార్థివదేహాన్ని తరలించనున్నారు.

రామోజీరావు అస్తమయం

తాజా వార్తలు (Latest News)

గత ఐదేళ్లలో విదేశాల్లో 633 మంది భారత విద్యార్థులు మృతి

కిషన్‌రెడ్డి హైదరాబాద్‌కు రూపాయి తీసుకు రాలేదు: మంత్రి పొన్నం

‘యానిమల్‌ పార్క్‌’.. ఆ విషయం నేను చెప్పలేను: త్రిప్తి దిమ్రీ

పారిస్‌ ఒలింపిక్స్‌లో హిందీకి అరుదైన గౌరవం

ఆగస్టు 23న.. ఉక్రెయిన్‌ పర్యటనకు ప్రధాని మోదీ..!

భద్రాచలం వద్ద మళ్లీ పెరుగుతున్న గోదావరి నీటి మట్టం

సుఖీభవ

చదువు