Breaking | Feedback | ePratibha | E-PAPER | Pratibha

నేటి తాజా వార్తలు@ఈనాడు.నెట్‌

Updated : 12 Feb 2024 17:03 IST

12/02/2024 22:27(IST)

వివాహితపై కానిస్టేబుల్ లైంగిక వేధింపులు

పల్నాడు జిల్లా: దాచెపల్లికి చెందిన వివాహితపై కానిస్టేబుల్ లైంగిక వేధింపులు
తనను కానిస్టేబుల్ వేధించారని బాధితురాలి ఆరోపణ
తన భర్తను స్టేషన్‌లో పెట్టి తనపై లైంగిక దాడి చేశారన్న బాధితురాలు
ఎస్పీ కార్యాలయంలో ఫిర్యాదు చేసినా చర్యలు తీసుకోలేదన్న బాధితురాలు

12/02/2024 21:30(IST)

స్థిరాస్తి సంస్థ యజమానిని అరెస్టు చేసిన హైదరాబాద్ సీసీఎస్ పోలీసులు

హైదరాబాద్‌: భువన తేజ స్థిరాస్తి సంస్థ యజమానిని అరెస్టు చేసిన హైదరాబాద్ సీసీఎస్ పోలీసులు
ఫ్రీ లాంచ్ పేరుతో మోసాలకు పాల్పడుతున్న సుబ్రహ్మణ్యంను అరెస్టు చేసిన పోలీసులు
ఫ్రీ లాంచ్ ఆఫర్ పేరుతో రూ.2.29 కోట్లు నగదును వసూళ్లు చేసి కాజేసిన్నట్లు గుర్తింపు
దాదాపు 400 మంది భాధితులు ఉన్నారని తేల్చిన పోలీసులు

12/02/2024 21:08(IST)

నరసారావుపేట మండలం కేసానుపల్లి సచివాలయ సిబ్బంది నిర్వాకం

నరసారావుపేట మండలం కేసానుపల్లి సచివాలయ సిబ్బంది నిర్వాకం
పారిశ్రామికవేత్త వెంకట్రావు భూమిని వైకాపా నేతలకు కట్టబెట్టే యత్నం
కేసానుపల్లిలో స్తంభాల తయారీ యూనిట్‌ నిర్వహిస్తున్న వెంకట్రావు

12/02/2024 20:46(IST)

పోలీసు నియామకాలపై హైపవర్‌ కమిటీతో సీఎం రేవంత్‌రెడ్డి భేటి

హైదరాబాద్‌: పోలీసు నియామకాలపై హైపవర్‌ కమిటీతో సీఎం రేవంత్‌రెడ్డి భేటి
పోలీసు నియామకాల్లో జీవో నం.46 రద్దు సాధ్యసాధ్యాలపై చర్చ
త్వరలో పలు ఉద్యోగ నియామకపత్రాల జారీ దృష్ట్యా చర్చ

12/02/2024 20:39(IST)

12 మంది ఐపీఎస్‌ల బదిలీ

హైదరాబాద్‌: 12 మంది ఐపీఎస్‌ల బదిలీ
మల్టీజోన్‌-2 ఐజీగా రాచకొండ సీపీ సుధీర్‌బాబు బదిలీ
రాచకొండ సీపీగా తరుణ్‌ జోషి
రామగుండం కమిషనర్‌గా శ్రీనివాసులు
సైబరాబాద్‌ ట్రాఫిక్‌ సంయుక్త సీపీగా జోయల్‌ డేవిస్‌

12/02/2024 20:34(IST)

దోమలగూడ పోలీస్‌ స్టేషన్‌ పరిధిలో బాలిక అదృశ్యం

హైదరాబాద్‌: దోమలగూడ పోలీస్‌ స్టేషన్‌ పరిధిలో బాలిక అదృశ్యం
హిమాయత్‌నగర్‌లో ప్రైవేటు కళాశాలలో చదువుతున్న బాలిక
ఇంటికి రాకపోవడంతో పోలీసులకు ఫిర్యాదు చేసిన తల్లిదండ్రులు

12/02/2024 20:29(IST)

తిరుమలలో ఈనెల 24న పౌర్ణమి గరుడసేవ

తిరుమలలో ఈనెల 24న పౌర్ణమి గరుడసేవ
తిరుమల శ్రీవారి ఆలయంలో ఈనెల 24న పౌర్ణమి గరుడసేవ
రాత్రి 7 నుంచి 9 గంట‌ల నడుమ శ్రీమలయప్ప స్వామివారు సువర్ణకాంతులీనుతున్న గ‌రుడ వాహనంపై వీధులలో విహ‌రిస్తూ భక్తులకు దర్శనమిస్తారు

12/02/2024 20:15(IST)

ఇద్దరు జిల్లా కార్మికశాఖ కమిషనర్లు బదిలీ

హైదరాబాద్‌: ఇద్దరు జిల్లా కార్మికశాఖ కమిషనర్లు బదిలీ
హైదరాబాద్‌-2 జిల్లా కార్మిక కమిషన్‌ర్‌గా శ్యాంసుందర్‌ జాజు
నల్గొండ జిల్లా కార్మిక కమిషనర్‌గా ఎం. రాజేంద్రప్రసాద్‌
ప్రణాళిక శాఖలో ఏడుగురు చీఫ్‌ ప్లానింగ్‌ అధికారుల బదిలీ

12/02/2024 20:07(IST)

అమీన్‌పూర్‌ పరిధిలో పీజీ విద్యార్థిని మృతి

సంగారెడ్డి: అమీన్‌పూర్‌ పరిధిలో పీజీ విద్యార్థిని మృతి
ఉదయం ఓఆర్‌ఆర్‌పై కారులో అపస్మారకస్థితిలో పీజీ విద్యార్థిని
విద్యార్థినిని గమనించి ఆస్పత్రిలో చేర్పించిన పోలీసులు
సంగారెడ్డి బాచుపల్లి మమతా ఆస్పత్రిలో పనిచేస్తున్నట్లు గుర్తింపు
ఆస్పత్రిలో చికిత్స పొందుతూ సాయంత్రం మృతిచెందిన విద్యార్థిని

12/02/2024 19:52(IST)

మాదాపూర్‌ సీసీఆర్టీలో ఘంటసాల కళా మండపానికి శంకుస్థాపన

హైదరాబాద్‌: మాదాపూర్‌ సీసీఆర్టీలో ఘంటసాల కళా మండపానికి శంకుస్థాపన
ఘంటసాల కళా మండపానికి శంకుస్థాపన చేసిన కేంద్రమంత్రి కిషన్‌రెడ్డి
శిల్ప కళా వేదికలో దక్షిణ భారత సాంస్కృతిక కేంద్రం ప్రారంభోత్సవం
సాంస్కృతిక కేంద్రాన్ని ప్రారంభించిన వెంకయ్యనాయుడు, కిషన్‌రెడ్డి
కార్యక్రమంలో పద్మ అవార్డులకు ఎంపికైన వారికి సన్మానం
ఘంటసాల వల్లే భగవద్గీత ప్రతి ఇంటికి చేరింది: వెంకయ్యనాయుడు
ఘంటసాల పాటలతో తెలుగు సమాజం పరవశించిపోయింది
పిల్లల్లో ప్రతిభను గుర్తించి ప్రోత్సహించాలి
దక్షిణ భారత సాంస్కృతిక కేంద్రం హైదరాబాద్‌లో ఉండడం సంతోషం

12/02/2024 19:13(IST)

నీటిపారుదల శాఖ ఈఎన్‌సీ(జనరల్‌) మురళీధర్‌ రాజీనామా ఆమోదం

హైదరాబాద్‌: నీటిపారుదల శాఖ ఈఎన్‌సీ(జనరల్‌) మురళీధర్‌ రాజీనామా ఆమోదం
ఈఎన్‌సీ మురళీధర్‌ రాజీనామా ఆమోదిస్తూ ఉత్తర్వులు జారీ
ఈనెల 8 మధ్యాహ్నం నుంచి రాజీనామా ఆమోదించినట్లు ఉత్తర్వులు

12/02/2024 18:31(IST)

ఆమదాలవలసలో నారా లోకేశ్‌ శంఖారావం సభ

శ్రీకాకుళం: ఆమదాలవలసలో నారా లోకేశ్‌ శంఖారావం
తెదేపా నేత కూన రవికుమార్‌ నేతృత్వంలో శంఖారావ సభ
బహిరంగ సభలో పాల్గొన్న నారా లోకేశ్‌, ఎంపీ రామ్మోహన్‌
శంఖారావ సభకు భారీగా తరలివచ్చిన తెదేపా కార్యకర్తలు

12/02/2024 18:13(IST)

కృష్ణా నదిలో పదోతరగతి విద్యార్థి మృతదేహం గుర్తింపు

పల్నాడు జిల్లా: కృష్ణా నదిలో పదోతరగతి విద్యార్థి మృతదేహం గుర్తింపు
అచ్చంపేట మండలం చామర్రు వద్ద రీచ్‌లో మృతదేహం గుర్తింపు
మృతుడు అచ్చంపేటకు చెందిన పదో తరగతి విద్యార్థి గణేశ్‌గా గుర్తింపు

12/02/2024 17:50(IST)

దిల్లీ మద్యం కేసులో మనీశ్‌ సిసోదియాకు మధ్యంతర బెయిల్‌ మంజూరు

దిల్లీ: దిల్లీ మద్యం కేసులో మనీశ్‌ సిసోదియాకు మధ్యంతర బెయిల్‌ మంజూరు
బంధువుల వివాహానికి వెళ్లేందుకు 3 రోజుల మధ్యంతర బెయిల్‌ మంజూరు
సిసోదియాకు బెయిల్‌ మంజూరు చేసిన రౌస్‌ అవెన్యూ సీబీఐ ప్రత్యేక కోర్టు

12/02/2024 17:43(IST)

కాళేశ్వరం అవినీతి బయటపెట్టేందుకు మేడిగడ్డ వెళుతున్నాం..

తెలంగాణ రాష్ట్రం ప్రజలు నీళ్లు, నిధులు, నియమాకాల కోసం ఉద్యమం చేశారు: ఎమ్మెల్యే మల్ రెడ్డి రంగారెడ్డి
నీళ్ల మీద అసెంబ్లీలో ఈరోజు చర్చ పెట్టాం: మల్ రెడ్డి రంగారెడ్డి
నల్గొండలో కేసీఆర్ సభ పెట్టడం సిగ్గు చేటు: ఎమ్మెల్యే మదన్ మోహన్ రావు
హరీశ్‌రావు సభలో అబద్ధాలు మాట్లాడుతున్నారు: మదన్ మోహన్ రావు
ప్రజలకు అబద్ధాలు చెప్పేందుకు కేసీఆర్ నల్గొండ సభ ద్వారా సిద్ధమయ్యారు: ఎమ్మెల్యే రామచంద్ర నాయక్
కాళేశ్వరం అవినీతి బయటపెట్టేందుకు మేడిగడ్డ వెళుతున్నాం: రామచంద్ర నాయక్
రంగారెడ్డి జిల్లాలో కాలవ పనులు కూడా ప్రారంభం కాలేదు: ఎమ్మెల్యే రామ్మోహన్ రెడ్డి
బీఆర్ఎస్ పార్టీ రంగారెడ్డి జిల్లాను చిన్నచూపు చూసింది: ఎమ్మెల్యే రామ్మోహన్ రెడ్డి
మంగళవారం మేడిగడ్డకు అందరం వెళుతున్నాం. ప్రతిపక్ష నేతలను కూడా పిలిచాం: ఎమ్మెల్యే ఆది శ్రీనివాస్
కాళేశ్వరం ప్రాజెక్టును రాష్ట్రానికి గుదిబండగా మార్చారు. లక్ష కోట్లు దోచుకున్నారు: ఆది శ్రీనివాస్

12/02/2024 17:31(IST)

తిరుపతి నూతన ఎస్పీగా బాధ్యతలు చేపట్టిన మల్లికా గార్గ్‌

తిరుపతి నూతన ఎస్పీగా బాధ్యతలు చేపట్టిన మల్లికా గార్గ్‌
ఎస్పీ కార్యాలయంలో గౌరవ వందనం స్వీకరించిన మల్లికా గార్గ్‌
బదిలీపై ఒంగోలు వెళ్లిన పూర్వ ఎస్పీ పరమేశ్వరరెడ్డి

12/02/2024 17:25(IST)

వ్యవసాయ మోటార్లకు మీటర్ల బిగింపును అడ్డుకున్న రైతులు

సత్యసాయి జిల్లా: వ్యవసాయ మోటార్లకు మీటర్ల బిగింపును అడ్డుకున్న రైతులు
మడకశిర మండలం కల్లుమరి పరిధిలో ఘటన
మోటార్లకు మీటర్లు బిగిస్తే ఆత్మహత్యలు చేసుకుంటామన్న రైతులు
గొంతుకు ఉరి వేసుకుని సిబ్బందిని హెచ్చరించిన రైతులు
పంచాయతీ అనుమతి లేనిదే మీటర్లు బిగించరాదని సిబ్బందిని వెనక్కి పంపిన స్థానికులు

12/02/2024 17:20(IST)

ఆకివీడులో వ్యాను బీభత్సం.. రేషన్‌ డీలర్‌కు తీవ్రగాయాలు

పశ్చిమ గోదావరి: ఆకివీడులో వ్యాను బీభత్సం
అతి వేగంతో అదుపు తప్పి వాహనాల పైకి దూసుకెళ్లిన వ్యాను
ప్రమాదంలో ధర్మాపురం అగ్రహారం రేషన్‌ డీలర్‌ జీవరత్నంకు తీవ్రగాయాలు
ఘటనలో మూడు ద్విచక్రవాహనాలు, రెండు కార్లు, ఆటో ధ్వంసం

12/02/2024 17:15(IST)

అసెంబ్లీ, ఎంపీ అభ్యర్థుల ఎంపికపై సీఎం జగన్‌ కసరత్తు

అసెంబ్లీ, ఎంపీ అభ్యర్థుల ఎంపికపై సీఎం జగన్‌ కసరత్తు
సీఎంవో నుంచి పలువురు ఎమ్మెల్యేలు, నేతలకు పిలుపు
సీఎం క్యాంపు కార్యాలయానికి వచ్చిన పలువురు నేతలు
సీఎం జగన్‌ను కలిసిన గన్నవరం ఎమ్మెల్యే వల్లభనేని వంశీ
సీఎం జగన్‌ను కలిసిన గుడివాడ ఎమ్మెల్యే కొడాలి నాని
సీఎం జగన్‌ను కలిసిన కర్నూలు మాజీ ఎమ్మెల్యే మోహన్‌రెడ్డి, కనిగిరి ఎమ్మెల్యే మధుసూదన్‌ యాదవ్‌

12/02/2024 17:05(IST)

కాంగ్రెస్‌లోకి వస్తే హరీశ్‌రావుకు దేవాదాయ శాఖ ఇస్తాం: రాజగోపాల్‌ రెడ్డి

కాంగ్రెస్‌ పార్టీలో చీలిక తీసుకురావాలని చూస్తున్నారు: కోమటిరెడ్డి రాజగోపాల్‌రెడ్డి
భారాసలో ఉన్నా హరీశ్‌రావుకు ప్రయోజనం లేదు
గతంలో కాంగ్రెస్‌కు ప్రతిపక్ష హోదా లేకుండా చేశారు
హరీశ్‌రావు వస్తే కాంగ్రెస్‌లోకి తీసుకుంటాం
హరీశ్‌రావు.. 25 మంది భారాస ఎమ్మెల్యేలతో రావాలి
కాంగ్రెస్‌లోకి వస్తే హరీశ్‌రావుకు దేవాదాయ శాఖ ఇస్తాం
భారాసలో చేసిన పాపాలు కడుక్కోవడానికి దేవాదాయశాఖ: కోమటిరెడ్డి రాజగోపాల్‌రెడ్డి

12/02/2024 16:44(IST)

కాళేశ్వరం సందర్శనకు సభ్యులను ఆహ్వానిస్తున్నా: ఉత్తమ్‌ కుమార్‌ రెడ్డి

ఈ నెల 13న కాళేశ్వరం సందర్శనకు సభ్యులను ఆహ్వానిస్తున్నా: ఉత్తమ్‌ కుమార్‌ రెడ్డి
సందర్శనకు రావాలని అందరికీ లేఖలు పంపాను
వ్యక్తిగత ఆహ్వానంగా భావించి అందరూ రావాలి.

12/02/2024 16:32(IST)

గవర్నర్ కోటా ఎమ్మెల్సీల పిటిషన్‌పై విచారణ వాయిదా

హైదరాబాద్‌: గవర్నర్ కోటా ఎమ్మెల్సీల పిటిషన్‌పై తెలంగాణ హైకోర్టులో విచారణ
కోదండరాం, అమీర్‌ అలీఖాన్ తరఫు న్యాయవాదుల వాదనలు పూర్తి
విచారణను ఈ నెల 14కు వాయిదా వేసిన హైకోర్టు
14న వాదనలు వినిపించనున్న దాసోజు శ్రవణ్, సత్యనారాయణ తరఫు న్యాయవాదులు

12/02/2024 16:17(IST)

సాగునీటి ప్రాజెక్టులపై ప్రవేశపెట్టిన తీర్మానం ఆమోదం

హైదరాబాద్‌: సాగునీటి ప్రాజెక్టులపై మంత్రి ఉత్తమ్‌ కుమార్‌ రెడ్డి ప్రవేశపెట్టిన తీర్మానం ఆమోదం
ప్రాజెక్టులను కేఆర్‌ఎంబీకి అప్పగించవద్దని తీర్మానం పెట్టిన ఉత్తమ్‌ కుమార్‌ రెడ్డి
తీర్మానం ఆమోదం పొందినట్లు ప్రకటించిన స్పీకర్‌
రేపు ఉదయం 10 గంటలకు శాసనసభ వాయిదా

12/02/2024 16:08(IST)

తెలంగాణ ఎక్సైజ్ శాఖలో భారీగా అధికారుల బదిలీలు

తెలంగాణ ఎక్సైజ్ శాఖలో భారీగా అధికారుల బదిలీలు
పార్లమెంటు ఎన్నికల నేపథ్యంలో అధికారులను బదిలీ చేసిన ఎక్సైజ్ శాఖ
14 మంది ఎక్సైజ్ సూపరింటెండెంట్లను బదిలీ చేసిన ఎక్సైజ్ శాఖ
రాష్ట్రవ్యాప్తంగా 149 ఎక్సైజ్‌ సీఐల బదిలీలు
మల్టీజోన్‌ 1 లో 64 మంది ఎక్సైజ్‌ సీఐల బదిలీలు
మల్టీజోన్‌ 2 లో 85 మంది ఎక్సైజ్‌ సీఐల బదిలీలు
ఎన్నికల కమిషన్‌ మార్గదర్శకాల మేరకు బదిలీలు

12/02/2024 16:07(IST)

ఏపీలో ఉద్యోగ సంఘాల నేతలతో ప్రభుత్వం చర్చలు

ఏపీ సచివాలయంలో ఉద్యోగ సంఘాల నేతలతో ప్రభుత్వం చర్చలు
చర్చలకు హాజరైన జాయింట్‌ స్టాఫ్‌ కౌన్సిల్‌ ఉద్యోగ సంఘాలు
ఉద్యోగుల పెండింగ్‌ సమస్యలపై మంత్రుల బృందం భేటీ
రూ.6,700 కోట్ల మేర ఉద్యోగులకు బకాయి పడిన ప్రభుత్వం
నాలుగేళ్లుగా పెండింగ్‌ సమస్యల పరిష్కారానికి ఉద్యోగుల ఒత్తిడి
డీఏలు, సరెండర్‌ లీవ్‌లు, పదవీ విరమణ బకాయిలు చెల్లించాలని డిమాండ్‌

12/02/2024 15:58(IST)

కేసుల మాఫీ కోసం రాష్ట్ర ప్రయోజనాలు తాకట్టు పెట్టారు: నారా లోకేశ్‌

శ్రీకాకుళంలో నారా లోకేశ్‌ శంఖారావం సభ
జగన్‌ పని అయిపోయిందని ఆ పార్టీ నేతలే చెబుతున్నారు: నారా లోకేశ్‌
కేసుల మాఫీ కోసం రాష్ట్ర ప్రయోజనాలను తాకట్టు పెట్టారు
వైకాపా అధికారంలోకి వచ్చిన వారంలో సీపీఎస్‌ రద్దు చేస్తామన్నారు
ఐదేళ్లవుతున్నా ఇప్పటికీ సీపీఎస్‌ సమస్యే పరిష్కారం కాలేదు
సొంత కార్యకర్తతో జగన్‌ కోడికత్తితో దాడి చేయించుకున్నారు
కోడికత్తితో దాడి చేయించుకుని తెదేపాపై నెపం నెట్టాలని చూశారు
ప్రత్యేక హోదా గురించి ఏనాడైనా దిల్లీలో ప్రశ్నించారా?: నారా లోకేశ్‌
ఇసుక ద్వారా రోజుకు రూ.3 కోట్లు దోచుకుంటున్నారు
మూడు రాజధానుల పేరిట మూడు ముక్కలాట ఆడుతున్నారు

12/02/2024 15:44(IST)

తెదేపా-జనసేన ప్రభుత్వం వస్తేనే అభివృద్ధి సాధ్యం: ఎంపీ రామ్మోహన్‌

శ్రీకాకుళం: వైకాపా నాయకులకు నీళ్లు పారించడం తెలియదు: ఎంపీ రామ్మోహన్‌
వైకాపా హయాంలో రోడ్డు, నీళ్ల పథకాలు అధ్వానంగా ఉన్నాయి
తెదేపా-జనసేన ప్రభుత్వం వస్తేనే అభివృద్ధి సాధ్యం
స్థానికంగా ఉద్యోగ, ఉపాధి అవకాశాలు లేవు
వచ్చే మా ప్రభుత్వం ఇండస్ట్రియల్‌ పార్కు, సెజ్‌ ఏర్పాటుకు సహకరిస్తుంది
మనకు సమీపంలోనే భోగాపురం విమానాశ్రయం రాబోతోంది
వచ్చే ఎన్నికల్లో తెదేపా-జనసేన ప్రభుత్వం రాబోతోంది
గతంలో తెదేపా హయాంలో కార్పొరేషన్ల అభివృద్ధి జరిగింది: ఎంపీ రామ్మోహన్‌

12/02/2024 15:37(IST)

భారాస సర్కారు న్యాయమైన తెలంగాణ వాటా సాధించలేకపోయింది: జూపల్లి కృష్ణారావు

భారాస సర్కారు న్యాయమైన తెలంగాణ వాటా సాధించలేకపోయింది: జూపల్లి కృష్ణారావు
నదీ జలాల విషయంలో గత ప్రభుత్వం ఎందుకు మౌనంగా ఉంది?
గత ప్రభుత్వం నీటి సమస్యలు పరిష్కరించకుండా కేంద్రానికి ఎందుకు మద్దతు తెలిపింది?
ఖమ్మం జిల్లాలోని 7 మండలాలను ఏపీలో కలిపినప్పుడు ఎందుకు ప్రశ్నించలేదు
కేంద్రం వద్ద భారాస సర్కారు ఎందుకు మోకరిల్లింది?
పదేళ్లలో పాలమూరు-రంగారెడ్డి ప్రాజెక్టు ఎందుకు కట్టలేదు?
లక్ష కోట్లు ఖర్చు పెట్టి రెండు, మూడేళ్లలో కాళేశ్వరం పూర్తి చేశారు
రాయలసీమ ఎత్తిపోతలకు ఏ అనుమతులూ లేకున్నా నిర్మిస్తున్నారు
రాయలసీమ ఎత్తిపోతలను ఎందుకు అడ్డుకోలేకపోయారు?: జూపల్లి కృష్ణారావు
భారాస నేతలు తాము చేసిన తప్పులు ఒప్పుకోకుండా బుకాయిస్తున్నారు
సాగునీటి ప్రాజెక్టుల్లో వేల కోట్ల అవినీతి జరిగింది

12/02/2024 15:25(IST)

అనంతపురంలో రౌడీషీటర్‌ జిలానీ హత్య

అనంతపురంలో శ్రీనివాస ఐటీఐ కళాశాల వద్ద రౌడీషీటర్‌ జిలానీ హత్య
మద్యం మత్తులో డబ్బుల విషయంలో ముగ్గురు స్నేహితుల మధ్య ఘర్షణ
మాటామాటా పెరిగి జిలానీని రాయితో కొట్టిన ఇద్దరు స్నేహితులు
చెవి నుంచి తీవ్ర రక్తస్రావం కావడంతో అక్కడికక్కడే కుప్పకూలి జిలానీ మృతి

12/02/2024 15:21(IST)

విభజన చట్టంలో నిబంధనలు పెట్టినప్పుడే వ్యతిరేకించి ఉండాల్సింది: కూనంనేని సాంబశివరావు

పోతిరెడ్డిపాడు సామర్థ్యాన్ని వైఎస్‌ఆర్‌ హయాంలోనే పెంచారు: కూనంనేని సాంబశివరావు
రాజశేఖర్‌రెడ్డి హయాంలో పోతిరెడ్డిపాడు సామర్థ్యం పెంపుపై అప్పట్లో ఆందోళనలు జరిగాయి
వైఎస్‌ఆర్‌ అందరినీ ఒప్పించి పోతిరెడ్డిపాడు సామర్థ్యాన్ని 44 వేల క్యూసెక్కులకు పెంచారు
విభజన చట్టంలోనే ప్రాజెక్టుల అప్పగింతపై నిబంధనలు ఉన్నాయి
విభజన చట్టంలో నిబంధనలు పెట్టినప్పుడే వ్యతిరేకించి ఉండాల్సింది
ఏపీ సీఎం జగన్‌.. 44 వేల క్యూసెక్కుల నుంచి 94 వేల క్యూసెక్కులు ఎలా తీసుకున్నారు?
94 వేల క్యూసెక్కులు జగన్‌ తీసుకెళ్తుంటే గత ప్రభుత్వం ఎందుకు స్పందించలేదు?: కూనంనేని సాంబశివరావు

12/02/2024 15:16(IST)

కేసీఆర్‌ను మించి హరీశ్‌రావు అబద్ధాలు చెబుతున్నారు: రాజగోపాల్‌రెడ్డి

నల్గొండలో 11 స్థానాల్లో కాంగ్రెస్‌ అభ్యర్థులు గెలిచారు: కోమటిరెడ్డి రాజగోపాల్‌రెడ్డి
సూర్యాపేటలోనూ నైతికంగా కాంగ్రెస్‌దే విజయం
కేసీఆర్‌ను మించి హరీశ్‌రావు అబద్ధాలు చెబుతున్నారు
ప్రశ్నించే గొంతు లేకుండా చేయాలని మేం అనుకోవట్లేదు
మేం తలచుకుంటే.. మీలా చేయగలం.. కానీ చేయం
ప్రతిపక్షం లేకుండా చేయాలని మేం అనుకోవట్లేదు
భారాస ధ్వంసం చేసిన వ్యవస్థలను దారిలో పెడతాం
హరీశ్‌రావు కష్టించి పని చేస్తారు... కానీ ఏం లాభం?
హరీశ్‌రావు మంత్రి అయినా నిర్ణయాలన్నీ కేసీఆర్‌వే: రాజగోపాల్‌రెడ్డి
హరీశ్‌రావు.. కేసీఆర్‌, కేటీఆర్‌ మాటలు వినడం ఆపి మా మాటలు వినాలి

12/02/2024 15:09(IST)

అధికార పార్టీ నేతలకు పోలీసులు కొమ్ము కాస్తున్నారు: పరిటాల సునీత

శ్రీసత్యసాయి జిల్లా: కనగానపల్లిలో ‘జయహో బీసీ’లో పాల్గొన్న పరిటాల సునీత
బీసీ యువత, తెదేపా బీసీ కార్యకర్తలతో కలిసి ర్యాలీని ప్రారంభించిన సునీత
బీసీలను మానసికంగా దెబ్బతీయడానికి 26 వేల అక్రమ కేసులు పెట్టారు: సునీత
అధికార పార్టీ నేతలకు పోలీసులు కొమ్ము కాస్తున్నారు

12/02/2024 15:03(IST)

రెండు నదుల వివాదాలపై ఎంఐఎం ముందే హెచ్చరించింది: అక్బరుద్దీన్‌ ఒవైసీ

రెండు నదుల వివాదాలపై ఎంఐఎం ముందే హెచ్చరించింది: అక్బరుద్దీన్‌ ఒవైసీ
నదీ జలాల సమస్యల పరిష్కారం కోసం గత ప్రభుత్వానికి విజ్ఞప్తి చేశా
కృష్ణా జలాలను ఏపీ, తెలంగాణ మధ్య కనీసం 50:50 నిష్పత్తిలో పంచాలని ప్రభుత్వం కోరింది
కృష్ణా నది నుంచి ఎగువ రాష్ట్రాలు అధికంగా నీరు వాడుకుంటున్నాయి
కర్ణాటక, ఏపీ నిర్మించే ప్రాజెక్టులపై రాష్ట్ర ప్రభుత్వ నిర్ణయం చెప్పాలి: అక్బరుద్దీన్‌ ఒవైసీ

12/02/2024 14:51(IST)

తిరుపతిలో మంత్రి పెద్దిరెడ్డి రామచంద్రారెడ్డి ఇంటి ముట్టడికి కాంగ్రెస్‌ యత్నం

తిరుపతిలో మంత్రి పెద్దిరెడ్డి రామచంద్రారెడ్డి ఇంటి ముట్టడికి కాంగ్రెస్‌ యత్నం
మెగా డీఎస్సీ విడుదల చేయాలని యువజన కాంగ్రెస్‌ ఆధ్వర్యంలో నిరసన
తిరుపతి వెస్ట్‌ చర్చి రహదారి సమీపంలో అడ్డుకున్న పోలీసులు

12/02/2024 14:48(IST)

మడకశిర తహసీల్దార్‌ కార్యాలయం ఎదుట రైతుల నిరసన

మడకశిర: మడకశిర తహసీల్దార్‌ కార్యాలయం ఎదుట రైతుల నిరసన
సి.కొడిగేపల్లి సెజ్‌లో భూములు కోల్పోయిన రైతుల ఆందోళన
భూములు లాక్కున్నారు.. పరిశ్రమలు పెట్టలేదని ప్రశ్నిస్తున్న రైతులు
తమ భూములు తిరిగి ఇవ్వాలని డిమాండ్‌ చేస్తున్న రైతులు

12/02/2024 14:24(IST)

ధర్మవరంలో తాగునీరు లేక అల్లాడిపోతున్నారు: మాజీ ఎమ్మెల్యే గోనుగుంట్ల సూర్యనారాయణ

ధర్మవరం నియోజకవర్గంలో తాగునీరు లేక అల్లాడిపోతున్నారు: మాజీ ఎమ్మెల్యే గోనుగుంట్ల సూర్యనారాయణ
92 చేతిపంపులు, 114 మోటార్లు పనిచేయట్లేదు
ఆర్‌డబ్ల్యూఎస్‌ విభాగానికి ప్రభుత్వం నిధులివ్వట్లేదు
రెండేళ్లుగా ఇబ్బంది పడుతున్నా ప్రభుత్వానికి పట్టదు
స్పందనలో జేసీని కలిసి మాజీ ఎమ్మెల్యే ఫిర్యాదు

12/02/2024 13:56(IST)

డీఎస్సీ వెబ్‌సైట్‌ను ప్రారంభించిన మంత్రి బొత్స సత్యనారాయణ

డీఎస్సీ వెబ్‌సైట్‌ను ప్రారంభించిన మంత్రి బొత్స సత్యనారాయణ
డీఎస్సీ నోటిఫికేషన్‌ ప్రక్రియ నేటి నుంచి ప్రారంభం: మంత్రి బొత్స
నియామక ప్రక్రియ పారదర్శకంగా జరుగుతుంది

12/02/2024 13:53(IST)

కలెక్టర్‌కు వినతి పత్రం ఇచ్చిన తెదేపా నేతలు

గుంటూరు: కలుషిత నీటి సరఫరాపై చర్యలకు కలెక్టర్‌కు వినతి పత్రం ఇచ్చిన తెదేపా నేతలు
మృతుల కుటుంబాలను ఆదుకోవాలని మంత్రి రజిని దృష్టికి తీసుకెళ్లిన తెదేపా నేతలు
బాధితులకు నష్టపరిహారం చెల్లించాలని విజ్ఞప్తి చేసిన తెదేపా నేతలు

12/02/2024 13:46(IST)

గుంటూరు కలెక్టరేట్‌ ఎదుట పసుపు రైతుల ధర్నా

గుంటూరు కలెక్టరేట్‌ ఎదుట దుగ్గిరాల పసుపు రైతుల ధర్నా
శుభం మహేశ్వరి కోల్డ్‌ స్టోరేజ్‌ ప్రమాద బాధితులను ఆదుకోవాలని డిమాండ్
ఘటన జరిగి 25 రోజులైనా పరిహారంపై స్పందించడం లేదని ఆవేదన

12/02/2024 13:45(IST)

బీసీలకు పదవులు ఇచ్చారు కానీ.. అధికారాలు లేవు: జంగా కృష్ణమూర్తి

ప్రభుత్వం, జగన్‌ తీరుపై వైకాపా బీసీ సెల్ అధ్యక్షుడు కృష్ణమూర్తి తీవ్ర వ్యాఖ్యలు
వైకాపాలో సామాజిక న్యాయం నేతి బీరకాయలో నెయ్యి లాంటిది: జంగా కృష్ణమూర్తి
బీసీలకు పదవులు ఇచ్చారు తప్ప.. అధికారాలు లేవు
బడుగు, బలహీన వర్గాలకు న్యాయం చేసే పరిస్థితి వైకాపాలో లేదు
కీలక పదవులన్నీ ఒకే సామాజిక వర్గం చేతిలోనే ఉన్నాయి
బీసీ వర్గాలు వైకాపాకు దూరమవుతున్నాయని గ్రహించట్లేదు: జంగా కృష్ణమూర్తి

12/02/2024 13:28(IST)

ఎంపీ రఘురామ పిటిషన్‌పై ఏపీ హైకోర్టులో విచారణ వాయిదా

ఎంపీ రఘురామకృష్ణ రాజు పిటిషన్‌పై ఏపీ హైకోర్టులో విచారణ
అనుయాయులకు లబ్ధి చేకూర్చేలా సీఎం జగన్‌ నిర్ణయాలు తీసుకున్నారని పిటిషన్‌
సీఎం జగన్‌ నిర్ణయాలపై సీబీఐ విచారణ జరపాలని పిటిషన్‌ దాఖలు
విచారణను ఈ నెల 15కు వాయిదా వేసిన ఏపీ హైకోర్టు

12/02/2024 13:21(IST)

ఆత్మకూరు జడ్పీ హైస్కూల్‌ వద్ద టీఎన్‌ఎస్‌ఎఫ్ కార్యకర్తల ఆందోళన

మంగళగిరి: ఆత్మకూరు జడ్పీ హైస్కూల్‌ వద్ద టీఎన్‌ఎస్‌ఎఫ్ కార్యకర్తల ఆందోళన
ఒక్కో విద్యార్థి నుంచి రూ.200 వసూలు చేశారని ఆందోళన
పరీక్ష పత్రాలు, విద్యుత్‌ బిల్లుల పేరుతో ఉపాధ్యాయులు వసూలు చేసినట్లు ఆరోపణ
విద్యార్థుల నుంచి సుమారు రూ.2 లక్షలు వసూలు చేసిన ప్రభుత్వ ఉపాధ్యాయులు
విద్యార్థుల సొమ్మును తిరిగి ఇవ్వాలంటూ బైఠాయించిన టీఎన్‌ఎస్‌ఎఫ్‌ కార్యకర్తలు
ప్రభుత్వం నిధులు ఇవ్వకపోవడంతో విద్యార్థుల నుంచి తీసుకున్నామన్న టీచర్లు

12/02/2024 13:20(IST)

సభను, రాష్ట్రాన్ని హరీశ్‌రావు తప్పుదోవ పట్టించకూడదు: భట్టి విక్రమార్క

మురళీధర్‌రావు రిటైరైనా పదేళ్లు భారాస సర్కారు కొనసాగించింది: భట్టి విక్రమార్క
ఈఎన్సీ మురళీధర్‌రావును భారాస తనకు అనుకూలంగా మాట్లాడించింది
డిసెంబర్‌ 1న స్మితా సభర్వాల్ కేంద్రానికి లేఖ రాశారు
అప్పటికే ప్రాజెక్టులను కేంద్రానికి అప్పగించాలని 2 రాష్ట్రాలు ఒప్పుకొన్నట్లు లేఖలో రాశారు
ప్రాజెక్టుల అప్పగింతపై 2021లోనే గెజిట్‌ వచ్చినట్లు లేఖలో తెలిపారు: భట్టి విక్రమార్క

12/02/2024 13:05(IST)

కాంగ్రెస్‌కు అశోక్‌ చవాన్‌ రాజీనామా

సార్వత్రిక ఎన్నికలకు ముందు మహారాష్ట్రలో కాంగ్రెస్‌కు ఎదురుదెబ్బ తగిలింది
మాజీ ముఖ్యమంత్రి అశోక్‌ చవాన్‌ సోమవారం ఆ పార్టీకి రాజీనామా చేశారు
త్వరలో ఆయన భాజపాలో చేరనున్నట్లు వార్తలు వస్తున్నాయి

12/02/2024 13:01(IST)

దక్షిణ తెలంగాణ కృష్ణా జలాలపై ఆధారపడి ఉంది: సీఎం రేవంత్‌రెడ్డి

హరీశ్‌రావు సభలో పచ్చి అబద్ధాలు చెబుతున్నారు: సీఎం రేవంత్‌రెడ్డి
ప్రధాన ప్రతిపక్ష నేత చర్చల్లో పాల్గొనలేదు
కృష్ణా జలాలపై చర్చ జరుగుతుంటే ఒక వ్యక్తి ఫామ్‌ హౌస్‌కు పరిమితమయ్యారు
ఒక వ్యక్తిని కరీంనగర్‌ నుంచి తరిమికొడితే.. మహబూబ్‌నగర్‌ వాసులు ఎంపీగా గెలిపించారు: సీఎం రేవంత్‌రెడ్డి
ఇంత ముఖ్యమైన అంశంపై మాట్లాడేందుకు కేసీఆర్‌ ఎందుకు రాలేదు?

12/02/2024 12:50(IST)

స్కిల్ కేసు.. చంద్రబాబు బెయిల్ రద్దు చేయాలన్న పిటిషన్‌పై విచారణ వాయిదా

స్కిల్ కేసులో చంద్రబాబు బెయిల్ రద్దు చేయాలన్న ఏపీ ప్రభుత్వ పిటిషన్‌పై సుప్రీంకోర్టులో విచారణ మరోసారి వాయిదా
విచారణను ఈ నెల 26కు వాయిదా వేసిన సుప్రీంకోర్టు
హరీశ్‌ సాల్వే అందుబాటులో లేకపోవడంతో వాయిదా వేయాలని కోరిన చంద్రబాబు తరఫు సీనియర్ న్యాయవాది సిద్ధార్థ లూథ్రా

12/02/2024 12:42(IST)

జగన్‌ వీడియో చూపించాక కూడా ఇంకా మాట్లాడేదేముంది?: మంత్రి కోమటిరెడ్డి

జగన్‌ వీడియో చూపించాక కూడా ఇంకా మాట్లాడేదేముంది?: మంత్రి కోమటిరెడ్డి వెంకట్‌రెడ్డి
నల్గొండ ప్రజలు భారాస అభ్యర్థులను ఘోరంగా ఓడించారు
జగదీశ్‌రెడ్డి ముఖం చెల్లక ఈరోజు అసెంబ్లీకి రాలేదు
నల్గొండలో అడుగు పెట్టే అర్హత కూడా కేసీఆర్‌కు లేదు
నల్గొండ ప్రజలకు క్షమాపణ చెప్పాకే కేసీఆర్‌ అడుగు పెట్టాలి: కోమటిరెడ్డి వెంకట్‌రెడ్డి

12/02/2024 12:39(IST)

ఉత్తమ్‌ కుమార్‌ రెడ్డి సత్యదూరమైన ప్రజంటేషన్‌ ఇచ్చారు: హరీశ్‌రావు

ఉత్తమ్‌ కుమార్‌ రెడ్డి సత్యదూరమైన ప్రజంటేషన్‌ ఇచ్చారు: హరీశ్‌రావు
మేము కూడా ప్రజంటేషన్‌ ఇచ్చేందుకు అవకాశం ఇవ్వాలని కోరినా స్పీకర్‌ ఇవ్వలేదు: హరీశ్‌రావు
సభాపతి ఏకపక్షంగా మంత్రికే అవకాశం ఇవ్వడం సరికాదు
రేపు మేము నల్గొండలో సభ పెట్టినందు వల్లే అసెంబ్లీలో తీర్మానం పెట్టారు
పదేళ్లలో భారాస ఎప్పుడూ కేంద్రానికి ప్రాజెక్టులు అప్పగించలేదు: హరీశ్‌రావు
కాంగ్రెస్‌ అధికారంలోకి వచ్చిన 2 నెలల్లోనే ప్రాజెక్టులు అప్పగించారు

12/02/2024 12:28(IST)

ఉమ్మడి ప్రకాశం జిల్లా అభ్యర్థుల ఎంపికపై సీఎం జగన్‌ కసరత్తు

ఉమ్మడి ప్రకాశం జిల్లా అభ్యర్థుల ఎంపికపై సీఎం జగన్‌ కసరత్తు
ఒంగోలు ఎంపీ సహా పలు నియోజకవర్గాల్లో అభ్యర్థుల ఎంపికపై కసరత్తు
మాజీ మంత్రి బాలినేని శ్రీనివాసరెడ్డికి సీఎంవో నుంచి పిలుపు
తాడేపల్లిలోని సీఎం క్యాంపు కార్యాలయానికి వచ్చిన బాలినేని శ్రీనివాసరెడ్డి

12/02/2024 12:17(IST)

వినతులు ఇచ్చినా స్పందించలేదని.. కౌన్సిలర్‌ వినూత్న నిరసన

నెల్లూరు: ఆత్మకూరు పురపాలికలో ఆదాయ, వ్యయాలపై వివరాలు అడిగితే ఇవ్వలేదని వినూత్నంగా నిరసన తెలిపిన కౌన్సిలర్‌ సోరా భాస్కర్‌రెడ్డి
సమాచార హక్కు చట్టం కింద వినతులు ఇచ్చినా స్పందించలేదని నేలపై పడుకొని నిరసన తెలిపిన కౌన్సిలర్ సోరా భాస్కర్ రెడ్డి

12/02/2024 12:02(IST)

‘పల్లెకు పోదాం’ కార్యక్రమాన్ని విజయవంతంగా నిర్వహించాం: పురందేశ్వరి

విజయవాడ: భాజపా రాష్ట్ర కార్యాలయంలో ప్రజాపోరు రాష్ట్రస్థాయి సమావేశం
దొంగ ఓట్లపై కేంద్ర ఎన్నికల సంఘం చర్యలు తీసుకుంది: పురందేశ్వరి
విష్ణుకుమార్‌ రాజు నియోజకవర్గంలో 2 లక్షల ఓట్లపై ఫిర్యాదు చేశాం
భౌతికంగా లేని వారి పేర్లు, ఫొటోలతో ఓట్ల జాబితాలో ఉంచారు
వైకాపా ప్రభుత్వ పనితీరుపై రాష్ట్ర ప్రజలు వ్యతిరేకంగా ఉన్నారు
ప్రజాపోరు ద్వారా ఈ నెల 20 నుంచి 29 వరకు కార్యక్రమాలు
రాష్ట్రంలో అభివృద్ధి అనేది లేకుండా చేశారు
లోపాలను ప్రశ్నిస్తే ఎదురు కేసులు పెడుతున్నారు
ఏపీలో పొత్తులపై కేంద్ర నాయకత్వం నిర్ణయం తీసుకుంటుంది
‘పల్లెకు పోదాం’ కార్యక్రమం విజయవంతంగా నిర్వహించాం: పురందేశ్వరి
కార్యకర్తలు గ్రామాలకు వెళ్లి ప్రజల సమస్యలు తెలుసుకున్నారు
ఎప్పటికప్పుడు పరిస్థితులను సమీక్షించుకుంటూ ముందుకెళ్తున్నాం
ఏపీలో భాజపా బలోపేతానికి అన్ని చర్యలు తీసుకుంటున్నాం: పురందేశ్వరి

12/02/2024 11:34(IST)

జగన్‌ పని అయిపోయిందని వైకాపా ఎమ్మెల్యేలే చెబుతున్నారు: నారా లోకేశ్‌

నరసన్నపేటలో తెదేపా శంఖారావం బహిరంగ సభ
జగన్‌ పని అయిపోయిందని వైకాపా ఎమ్మెల్యేలే చెబుతున్నారు: నారా లోకేశ్‌
దిల్లీలో ఉన్న వైకాపా ఎంపీలు కూడా జగన్‌కు బైబై అంటున్నారు
151 సీట్లు గెలిచి జగన్‌ ఏం సాధించారు
జగన్‌ కొత్త పథకం తీసుకొచ్చారు.. అదే ఎమ్మెల్యేల బదిలీ పథకం
ఈ నియోజకవర్గంలో పనిచేయని వాళ్లు పక్క నియోజకవర్గంలో చేస్తారా?
ఎమ్మెల్యేల బదిలీ తీసుకొచ్చినప్పుడే జగన్‌ ఓటమిని అంగీకరించినట్లు
జే ట్యాక్స్‌ మొత్తం జగన్‌ జేబుల్లోకి వెళ్తోంది: నారా లోకేశ్‌
మద్యం తయారీ, విక్రయాలన్నీ వాళ్లే చేస్తూ జనం డబ్బు లాగేస్తున్నారు
9 సార్లు విద్యుత్‌ ఛార్జీలు, 3 సార్లు ఆర్టీసీ ఛార్జీలు పెంచారు
ఆఖరికి ఇంటి పన్నుతో పాటు చెత్త పన్ను వేశారు

12/02/2024 11:26(IST)

కేఆర్‌ఎంబీ సంబంధిత అంశాలపై అసెంబ్లీలో ప్రభుత్వ తీర్మానం

హైదరాబాద్‌: కృష్ణా ప్రాజెక్టులు, కేఆర్‌ఎంబీ సంబంధిత అంశాలపై తెలంగాణ అసెంబ్లీలో ప్రభుత్వం తీర్మానం
తీర్మానాన్ని ప్రవేశపెట్టిన మంత్రి ఉత్తమ్‌ కుమార్‌ రెడ్డి
ఎన్నికల రోజున ఏపీ ప్రభుత్వం సాగర్‌ పైకి పోలీసులను పంపింది: ఉత్తమ్‌ కుమార్‌ రెడ్డి
ఎట్టి పరిస్థితుల్లోనూ ప్రాజెక్టులను కేఆర్‌ఎంబీకి అప్పగించేది లేదు
రాష్ట్ర ప్రజలకు అపోహ కలిగించేలా కొందరు మాట్లాడుతున్నారు
పవర్‌ పాయింట్‌ ద్వారా ప్రాజెక్టులపై ఎమ్మెల్యేలకు వివరించిన ఉత్తమ్‌ కుమార్‌ రెడ్డి
రోజుకు 3 టీఎంసీలు ఏపీ అక్రమంగా తరలించుకు వెళ్లింది: ఉత్తమ్‌ కుమార్‌ రెడ్డి
ఏపీకి 512 టీఎంసీల కేటాయింపునకు భారాస అంగీకరించింది
తెలంగాణకు 299 టీఎంసీలకు భారాస ప్రభుత్వం అంగీకరించింది
కృష్ణా జలాల్లో 70 శాతం హక్కు పొందేందుకు తెలంగాణకు అర్హత ఉంది
జగన్‌, కేసీఆర్‌ గంటల తరబడి మాట్లాడుకున్నారు
కేసీఆర్‌, జగన్‌ కలిసి బిర్యానీలు తిన్నారు
కేసీఆర్‌ చాలా గొప్పవారని ఏపీ అసెంబ్లీలో జగన్‌ పొగిడారు
తెలంగాణ జలాలను సైతం ఏపీకి ఇస్తున్నారని జగన్‌ చెప్పారు: ఉత్తమ్‌ కుమార్‌ రెడ్డి

12/02/2024 11:25(IST)

వైకాపా పాలనలో ప్రజలకు ఒరిగిందేమీ లేదు: ఎంపీ రామ్మోహన్‌

నరసన్నపేట: వైకాపా పాలనలో ప్రజలకు ఒరిగిందేమీ లేదు: ఎంపీ రామ్మోహన్‌
రాష్ట్ర అభివృద్ధిని వైకాపా ప్రభుత్వం మరచిపోయింది
ఏపీని.. రాజధాని లేని రాష్ట్రంగా మార్చారు
మళ్లీ సీఎంగా చంద్రబాబు వస్తేనే రాష్ట్ర అభివృద్ధి సాధ్యం: ఎంపీ రామ్మోహన్‌
రాష్ట్రంలో కల్తీ సారా తాగి ప్రజలు ప్రాణాలు కోల్పోతున్న పరిస్థితి

12/02/2024 11:18(IST)

ఛత్తీస్‌గఢ్‌: నలుగురు కూలీలను కిడ్నాప్‌ చేసిన మావోయిస్టులు

ఛత్తీస్‌గఢ్‌: జేగురుగొండకు చెందిన నలుగురు కూలీలు కిడ్నాప్‌
నలుగురు కూలీలను కిడ్నాప్‌ చేసిన మావోయిస్టులు
జల్‌జీవన్‌ మిషన్‌ పనులు చేసేందుకు వచ్చిన నలుగురు కూలీలు
కూలీలతో పాటు జేసీబీని తీసుకెళ్లిన మావోయిస్టులు

12/02/2024 11:15(IST)

శాసనసభ సమావేశాలు పొడిగించే అవకాశం

హైదరాబాద్‌: ఈ నెల 13న తెలంగాణ అసెంబ్లీ ఫ్లోర్‌ లీడర్లతో కలిసి మేడిగడ్డ సందర్శించాలని ప్రభుత్వం నిర్ణయం
అసెంబ్లీ వేదికగా కృష్ణా జలాల ఒప్పందాలపై పవర్‌ పాయింట్‌ ప్రజంటేషన్‌
సభలో రాత్రికి రాత్రే ఎల్‌ఈడీ తెరలు ఏర్పాటు చేసిన ప్రభుత్వం
సమావేశాలు ఈ నెల 14, 15వ తేదీలు కానీ.. మూడు రోజులు కానీ పొడిగించే అవకాశం
శాసనసభ సమావేశాలు మరో రెండు, మూడు రోజులు పొడిగించే అవకాశం

12/02/2024 11:11(IST)

మేడిగడ్డ సందర్శనకు భాజపా వెళ్లట్లేదు: రాకేశ్‌రెడ్డి

మేడిగడ్డ సందర్శనకు భాజపా వెళ్లట్లేదు: భాజపా ఎమ్మెల్యే రాకేశ్‌రెడ్డి
సూట్‌కేసుల్లో తేడాలు వచ్చినందునే ప్రభుత్వం మేడిగడ్డకు వెళ్తోంది
మేడిగడ్డ బ్యారేజీ కుంగినట్లు అందరికీ తెలిసిందే
ఇప్పటికే మంత్రులు, అధికారులు పీపీటీ ఇచ్చారు కదా?
మళ్లీ కొత్తగా మేడిగడ్డ బ్యారేజీకి వెళ్లి చూడాల్సిందేమి లేదు: రాకేశ్‌రెడ్డి

12/02/2024 10:52(IST)

చంచల్‌గూడ జైలులో ఖైదీ మృతి

హైదరాబాద్‌: చంచల్‌గూడ జైలులో ఖైదీ మృతి
సెల్‌ఫోన్‌ చోరీ కేసులో నిందితుడిగా ఉన్న రాజు మృతి
ఆదివారం రాత్రి అస్వస్థతకు గురైన రాజును ఉస్మానియా ఆసుపత్రికి తరలించిన పోలీసులు
ఆసుపత్రిలో చికిత్స పొందుతూ మృతి చెందిన ఖైదీ రాజు
కుటుంబ సభ్యులకు సమాచారమిచ్చిన జైలు అధికారులు

12/02/2024 10:43(IST)

చింతలమానేపల్లిలో ఇద్దరు యువకులు అదృశ్యం

ఆసిఫాబాద్‌: చింతలమానేపల్లిలో ఇద్దరు యువకులు అదృశ్యం
నిన్న రాత్రి నుంచి అదృశ్యమైన మహేశ్‌(22), హరీశ్‌(22)
చింతలమానేపల్లి శివారులోని బావిలో యువకుల పాదరక్షలు
బావిలో గాలింపు చర్యలు చేపట్టిన స్థానికులు, అధికారులు

12/02/2024 10:39(IST)

నరసరావుపేటలో ఇరు పార్టీల ఫ్లెక్సీల చించివేత

నరసరావుపేటలో ఇరుపార్టీల ఫ్లెక్సీల చించివేత
గత రెండు రోజులుగా పోటాపోటీగా ఇరు పార్టీల ఫ్లెక్సీలు
ఎంపీ కృష్ణదేవరాయలు కార్యాలయం రహదారిలో ఫ్లెక్సీలు
పల్నాడు రోడ్డులోని ప్రధాన రహదారి పక్కన వైకాపా ఫ్లెక్సీలు
తెదేపా, వైకాపా ఫ్లెక్సీలను ఆదివారం రాత్రి చించివేసిన గుర్తుతెలియని వ్యక్తులు

12/02/2024 10:33(IST)

తెలంగాణ అసెంబ్లీలో ప్రభుత్వం నోట్‌

కృష్ణా నది ప్రాజెక్టులపై తీర్మానం నేపథ్యంలో తెలంగాణ అసెంబ్లీలో ప్రభుత్వం నోట్‌
కృష్ణా నది ప్రాజెక్టులపై వాస్తవాలు.. కేసీఆర్‌ ప్రభుత్వ తప్పిదాలు పేరుతో నోట్‌
రాష్ట్ర ప్రయోజనాలను కాపాడటంలో భారాస విఫలమైందన్న కాంగ్రెస్‌ నేతలు
కేసీఆర్‌ పాపాలే.. ఇప్పుడు తెలంగాణకు శాపాలుగా మారాయని నోట్‌లో వెల్లడి
గత ప్రభుత్వ తప్పుడు విధానాలే తెలంగాణకు శాపాలు అయ్యాయని నోట్‌
కృష్ణా నదిపై ఉన్న ప్రాజెక్టులను కేఆర్‌ఎంబీకి అప్పగించే ప్రసక్తే లేదన్న కాంగ్రెస్‌

12/02/2024 10:28(IST)

వేములవాడ శ్రీ రాజరాజేశ్వర స్వామి ఆలయానికి పోటెత్తిన భక్తులు

వేములవాడ శ్రీ రాజరాజేశ్వర స్వామి ఆలయానికి పోటెత్తిన భక్తులు
సమ్మక్క సారలమ్మ భక్తుల రద్దీ దృష్ట్యా గర్భాలయంలో ఆర్జిత సేవలు రద్దు
స్వామివారి దర్శనానికి సుమారు 4 గంటలు పట్టే అవకాశం

12/02/2024 10:19(IST)

తెలంగాణ అసెంబ్లీ ముందుకు సిగరెట్లు, పొగాకు ఉత్పత్తుల బిల్లు

తెలంగాణ అసెంబ్లీ ముందుకు సిగరెట్లు, పొగాకు ఉత్పత్తుల బిల్లు
అసెంబ్లీ ముందుకు ఉత్పత్తి, సరఫరా నియంత్రణ, ప్రకటనల నిషేధ బిల్లు
సీఎం రేవంత్‌రెడ్డి తరఫున బిల్లును ప్రవేశపెట్టిన మంత్రి శ్రీధర్‌బాబు
రాష్ట్రంలో హుక్కా పార్లర్లపై నిషేధం అవసరమని సీఎం భావించారు: శ్రీధర్‌బాబు
సిగరెట్‌ కంటే హుక్కా పొగ మరింత హానికరం
హుక్కాలో బొగ్గు ఉపయోగించడం వల్ల కార్బన్‌ మోనాక్సైడ్‌ విడుదలవుతుంది
హుక్కా సేవించే వారి వల్ల చుట్టుపక్కల వారికి కూడా ప్రమాదం: శ్రీధర్‌బాబు
హుక్కా పార్లర్లపై నిషేధానికి అసెంబ్లీలో బిల్లు

12/02/2024 10:07(IST)

బొలెరో, సిమెంట్‌ లారీ ఢీ.. ముగ్గురు మృతి

శ్రీసత్యసాయి జిల్లా: అగలి మండలం ఇరిగేపల్లి వద్ద ఆదివారం అర్ధరాత్రి ప్రమాదం
ముగ్గురు మృతి, మరో 10 మందికి గాయాలు
మృతులు గోవిందప్ప, అమ్మజక్క, కాంతరాజుగా గుర్తింపు
వివాహానికి వెళ్లి వస్తుండగా బొలెరో, సిమెంట్‌ లారీ ఢీకొని ప్రమాదం
ప్రమాద సమయంలో బొలెరోలో 20 మంది ఉన్నట్లు సమాచారం

12/02/2024 10:02(IST)

కాటారం పోలీసు స్టేషన్‌ పరిధిలో విద్యుదాఘాతంతో కానిస్టేబుల్‌ మృతి

భూపాలపల్లి: కాటారం పోలీసు స్టేషన్‌ పరిధిలో విద్యుదాఘాతంతో కానిస్టేబుల్‌ మృతి
కాటారం మండలం నస్తుర్‌పల్లిలో విద్యుదాఘాతంతో ప్రవీణ్ మృతి
నస్తుర్‌పల్లి అటవీ ప్రాంతంలో గాలింపు చర్యలు చేపడుతుండగా ఘటన
వన్యప్రాణుల వేట కోసం ఏర్పాటు చేసిన వైర్లు తగిలి ప్రవీణ్‌ మృతి
ప్రవీణ్‌ కుటుంబ సభ్యులకు ప్రగాఢ సానుభూతి తెలిపిన సీఎం రేవంత్‌రెడ్డి

12/02/2024 09:56(IST)

అసెంబ్లీలో పీపీటీ ఇచ్చే అవకాశం తమకూ ఇవ్వాలని కోరిన భారాస

హైదరాబాద్‌: అసెంబ్లీలో పీపీటీ ఇచ్చే అవకాశం తమకూ ఇవ్వాలని కోరిన భారాస
ఇరిగేషన్‌ ప్రాజెక్టులపై పీపీటీ ఇచ్చే అవకాశం ఇవ్వాలని కోరిన భారాస
ఇప్పటికే సభాపతికి విజ్ఞప్తి చేసిన భారాస శాసనసభా పక్షం

12/02/2024 09:51(IST)

చలో నల్గొండ భారాస సభ వల్లే కాంగ్రెస్‌లో చలనం: కేటీఆర్‌

కేఆర్‌ఎంబీకి ప్రాజెక్టులు అప్పగించట్లేదని కాంగ్రెస్‌ తీర్మానం పెట్టబోతుంది: కేటీఆర్‌
భారాస ఒత్తిడి వల్లే అసెంబ్లీలో కాంగ్రెస్‌ తీర్మానం పెట్టబోతుంది
చలో నల్గొండ భారాస సభ వల్లే కాంగ్రెస్‌లో చలనం: కేటీఆర్‌
ప్రధాన ప్రతిపక్షంగా భారాసకు దక్కిన మొదటి విజయంగా భావిస్తున్నాం

12/02/2024 09:43(IST)

భద్రాద్రిలో వైభవంగా భక్త రామదాసు జయంతి ఉత్సవాలు

భద్రాద్రిలో వైభవంగా భక్త రామదాసు జయంతి ఉత్సవాలు
నేటి నుంచి 5 రోజుల పాటు భక్త రామదాసు జయంతి ఉత్సవాలు
భద్రాద్రి ఆలయంలోని భక్త రామదాసు విగ్రహానికి విశేష అభిషేకం
భద్రాద్రి ఆలయ నిర్మాణానికి కృషి చేసిన భక్త రామదాసు

12/02/2024 09:30(IST)

ఐదేళ్లుగా ‘జె’ బ్రాండ్‌లతో హానికర కిక్‌ను నింపారు: గంటా శ్రీనివాసరావు

టీ స్టాల్ దగ్గర నుంచి, కిళ్లీ కొట్టు వరకు అన్నిచోట్ల డిజిటల్ పేమెంట్ ప్రపంచం: గంటా శ్రీనివాసరావు
కానీ ఏపీలో జగన్‌ నడిపే మద్యం దుకాణాల్లో డిజిటల్ పేమెంట్‌కు నో ఛాన్స్
ఏంటి ఈ రహస్యం? ఈ నగదు అంతా ఎక్కడికి చేరుతుంది జగనన్న?
వీటికి లెక్కా పత్రాలు ఏమైనా ఉన్నాయా?
ఇంత విచ్చలవిడిగా నాసిరకం మద్యం అమ్మి పేదోడిని దోపిడీ చేసిన ఇలాంటి ముఖ్యమంత్రి చరిత్రలు తిరగేసినా దొరకరేమో!
ధరల సంగతి దేవుడెరుగు.. ఐదేళ్లుగా ‘జె’ బ్రాండ్‌లతో హానికర కిక్‌ను నింపారు
నాసిరకం మద్యం వల్ల 35 లక్షల మంది రోగాల బారిన పడ్డారు: గంటా శ్రీనివాసరావు
అందులో 30 వేల మంది ప్రాణాలు కోల్పోయారు

12/02/2024 08:37(IST)

నీలి సంద్రం.. సుమనోహరం

విశాఖ తీరాన కోస్టల్‌ బ్యాటరీ ప్రాంతంలో రాళ్లపై పరచుకొన్న పచ్చని అందాలు ప్రకృతి ప్రేమికుల్ని ఆకట్టుకుంటున్నాయి. సముద్రం మధ్యలో దీవి ఉన్నట్లుగా కనిపిస్తున్న ఈ ప్రాంతం సందర్శకుల్ని కళ్లార్పకుండా చేస్తోంది. చూసినవారంతా దగ్గరకెళ్లి ప్రకృతి అందాల మధ్య ఫొటోలకు ఫోజిస్తున్నారు. చిన్నారులంతా అక్కడే కూర్చొని సందడి చేస్తున్నారు.

12/02/2024 08:37(IST)

స్వేదం చిందించి.. రూ.లక్షలు వెచ్చించి!

పంటను కాపాడుకునేందుకు రైతులు భగీరథ ప్రయత్నాలు చేస్తున్నారు. పొదిలి మండలం సలకనూతలకు చెందిన రైతు తిరుపతినాయుడు, ఆయన బంధువులు ముగ్గురు కలిపి నలభై ఎకరాలు కౌలుకు తీసుకుని పొగాకు, కంది పంటలు వేశారు. చివరి దశలో నీరు లేక పొగాకు తోటలు ఎండుముఖం పట్టడంతో... సుమారు రూ.నాలుగు లక్షలు వెచ్చించి అయిదు బోర్లు వేయించారు. రెండింటిలో నీరు పడలేదు. మిగతా మూడింట్లో అరకొరగా పడిన నీటిని... రోజంతా కష్టపడి ఇలా ఓ కుంటలోకి చేర్చుతున్నారు. కిలోమీటరు మేర పైపు వేసి అక్కడి నుంచి పొలానికి తరలిస్తున్నారు.

12/02/2024 08:23(IST)

ప్లాస్టిక్‌ నుంచి పెట్రోలియం..

తూప్రాన్‌ జడ్పీహెచ్‌ఎస్‌ విద్యార్థిని భవ్యశ్రీ రివర్స్‌ ప్రాసెస్‌లో ప్లాస్టిక్‌ నుంచి పెట్రోలియం తయారు చేసే యంత్రాన్ని తయారు చేసింది. కుక్కర్, ప్లాస్టిక్‌ పైప్, డబ్బాను వినియోగించి పరికరాన్ని తయారు చేసింది. కుక్కర్‌లో ప్లాస్టిక్‌ వస్తువులను వేసి వేడి చేయడం ద్వార ప్లాస్టిక్‌ కరిగి పైపుద్వార ఆవిరిగా డబ్బాలోకి వస్తుంది. సాంద్రీకరణ జరిగి ద్రవరూపంలోకి మారుతుంది. ఈ ద్రావణమే పెట్రోలియంగా బయటికి వస్తుంది. ఈ ప్రక్రియ ద్వార ఎలాంటి కాలుష్యం వెలువడకపోగా, భూమిపై లభించే ప్లాస్టిక్‌ను పునర్వినియోగ పెట్రోలియంగా మార్చవచ్చని చెబుతోంది.

12/02/2024 08:23(IST)

అంతా వృద్ధులే.. అయిననూ శ్రామికులే..!

ఉపాధి హామీ పథకంలో భాగంగా సంస్థాన్‌ నారాయణపురం మండలంలోని పుట్టపాక గ్రామంలో ప్రధాన రహదారి వెంట మొక్కల సంరక్షణ పనులు జరుగుతున్నాయి. పని చేసే వారిలో మొత్తం వృద్ధులే ఉండటం విశేషం. ఉపాధి కూలీలంతా వ్యవసాయ పనుల్లో నిమగ్నమయ్యారని.. మేం ఆ పనులకు వెళ్లలేం కాబట్టి మొక్కల సంరక్షణ, పాదులు తీయడం, చుట్టూ కంచె ఏర్పాటు వంటివి చేస్తున్నామని వారు వివరించారు. ఈ చిత్రాలను ‘న్యూస్‌టుడే’ క్లిక్‌ మనిపించింది.

12/02/2024 08:13(IST)

అయ్యారే... అరటి!

సాధారణంగా అరటి గెలకు 100-200 కాయలు కాస్తుంటాయి. కానీ నిజామాబాద్‌ జిల్లా నవీపేట మండల కేంద్రానికి చెందిన ఆటోడ్రైవర్‌ గారపాటి మాధవరావు ఇంట్లో చెట్లకు అరటికాయలు విరగకాశాయి. మూడేళ్లుగా ఆయన రెండు చెట్లు పెంచుతున్నారు. అందులో ఒక చెట్టులోని గెలకు 400, మరో చెట్టుకు 300 అరటి కాయలు కాశాయి. సేంద్రియ ఎరువుల వాడకంతో సరైన పోషకాలు చెట్లకు అందటంతో భారీగా కాయలు కాశాయని, ఇలా అరుదుగా జరుగుతుందని వ్యవసాయాధికారి తెలిపారు.

12/02/2024 08:13(IST)

చిలుకా.. చిలుకా.. ఊచ్‌

చెట్టు తొర్రలోకి వెళ్లడానికి రెండు రామచిలుకలు ప్రయత్నించాయి. అదే సమయంలో చెట్టు తొర్రలో నుంచి అకస్మాత్తుగా ఉడత బయటకు వచ్చింది. దీంతో రామచిలుకలు భయంతో అక్కడి నుంచి ఎగిరిపోయాయి.

12/02/2024 08:12(IST)

బొమ్మ టోపీ కాదు.. శిరస్త్రాణమే!

ద్విచక్ర వాహన చోదకుడు తలకు బొమ్మ టోపీ పెట్టుకున్నాడనుకుంటే పొరపడినట్లే. అది శిరస్త్రాణమే మరి! ఏన్కూరు మండలం టీఎల్‌పేట ఇందిరా నగర్‌ కాలనీకి చెందిన తంబళ్ల ఉదయ్‌ వినూత్నంగా ధరించిన శిరస్త్రాణాన్ని ఆదివారం ‘న్యూస్‌టుడే’ క్లిక్‌మనిపించింది.

12/02/2024 08:12(IST)

భానుడి ప్రతాపం.. మట్టి కుండల అమ్మకం

ఈసారి వేసవి తీవ్రత ఫిబ్రవరిలోనే మొదలయ్యింది. అందుకే వేసవిలో వచ్చే మట్టికుండల అమ్మకం అప్పుడే మొదలయ్యింది. ఉప్పల్‌ పరిసర ప్రాంతాల్లో కూజాలు, కుండలను విక్రయించేందుకు తీసుకొచ్చారు.

12/02/2024 08:11(IST)

సౌర శక్తి.. సాగుకు యుక్తి

నిర్మల్‌ జిల్లాలో అదో కుగ్రామం. అక్కడ వ్యవసాయానికి అన్నీ ప్రతికూల పరిస్థితులే. బోర్లలో నీళ్లు పడటం గగనమే. వర్షాలే సాగుకు ఆధారం. మైదాన ప్రాంతాల కంటే దాదాపు 100 మీటర్ల ఎత్తులో ఉన్న పల్లె.. దిలావర్‌పూర్‌ మండలంలోని మాడేగాం. ఈ ఊరిలో యువరైతు గంగాధర్‌ నార్వాడే తన ఆరెకరాల పొలంలో బోరు వేయించగా.. అదృష్టవశాత్తు 215 అడుగుల్లో నీరు లభించింది. 2 కి.మీ. దూరం నుంచి విద్యుత్‌ లైను వేయాలంటే దాదాపు రూ.4 లక్షలు ఖర్చవుతుందని తెలిసి.. గంగాధర్‌ సౌరశక్తి కోసం ప్రయత్నించారు. మహారాష్ట్రలోని అప్పరావుపేట సమీపంలో సౌరశక్తితో బోర్లు నడుపుతున్న తీరును తెలుసుకున్నారు. అక్కడికి వెళ్లి రైతులు గతంలో వాడిన 335 వాట్ల 9 సౌర ఫలకాలను రూ. లక్షతో కొనుగోలు చేసి తీసుకొచ్చారు. వాటిని తనపొలంలో బిగించారు. మొక్కజొన్న, శనగతో పాటు అంతర పంటలకు విజయవంతంగా నీరందిస్తున్నారు.

12/02/2024 08:10(IST)

సన్‌డే.. ఎండలు మండే!

అప్పుడే ఎండలు మొదలయ్యాయి. ఆదివారం నగరంలో పెద్ద సంఖ్యలో వివాహాలు, ఇతర శుభకార్యాలు ఉండటంతో వేల మంది వేడికి అవస్థలు పడుతూ ప్రయాణాలు సాగించారు. మధ్యాహ్నం సచివాలయం ముందున్న రహదారిలో కనిపించిన ఎండమావుల చిత్రమిది.

12/02/2024 08:10(IST)

ఊడుతున్న స్లాబ్‌ పెచ్చులు.. భయంభయంగా విద్యార్థులు

మైలార్‌దేవుపల్లి ప్రభుత్వ ప్రాథమిక పాఠశాలలో ప్రమాదం పొంచివుంది. ఏడాది కాలంగా తరగతి గదిలో పైకప్పు(స్లాబ్‌) పెచ్చులుగా ఊడిపడితున్నా పట్టించుకునే వారే లేకుండా పోయారు. తరగతి గదిలో విద్యార్థులు, ఉపాధ్యాయులు భయంభయంగా రోజులు గడుపుతున్నారు. ఇక ప్రహరీ లేకపోవడంతో మద్యం బాబులు నిత్యం రాత్రి వేళల్లో పాఠశాలనే అడ్డాగా చేసుకుంటున్నారు.

12/02/2024 08:09(IST)

కొడితే.. రో'హిట్‌'

మెదక్‌ అర్బన్‌ : జిల్లా స్పోర్ట్స్‌ ఫౌండేషన్‌ ఆధ్వర్యంలో మెదక్‌ పట్టణంలో ఆదివారం నిర్వహించిన క్రికెట్‌ పోటీలకు ఎమ్మెల్యే మైనంపల్లి రోహిత్‌ రావు ముఖ్య అతిథిగా హాజరయ్యారు. ఈ సందర్భంగా కాసేపు సరదాగా బ్యాటింగ్‌ చేసి క్రీడాకారులను ఉత్సాహపరిచారు.

నేటి తాజా వార్తలు@ఈనాడు.నెట్‌

తాజా వార్తలు (Latest News)

నీతి ఆయోగ్‌ భేటీ.. వికసిత్‌ ఏపీ-2047లోని అంశాలను ప్రస్తావించనున్న చంద్రబాబు

ప్రధాని మోదీ అధ్యక్షతన నీతి ఆయోగ్‌ సమావేశం ప్రారంభం

‘కల్కి’లో రాజమౌళి ఎలా భాగమయ్యారు..?: నాగ్‌అశ్విన్‌ ఏం చెప్పారంటే

మదనపల్లె దస్త్రాల దహనం కేసులో ఆరోరోజు విచారణ

ద్రవిడ్‌ సర్‌ప్రైజ్‌ వాయిస్‌ మెసేజ్‌.. భావోద్వేగానికి గురైన గంభీర్‌

జగన్.. మీకు ఎందుకు సంఘీభావం ప్రకటించాలి?: షర్మిల

సుఖీభవ

చదువు