Breaking | Feedback | ePratibha | E-PAPER | Pratibha

నేటి తాజా వార్తలు @ ఈనాడు.నెట్‌ (28/05/2024)

Updated : 28 May 2024 16:13 IST

28/05/2024 22:20(IST)

నల్గొండ జిల్లాలో నాటు తుపాకుల కలకలం

నల్గొండ: పీఏపల్లి మండలం గణపురంలో నాటు తుపాకుల కలకలం
పెద్దమ్మగుడిలో 3 నాటు తుపాకులను దాచిన దుండగులు
అడవి జంతువుల వేట కోసం తెచ్చి గుడిలో దాచినట్లు అనుమానం
నాటు తుపాకులను స్వాధీనం చేసుకున్న పోలీసులు

28/05/2024 22:10(IST)

వివిధ కారణాల వల్ల రాష్ట్రంలో బీర్ల కొరత ఏర్పడింది: జూపల్లి

హైదరాబాద్: నిబంధనల మేరక సోమ్‌ డిస్టిలరీస్‌కు అనుమతి: మంత్రి జూపల్లి కృష్ణారావు
కొత్త బ్రాండ్ల బీరును ఎక్సైజ్‌ శాఖ అనుమతించిందనే వార్తల్లో వాస్తవం లేదు
మద్యం విక్రయాలు మొత్తం బేవరేజెస్‌ కార్పొరేషన్‌ ద్వారా జరుగుతాయి
వివిధ కారణాల వల్ల రాష్ట్రంలో బీర్ల కొరత ఏర్పడింది
బీర్ల కొరత తీర్చటం రాష్ట్ర ప్రభుత్వం బాధ్యతగా భావిస్తోంది

28/05/2024 21:41(IST)

నెల్లూరులో ఓట్ల కౌంటింగ్‌కు సర్వం సిద్ధం: జిల్లా ఎన్నికల అధికారి

నెల్లూరు: కౌంటింగ్‌కు సర్వం సిద్ధం: జిల్లా ఎన్నికల అధికారి, కలెక్టర్‌ ఎం. హరినారాయణన్‌
ఎన్నికల సంఘం నిబంధనల మేరకు కౌంటింగ్‌కు పక్కాగా ఏర్పాట్లు
జూన్‌ 4న ఉదయం 8 గంటలకు కౌంటింగ్‌ ప్రారంభం
ఒక్కో అసెంబ్లీ నియోజకవర్గానికి ఈవీఎం ఓట్ల లెక్కింపునకు 14 టేబుళ్లు ఏర్పాటు
రౌండ్ల వారీగా ఫలితాల వెల్లడి

28/05/2024 21:14(IST)

ఆస్తి కోసం కుమారుడిని హత్య చేయించిన తండ్రి

అనకాపల్లి: ఆస్తి కోసం కుమారుడిని హత్య చేయించిన తండ్రి
మాడుగుల మండలం ఎం.కోటపాడులో ఘటన
తన భర్త రామాంజనేయులు కనిపించట్లేదని ఈనెల 23న భార్య ఫిర్యాదు
మాడుగుల పీఎస్‌లో ఫిర్యాదు చేసిన రామాంజనేయులు భార్య శ్రీదేవి
రామాంజనేయులు అదృశ్యంపై విచారణ చేపట్టిన పోలీసులు

28/05/2024 21:10(IST)

ముత్తుకూరు మండలంలో యువకుడిపై వైకాపా మూకల దాడి

నెల్లూరు: ముత్తుకూరు మండలం పైనాపురంలో యువకుడిపై వైకాపా మూకల దాడి
తెదేపాకు ఓటు వేశాడనే కారణంతో దేవరదిబ్బ వాసి నరేశ్‌పై దాడి
వైకాపా మూకల దాడిలో యువకుడికి గాయాలు, నెల్లూరు వైద్యశాలలో చికిత్స

28/05/2024 21:05(IST)

పట్టభద్రుల కోటా ఎమ్మెల్సీ ఉపఎన్నికలో 72.44 శాతం పోలింగ్‌ నమోదు

హైదరాబాద్‌: పట్టభద్రుల కోటా ఎమ్మెల్సీ ఉప ఎన్నికలో 72.44 శాతం పోలింగ్‌ నమోదు
ఎమ్మెల్సీ ఉప ఎన్నికలో ఓటు వేసిన 3,36,013 మంది పట్టభద్రులు
పట్టభద్రుల ఎమ్మెల్స ఉప ఎన్నికలో మొత్తం ఓటర్ల సంఖ్య- 4,63,839

28/05/2024 20:59(IST)

రాష్ట్ర ఆవిర్భావ దినోత్సవం తెలంగాణ ప్రజలకు గొప్ప పండగ రోజు: రేవంత్‌ రెడ్డి

దిల్లీ: సోనియాగాంధీతో ముగిసిన సీఎం రేవంత్‌ రెడ్డి సమావేశం
రాష్ట్ర అవతరణ వేడుకలకు సోనియా గాంధీని ఆహ్వానించాను: సీఎం
జూన్‌ 2న వేడుకలకు వచ్చేందుకు సోనియా గాంధీ అంగీకరించారు
రాష్ట్ర ఆవిర్భావ దినోత్సవం తెలంగాణ ప్రజలకు గొప్ప పండగ రోజు
మోదీ వైఫల్యాలను తప్పించుకునేందుకు గాంధీ కుటుంబాన్ని టార్గెట్ చేశారు
ఎన్నికలు వచ్చినప్పుడల్లా ప్రధాని మోదీకి పాకిస్థాన్‌ గుర్తుకొస్తుంది
పాకిస్థాన్‌ ప్రధాని పుట్టిన రోజు వేడుకలకు ఎవరు వెళ్లారు?

28/05/2024 20:38(IST)

మూడు రోజుల కస్టడీకి ఉమా మహేశ్వరరావు

హైదరాబాద్‌: సీసీఎస్‌ మాజీ ఏసీపీ ఉమా మహేశ్వరరావును మూడు రోజుల కస్టడీకి అనుమతించిన నాంపల్లి అనిశా కోర్టు
రేపటి నుంచి మూడు రోజుల పాటు కస్టడీలోకి తీసుకోనున్న అనిశా అధికారులు
ఆదాయానికి మించిన ఆస్తుల కేసులో అరెస్టయిన ఉమామహేశ్వరరావు
ప్రస్తుతం చంచల్‌గూడ జైలులో ఉన్న ఉమా మహేశ్వరరావు

28/05/2024 20:05(IST)

ఖమ్మం జిల్లాలో ఘోర రోడ్డు ప్రమాదం, ముగ్గురు మృతి

ఖమ్మం జిల్లాలో ఘోర రోడ్డు ప్రమాదం, ముగ్గురు మృతి
చెట్టును ఢీకొన్న కారు, తల్లి, ఇద్దరు పిల్లలు మృతి
రఘునాథపాలెం మండలం హర్యా తండా వద్ద ఘటన
మృతులు ఖమ్మం జిల్లా బావోజీ తండా వాసులుగా గుర్తింపు

28/05/2024 19:48(IST)

యాదాద్రి లక్ష్మీనరసింహ స్వామి ఆలయంలో హుండీ లెక్కింపు

యాదాద్రి: యాదాద్రి లక్ష్మీనరసింహ స్వామి ఆలయంలో హుండీ లెక్కింపు
35 రోజుల హుండీ ఆదాయం సుమారు రూ. 3.94 కోట్లు
హుండీలో 174 గ్రాముల బంగారం, 7 కిలోల వెండి కానుకలు

28/05/2024 19:44(IST)

కవిత బెయిల్ కేసులో ఈడీ.. కేసీఆర్‌ ప్రస్తావన చేయలేదు: మోహిత్‌ రావు

దిల్లీ: కవిత బెయిల్ కేసులో ఈడీ.. కేసీఆర్‌ ప్రస్తావన చేయలేదు: కవిత న్యాయవాది మోహిత్‌ రావు
ఈడీ వాదనల్లో కేసీఆర్ ప్రస్తావన జరగలేదు
ఎక్కడా కూడా కేసీఆర్‌ పేరు రాయలేదు
వాదనల సందర్భంగా ఈడీ మాగుంట రాఘవ వాంగ్మూలాన్ని ప్రస్తావించింది
మాగుంట శ్రీనివాసులురెడ్డి ప్రస్తావన చేశారు
మాగుంట రాఘవ తన వాంగ్మూలంలో తన తండ్రి శ్రీనివాసులురెడ్డికి లిక్కర్ కేసులో ఉన్న వారిని పరిచయం చేశారని చెప్పారు

28/05/2024 19:40(IST)

నల్గొండ ఆర్టీవో కార్యాలయంలో ముగిసిన ఏసీబీ సోదాలు

నల్గొండ ఆర్టీవో కార్యాలయంలో ముగిసిన ఏసీబీ సోదాలు
6 గంటలకు పైగా తనిఖీలు చేసిన 12 మంది ఏసీబీ అధికారులు
పలువురు ఉద్యోగులు అక్రమాలకు పాల్పడుతున్నట్లు గుర్తింపు
చెక్‌పోస్టుల వద్ద ఏజెంట్ల ద్వారా అవినీతికి పాల్పడినట్లు గుర్తింపు
ఉద్యోగుల నుంచి రూ. 12,500, పలు డాక్యుమెంట్లు స్వాధీనం
ఐదుగురు ఏజెంట్లను అదుపులోకి తీసుకున్న ఏసీబీ అధికారులు

28/05/2024 19:25(IST)

తెలంగాణలో 3 మున్సిపాలిటీల్లో ఛైర్‌పర్సన్‌, వైస్‌ఛైర్‌ పర్సన్‌ ఎన్నిక తేదీలు ఖరారు

హైదరాబాద్‌: 3 మున్సిపాలిటీల్లో ఛైర్‌పర్సన్‌, వైస్‌ ఛైర్‌ పర్సన్‌ ఎన్నిక తేదీలు ఖరారు
ఈనెల 31న ఛైర్‌ పర్సన్‌, వైస్‌ పర్సన్‌ల ఎన్నికకు ఆదేశం
ఈనెల 31న కొల్లాపూర్‌ మున్సిపల్‌ ఛైర్‌ పర్సన్‌ ఎన్నిక
ఈనెల 31న కామారెడ్డి పురపాలిక వైస్‌ ఛైర్‌ పర్సన్ ఎన్నిక
ఈ నెల 31న నార్సింగి మున్సిపాలిటీ ఛైర్మన్‌, వైస్‌ ఛైర్మన్‌ ఎన్నిక
ఎన్నిక కోసం బుధవారం నోటీసు జారీ చేయనున్న ఆయా జిల్లాల కలెక్టర్లు

28/05/2024 18:32(IST)

ఉద్యోగుల ఓటు చెల్లుబాటు అయ్యేలా ఈసీ చూడాలి: సూర్య నారాయణ

అమరావతి: పోస్టల్‌ బ్యలెట్లు చెల్లకపోతే బాధ్యత ఆర్‌వోలతే: ప్రభుత్వ ఉద్యోగుల సంఘం నేత సూర్య నారాయణ
ఉద్యోగుల ఓటు చెల్లకపోతే బాధ్యత ఎవరు తీసుకుంటారు?
ఉద్యోగుల ఓటు చెల్లుబాటు అయ్యేలా ఈసీ చూడాలి
ఉద్యోగుల ఓటు హక్కు వినియోగాన్ని సంక్లిష్టంగా మారుస్తున్నారు

28/05/2024 18:28(IST)

బాపట్ల ఇంజినీరింగ్‌ కళాశాలలో స్ట్రాంగ్‌ రూమ్‌లను పరిశీలించిన సీఈవో

అమరావతి: బాపట్ల ఇంజినీరింగ్‌ కళాశాలలో స్ట్రాంగ్‌ రూమ్‌లను పరిశీలించిన సీఈవో
కలెక్టర్‌, ఎస్పీతో కలిసి స్ట్రాంగ్‌ రూమ్‌లను పరిశీలించిన సీఈవో
స్ట్రాంగ్‌ రూమ్‌ల భద్రత, ఓట్ల లెక్కింపు ప్రక్రియ ఏర్పాట్లపై సీఈవో ఆరా

28/05/2024 17:54(IST)

బాలికపై అత్యాచారం కేసులో దోషికి 20 ఏళ్ల జైలు శిక్ష

విశాఖ: బాలికపై అత్యాచారం కేసులో దోషికి 20 ఏళ్ల జైలు శిక్ష
2017లో ఐదో తరగతి బాలికను కిడ్నాప్‌ చేసి అత్యాచారం చేసిన నిందితుడు
బాధితురాలికి రూ. 4 లక్షల పరిహారం చెల్లించాలని కోర్టు ఆదేశాలు

28/05/2024 17:51(IST)

సీఎం జగన్‌పై గులకరాయి దాడి కేసులో సతీశ్‌కు బెయిల్‌ మంజూరు

అమరావతి: సీఎం జగన్‌పై గులకరాయి దాడి కేసులో సతీశ్‌కు బెయిల్‌ మంజూరు
సతీశ్‌కు కండిషనల్‌ బెయిల్‌ మంజూరు చేసిన విజయవాడ కోర్టు
శని, ఆదివారాలు పీఎస్‌లో సంతకం చేయాలని సతీశ్‌కు కోర్టు ఆదేశం
ప్రస్తుతం నెల్లూరు జైల్లో రిమాండ్‌ ఖైదీగా ఉన్న నిందితుడు సతీశ్‌

28/05/2024 17:44(IST)

మద్యం వ్యాపారం గురించి కేసీఆర్‌కు కవిత ముందే వివరాలు చెప్పారు: ఈడీ

దిల్లీ: దిల్లీ మద్యం కేసు వాదనల్లో సంచలన విషయాలు బయటపెట్టిన ఈడీ
మద్యం వ్యాపారం గురించి కేసీఆర్‌కు కవిత ముందే వివరాలు చెప్పారు: ఈడీ
కవిత తన టీమ్‌ను దిల్లీలో కేసీఆర్‌కు పరిచయం చేశారు
దిల్లీలోని కేసీఆర్‌ అధికారిక నివాసంలో కవిత తన టీమ్‌ను పరిచయం చేశారు
వారి నుంచి కేసీఆర్‌ వివరాలు తెలుసుకున్నారు
బుచ్చిబాబు, అభిషేక్‌, అరుణ్‌ పిళ్లైను కవిత కేసీఆర్‌కు పరిచయం చేశారు

28/05/2024 17:41(IST)

రఫేల్‌ యుద్ధ విమానాలపై ఈనెల 30న భారత్‌-ఫ్రాన్స్‌ చర్చలు

రఫేల్‌ యుద్ధ విమానాలపై ఈనెల 30న భారత్‌-ఫ్రాన్స్‌ చర్చలు
భారత నౌకాదళంలోకి రఫేల్‌ యుద్ధ విమానాలను చేర్చేందుకు ప్రయత్నాలు
రూ. 50 వేల కోట్లతో 26 యుద్ధ విమానాల కొనుగోలుకు యత్నాలు
ఈనెల 30న దిల్లీకి రానున్న ఫ్రాన్స్‌ ఉన్నతస్థాయి బృందం
ఫ్రాన్స్‌ బృందంతో చర్చలు జరపనున్న రక్షణ శాఖ, నేవీ అధికారులు

28/05/2024 17:16(IST)

రెమాల్‌ తుపాను ప్రభావం.. ఈశాన్య రాష్ట్రాల్లో భారీ వర్షాలు

రెమాల్‌ తుపాను ప్రభావంతో ఈశాన్య రాష్ట్రాల్లో భారీ వర్షాలు
అసోం, మిజోరంలో తుపాను ధాటికి 14 మంది మృతి, ముగ్గురు గల్లంతు
అసోంలో చెట్లు, కొండచరియలు విరిగిపడి ఇద్దరు మృతి, నలుగురికి గాయాలు
అసోం: సోనిత్‌పుర్‌ జిల్లాలో బస్సుపై చెట్టు పడటంతో 12 మందికి గాయాలు
మోరిగావ్‌, నాగావ్‌, దిమా హసాయోలో పాఠశాలలు మూసివేత
ప్రజలు ఇళ్లలోనే ఉండాలని సూచించిన అసోం సీఎం హిమంత బిశ్వశర్మ
త్రిపురకు రెడ్‌ అలర్ట్‌ జారీ చేసిన భారత వాతావరణ శాఖ

28/05/2024 17:08(IST)

నాంపల్లి క్రిమినల్‌ కోర్టుకు బాంబు బెదిరింపు కాల్‌

హైదరాబాద్‌: నాంపల్లి క్రిమినల్‌ కోర్టుకు బాంబు బెదిరింపు కాల్‌
నాంపల్లి క్రిమినల్‌ కోర్టులో విస్తృతంగా తనిఖీలు చేసిన పోలీసులు
అగంతకుడు తప్పుడు ఫోన్‌ కాల్‌ చేసినట్లు నిర్ధరించిన పోలీసులు
ఉదయం ప్రజాభవన్‌కు కూడా బాంబు బెదిరింపు కాల్‌ చేసిన అగంతకుడు

28/05/2024 17:03(IST)

మాచర్ల ఈవీఎం ధ్వంసం ఘటనతో దేశం ఆశ్యర్యపోయింది: దేవినేని ఉమ

అమరావతి: జగన్‌ చెప్పినట్లే ఏపీ ఎన్నికల ఫలితాలు చూసి దేశం ఆశ్చర్యపోతుంది: తెదేపా నేత దేవినేని ఉమ
మాచర్ల ఈవీఎం ధ్వంసం ఘటనతో దేశం ఆశ్యర్యపోయింది
తమ దుకాణం మూతపడ్డాక అధికారుల్ని భయపెట్టాలని వైకాపా యత్నం
ఇప్పటికే చాలా మంది వైకాపా నేతలు విదేశాలకు సామగ్రితో సహా సర్దేశారు
సీఎస్‌ ఆధ్వర్యంలో భూ దందాలను అసత్య ఆరోపణలనడం సరికాదు

28/05/2024 16:52(IST)

వందల మంది ఏపీ యువకులు కాంబోడియాలో చిక్కుకున్నారు: చంద్రబాబు

అమరావతి: రాష్ట్రంలో మానవ అక్రమ రవాణాపై సీఎస్‌ జవహర్‌రెడ్డికి చంద్రబాబు లేఖ
వందలాది ఏపీ యువకులు కాంబోడియాలో చిక్కుకున్నారన్న చంద్రబాబు
తెలుగు యువకులను రాష్ట్రానికి తీసుకురావడానికి ఏర్పాట్లు చేయాలని లేఖ
ఉపాధి పేరుతో నకిలీ ఏజెన్సీలు యువతను మోసగించాయి: చంద్రబాబు
నకిలీ ఏజెన్సీల వ్యవహారం ఎన్‌ఐఏ విచారణలో బయటపడింది
కాంబోడియా, లావోస్‌ నుంచి రావడానికి ఇబ్బందులు పడుతున్నారు
కేంద్ర సహకారంతో బాధితులను రాష్ట్రానికి తీసుకొచ్చేలా చూడాలి: చంద్రబాబు

28/05/2024 16:47(IST)

సోనియా గాంధీతో సమావేశమైన సీఎం రేవంత్‌ రెడ్డి

దిల్లీ: సోనియా గాంధీతో సమావేశమైన సీఎం రేవంత్‌ రెడ్డి
రాష్ట్ర అవతరణ వేడుకలకు సోనియాగాంధీని ఆహ్వానించిన సీఎం
ఇప్పటికే కేసీ వేణుగోపాల్‌ను కలిసి వేడుకలకు ఆహ్వానించిన రేవంత్‌రెడ్డి

28/05/2024 16:38(IST)

ఫోన్ ట్యాపింగ్ కేసు.. బెయిల్ పిటిషన్ వేసిన భుజంగరావు

నాంపల్లి కోర్టులో బెయిల్ పిటిషన్ వేసిన భుజంగరావు, తిరుపతన్న
ఫోన్ ట్యాపింగ్ కేసులో బెయిల్ పిటిషన్ వేసిన భుజంగరావు, తిరుపతన్న
గతంలో భుజంగరావు, తిరుపతన్న బెయిల్ పిటిషన్లు కొట్టివేసిన నాంపల్లి కోర్టు
మరోసారి బెయిల్ పిటిషన్ వేసిన భుజంగరావు, తిరుపతన్న
భుజంగరావు, తిరుపతన్న బెయిల్ పిటిషన్లపై రేపు నాంపల్లి కోర్టు విచారణ

28/05/2024 16:13(IST)

ఐఈడీ పేలుడు ఘటనలో 15 మంది మావోయిస్టులు అరెస్టు

ఛత్తీస్‌గఢ్‌: దంతెవాడలో ఐఈడీ పేలుడు ఘటనలో 15 మంది మావోయిస్టులు అరెస్టు
ఆదివారం భద్రతా బలగాల కూంబింగ్‌ సమయంలో పేలిన ఐఈడీ
ఐఈడీ పేలుడు నుంచి త్రుటిలో తప్పించుకున్న భద్రతా బలగాలు
పారిపోతుండగా గుమాల్నార్‌ వద్ద 15 మంది సక్సలైట్లను పట్టుకున్న పోలీసులు
పట్టుబడ్డ వారిలో ఏడుగురు మహిళా మావోయిస్టులు ఉన్నట్లు గుర్తింపు
మావోయిస్టుల వద్ద ఐఈడీ, డిటోనేటర్లు, టిఫిన్‌ బాక్సులు స్వాధీనం
మావోయిస్టులను కోర్టులో హాజరుపరిచాక జ్యుడీషియల్‌ రిమాండ్‌కు తరలించిన పోలీసులు

28/05/2024 15:52(IST)

చాపాడు ఘటనపై ఉన్నతాధికారుల ఆగ్రహం

వైఎస్సార్‌ జిల్లా: చాపాడు ఘటనపై ఉన్నతాధికారుల ఆగ్రహం
సార్వత్రిక ఎన్నికల పోలింగ్‌ రోజున ఘటనలపై అధికారుల ఆగ్రహం
చాపాడు మండలంలో తెదేపా ఏజెంట్లపై దాడి చేసిన వైకాపా కార్యకర్తలు
దాడి ఘటనలపై మైదుకూరు డీఎస్పీకి ఛార్జ్‌ మెమో జారీ
విధుల్లో నిర్లక్ష్యం వహించిన చాపాడు ఎస్సైపై శాఖాపరమైన విచారణకు ఆదేశం

28/05/2024 15:44(IST)

మే 30 నుంచి జూన్‌ 1 వరకు కన్యాకుమారిలో ప్రధాని పర్యటన

మే 30 నుంచి జూన్‌ 1 వరకు కన్యాకుమారిలో ప్రధాని పర్యటన
కన్యాకుమారిలో రాక్‌ మెమోరియల్‌ సందర్శించనున్న ప్రధాని మోదీ
మే 30 సాయంత్రం నుంచి జూన్‌ 1 సాయంత్రం వరకు ధ్యానం చేయనున్న మోదీ
ధ్యాన మండపంలో ధ్యానం చేయనున్న ప్రధాని మోదీ
స్వామి వివేకానంద చేసిన ప్రాంతంలో ధ్యానం చేయనున్న ప్రధాని

28/05/2024 15:28(IST)

షాద్‌నగర్‌లోని సాయిబాబా రెస్టారెంట్‌లో అధికారుల తనిఖీలు

రంగారెడ్డి: షాద్‌నగర్‌లోని సాయిబాబా రెస్టారెంట్‌లో అధికారుల తనిఖీలు
రెస్టారెంట్‌లో జిల్లా ఫుడ్‌ సేఫ్టీ అధికారి ఉదయ్‌ కిరణ్‌ తనిఖీలు
వంటగది శుభ్రంగా లేకపోవడంతో కేసు నమోదు చేసిన అధికారులు
నిన్న మండి బిర్యానీ తిని అస్వస్థతకు గురైన నరేందర్ అనే వ్యక్తి

28/05/2024 15:21(IST)

పిల్లలను ఎత్తుకెళ్తున్న ముఠాను పట్టుకున్నాం: సీపీ తరుణ్‌ జోషీ

హైదరాబాద్‌: రాచకొండ కమిషనర్ కార్యాలయం వద్ద పిల్లల తల్లిదండ్రుల ఆందోళన
తమ పిల్లలను ఎత్తుకెళ్లారని తల్లిదండ్రుల ఆందోళన
రాచకొండ పోలీసులకు వచ్చిన సమాచారం ఆధారంగా పిల్లలను ఎత్తుకెళ్తున్న ముఠాను పట్టుకున్నాం: సీపీ తరుణ్‌ జోషీ
నెల నుంచి రెండేళ్ల వయసున్న పిల్లలను అమ్ముతున్నట్లు సమాచారం వచ్చింది
పిల్లలు లేని వారికి ఈ పిల్లలను అమ్ముతున్నట్లుగా సమాచారం వచ్చింది
ఇటీవల మేడిపల్లిలో శోభ రాణి, సలీం, స్వప్నలను అరెస్టు చేశాం
వారిని అరెస్టు చేసిన సమయంలో ఇద్దరు చిన్నారులను రక్షించాం

28/05/2024 14:58(IST)

అశ్వారావుపేటలోని ఆర్టీఏ కార్యాలయంలో ఏసీబీ సోదాలు

భద్రాద్రి: అశ్వారావుపేటలోని ఆర్టీఏ కార్యాలయంలో ఏసీబీ సోదాలు
ఆర్టీఏ సిబ్బంది వద్ద అక్రమంగా ఉన్న రూ.35 వేలు స్వాధీనం
చెక్‌పోస్టులో అనధికారంగా విధుల్లో ఉన్న ఏడుగురు వ్యక్తులు
ఏడుగురు ప్రైవేటు వ్యక్తులను అదుపులోకి తీసుకున్న ఏసీబీ అధికారులు

28/05/2024 14:56(IST)

తెలంగాణలోని పలు చోట్ల ఆర్టీవో కార్యాలయాల్లో ఏసీబీ తనిఖీలు

హైదరాబాద్‌: రాష్ట్రంలోని పలు చోట్ల ఆర్టీవో కార్యాలయాల్లో ఏసీబీ తనిఖీలు
మలక్‌పేట్‌ ఆర్టీఏ కార్యాలయంలో ఏసీబీ సోదాలు
ఏసీబీ సోదాల వల్ల దరఖాస్తులను నిలిపివేసిన పోలీసులు
పాతబస్తీ బండ్లగూడ ఆర్టీఏ కార్యాలయంలో ఏసీబీ తనిఖీలు
టోలిచౌకి వద్ద ఆర్టీఏ కార్యాలయంలో ఏసీబీ తనిఖీలు
మహబూబ్‌నగర్‌లోని ఆర్టీఏ కార్యాలయంలో ఏసీబీ తనిఖీలు
ఐదుగురు ఏజెంట్లను అదుపులోకి తీసుకున్న ఏసీబీ అధికారులు
నల్గొండలోని ఆర్టీఏ కార్యాలయంలో ఏసీబీ అధికారుల తనిఖీలు

28/05/2024 14:54(IST)

బావిలో దూకి సాఫ్ట్‌వేర్‌ ఉద్యోగిని ఆత్మహత్య

ఖమ్మం: వైరా మండలం నారపునేనిపల్లిలో సాఫ్ట్‌వేర్‌ ఉద్యోగిని ఆత్మహత్య
బావిలో దూకి ఆత్మహత్య చేసుకున్న దావులూరి వర్ష (22)
వర్షకు 6నెలల క్రితమే వివాహం, భర్త అమెరికాలో సాఫ్ట్‌వేర్‌ ఉద్యోగి
అనారోగ్యంతోనే వర్ష ఆత్మహత్య చేసుకుంటుందన్న కుటుంబసభ్యులు
వర్ష మృతిపై కేసు నమోదు చేసి దర్యాప్తు చేపట్టిన పోలీసులు

28/05/2024 13:46(IST)

ప్రధాని ట్వీట్‌కు స్పందించిన చంద్రబాబు

ఎన్టీఆర్‌ ఆశయ సాధనకు కలిసి పనిచేద్దామంటూ ప్రధానికి చంద్రబాబు ట్వీట్‌
ఎన్టీఆర్‌ జయంతి సందర్భంగా ప్రధాని ట్వీట్‌కు స్పందించిన చంద్రబాబు
ఎన్టీఆర్‌ తెర ముందు, తెర వెనకా ఓ లెజెండ్‌: చంద్రబాబు
పేదల సంక్షేమం, అభివృద్ధి వికేంద్రీకరణలో ఎన్టీఆర్‌ పోరాటం మనందరికీ స్ఫూర్తి
ఎన్టీఆర్‌ నిస్వార్థ ప్రజాసేవ స్ఫూర్తి అందరి హృదయాల్లో ప్రకాశిస్తోంది: చంద్రబాబు

28/05/2024 13:28(IST)

ఫోన్‌ ట్యాపింగ్‌ కేసులో మరికొంత మంది కీలక అధికారుల పేర్లు

హైదరాబాద్‌: ఫోన్ ట్యాపింగ్ కేసుల్లో మరి కొంత మంది కీలక అధికారుల పేర్లు
ఇంటెలిజెన్స్ ఎస్పీ భుజంగరావు వాంగ్మూలంలో మరిన్ని కీలక అంశాలు
వెలుగులోకి సైబరాబాద్ ఎస్‌వోటీ డీసీపీ నారాయణ పేరు
ఎన్నికలకు ముందు రాధా కిషన్ రావు బదిలీ కావడంతో సైబరాబాద్ ఎస్ఓటి టీమ్‌ను సంప్రదించిన ఎస్ఐబీ చీఫ్ ప్రభాకర్ రావు బృందం
ప్రతిమ, యశోద హాస్పిటల్ నుంచి భారీగా నగదును తరలింపు
తరలించిన నగదు అంతా భారాస నేతలకు పోలీసులు స్వయంగా అందజేసినట్లు వాగ్మూలంలో భుజంగరావు వెల్లడి
రాధా కిషన్ రావు బదిలీ తర్వాత కొత్తగా వచ్చిన టాస్కఫోర్స్‌ డీసీపీకి మరికొన్ని ఆదేశాలు
టాస్క్ ఫోర్స్ డీసీపీ నికిత పంత్ భారాస నేతల ఆదేశాలను పట్టించుకోకపోవడంతో ఎస్ఓటీని ఆశ్రయించిన ప్రభాకర్ రావు టీం
జీహెచ్ఎంసీ ఎన్నికల సమయంలో కూడా ఫోన్ ట్యాపింగ్‌ చేసినట్లు వాంగ్మూలంలో పేర్కొన్న భుజంగరావు
ప్రభాకర్ రావుతో పాటు మాజీ ఇంటలిజెన్స్ ఐజీ నవీన్ చంద్ ఇచ్చిన అత్యాధునిక పరికరాలతో మరింత మెరుగ్గా ఫోన్ ట్యాపింగ్‌ చేసినట్లు భుజంగ రావు వెల్లడి
2018 అసెంబ్లీ ఎన్నికలు ముందు ఎస్ఐబీలో ప్రత్యేక ఏస్ఓటీ టీమ్ ఏర్పాటు
అప్పటి సీఎం కేసీఆర్ ఆదేశాలతో మొదలైన ఫోన్ ట్యాపింగ్‌

28/05/2024 13:17(IST)

పలు జిల్లాల్లో విత్తనాల కోసం రైతుల కష్టాలు

సంగారెడ్డి, సిద్దిపేట జిల్లాల్లో జీలుగు, జనుము విత్తనాల కోసం రైతుల కష్టాలు
పుల్కల్‌లో ఆగ్రో షాపుల వద్ద పాస్‌బుక్‌ జిరాక్స్‌లు లైనులో ఉంచిన రైతులు
విత్తనాల కొరతతో కొన్ని రోజులుగా ఆందోళన చెందుతున్న అన్నదాతలు
దుబ్బాకలో పత్తి విత్తనాల కోసం బారులు తీరిన రైతులు

28/05/2024 12:53(IST)

కాంగ్రెస్‌ పాలనలో 5 నెలల్లోనే రైతులు రోడ్డెక్కాల్సిన దుస్థితి: హరీశ్‌రావు

కాంగ్రెస్‌ తెస్తానన్న మార్పు.. ఇందిరమ్మ రాజ్యం.. ఇదేనా?: హరీశ్‌రావు
ఆదిలాబాద్‌లో పత్తి రైతులపై లాఠీఛార్జ్‌ దారుణం, బాధాకరం
సాగునీరు, కరెంటే కాదు.. విత్తనాలు కూడా ఇవ్వలేని స్థితికి ఈ ప్రభుత్వం చేరింది
కాంగ్రెస్‌ పాలనలో 5 నెలల్లోనే రైతులు రోడ్డెక్కాల్సిన దుస్థితి వచ్చింది
రైతులకు విత్తనాలు సాఫీగా పంపిణీ చేసేలా ప్రభుత్వం చర్యలు చేపట్టాలి: హరీశ్‌రావు

28/05/2024 12:45(IST)

అమెరికాలో టోర్నడోల బీభత్సం.. 22కు చేరిన మృతుల సంఖ్య

అమెరికా: అమెరికాలో టోర్నడోల బీభత్సం, 22కు చేరిన మృతుల సంఖ్య
పెనుగాలుల ధాటికి అనేక ప్రాంతాల్లో ధ్వంసమైన ఇళ్లు
టెక్సాస్‌, ఓక్లహామా, ఆర్కన్సాస్‌లో ప్రభుత్వ, ప్రైవేటు ఆస్తులకు భారీ నష్టం
ఆస్తి నష్టంపై అంచనాలు రూపొందిస్తామన్న అధ్యక్షుడు జో బైడెన్‌

28/05/2024 12:35(IST)

నీటిపారుదల శాఖ విశ్రాంత ఇంజినీర్‌ రంగారెడ్డి మృతి.. పలువురు సంతాపం

నీటిపారుదల శాఖ విశ్రాంత ఇంజినీర్‌ రంగారెడ్డి మృతిపట్ల పలువురు సంతాపం
కొండాపూర్‌లోని నివాసానికి వెళ్లి రంగారెడ్డికి నివాళులర్పించిన మల్లు రవి
రంగారెడ్డి కుటుంబసభ్యులకు ప్రగాఢ సానుభూతి తెలిపిన మల్లురవి
ప్రాజెక్టుల సలహాదారు రంగారెడ్డి మరణం తీవ్ర దిగ్భ్రాంతికి గురిచేసింది: డీకే అరుణ
రంగారెడ్డి ఆత్మకు శాంతి చేకూరాలని దేవుడిని ప్రార్థిస్తున్నా
రంగారెడ్డి మృతి పాలమూరు జిల్లా రైతులకు, ప్రజలకు తీరని లోటు

28/05/2024 12:31(IST)

రాష్ట్ర చరిత్రలోనే రూ. వేల కోట్ల భూ కుంభకోణం జరిగింది: మూర్తి యాదవ్‌

ఈసీ వెబ్‌సైట్‌ను రాష్ట్ర ప్రభుత్వం బంద్‌ చేసింది: జనసేన నేత మూర్తి యాదవ్‌
సీఎస్‌ జవహర్‌రెడ్డిపై ఆరోపణలు చేసి 72 గంటలయ్యింది
బీసీ, ఎస్సీ, ఎస్టీలను భయపెట్టి జవహర్‌రెడ్డి అండ్‌ కో భూములు దోచుకున్నారు
పేద రైతుల అసైన్డ్‌ భూములను వైకాపా నాయకులు దోచేశారు
రాష్ట్ర చరిత్రలోనే రూ. వేల కోట్ల భూ కుంభకోణం జరిగింది
నాకు లీగల్ నోటీసులు ఇస్తానని అనడంపై స్వాగతించాను
సీఎస్‌ తన కుమారుడితో వివరణ ఇప్పించాలి
ముందు భూములు రాయించుకున్నారు.. ఆ తర్వాత జీవో 596 విడుదల చేశారు: మూర్తి యాదవ్‌

28/05/2024 12:20(IST)

సినీ, రాజకీయ రంగాల్లో ఎన్టీఆర్‌ సేవలు మరువలేనివి: ప్రధాని మోదీ

ఎన్టీఆర్‌ జయంతి సందర్భంగా ప్రధాని మోదీ నివాళులు
తెలుగు సినిమాకు ఎన్టీఆర్ గొప్ప స్ఫూర్తి: ప్రధాని మోదీ
దూరదృష్టి కలిగిన రాజకీయ నాయకుడు ఎన్టీఆర్‌
సినీ, రాజకీయ రంగాల్లో ఎన్టీఆర్‌ సేవలు మరువలేనివి
తెరపై ఎన్టీఆర్‌ ఎన్నో మరుపురాని పాత్రల్లో నటించి మెప్పించారు: మోదీ

28/05/2024 12:12(IST)

ఎన్టీఆర్‌ జయంతి.. పవన్‌ కల్యాణ్‌ నివాళులు

ఎన్టీఆర్‌ జయంతి సందర్భంగా అంజలి ఘటిస్తున్నా: పవన్‌ కల్యాణ్‌
సినీ, రాజకీయ రంగాల్లో ఎన్టీఆర్‌ శైలి అజరామరం
ఎన్టీఆర్‌ తెచ్చిన సంస్కరణలు, రూ.2కే కిలో బియ్యం చిరస్థాయిగా నిలిచిపోయాయి

28/05/2024 12:00(IST)

సౌమ్య కుటుంబసభ్యులను పరామర్శించిన ఎమ్మెల్యే బీర్ల అయిలయ్య

యాదాద్రి: సౌమ్య కుటుంబసభ్యులను పరామర్శించిన ఎమ్మెల్యే బీర్ల అయిలయ్య
ఉన్నత చదువులకు అమెరికా వెళ్లి రోడ్డు ప్రమాదంలో చనిపోయిన సౌమ్య
సౌమ్య మృతదేహం త్వరగా భారత్‌కు వచ్చేలా చూస్తామన్న అయిలయ్య
సౌమ్య తల్లిదండ్రులు, కుటుంబసభ్యులను ఓదార్చి, ధైర్యం చెప్పిన అయిలయ్య

28/05/2024 11:52(IST)

పిన్నెల్లి ముందస్తు బెయిల్‌ పిటిషన్లపై హైకోర్టు మధ్యంతర ఉత్తర్వులు

పిన్నెల్లి ముందస్తు బెయిల్‌ పిటిషన్లపై హైకోర్టు మధ్యంతర ఉత్తర్వులు
జూన్ 6 వరకు ఎలాంటి చర్యలు చేపట్టొద్దని ఆదేశం
విచారణ జూన్‌ 6కు వాయిదా వేసిన హైకోర్టు

28/05/2024 11:30(IST)

మెట్‌పల్లి వ్యవసాయ కార్యాలయం వద్ద బారులు తీరిన రైతులు

జగిత్యాల: మెట్‌పల్లి వ్యవసాయ కార్యాలయం వద్ద బారులు తీరిన రైతులు
జీలుగు, జనుము విత్తనాల కోసం బారులు తీరిన రైతులు
మూడు కేంద్రాల్లో రైతులకు వెయ్యి బస్తాల విత్తనాలు మాత్రమే పంపిణీ
మరో 2,500 బస్తాల విత్తనాలు అవసరం ఉందంటున్న రైతులు

28/05/2024 11:21(IST)

మినిస్టర్‌ క్వార్టర్స్‌లో నిర్మాణ సామగ్రి చోరీ

హైదరాబాద్‌: మంత్రుల నివాస ప్రాంగణంలో నిర్మాణ సామగ్రి చోరీ
బంజారాహిల్స్ రోడ్‌-12లోని మినిస్టర్‌ క్వార్టర్స్‌లో నిర్మాణ సామగ్రి చోరీ
ఆర్‌అండ్‌బీ అధికారుల ఫిర్యాదుతో కేసు నమోదు చేసిన పోలీసులు

28/05/2024 11:02(IST)

యర్రంపేట ఉపాధి హామీ పనుల్లో ఉద్రిక్తత

ఏలూరు జిల్లా: కొయ్యలగూడెం మండలం యర్రంపేట ఉపాధి హామీ పనుల్లో ఉద్రిక్తత
ఎడ్ల కాడి చెరువులో పనులు చేసేందుకు సిద్ధమైన ఉపాధి హామీ కూలీలు
యర్రంపేట కూలీలను అడ్డుకున్న రాజవరం గ్రామస్థులు
ఎన్నో ఏళ్లుగా సాగు చేసుకుంటున్న భూమిని చెరువు పేరుతో తవ్వుతున్నారని ఆరోపణ
ప్రభుత్వ రికార్డుల్లో సీతమ్మ ఆవ చెరువుగా నమోదైందంటున్న అధికారులు

28/05/2024 11:01(IST)

భూదాన్‌ పోచంపల్లిలోని పాల కేంద్రాల్లో పోలీసుల తనిఖీలు

యాదాద్రి: భూదాన్‌ పోచంపల్లిలోని పాల కేంద్రాల్లో పోలీసుల తనిఖీలు
ముక్తాపూర్‌లో కల్తీ పాలు తయారుచేస్తున్నట్లు గుర్తించిన ఎస్‌వోటీ పోలీసులు
ప్రశాంత్‌ అనే వ్యక్తి నుంచి 60 లీటర్ల కల్తీ పాలు, రసాయనాలు, పౌడర్‌ స్వాధీనం

28/05/2024 11:01(IST)

ఇండిగో విమానానికి బాంబు బెదిరింపు

ఇండిగో విమానానికి బాంబు బెదిరింపు, ప్రయాణికులంతా క్షేమం
అత్యవసర ద్వారం ద్వారా ప్రయాణికులను దించిన సిబ్బంది
నిర్మానుష్య ప్రాంతానికి విమానం తరలించి బాంబు స్క్వాడ్‌ తనిఖీలు
దిల్లీ నుంచి వారణాసి వెళ్తున్న ఇండిగో విమానం

28/05/2024 11:00(IST)

చిన్నారులను విక్రయిస్తున్న అంతర్రాష్ట్ర ముఠా.. అరెస్టు

హైదరాబాద్‌: చిన్నారులను విక్రయిస్తున్న అంతర్రాష్ట్ర ముఠా అరెస్టు
16 మంది చిన్నారులను కాపాడిన మేడిపల్లి పోలీసులు
ఇతర రాష్ట్రాలకు చెందిన చిన్నారులు కూడా ఉన్నట్లు గుర్తింపు
ఇటీవల మేడిపల్లిలోని చిన్నారి విక్రయంతో బయటపడ్డ ముఠా ఆగడాలు
ఫిర్జాదిగూడలో రూ.4.5 లక్షలకు శిశువును విక్రయించిన ఆర్‌ఎంపీ శోభారాణి
ఆర్‌ఎంపీ, ఆమెకు సహకరించిన మరో ఇద్దరిని అరెస్టు చేసిన పోలీసులు

తాజా వార్తలు (Latest News)

మరిన్ని

సుఖీభవ

మరిన్ని

చదువు

మరిన్ని

చదువు సుఖీభవ మకరందం ఈతరం ఆహా హాయ్ బుజ్జీ స్థిరాస్తి కథామృతం దేవతార్చన

నేటి తాజా వార్తలు @ ఈనాడు.నెట్‌ (28/05/2024)

తాజా వార్తలు (Latest News)

రైళ్ల రీ షెడ్యూల్‌.. గమ్యాల కుదింపు

రైలుబండి.. దొంగలున్నారు జాగ్రత్తండీ

ఆటల్లో మనమెక్కడ?ఐదేళ్ల వైకాపా పాలనలో క్రీడలపై తీవ్ర నిర్లక్ష్యం

మంచి దొంగ!.. చోరీకొచ్చి.. నీళ్లు తాగి.. డబ్బులు పెట్టి

గుడిమెట్ల కొండల్లో వజ్రాల వేట

ప్రాణాలతో స్వదేశానికి వస్తానని అనుకోలేదు: గల్ఫ్‌ బాధితుడు వీరేంద్రకుమార్‌

సుఖీభవ

చదువు