Breaking | Feedback | ePratibha | E-PAPER | Pratibha

బీసీల కోసం నల్గొండ సీటు త్యాగానికి సిద్ధం: కోమటి రెడ్డి వెంకట్‌రెడ్డి

Updated : 29 Aug 2023 19:12 IST

సంక్షిప్త వార్తలు - చిత్ర వార్తలు

29/08/2023 23:10(IST)

యువకుడి దారుణ హత్య

రంగారెడ్డి జిల్లా రాజేంద్రనగర్‌ పరిధిలోని హైదర్‌గూడలో యువకుడు హత్యకు గురయ్యాడు. సెలబ్రిటీ జిమ్‌ సెల్లార్‌లో దుండగులు ఈ ఘాతుకానికి పాల్పడ్డారు. జిమ్‌ ముగించుకుని బైక్‌ కోసం సెల్లార్‌లోకి వచ్చిన యువకుడి కళ్లలో దుండగులు పెప్పర్‌ స్ప్రే కొట్టి దాడి చేశారు. దాడిలో యువకుడు అక్కడికక్కడే మృతి చెందాడు. మృతుడు ధూల్‌పేటకు చెందిన రాహుల్‌గా పోలీసులు గుర్తించారు. మృతదేహాన్ని పోస్టుమార్టం నిమిత్తం ఉస్మానియా ఆసుపత్రికి తరలించారు. నిందితుల కోసం పోలీసులు గాలిస్తున్నారు.

29/08/2023 20:13(IST)

వకుళమాత ఆలయంలో మూడు రోజులపాటు యజ్ఞాలు

తిరుమల: ఆగ‌స్టు 30 నుంచి సెప్టెంబ‌రు 1వ వ‌ర‌కు తిరుమలలోని వ‌కుళ‌మాత ఆల‌యంలో శ్రీ ల‌క్ష్మీనారాయ‌ణ య‌జ్ఞం నిర్వహించనున్నారు. ఆగ‌స్టు 31న ఉద‌యం స‌రస్వతీ న‌వ‌గ్రహ - సుద‌ర్శన హోమాలు, సాయంత్రం దీపోత్సవం చేప‌డ‌తారు. సెప్టెంబ‌రు 1న ల‌క్ష్మీపూజ‌, కుంకుమార్చన, మ‌హాపూర్ణాహుతి జ‌రుగ‌నున్నాయి.

29/08/2023 19:48(IST)

తెదేపా కార్యకర్తల ఇళ్లపై కర్రలు, రాడ్లతో వైకాపా శ్రేణుల దాడులు

పల్నాడు జిల్లా: వెల్దుర్తి మండలం గొట్టిపాళ్లలో ఉద్రిక్త వాతావరణ నెలకొంది. తెదేపా కార్యకర్తల ఇళ్లపై కర్రలు, రాడ్లతో వైకాపా శ్రేణులు దాడులు చేశారు. దీంతో తెదేపా కార్యకర్తలు ప్రాణభయంతో పరుగులు తీశారు.

29/08/2023 19:39(IST)

పుంగనూరు ఘటనపై ముందస్తు బెయిల్‌కు తెదేపా నేతల దరఖాస్తు

పుంగనూరు: పుంగనూరు ఘటనపై ముందస్తు బెయిల్‌కు తెదేపా నేతలు దరఖాస్తు చేశారు. మదనపల్లె కోర్టులో తెదేపా తరఫు న్యాయవాదులు వాదనలు వినిపించారు. తీర్పును ఈనెల 13కి వాయిదా వేస్తున్నట్లు మదనపల్లె రెండో అదనపు జిల్లా జడ్డి తీర్పునిచ్చారు.

29/08/2023 19:24(IST)

గ్రేటర్‌లో సెప్టెంబర్ 2న రెండు పడక గదుల ఇళ్ల కేటాయింపు

హైదరాబాద్: రెండు పడక గదుల లబ్ధిదారులతో మంత్రి తలసాని శ్రీనివాస్‌ యాదవ్‌ టెలీకాన్ఫరెన్స్‌లో మాట్లాడారు. డ్రా ద్వారా ఎంపిక చేసిన 12 వేల మంది లబ్ధిదారులతో మంత్రి టెలీకాన్ఫరెన్స్‌ నిర్వహించారు. గ్రేటర్‌లో సెప్టెంబర్ 2న రెండు పడక గదుల ఇళ్లు కేటాయించనున్నట్లు తెలిపారు.

29/08/2023 19:19(IST)

కళ్లలో కారం కొట్టి బైక్‌తో పరారైన దుండగులు

సికింద్రాబాద్: మహంకాళి పోలీస్‌ స్టేషన్ పరిధిలో సోమవారం దారి దోపిడీ జరిగింది. బైక్‌పై వెళ్తున్న వ్యక్తిని అడ్డగించి దుండగులు కళ్లలో కారం కొట్టి బైక్‌తో పరారైన ఘటన ఆలస్యంగా వెలుగులోకి వచ్చింది.

29/08/2023 19:16(IST)

నిర్మల్‌ జిల్లాకు రూ. 118.40 కోట్ల ప్రత్యేక అభివృద్ధి నిధులు విడుదల

నిర్మల్‌: నిర్మల్‌ జిల్లాకు రూ. 118.40 కోట్ల ప్రత్యేక అభివృద్ధి నిధులు విడుదల చేశారు. జిల్లాలోని 396 పంచాయతీలకు రూ. 10 లక్షల చొప్పున నిధులు విడుదల చేశారు. నిర్మల్‌, భైంసా, ఖానాపూర్‌ మున్సిపాలిటీలకు రూ. 25 కోట్ల చొప్పున నిధులు విడుదల చేసినట్లు అధికారులు తెలిపారు.

29/08/2023 19:06(IST)

బీసీల కోసం నల్గొండ సీటు త్యాగానికి సిద్ధం: కోమటి రెడ్డి వెంకట్‌రెడ్డి

హైదరాబాద్: బీసీల కోసం నల్గొండ సీటు త్యాగానికి సిద్ధమని ఎంపీ కోమటి రెడ్డి వెంకట్‌రెడ్డి అన్నారు. ఎన్నికల ముందు కేటీఆర్ అమెరికా పర్యటనలో మతలబు ఉందని ఎంపీ ఆరోపించారు. తన నియోజకవర్గంలో ఆరు దరఖాస్తులు వచ్చినట్లు చెప్పారు. అందరి బలా బలాలు పరిశీలించి సమర్థులకే టికెట్లు ఇస్తామని తెలిపారు.

29/08/2023 19:05(IST)

అర్చకుల గౌరవ వేతనం పెంచిన సీఎంకు మంత్రి కృతజ్ఞతలు

హైదరాబాద్‌: అర్చకుల గౌరవ వేతనం పెంచిన సీఎంకు మంత్రి ఇంద్రకరణ్‌ రెడ్డి కృతజ్ఞతలు తెలిపారు. గతంలో 1805 ఆలయాలకే ధూపదీప నైవేద్య పథకం అమలు చేశారని మంత్రి చెప్పారు. ప్రస్తుతం రాష్ట్రంలో 6,541 ఆలయాలకు పథకం అమలు చేస్తున్నట్లు వివరించారు. ఈ పథకానికి ఏడాదికి రూ. 78.49 కోట్ల వ్యయం అవుతుందని ఆయన తెలిపారు.

29/08/2023 19:03(IST)

రాయికల్‌లో మహిళ దారుణ హత్య

జగిత్యాల: రాయికల్‌లో మహిళ దారుణ హత్య జరిగింది. మహిళ ఇంట్లో ఒంటరిగా ఉన్నప్పుడు దుండగులు చొరబడ్డారు. కోలా జల(48) అనే మహిళను చంపి దుండగులు నగలు ఎత్తుకెళ్లారు. పోలీసులు సంఘటనా స్థలానికి చేరుకొని విచారిస్తున్నారు.

29/08/2023 18:30(IST)

నడిరోడ్డులో వ్యక్తిపై కత్తితో దాడి

డోన్‌ నేర విభాగం: నడిరోడ్డులో వ్యక్తిపై కత్తితో దాడి కలకలం సృష్టించింది. డోన్‌ వ్యవసాయ మార్కెట్‌ వద్ద లక్ష్మన్నపై దాడి జరిగింది. పాత కక్షల నేపథ్యంలో లక్ష్మన్నపై దుండగులు దాడికి పాల్పడ్డారు. విచక్షణా రహితంగా అతడి ముఖంపై దాడి చేశారు. బాధితుడి పరిస్థితి విషమంగా ఉండటంతో కర్నూలుకు తరలించారు. బాధితుడు ప్యాటిల్లి మండలం చండ్రాపల్లి గ్రామానికి చెందినవాడు. పాతకక్షలతోనే ఈ దాడి జరిగినట్లు పోలీసులు తెలిపారు.

29/08/2023 18:28(IST)

తితిదే బోర్డు సభ్యుల నియామకాలను సవాల్‌ చేస్తూ పిల్‌

అమరావతి: తితిదే బోర్డు సభ్యుల నియామకాలను సవాల్‌ చేస్తూ హైకోర్టులో పిల్‌ దాఖలైంది. ఈ మేరకు చింతా వెంకటేశ్వర్లు పిల్‌ దాఖలు చేశారు. నేర చరిత్ర గలవారు, మద్యం వ్యాపారులను నియమించడం సరికాదని పిటిషన్‌లో పేర్కొన్నారు. ఎమ్మెల్యే సామినేని ఉదయభాను నియామకాన్ని సవాల్ చేస్తూ పిల్‌ దాఖలైంది.

29/08/2023 18:17(IST)

Hyderabad: ఫ్రెషర్స్‌ డే వేడుకలో సందడి చేసిన విద్యార్థినులు

ఉస్మానియా యూనివర్సిటీలోని ఆంధ్ర మహిళా సభ కళాశాల విద్యార్థులు ఫ్రెషర్స్ డే నిర్వహించారు. ఈ సందర్భంగా విద్యార్థినులు అందంగా ముస్తాబై ర్యాంప్‌ వాక్‌ చేసి అలరించారు.

29/08/2023 18:01(IST)

పాము కాటుతో మహిళ మృతి

చందర్లపాడు: ఎన్టీఆర్ జిల్లా చందర్లపాడు మండలం వెలది కొత్తపాలెం గ్రామంలో పాముకాటుతో ఓ మహిళ మృతి చెందింది. వెలది కొత్తపాలెం గ్రామానికి చెందిన కామసాని శివపార్వతి(50) సుబాబుల్ పొలంలో చెత్త ఏరేందుకు వెళ్లగా పాముకాటు వేసింది. ఆమెను మెరుగైన వైద్యం కోసం నందిగామ ప్రభుత్వాసుపత్రికి తరలించగా అప్పటికే మృతి చెందిందని వైద్యులు తెలిపారు.

29/08/2023 17:55(IST)

కోరుట్లలో యువతి అనుమానాస్పద మృతి

జగిత్యాల: కోరుట్లలో యువతి అనుమానాస్పదంగా మృతి చెందింది. బీమునిదిబ్బలోని ఓ ఇంట్లో దీప్తి అనే మహిళ విగతజీవిగా పడి ఉందని పోలీసులు తెలిపారు. దీప్తి తల్లిదండ్రులు రెండు రోజుల క్రితం హైదరాబాద్‌కు వచ్చినట్లు సమాచారం.

29/08/2023 17:53(IST)

పారా మెడికల్‌ కోర్సుల్లో ప్రవేశాలకు ఈడబ్ల్యూఎస్‌ గుర్తింపు

హైదరాబాద్‌: పారా మెడికల్‌ కోర్సుల్లో ప్రవేశాలకు ఈడబ్ల్యూఎస్‌ గుర్తింపు లభించింది. ఈ మేరకు ప్రభుత్వం ఉత్తర్వులు జారీ చేసింది. ఆర్థికంగా వెనకబడిన తరగతులకు 10 శాతం రిజర్వేషన్‌ ఇవ్వనుంది. బీపీటీ, ఎంపీటీ, ఎమ్మెస్సీ నర్సింగ్, ఎంబీబీఎస్‌సీ నర్సింగ్ కోర్సులకు అమలు చేయనున్నారు.

29/08/2023 17:33(IST)

నానక్‌రామ్‌గూడ ఘటనను సుమోటో స్వీకరించిన రాష్ట్ర మహిళా కమిషన్

నానక్‌రామ్‌గూడ: నానక్‌రామ్‌గూడ ఘటనను రాష్ట్ర మహిళా కమిషన్ సుమోటోగా స్వీకరించింది. మహిళపై అత్యాచారం, హత్య ఘటనను కమిషన్‌ సుమోటోగా స్వీకరించింది. నిందితులను కఠినంగా శిక్షించాలని సైబరాబాద్‌ సీపీకి కమిషన్ ఆదేశాలు జారీ చేసింది.

29/08/2023 17:30(IST)

బుధవారం మంత్రిగా బాధ్యతలు స్వీకరించనున్న మహేందర్‌ రెడ్డి

హైదరాబాద్‌: బుధవారం మహేందర్‌ రెడ్డి మంత్రిగా బాధ్యతలు స్వీకరించనున్నారు. గనులు, భూగర్భ వనరులు, ఐఅండ్‌ పీఆర్‌ మంత్రి ఆయన బాధ్యతలు చేపట్టనున్నారు. సచివాలయంలో బుధవారం మధ్యాహ్నం ఆయన బాధ్యతలు చేపట్టనున్నారు.

29/08/2023 17:29(IST)

పంచాయతీ రాజ్‌, రెవెన్యూ, ఆర్‌అండ్‌బీ అధికారులతో సీఎస్‌ భేటీ

హైదరాబాద్‌: పంచాయతీ రాజ్‌, రెవెన్యూ, ఆర్‌అండ్‌బీ అధికారులతో సీఎస్‌ భేటీ అయ్యారు. నీటిపారుదల, విద్యుత్‌సాగు, పశుసంవర్ధక, జీహెచ్ఎంసీ అధికారులు హాజరయ్యారు. జులైలో వర్షాల వల్ల జరిగిన నష్టం, పునరుద్ధరణ పనులపై సమీక్ష నిర్వహించారు.

29/08/2023 17:24(IST)

ప్రజాదరణ చూసి ఓర్వలేక టార్గెట్‌ చేస్తున్నారు: సీతక్క

ములుగు: ప్రజలలో వస్తున్న ఆదరణ చూసి ఓర్వలేక టార్గెట్‌ చేస్తున్నారని ఎమ్మెల్యే సీతక్క అన్నారు. ఆమె మాట్లాడుతూ.. ములుగు ప్రజల ఆత్మగౌరవానికి డబ్బు సంచులతో ముడి పెడుతున్నారన్నారు. ప్రజల మధ్యను ఉండడం తాను చేస్తున్న తప్పా? అని ప్రశ్నించారు.

29/08/2023 17:18(IST)

చర్చలకు వెళ్లే ఉద్యోగ సంఘాలన్నీ జీపీఎస్ వద్దని చెప్పినవే: మరియదాస్‌

అమరావతి: చర్చలకు వెళ్లే ఉద్యోగ సంఘాలన్నీ జీపీఎస్ వద్దని చెప్పినవే అని మరియదాస్‌ అన్నారు. జీపీఎస్‌ బాగుందనేవారు.. ముందు వాళ్లకు అమలు చేసుకోవాలని ఆయన వివరించారు. ఉద్యోగుల సంఘం నేత ఆస్కార్‌రావు ఒక్కరే జీపీఎస్ వద్దన్నారని చెప్పారు.

29/08/2023 17:16(IST)

విశాఖ విమానాశ్రయ ముంపు నివారణ చర్యలపై కలెక్టర్ సమీక్ష

విశాఖపట్నం: విశాఖ విమానాశ్రయ ముంపు నివారణ చర్యలపై కలెక్టర్ సమీక్ష నిర్వహించారు. చర్యలు చేపట్టాలని సంబంధిత శాఖల అధికారులకు కలెక్టర్‌ ఆదేశాలు జారీ చేశారు. ఈ మేరకు విమానాశ్రయం, ఐఎన్‌ఎస్‌ డేగా, జీవీఎంసీ, పోర్టు ట్రీస్టీ అధికారులతో సమీక్ష సమావేశం ఏర్పాటు చేసి మాట్లాడారు.

29/08/2023 17:11(IST)

బోయిన్‌పల్లి పరిధిలో చోరీలు చేస్తున్న పుణె ముఠా అరెస్ట్‌

సికింద్రాబాద్‌: బోయిన్‌పల్లి పరిధిలో చోరీలు చేస్తున్న పుణె ముఠాను పోలీసులు అరెస్ట్‌ చేశారు. నిందితుల నుంచి 10 తులాల బంగారం, రూ. 6 లక్షలు, బైకును స్వాధీనం చేసుకున్నారు. నలుగురు సభ్యుల మఠాను అరెస్టు చేశారు. మరో ఇద్దరు నిందితులు పరారీలో ఉన్నారని పోలీసులు తెలిపారు.

29/08/2023 16:49(IST)

ఏకే ఆంటోనీ తనయుడికి భాజపా కీలక పదవి

దిల్లీ: కాంగ్రెస్‌ సీనియర్‌ నేత, కేంద్ర మాజీ మంత్రి ఏకే ఆంటోనీ తనయుడికి భాజపా కీలక పదవి ఇచ్చింది. ఆంటోనీ తనయుడు అనిల్‌ ఆంటోనిని జాతీయ అధికార ప్రతినిధిగా నియమిస్తూ భాజపా జాతీయ అధ్యక్షుడు జేపీ నడ్డా నిర్ణయం తీసుకున్నారు. ఈ విషయాన్ని భాజపా జాతీయ ప్రధాన కార్యదర్శి అరుణ్‌ సింగ్‌ ఓ ప్రకటనలో వెల్లడించారు.

29/08/2023 16:43(IST)

నాడు-నేడు పనులు జరుగుతున్న పాఠశాలను పరిశీలించిన మాజీ ఎమ్మెల్యే

పొన్నూరు: పొన్నూరులో నాడు-నేడు పనులు జరుగుతున్న పాఠశాలను మాజీ ఎమ్మెల్యే ధూళిపాళ్ల నరేంద్ర కుమార్ పరిశీలించారు. నాడు-నేడులో జరుగుతున్న అక్రమలపై సమగ్ర విచారణ జరపాలని ఆయన డిమాండ్ చేశారు.

29/08/2023 16:09(IST)

బాణసంచా దుకాణంలో అగ్నిప్రమాదం

కర్ణాటక: కర్ణాటకలోని హవేరి జిల్లా అల్దకట్టి గ్రామంలో బాణసంచా దుకాణంలో అగ్నిప్రమాదం సంభవించింది. పేలుళ్ల ధాటికి స్థానికులు భయాందోళనతో పరుగులు తీశారు. అగ్నిమాపక సిబ్బంది ఘటనాస్థలికి చేరుకొని మంటలను అదుపు చేశారు.

29/08/2023 15:49(IST)

జీపీఎస్‌పై సచివాలయంలో ప్రారంభమైన మంత్రుల కమిటీ సమావేశం

అమరావతి: జీపీఎస్‌పై సచివాలయంలో మంత్రుల కమిటీ సమావేశం ప్రారంభమైంది. మంత్రులు బొత్స, బుగ్గన, సలహాదారు సజ్జల, సీఎస్ జవహర్ రెడ్డి, ఆర్థిక శాఖ అధికారులు హాజరయ్యారు. జీపీఎస్‌పై లిఖిత పూర్వక ప్రతిపాదనలు ఇచ్చేందుకు జాయింట్ స్టాఫ్ కౌన్సిల్‌లోని ఉద్యోగ సంఘాల నేతలు బొప్పరాజు, ఆస్కార్ రావు తదితరులు పాల్గొన్నారు. ఉపాధ్యాయ సంఘాలు ఈ సమావేశాన్ని బహిష్కరించాయి.

29/08/2023 15:35(IST)

పోలవరం ప్రాజెక్టు ప్రస్తుతం ప్రమాదంలో ఉంది: లోకేశ్‌

పోలవరం: పోలవరం నిర్వాసితులతో లోకేశ్‌ ముఖాముఖి నిర్వహించారు. ఆయన మాట్లాడారు. అధ్యయనం చేస్తే గానీ పోలవరం ఎప్పుడు పూర్తవుతుందో చెప్పలేమన్నారు. కేంద్రం ఇస్తేనే ఆర్‌అండ్‌ఆర్‌ ఇస్తామని జగన్ అంటున్నారని నిర్వాసితులు తెలిపారు. తెదేపా ప్రకటించిన ఆర్‌అండ్ఆర్‌ ప్యాకేజ్‌ ఇచ్చేందుకు తాము సిద్ధమని లోకేశ్‌ తెలిపారు. పోలవరం ప్రాజెక్టు ప్రస్తుతం ప్రమాదంలో ఉందని వివరించారు.

29/08/2023 15:23(IST)

ఉజ్వల యోజన గ్యాస్‌ వినియోగదారులకు కేంద్రం శుభవార్త

దిల్లీ: ఉజ్వల యోజన గ్యాస్‌ వినియోగదారులకు కేంద్రం శుభవార్త తెలిపింది. సిలిండర్‌పై రూ. 200 అదనపు రాయితీ ఇవ్వాలని నిర్ణయించింది. కేబినెట్‌ సమావేశంలో అదనపు రాయితీ ప్రతిపాదనలకు ఆమోదం లభించింది. రక్షాబంధన్‌ సందర్భంగా మహిళలకు ప్రధాని కానుక అని కేంద్ర మంత్రి అనురాగ్‌ ఠాకూర్ తెలిపారు.

29/08/2023 15:20(IST)

ఆంధ్రప్రదేశ్‌కు అతిపెద్ద సమస్య జగనే: చంద్రబాబు

అమరావతి: ఆంధ్రప్రదేశ్‌కు అతిపెద్ద సమస్య జగనే అని తెదేపా నేత చంద్రబాబు నాయుడు అన్నారు. జగన్‌ ఓడిపోతేనే రాష్ట్రం బాగుపడుతుందని వివరించారు. తెదేపా ఎప్పుడూ జాతీయభావంతో ఉండే పార్టీ అన్నారు. ప్రత్యేక హోదా అంశంపై కేంద్రంతో విభేదించినట్లు చెప్పారు. మిగతా విషయాల్లో కేంద్రంతో భేదాభిప్రాయాలు లేవని వివరించారు. తెలంగాణ ఎన్నికల్లో తెదేపా పోటీ చేస్తుందన్నారు. తెలంగాణలో ఒంటరిగానే పోటీకి వెళ్తున్నట్లు చెప్పారు. భాజపాతో కలిసి పోటీ చేయడానికి సమయం మించిపోయిందన్నారు.

29/08/2023 15:15(IST)

తండ్రిని హత్య చేసిన కుమారుడు

వికారాబాద్‌: వికారాబాద్ జిల్లా అత్తెల్లి గ్రామంలో దారుణం చోటుచేసుకుంది. ఇంటి కరెంట్ బిల్లు విషయంలో తండ్రి కుమారుల మధ్య వాగ్వాదం జరిగింది. దీంతో కుమారుడు తండ్రిని రాడ్డుతో కొట్టి చంపాడు. ఈ క్రమంలో తండ్రి రాంచంద్రయ్య అక్కడికక్కడే మృతి చెందాడు. నిందితుడిని పోలీసులు అదుపులోకి తీసుకున్నారు.

29/08/2023 15:13(IST)

ఉద్యోగ సంఘాలతో మంత్రుల కమిటీ సమావేశం

అమరావతి: అమరావతి సచివాలయంలోని రెండో బ్లాక్‌లో ఉద్యోగ సంఘాలతో జీపీఎస్ మార్గదర్శకాలపై మంత్రుల కమిటీ సమావేశం నిర్వహించింది. జీపీఎస్ అమలుకు సంబంధించి ప్రతిపాదనలు ఇవ్వాలని ఉద్యోగ సంఘాలను ప్రభుత్వం కోరింది. మంత్రులు ఉద్యోగ సంఘాలతో జీపీఎస్ అంశంపై చర్చించనున్నారు. జీపీఎస్ ఆర్డినెన్సులోని అంశాలు బయటకు ఇవ్వకుండా చర్చలేమిటని సీపీఎస్‌ ఉద్యోగులు ఆగ్రహం వ్యక్తం చేశారు.

29/08/2023 15:08(IST)

ధూపదీప నైవేద్యం కింద ఇచ్చే అలవెన్సులను పెంచిన ప్రభుత్వం

హైదరాబాద్‌: ధూపదీప నైవేద్యం కింద ఇచ్చే అలవెన్సులను ప్రభుత్వం పెంచింది. నెలకు ఇచ్చే మొత్తం రూ. 6 వేల నుంచి రూ. 10 వేలకు పెంచింది. అర్హులకు గౌరవ వేతనం రూ. 6 వేలకు పెంచినట్లు ప్రభుత్వం ప్రకటించింది.

29/08/2023 14:09(IST)

జమ్మలమడుగులో తెదేపా, వైకాపా నాయకుల మధ్య వాగ్వాదం

జమ్మలమడుగు: జమ్మలమడుగులో తెదేపా, వైకాపా నాయకుల మధ్య వాగ్వాదం జరిగింది. దీంతో ఇరు పార్టీ కార్యకర్తలు జమ్మలమడుగు పెన్నా వంతెనపై బైఠాయించి నిరసన తెలిపారు. తెదేపా నేత భూపేష్‌రెడ్డి కన్నెలూరు ఇసుక రీచ్‌ను పరిశీలించారు. ఈక్రమంలో ఇరు పార్టీల నాయకుల మధ్య వాగ్వాదం జరిగింది.

29/08/2023 14:06(IST)

మంగళగిరి ద్వారకానగర్‌లో ఇరువర్గాల మధ్య ఘర్షణ

మంగళగిరి: మంగళగిరి ద్వారకానగర్‌లో ఇరువర్గాల మధ్య ఘర్షణ జరిగింది. ఈ దాడిలో గాయపడిన వారు న్యాయం చేయాలని బస్టాండ్ వద్ద పెట్రోల్‌ క్యాన్‌తో నిరసన చేపట్టారు. దాడి చేసిన వారికి ఎమ్మెల్యే, సీఐ సహకరిస్తున్నారని బాధితులు ఆరోపించారు.

29/08/2023 14:04(IST)

నిషేధిత ఇంజెక్షన్లు విక్రయిస్తున్న ఇద్దరు అరెస్ట్‌

రంగారెడ్డి: కొల్లూరులో నిషేధిత ఇంజెక్షన్లు విక్రయిస్తున్న ఇద్దరిని పోలీసులు అరెస్ట్‌ చేశారు. నిందితుల నుంచి బాడీ బిల్డింగ్‌కు వినియోగించే నిషేధిత ఇంజెక్షన్లను స్వాధీనం చేసుకున్నారు. నిందితుల నుంచి రూ. 10 లక్షల విలువైన ఇంజెక్షన్లు స్వాధీనం చేసుకున్నట్లు పోలీసులు తెలిపారు.

29/08/2023 13:57(IST)

పేద ప్రజలకు ఉచిత వైద్యం అందించడమే ఎన్టీఆర్ ట్రస్ట్‌ లక్ష్యం: నారా భువనేశ్వరి

కుప్పం పట్టణం: చిత్తూరు జిల్లా కుప్పం పట్టణంలో ఎన్టీఆర్‌ ట్రస్టు ఆధ్వర్యంలో ఎన్టీఆర్ సంజీవని మెడికల్ క్లినిక్, ఆరోగ్య రథాన్ని చంద్రబాబు సతీమణి, ఎన్టీఆర్ ట్రస్టు మేనేజింగ్ ట్రస్టీ నారా భువనేశ్వరి మంగళవారం ప్రారంభించారు. పేద ప్రజలకు ఉచిత వైద్యం అందించడమే ఎన్టీఆర్ ట్రస్ట్‌ లక్ష్యం అని ఆమె వివరించారు.

29/08/2023 13:54(IST)

సెప్టెంబర్‌ 1న స్వతంత్ర భారత వజ్రోత్సవాల ముగింపు వేడుకలు

హైదరాబాద్‌: వివిధ శాఖల ఉన్నతాధికారులతో సీఎస్‌ శాంతికుమారి సమీక్ష నిర్వహించారు. స్వతంత్ర భారత వజ్రోత్సవాల ముగింపు వేడుకలపై చర్చించారు. సెప్టెంబర్‌ 1వ తేదీన హెచ్‌ఐసీసీ వేదికగా ముగింపు వేడుకలు నిర్వహించనున్నారు. ముగింపు వేడుకల్లో సీఎం కేసీఆర్‌, మంత్రులు పాల్గొననున్నారు.

29/08/2023 13:50(IST)

జమ్మూ కశ్మీర్‌కు రాష్ట్రహోదా పునరుద్ధరణకు కాలపరిమితి ఉందా..? కేంద్రానికి సుప్రీం ప్రశ్న

దిల్లీ: జమ్మూ కశ్మీర్‌కు రాష్ట్రహోదాను పునరుద్ధరించడానికి ఏదైనా సమయం ఉందా? అని భారత అత్యున్నత న్యాయస్థానం కేంద్రాన్ని ప్రశ్నించింది. అటువంటింది ఏమైనా ఉంటే దాంతోపాటు అనుసరించే రోడ్‌మ్యాప్‌ను తెలియజేయాలని సూచించింది. ఆర్టికల్‌ 370 రద్దును సవాలు చేస్తూ దాఖలైన పిటిషన్లపై మంగళవారం విచారణ కొనసాగించిన సుప్రీం కోర్టు.. ఇందుకు సంబంధించిన సమాచారంతో మధ్యాహ్నం తమ ముందుకు రావాలని సొలిసిటర్‌ జనరల్‌ తుషార్‌ మెహతాకు సూచించింది.

29/08/2023 13:38(IST)

ఇమ్రాన్‌ ఖాన్‌కు భారీ ఊరట.. తోషాఖానా కేసులో శిక్ష నిలిపివేత

ఇస్లామాబాద్‌: పాకిస్థాన్‌ మాజీ ప్రధాన మంత్రి ఇమ్రాన్‌ ఖాన్‌కు భారీ ఊరట లభించింది. తోషాఖానా కేసులో ఆయనకు పడిన మూడేళ్ల శిక్షను ఇస్లామాబాద్‌ హైకోర్టు నిలిపేసింది. తోషాఖానా అవినీతి కేసులో తనకు పడ్డ శిక్షను రద్దు చేయాలంటూ ఇమ్రాన్‌ దాఖలు చేసుకున్న పిటిషన్‌పై విచారణ చేపట్టిన హైకోర్టు సోమవారం తీర్పు వెలువరించింది.

29/08/2023 13:36(IST)

ఘనంగా ఆచార్య నాగార్జున విశ్వవిద్యాలయం స్నాతకోత్సవం

గుంటూరు: గుంటూరు ఆచార్య నాగార్జున విశ్వవిద్యాలయం స్నాతకోత్సవం ఘనంగా నిర్వహించారు. ఈ వేడుకకు గవర్నర్‌ జస్టిస్‌ అబ్దుల్‌ నజీర్‌ ముఖ్య అతిథిగా హాజరయ్యారు. ప్రముఖ పాత్రికేయుడు పాలగుమ్మి సాయినాథ్‌కు గౌరవ డాక్టరేట్‌ ప్రదానం చేశారు.

29/08/2023 13:33(IST)

వేలిముద్రలు, ఆధార్‌ కార్డు, బ్యాంకు ఖాతా వివరాలతో మోసాలకు పాల్పడుతున్న నిందితులు అరెస్ట్‌

హైదరాబాద్‌: వేలిముద్రలు, ఆధార్‌ కార్డు, బ్యాంకు ఖాతా వివరాలతో మోసాలకు పాల్పడుతున్న నిందితులను పోలీసులు అరెస్ట్‌ చేశారు. ఖాతాల్లోని నగదును విత్ డ్రా చేస్తున్న సమయంలో నిందితులను అరెస్ట్‌ చేశారు. నిందితులను బిహార్‌కు చెందిన రంజిత్, బెంగళూర్‌కు చెందిన సఫత్ ఆలంగా గుర్తించారు.

29/08/2023 13:30(IST)

మాదకద్రవ్యాలు పట్టివేత.. ఇద్దరు అరెస్ట్‌

గుంతకల్ పట్టణం: గోవా నుంచి హైదరాబాద్‌కు మాదకద్రవ్యాలు తరలిస్తున్న ఇద్దరిని పోలీసులు అరెస్ట్‌ చేశారు. నిందితులు నుంచి 12.890 గ్రాముల డ్రగ్స్‌ను స్వాధీనం చేసుకున్నట్లు తెలిపారు. తూర్పు గోదావరి జిల్లా మలికపురం మండలానికి చెందిన వివేక్, రాజమహేంద్రవరానికి చెందిన దయాకర్ బాబు డ్రగ్స్‌ సరఫరా చేస్తుంటారు. నిందితులు హైదరాబాద్‌కు వాహనంలో డ్రగ్స్‌ను తరలిస్తుండగా పట్టుకున్నట్లు సీఐ రామసుబ్బయ తెలిపారు.

29/08/2023 13:26(IST)

బాపట్ల జిల్లాకు చెందిన పోలీసులపై కోర్టులో ప్రైవేటు కేసు దాఖలు

బాపట్ల: బాపట్ల జిల్లాకు చెందిన పోలీసులపై కోర్టులో ప్రైవేటు కేసు దాఖలు చేశారు. తెనాలి కోర్టులో ఆరుగురు పోలీసు అధికారులపై ప్రైవేటు కేసు నమోదు చేశారు. తెలుగు యువనేత బాలకోటి రెడ్డి పిటిషన్ దాఖలు చేశారు.

29/08/2023 13:18(IST)

వైకాపా నేతలు ఇసుక దోపిడీకి పాల్పడుతున్నారు: పులివర్తి నాని

తిరుపతి: చంద్రగిరిలో ఇసుక దోపిడీపై అధికారులకు ఫిర్యాదు చేశారు. రెవెన్యూ, పోలీసు అధికారులకు తెదేపా నేత పులివర్తి నాని ఫిర్యాదు చేశారు. రాష్ట్రంలో వైకాపా నేతలు ఇసుక దోపిడీకి పాల్పడుతున్నారని ఆయన ఆరోపించారు.

29/08/2023 13:16(IST)

వైకాపా పాలనలో విద్యుత్‌ కోతలు ఎక్కువయ్యాయి: కాలవ శ్రీనివాసులు

రాయదుర్గం: తెదేపా హయాంలో నాణ్యమైన విద్యుత్ సరఫరా అందినట్లు మాజీ మంత్రి కాలవ శ్రీనివాసులు అన్నారు. వైకాపా పాలనలో విద్యుత్‌ కోతల బాధలు ఎక్కువయ్యాయని ఆయన తెలుపుతూ.. సెల్ఫీ ఛాలెంజ్‌లో రాయదుర్గం ఎమ్మెల్యే కాపు రామచంద్రారెడ్డిని నిలదీశారు.

29/08/2023 13:14(IST)

మెగా డీఎస్సీ ప్రకటించాలని నిరుద్యోగుల డిమాండ్‌

హైదరాబాద్‌: విద్యాశాఖ కార్యాలయం వద్ద ఉద్రిక్త వాతావరణం నెలకొంది. మెగా డీఎస్సీ ప్రకటించాలని నిరుద్యోగులు డిమాండ్‌ చేశారు. ఎంపీ ఆర్‌. కృష్ణయ్య ఆధ్వర్యంలో బషీర్‌బాగ్‌ కూడలి నుంచి ర్యాలీ నిర్వహించారు. పోలీసులు ర్యాలీని అడ్డుకుని అభ్యర్థులపై లాఠీఛార్జి చేశారు.

29/08/2023 13:09(IST)

శ్రీవారి సేవలో ప్రముఖులు

తిరుమల: తిరుమల శ్రీవారిని రాష్ట్ర మంత్రులు మేరుగు నాగార్జున, ఉషశ్రీ చరణ్ దర్శించుకున్నారు. ఈరోజు వీఐపీ ప్రారంభ విరామ దర్శన సమయంలో వారు స్వామివారి సేవలో పాల్గొన్నారు. తితిదే ఆలయ అధికారులు వీరికి స్వాగతం పలికి దర్శన ఏర్పాట్లు చేశారు.

29/08/2023 13:06(IST)

భారాస టికెట్‌ దక్కకపోవడంపై సుభాష్‌ రెడ్డి అసంతృప్తి

ఉప్పల్‌: భారాస టికెట్‌ దక్కకపోవడంపై ఉప్పల్‌ ఎమ్మెల్యే బేతి సుభాష్‌రెడ్డి అసంతృప్తి వ్యక్తం చేశారు. అధిష్ఠానం టికెట్‌ ఇచ్చిన వ్యక్తి ఎప్పుడైనా పార్టీ జెండా మోశారా అని ప్రశ్నించారు. ఉప్పల్‌ ఎమ్మెల్యే టికెట్‌ బండారు లక్ష్మారెడ్డికి ఎందుకిచ్చారు, తనకు ఎందుకు ఇవ్వలేదో చెప్పాలి అని ప్రశ్నించారు. అవినీతి, అక్రమాలు చేసిన వారికి టికెట్‌ ఇస్తారా అని ఆరోపించారు.

29/08/2023 13:02(IST)

తితిదే పాలకమండలి సభ్యుల ప్రమాణ స్వీకారం

తిరుమల: తిరుమల తిరుపతి దేవస్థానం ధర్మకర్తల మండలి సభ్యులుగా మిలింద్ కేశవ్ నార్వేకర్, సౌరభ్ బోరా ప్రమాణ స్వీకారం చేశారు. ఈరోజు ఉదయం ఆలయంలో తితిదే జేఈవో వీర బ్రహ్మం వారితో ప్రమాణం చేయించారు.

29/08/2023 13:00(IST)

అక్రమ ఇసుక మైనింగ్‌ను అకట్టాలని తెదేపా ర్యాలీ

గుంటూరు: తుళ్లూరు మండలంలో అక్రమ ఇసుక మైనింగ్‌ను అకట్టాలని గుంటూరు జిల్లా తెదేపా అధ్యక్షుడు తెనాలి శ్రావణ్ కుమార్ ఆధ్వర్యంలో మంగళవారం ర్యాలీ నిర్వహించారు. తుళ్లూరు పోలీస్ స్టేషన్‌కు వారు ర్యాలీగా వచ్చి ఫిర్యాదు అందజేశారు.

29/08/2023 12:58(IST)

ఇసుకతో వైకాపా నేతలు రూ. 40 వేల కోట్లు దోచేశారు: బొండా ఉమా

అమరావతి: రాష్ట్రంలో ఇసుకని బంగారం చేశారని తెదేపా పొలిట్ బ్యూరో సభ్యుడు బొండా ఉమామహేశ్వరరావు విమర్శించారు. ఇసుకతో వైకాపా నేతలు రూ. 40 వేల కోట్లు దోచేశారని ఆయన ఆరోపించారు. బొండా ఉమా ఆధ్వర్యంలో తెదేపా నేతలు, కార్యకర్తలు ధర్నా చౌక్ లో ఇసుక సత్యాగ్రహ దీక్ష చేపట్టారు.

29/08/2023 12:58(IST)

కోడికత్తి కేసు విచారణ వాయిదా

విశాఖపట్నం: ‘కోడికత్తి’ కేసు విచారణ విశాఖలో ప్రారంభమైంది. నగరంలోని మూడో అదనపు జిల్లా కోర్టు న్యాయమూర్తి కేసు విచారణ చేపట్టారు. నిందితుడు జనపల్లి శ్రీనివాసరావును విచారణకు హాజరుపరిచారు. తదుపరి విచారణను కోర్టు సెప్టెంబర్ 6కి వాయిదా వేసింది. ఇప్పటివరకు ఈ కేసు విజయవాడ ఎన్‌ఐఏ కోర్టులో విచారణ జరిగింది. కొద్ది రోజుల క్రితం కేంద్ర హోంశాఖ.. ఎన్‌ఐఏ కోర్టును విశాఖలో కొత్తగా ఏర్పాటుచేస్తూ ఉత్తర్వులిచ్చింది. దీంతో కేసు పరిధి విశాఖకు మారింది.

29/08/2023 12:52(IST)

ఏలూరులో నర్సింగ్ కళాశాల విద్యార్థిని ఆత్మహత్యాయత్నం

ఏలూరు: నగరంలోని జీఎన్‌ఎం నర్సింగ్‌ కళాశాలలో ఓ విద్యార్థిని ఆత్మహత్యకు యత్నించింది. కాలేజ్‌ హాస్టల్‌ గదిలో నిద్రమాత్రలు మింగడంతో ఆమెను ఆస్పత్రికి తరలించారు. కడుపునొప్పి తాళలేక విద్యార్థిని ఆత్మహత్యకు యత్నించిందని కళాశాల యాజమాన్యం చెబుతోంది.

29/08/2023 12:43(IST)

తెలుగు భాషను కాపాడుకోవడం ప్రతి ఒక్కరి బాధ్యత: పవన్‌ కల్యాణ్‌

తెలుగు భాషను కాపాడుకోవడం ప్రతి ఒక్కరి బాధ్యత అని.. మన మాతృ భాషను దూరం చేసే విధంగా ఉన్న పాలకుల తీరు వల్ల కలిగే అనర్థాలను ప్రజలకు అర్థమయ్యేలా వివరించాల్సిన అవసరం ఉందని జనసేన అధినేత పవన్‌కల్యాణ్‌ అభిప్రాయపడ్డారు. మాట్లాడే భాష... రాసే భాష ఒకటి కావాలని తపించి- ఆ దిశగా వ్యవహారిక భాషోద్యమాన్ని నడిపిన గొప్ప వ్యక్తి గిడుగు వెంకట రామమూర్తి అని కొనియాడారు.

29/08/2023 12:29(IST)

భాజపా టికెట్‌ ఇవ్వకుంటే రాజకీయాలు వదిలేస్తా: రాజాసింగ్‌

హైదరాబాద్‌: తాను చచ్చినా సెక్యులర్‌ పార్టీలోకి వెళ్లనని గోషామహల్‌ ఎమ్మెల్యే రాజాసింగ్‌ అన్నారు. కాంగ్రెస్‌, భారాసలోకి వెళ్లను అని స్పష్టం చేశారు. రానున్న ఎన్నికల్లో భాజపా టికెట్‌ ఇవ్వకుంటే రాజకీయాలు వదిలేస్తానని ఆయన ఉద్వేగంతో అన్నారు. స్వతంత్రంగా లేదా ఇతర పార్టీల నుంచి పోటీ చేయనని స్పష్టం చేశారు.

29/08/2023 12:21(IST)

మండలి బుద్ధప్రసాద్ హౌస్‌ అరెస్ట్

అవనిగడ్డ: తెదేపా నేత, మాజీ డిప్యూటీ స్పీకర్‌ మండలి బుద్ధప్రసాద్‌ను పోలీసులు గృహనిర్బంధం చేశారు. ఇసుక అక్రమ రవాణాను నిరసిస్తూ కృష్ణా జిల్లా ఘంటసాల పోలీస్‌స్టేషన్‌ వద్ద నిరసన దీక్షకు బయల్దేరిన ఆయన్ను ఇంటి నుంచి బయటకు రాకుండా అడ్డుకున్నారు. ఇసుక అక్రమ రవాణాను అరికట్టలేని పోలీసులు.. తనను హౌస్‌ అరెస్ట్ చేయడం దారుణమని బుద్ధ ప్రసాద్‌ ఆగ్రహం వ్యక్తం చేశారు. ఎటువంటి అనుమతులు లేకుండా అక్రమంగా ఇసుకను తరలిస్తున్నా ఎందుకు మౌనంగా ఉంటున్నారని ఆయన మండిపడ్డారు. బుద్ధ ప్రసాద్‌ను హౌస్‌ అరెస్ట్ చేయడంతో పెద్ద ఎత్తున తెదేపా నేతలు, కార్యకర్తలు ఆయన ఇంటి వద్దకు చేరుకున్నారు.

29/08/2023 12:15(IST)

నానక్‌రామ్‌గూడలో మహిళ దారుణ హత్య

హైదరాబాద్: నానక్‌రామ్‌గూడలో మహిళ దారుణ హత్యకు గురైంది. నిర్మాణంలో ఉన్న భవనంలో కుళ్లిన స్థితిలో మహిళ మృతదేహం లభ్యమైంది. కొంతమంది దుండగులు ఆమెపై అత్యాచారం చేసి.. ఆ తర్వాత బండరాయితో మోది చంపినట్లుగా తెలుస్తోంది.

29/08/2023 11:50(IST)

పోలవరం ప్రాజెక్టుపై సమీక్ష నిర్వహించనున్న కేంద్ర జలశక్తి శాఖ

దిల్లీ: పోలవరం ప్రాజెక్టు పనుల పురోగతిపై కేంద్ర జల్‌శక్తి శాఖ నేడు సమీక్ష నిర్వహించనుంది. సీడబ్ల్యూసీ, పోలవరం ప్రాజెక్టు అథారిటీ అధికారులతో ఆ శాఖ కార్యదర్శి చర్చించనున్నారు. ప్రతి నెలా జాతీయ ప్రాజెక్టులపై సమీక్షలో భాగంగానే ఈరోజు కూడా చర్చించనున్నట్లు జల్‌శక్తిశాఖ అధికారులు తెలిపారు.

29/08/2023 11:47(IST)

గ్యాస్‌ లీకై కారు దగ్ధం

ఇబ్రహీంపట్నం: ఎన్టీఆర్‌ జిల్లా ఇబ్రహీంపట్నం పరిధిలోని జూపూడి శివారు కిలేశపురం వద్ద గ్యాస్‌ లీకై కారు దగ్ధమైంది. మంటలు చెలరేగడంతో అందులో ప్రయాణిస్తున్న వారు కారు దిగి ప్రాణాలు కాపాడుకున్నారు. కారు విజయవాడ నుంచి హైదరాబాద్‌ వైపు వెళ్తుండగా ఈ ఘటన జరిగింది.

29/08/2023 11:31(IST)

ప్రధాని మోదీకి రాఖీ పంపిన వృద్ధురాలు

కటక్‌: ఒడిశాలోని కేంద్రపడ జిల్లా కైరాబాద్‌కు చెందిన కమలా మహారాణా అనే వృద్ధురాలు ప్రధాని మోదీకి రాఖీ పంపారు. చెత్త నుంచి సేకరించిన పాలిథిన్‌ వ్యర్థాలను శుభ్రం చేసి వాటి ద్వారా బ్యాగులు, చిన్న పెట్టెలు, బొమ్మలు చేయడంతో కమల ఉపాధి పొందుతూ మరికొందరికి శిక్షణ అందిస్తున్నారు. ఈ నేపథ్యంలో ఇటీవల మన్‌కీబాత్‌లో ప్రధాని మోదీ ఆమె ప్రయత్నాన్ని ప్రశంసించారు. అంతేకాకుండా ఆమెను సోదరిగా సంబోధించారు. అందుకే తాను రూపొందించిన రాఖీలను తపాలా శాఖ ద్వారా ప్రధానికి పంపినట్లు కమల తెలిపారు. తన రాఖీలను మోదీ కట్టుకుంటారని ఆశిస్తున్నట్లు చెప్పారు.

29/08/2023 11:30(IST)

జీహెచ్‌ఎంసీ ప్రధాన కార్యాలయం వద్ద ఉద్రిక్తత

హైదరాబాద్: జీహెచ్‌ఎంసీ ప్రధాన కార్యాలయం వద్ద ఉద్రిక్త పరిస్థితులు నెలకొన్నాయి. పెండింగ్‌ బిల్లులు చెల్లించాలని డిమాండ్‌ చేస్తూ బల్దియా కాంట్రాక్టర్లు జీహెచ్‌ఎంసీ కార్యాలయం ముట్టడికి యత్నించారు. ₹1000 కోట్ల బిల్లులు చెల్లించాలని ఆందోళనకు దిగారు. బల్దియా ముట్టడికి కాంట్రాక్టర్లు, వారి కుటుంబ సభ్యులతో సహా వచ్చారు. పోలీసులు కాంట్రాక్టర్లను అదుపులోకి తీసుకుని పీఎస్‌కు తరలిస్తున్నారు.

29/08/2023 11:22(IST)

చేతి సంచిలో పసికందుతో ఆటోలో వృద్ధుడు

కొండపల్లి: చేతి సంచిలో పసికందును తీసుకెళ్తున్న ఓ వృద్ధుడిని పోలీసులు అదుపులోకి తీసుకున్నారు. ఎన్టీఆర్ జిల్లా కొండపల్లిలో ఈ ఘటన జరిగింది. పసికందును సంచిలో పెట్టుకుని వృద్ధుడు ఆటో ఎక్కాడు. ఆ సమయంలో పసికందు ఏడుపు వినిపించడంతో.. ఆటో డ్రైవర్‌ గమనించి పోలీసులకు సమాచారం ఇచ్చారు. దీంతో పోలీసులు ఘటన జరిగిన ప్రదేశానికి చేరుకుని పసికందును ప్రభుత్వాస్పత్రికి తరలించారు.

29/08/2023 11:21(IST)

స్పా ముసుగులో వ్యభిచారం.. సాఫ్ట్‌వేర్‌ ఉద్యోగులైన విటులు అరెస్ట్‌

హైదరాబాద్‌: స్పా ముసుగులో వ్యభిచారం నిర్వహిస్తున్న రెండు సెంటర్లపై బంజారాహిల్స్‌ పోలీసులు కేసు నమోదు చేశారు. స్పా సెంటర్లలో యువతులతో వ్యభిచారం నిర్వహిస్తున్నారనే సమాచారంతో పోలీసులు దాడులు నిర్వహించారు. 17 మంది యువతులను రెస్క్యూ హోమ్‌కు తరలించారు. సాఫ్ట్‌వేర్‌ ఉద్యోగులైన విటులను అరెస్ట్‌ చేశారు. నిర్వాహకులపై పోలీసులు కేసులు నమోదు చేశారు.

29/08/2023 11:04(IST)

ఎన్టీఆర్‌ ₹100 స్మారక నాణెం విక్రయాలు ప్రారంభం

హైదరాబాద్: ఎన్టీఆర్‌ ₹100 స్మారక నాణెం విక్రయాలు ప్రారంభమయ్యాయి. ఆన్‌లైన్‌( https://www.indiagovtmint.in/en/commemorative-coins/), ఆఫ్‌లైన్‌లో నాణేలను విక్రయిస్తున్నారు. హైదరాబాద్‌లోని సైఫాబాద్‌, చెర్లపల్లిల్లోని మింట్‌ విక్రయ కౌంటర్లలో నేరుగా కొనుగోలు చేయొచ్చు. రూ.4,850 (చెక్క డబ్బాతో), రూ.4,380 (ప్రూఫ్‌ ఫోల్డర్‌ ప్యాక్‌), రూ.4,050 (యూఎన్‌సీ ఫోల్డర్‌ ప్యాక్‌) ధరల్లో నాణేలు లభ్యమవుతున్నాయి.

29/08/2023 10:31(IST)

నాగార్జున బర్త్‌ డే స్పెషల్‌.. ‘నా సామిరంగ’ గ్లింప్స్‌ వచ్చేసింది

అగ్ర కథానాయకుడు నాగార్జున (Nagarjuna) నటిస్తున్న కొత్త చిత్రం ‘నా సామిరంగ’ (Naa Saami Ranga). నృత్య దర్శకుడు విజయ్‌ బిన్నీ దర్శకత్వం వహిస్తున్నారు. ఆస్కార్‌ విజేత ఎమ్‌ఎమ్‌ కీరవాణి ఈ సినిమాకి సంగీతాన్ని అందిస్తున్నారు. ఈరోజు నాగార్జున పుట్టినరోజు సందర్భంగా ఈ సినిమా ఫస్ట్ లుక్‌, టైటిల్‌ గ్లింప్స్‌ను చిత్రబృందం విడుదల చేసింది.

29/08/2023 10:29(IST)

బస్టాప్‌లో ఉన్న మహిళ మెడలో గొలుసు చోరీ

మేడ్చల్‌: ఘట్‌కేసర్‌లోని యంనంపేట చౌరస్తాలో గొలుసు చోరీ జరిగింది. బస్టాప్‌లో ఓ మహిళ నిల్చొని ఉండగా.. బైక్‌పై వచ్చిన దుండగుడు, ఆమె మెడలోని గొలుసు లాక్కొని పరారయ్యాడు. గొలుసు దొంగతనం చేసిన యువకుడి కోసం ఘట్‌కేసర్‌ పోలీసులు గాలిస్తున్నారు.

29/08/2023 10:19(IST)

స్కూల్‌ బస్సు కింద పడి మూడేళ్ల బాలుడు మృతి

చంటేయపల్లి: హనుమకొండ జిల్లా భీమదేవరపల్లి మండలంలో విషాదం చోటు చేసుకుంది. చంటేయపల్లిలో స్కూల్‌ బస్సు కింద పడి శివాన్షు(3) అనే బాలుడు మృతి చెందాడు. తన సోదరుడిని స్కూల్‌ బస్సు ఎక్కించేందుకు తల్లితో పాటు శివాన్షు వెళ్లాడు. ఆ సమయంలో బాలుడు ప్రమాదానికి గురై మృత్యువాతపడ్డాడు.

29/08/2023 09:50(IST)

మైలార్‌దేవ్‌పల్లి హత్య కేసును ఛేదించిన పోలీసులు

మైలార్‌దేవ్‌పల్లి: రంగారెడ్డి జిల్లా మైలార్‌దేవ్‌పల్లిలో జరిగిన హత్య కేసును పోలీసుల ఛేదించారు. రాజా పాశ్వాన్‌ (17)ను పంకజ్‌ పాశ్వాన్‌ చంపినట్లు నిర్ధారించారు. నిందితుడు పంకజ్‌ను పోలీసులు అదుపులోకి తీసుకుని విచారించారు. పంకజ్‌ భార్యపై రాజా పాశ్వాన్‌ అత్యాచారానికి పాల్పడ్డాడని వెల్లడించారు. అందుకే అతడిని పంకజ్‌ చంపినట్లు తెలిపారు.

29/08/2023 09:15(IST)

విశాఖ ఫిషింగ్‌ హార్బర్‌ వద్ద మత్స్యకారుల ఆందోళన

విశాఖ: నగరంలోని ఫిషింగ్‌ హార్బర్‌ గేటు వద్ద పోలీసులు భారీగా మోహరించారు. కంటైనర్‌ టెర్మినల్‌ వద్దకు భారీగా మత్స్యకారులు చేరుకున్నారు. టెర్మినల్‌కు భూములిచ్చిన సమయంలో ఇచ్చిన హామీలను నెరవేర్చాలని డిమాండ్‌ చేస్తూ ఆందోళనకు దిగారు. 60 గజాల ఇంటిస్థలం, రూ.లక్ష పరిహారం, ఇంటికో ఉద్యోగం ఇస్తామంటూ 20 ఏళ్ల క్రితం ఇచ్చిన హామీలను నెరవేర్చాలంటూ నిరసన తెలిపారు. ఆందోళనకారుల ధర్నా దృష్ట్యా కంటైనర్‌ టెర్మినల్‌కు వెళ్లే మార్గాన్ని పోలీసులు దిగ్బంధించారు.

29/08/2023 08:51(IST)

శంషాబాద్‌ ఎయిర్‌పోర్ట్‌కు బాంబు బెదిరింపు

హైదరాబాద్: శంషాబాద్ అంతర్జాతీయ విమానాశ్రయానికి బాంబు బెదిరింపు మెయిల్‌ వచ్చింది. ఈ ఘటన సోమవారం ఉదయం జరగగా.. విషయం ఆలస్యంగా వెలుగులోకి వచ్చింది. ఎయిర్‌పోర్ట్‌లో బాంబు పెట్టినట్లు ఓ వ్యక్తి కంట్రోల్‌ రూమ్‌కు మెయిల్‌ ద్వారా సమాచారం ఇచ్చాడు. దీంతో బాంబ్ స్క్వాడ్, డాగ్ స్క్వాడ్‌తో సీఐఎస్ఎఫ్ , స్థానిక పోలీసులు ఎయిర్‌పోర్టు మొత్తం తనిఖీ చేశారు. చివరకు బాంబు లేదని అధికారులు తేల్చారు. కాగా దుండగుడు బాంబు బెదిరింపు మెయిల్‌ చేశాడని భద్రతా సిబ్బంది తెలిపారు. అతడిపై కేసు నమోదు చేసినట్లు పేర్కొన్నారు.

బీసీల కోసం నల్గొండ సీటు త్యాగానికి సిద్ధం: కోమటి రెడ్డి వెంకట్‌రెడ్డి

తాజా వార్తలు (Latest News)

కిషన్‌రెడ్డి హైదరాబాద్‌కు రూపాయి తీసుకు రాలేదు: మంత్రి పొన్నం

‘యానిమల్‌ పార్క్‌’.. ఆ విషయం నేను చెప్పలేను: త్రిప్తి దిమ్రీ

పారిస్‌ ఒలింపిక్స్‌లో హిందీకి అరుదైన గౌరవం

ఆగస్టు 23న.. ఉక్రెయిన్‌ పర్యటనకు ప్రధాని మోదీ..!

భద్రాచలం వద్ద మళ్లీ పెరుగుతున్న గోదావరి నీటి మట్టం

రివ్యూ: బ్లడీ ఇష్క్‌: అవికా గోర్‌ సినిమా థ్రిల్‌ చేసిందా?

సుఖీభవ

చదువు