Breaking | Feedback | ePratibha | E-PAPER | Pratibha

బెంగళూరు X హైదరాబాద్‌ ఐపీఎల్ మ్యాచ్‌ లైవ్‌ అప్‌డేట్స్

ఐపీఎల్ 17 సీజన్‌లో హైదరాబాద్‌ హ్యాట్రిక్ విజయం సాధించింది. బెంగళూరుతో జరిగిన మ్యాచ్‌లో 25 పరుగుల తేడాతో విజయం సాధించింది.

Updated : 15 Apr 2024 23:24 IST

15/04/2024 23:12(IST)

Bengaluru vs Hyderabad: హైదరాబాద్‌ హ్యాట్రిక్‌.. పోరాడి ఓడిన బెంగళూరు

ఐపీఎల్ 17 సీజన్‌లో హైదరాబాద్‌ హ్యాట్రిక్ విజయం సాధించింది.
బెంగళూరుతో జరిగిన మ్యాచ్‌లో 25 పరుగుల తేడాతో విజయం సాధించింది.
తొలుత బ్యాటింగ్ చేసిన హైదరాబాద్‌ 287/3 ఐపీఎల్ చరిత్రలో అత్యధిక స్కోరు చేసింది.
కొండంత లక్ష్యఛేదనలో బెంగళూరు గట్టిగానే పోరాడింది. చివరకు 20 ఓవర్లలో 7 వికెట్ల నష్టానికి 262 పరుగులు చేసింది.

15/04/2024 23:09(IST)

Bengaluru vs Hyderabad: దినేశ్ కార్తిక్‌ (83) ఔట్.. బెంగళూరు ఏడో వికెట్

దినేశ్‌ కార్తిక్‌ (83; 35 బంతుల్లో) వీరోచిత ఇన్నింగ్స్‌కు తెరపడింది.
నటరాజన్‌ వేసిన 19 ఓవర్‌లో ఓ సిక్స్, ఫోర్ బాదిన డీకే.. ఐదో బంతికి వికెట్ కీపర్‌ క్లాసెన్‌కు క్యాచ్ ఇచ్చాడు.
19 ఓవర్లకు స్కోరు 244/7. అనుజ్ రావత్ (8), విజయ్‌కుమార్‌ (0) క్రీజులో ఉన్నారు.

15/04/2024 22:55(IST)

Bengaluru vs Hyderabad: డీకే 23 బంతుల్లో హాఫ్‌ సెంచరీ.. 200 దాటిన బెంగళూరు స్కోరు

దినేశ్ కార్తిక్ 23 బంతుల్లో అర్ధ శతకం పూర్తి చేసుకున్నాడు.
కమిన్స్‌ వేసిన 17 ఓవర్‌లో తొలి బంతికి డీకే సిక్సర్ బాది హాఫ్ సెంచరీ అందుకున్నాడు.
ఈ సిక్సర్‌తో బెంగళూరు స్కోరు 200 దాటింది.
ఈ ఓవర్లో చివరి బంతికి దినేశ్‌ మరో సిక్స్ కొట్టాడు.
17 ఓవర్లకు స్కోరు 216/6. అనుజ్ రావత్ (6), దినేశ్ కార్తిక్ (61) పరుగులతో ఉన్నారు.

15/04/2024 22:40(IST)

Bengaluru vs Hyderabad: మహిపాల్ (19) ఔట్.. బెంగళూరు ఆరో వికెట్

కమిన్స్‌ కీలక సమయంలో వికెట్ పడగొట్టాడు.
అతడు వేసిన 15 ఓవర్‌లో తొలి బంతిని మహిపాల్ లామ్రోర్ (19) వికెట్ల మీదికి ఆడుకున్నాడు.
ఈ ఓవర్‌లో చివరి బంతికి అనుజ్‌ రావత్ (5) బౌండరీ బాదాడు.
15 ఓవర్లకు స్కోరు 187/6. దినేశ్‌ కార్తిక్‌ (36) పరుగులతో ఉన్నాడు.
బెంగళూరు విజయానికి చివరి ఐదు ఓవర్లలో 101 పరుగులు అవసరం.

15/04/2024 22:38(IST)

Bengaluru vs Hyderabad: రసవత్తరంగా మ్యాచ్‌.. చెలరేగుతున్న దినేశ్ కార్తిక్

బెంగళూరు జట్టులో గెలుపుపై దినేశ్ కార్తిక్‌ ఆశలు కలిగిస్తున్నాడు.
ఉనద్కత్ వేసిన 14 ఓవర్లో మూడు ఫోర్లు, ఓ సిక్స్ బాదేశాడు.
14 ఓవర్లకు స్కోరు 181/5. దినేశ్‌ కార్తిక్ (35), మహిపాల్ (19) పరుగులతో ఉన్నారు.

15/04/2024 22:33(IST)

Bengaluru vs Hyderabad: దూకుడు పెంచిన బెంగళూరు బ్యాటర్లు

బెంగళూరు బ్యాటర్లు దూకుడు పెంచారు.
మర్కండే తన చివరి ఓవర్లో ఏకంగా 25 పరుగులు సమర్పించుకున్నాడు.
అతడు వేసిన ఇన్నింగ్స్‌ 13 ఓవర్‌లో మహిపాల్ లామ్రోర్ (18) మొదటి రెండు బంతులకు సిక్సర్లు బాదాడు.
తర్వాత దినేశ్‌ కార్తిక్ (16) ఓ సిక్స్‌, ఫోర్ కొట్టాడు.
13 ఓవర్లకు స్కోరు 160/5.

15/04/2024 22:22(IST)

Bengaluru vs Hyderabad: 11 ఓవర్‌.. ఐదే పరుగులు ఇచ్చిన మర్కండే

మయాంక్ మర్కండే వికెట్లు పడగొట్టడంతోపాటు పొదుపుగా బౌలింగ్ చేస్తున్నాడు.
అతడు వేసిన ఇన్నింగ్స్‌ 11 ఓవర్‌లో ఐదు పరుగులే వచ్చాయి.
11 ఓవర్లకు స్కోరు 127/5. మహిపాల్ లామ్రోర్ (2), దినేశ్ కార్తిక్‌ (3) పరుగులతో ఉన్నారు.

15/04/2024 22:17(IST)

Bengaluru vs Hyderabad: సగం వికెట్లు కోల్పోయిన బెంగళూరు

288 పరుగుల కొండంత లక్ష్యఛేదనలో బెంగళూరు తడబడుతోంది.
కమిన్స్‌ ఒకే ఓవర్‌లో రెండు వికెట్లు పడగొట్టాడు.
మూడో బంతికి డుప్లెసిస్ ఔట్ కాగా.. చివరి బంతికి సౌరభ్‌ చౌహన్‌ (0) ఎల్బీడబ్ల్యూగా వెనుదిరిగాడు.
10 ఓవర్లకు స్కోరు 122/5.

15/04/2024 22:09(IST)

Bengaluru vs Hyderabad: మూడో వికెట్ కోల్పోయిన బెంగళూరు

మయాంక్‌ మర్కండే వేసిన తొమ్మిదో ఓవర్‌లో నాలుగో బంతికి సిక్సర్ బాదిన రజత్ పటీదార్‌ (9).. చివరి బంతికి నితీశ్‌ రెడ్డికి క్యాచ్‌ ఇచ్చాడు.
దీంతో 111 పరుగుల వద్ద బెంగళూరు మూడో వికెట్ కోల్పోయింది.
9 ఓవర్లకు స్కోరు 111/3. డుప్లెసిస్ (52) పరుగులతో ఉన్నారు.

15/04/2024 22:06(IST)

Bengaluru vs Hyderabad: డుప్లెసిస్ హాఫ్‌ సెంచరీ.. వీల్ జాక్స్‌ ఔట్

ఉనద్కత్ వేసిన ఎనిమిదో ఓవర్లో 16 పరుగులు రాగా.. డుప్లెసిస్ ఓ ఫోర్, సిక్స్ బాదాడు.
ఈ క్రమంలోనే 23 బంతుల్లో హాఫ్‌ సెంచరీ పూర్తి చేసుకున్నాడు.
చివరి బంతికి నాన్‌స్ట్రైకింగ్‌లో ఉన్న వీల్ జాక్స్‌ (7) రనౌట్ అయ్యాడు.
8 ఓవర్లకు స్కోరు 100/2.

15/04/2024 21:55(IST)

Bengaluru vs Hyderabad: బెంగళూరుకు షాక్‌.. కోహ్లీ క్లీన్‌బౌల్డ్

బెంగళూరుకు గట్టి షాక్ తగిలింది. విరాట్ కోహ్లీ (42; 20 బంతుల్లో) ఔటయ్యాడు.
మయాంక్ మర్కండే వేసిన ఏడో ఓవర్‌లో రెండో బంతికి క్లీన్‌బౌల్డ్ అయ్యాడు.
7 ఓవర్లకు స్కోరు 84/1. డుప్లెసిస్ (40), వీల్ జాక్స్ (2) పరుగులతో ఉన్నారు.

15/04/2024 21:49(IST)

Bengaluru vs Hyderabad: 5 ఓవర్లకే బెంగళూరు స్కోరు 70

హైదరాబాద్‌ బౌలర్లను బెంగళూరు ఓపెనర్లు ధీటుగా ఎదుర్కొంటున్నారు.
నటరాజన్ వేసిన ఐదో ఓవర్‌లో 14 పరుగులు రాబట్టారు.
కోహ్లీ (38) ఓ ఫోర్, సిక్స్‌ బాదాడు. 5 ఓవర్లకు బెంగళూరు స్కోరు 70/0. డుప్లెసిస్ (32) పరుగులతో ఉన్నాడు.

15/04/2024 21:44(IST)

Bengaluru vs Hyderabad: దూకుడుగా ఆడుతున్న బెంగళూరు ఓపెనర్లు

బెంగళూరు ఓపెనర్లు దూకుడుగా ఆడుతున్నారు.
షాబాజ్‌ అహ్మద్ వేసిన మూడో ఓవర్‌లో 18 పరుగులు చేశారు.
ఈ ఓవర్‌లో డుప్లెసిస్ రెండు సిక్సర్లు, ఓ ఫోర్ బాదాడు.
భువనేశ్వర్‌ వేసిన నాలుగో ఓవర్‌లో మొదటి రెండు బంతులను కోహ్లీ బౌండరీకి పంపాడు.
ఇదే ఓవర్‌లో చివరి రెండు బంతులకు డుప్లెసిస్ ఫోర్లు బాదాడు.
4 ఓవర్లకు స్కోరు 56/0. డుప్లెసిస్ (31), విరాట్ కోహ్లీ (25) పరుగులతో ఉన్నారు.

15/04/2024 21:36(IST)

Bengaluru vs Hyderabad: వరుసగా ఫోర్, సిక్స్ బాదిన విరాట్ కోహ్లీ

భువనేశ్వర్‌ వేసిన రెండో ఓవర్‌లో 11 పరుగులు వచ్చాయి.
నాలుగో బంతికి బౌండరీ బాదిన విరాట్ కోహ్లీ (15).. తర్వాతి బంతికి సిక్స్‌ దంచాడు.
2 ఓవర్లకు స్కోరు 21/0. డుప్లెసిస్ (6) పరుగులతో ఉన్నాడు.

15/04/2024 21:35(IST)

Bengaluru vs Hyderabad: లక్ష్యఛేదనకు దిగిన బెంగళూరు

హైదరాబాద్‌ నిర్దేశించిన 288 పరుగుల కొండంత లక్ష్యాన్ని ఛేదించేందుకు బెంగళూరు బరిలోకి దిగింది.
అభిషేక్ శర్మ వేసిన తొలి ఓవర్‌లో 10 పరుగులు వచ్చాయి.
డుప్లెసిస్ (5), విరాట్ కోహ్లీ (5) చెరో బౌండరీ బాదారు.

15/04/2024 21:14(IST)

Bengaluru vs Hyderabad: హైదరాబాద్‌ మరో సంచలనం.. ఐపీఎల్ చరిత్రలో రికార్డు స్కోరు

బెంగళూరుతో జరిగిన మ్యాచ్‌లో హైదరాబాద్‌ రికార్డు స్కోరు చేసింది.
20 ఓవర్లలో 3 వికెట్ల నష్టానికి 287 పరుగులు చేసింది.
ఐపీఎల్ చరిత్రలో అత్యధిక స్కోరు ఇదే.
ఈ సీజన్లో ముంబయిపై 277 స్కోరు చేసిన హైదరాబాద్‌.. ఇప్పుడు తన రికార్డును తానే తిరగరాసింది.
ఓపెనర్ ట్రావిస్ హెడ్ (102; 41 బంతుల్లో 9 ఫోర్లు, 8 సిక్స్‌లు) వీరవిహారం చేశాడు.
వన్‌డౌన్ బ్యాటర్ హెన్రిచ్‌ క్లాసెన్ (67; 31 బంతుల్లో 2 ఫోర్లు, 7 సిక్స్‌లు) సిక్సర్ల వర్షం కురిపించాడు.
చివర్లో అబ్దుల్ సమద్ (37; 10 బంతుల్లో 4 ఫోర్లు, 3 సిక్స్‌లు) మెరుపు ఇన్నింగ్స్‌ ఆడాడు.

15/04/2024 20:57(IST)

Bengaluru vs Hyderabad: క్లాసెన్ (67) ఔట్.. హైదరాబాద్‌ మూడో వికెట్

హెన్రిచ్ క్లాసెన్ (67; 31 బంతుల్లో) మెరుపు ఇన్నింగ్స్‌కు తెరపడింది.
ఫెర్గూసన్ వేసిన 17 ఓవర్‌లో రెండో బంతికి 106 మీటర్ల సిక్సర్ బాదిన అతడు.. చివరి బంతికి విజయ్‌కుమార్‌కు క్యాచ్‌ ఇచ్చాడు.
17 ఓవర్లకు స్కోరు 231/3. మార్‌క్రమ్ (16) పరుగులతో ఉన్నాడు.

15/04/2024 20:46(IST)

Bengaluru vs Hyderabad: క్లాసెన్ హాఫ్ సెంచరీ. 200 దాటిన స్కోరు

విజయ్‌కుమార్‌ వేసిన 15 ఓవర్లో చివరి బంతికి సిక్సర్ బాది హెన్రిచ్‌ క్లాసెన్ (50) 23 బంతుల్లో అర్ధ శతకం పూర్తి చేసుకున్నాడు.
ఈ ఓవర్‌లో మొత్తం 16 పరుగులు వచ్చాయి.
మార్‌క్రమ్ (7) పరుగులతో ఉన్నాడు. 15 ఓవర్లకు స్కోరు 205/2.

15/04/2024 20:33(IST)

Bengaluru vs Hyderabad: ట్రావిస్ హెడ్ (102) ఔట్.. హైదరాబాద్ రెండో వికెట్

శతకం పూర్తి చేసుకున్న ట్రావిస్ హెడ్ (102; 41 బంతుల్లో 9 ఫోర్లు, 8 సిక్స్‌లు) ఔటయ్యాడు.
ఫెర్గూసన్ వేసిన 13 ఓవర్‌లో మూడో బంతికి భారీ షాట్ ఆడి మిడాఫ్‌లో డుప్లెసిస్‌కు చిక్కాడు.
13 ఓవర్లకు స్కోరు 171/2. క్లాసెన్ (25), మార్‌క్రమ్‌ (1) క్రీజులో ఉన్నారు.

15/04/2024 20:26(IST)

Bengaluru vs Hyderabad: ట్రావిస్ హెడ్ విధ్వంసం.. 39 బంతుల్లోనే సెంచరీ

బెంగళూరుతో మ్యాచ్‌లో ట్రావిస్ హెడ్ సిక్స్‌లు, ఫోర్లు బాదుతూ విధ్వంసం సృష్టిస్తున్నాడు.
39 బంతుల్లోనే సెంచరీ పూర్తి చేసుకున్నాడు.
విజయ్‌కుమార్‌ వేసిన 12 ఓవర్‌లో మొదటి రెండు బంతులను బౌండరీకి పంపిన అతడు.. మూడో బంతికి రెండు పరుగులు చేశాడు.
హెడ్ నాలుగో బంతికి బౌండరీ బాది మూడంకెల స్కోరు అందుకున్నాడు.
12 ఓవర్లకు స్కోరు 158/1. క్లాసెన్ (15), ట్రావిస్ హెడ్ (102) క్రీజులో ఉన్నారు.

15/04/2024 20:23(IST)

Bengaluru vs Hyderabad: దూకుడు పెంచిన హెన్రిచ్ క్లాసెన్

హెన్రిచ్‌ క్లాసెన్ కూడా దూకుడు పెంచాడు.
యశ్ దయాల్ వేసిన 11 ఓవర్‌లో పరుగులు 11 రాబట్టాడు.
అతడు రెండో బంతికి సిక్సర్ బాదాడు.
11 ఓవర్లకు స్కోరు 142/1. ట్రావిస్ హెడ్ (87), క్లాసెన్ (14) పరుగులతో ఉన్నారు.

15/04/2024 20:18(IST)

Bengaluru vs Hyderabad: 10 ఓవర్లు పూర్తి.. హైదరాబాద్ స్కోరు 128/1

బెంగళూరుతో జరుగుతున్న మ్యాచ్‌లో హైదరాబాద్‌ ఓపెనర్ ట్రావిస్ హెడ్ (86; 33 బంతుల్లో) చెలరేగి ఆడుతున్నాడు.
దీంతో 10 ఓవర్లు ముగిసేసరికి స్కోరు 128/1.
ఫెర్గూసన్ వేసిన 10 ఓవర్‌లో హెడ్ ఓ సిక్సర్ బాదాడు. హెన్రిచ్‌ క్లాసెన్ (3) పరుగులతో ఉన్నాడు.

15/04/2024 20:07(IST)

Bengaluru vs Hyderabad: 8 ఓవర్లకే 100 దాటిన హైదరాబాద్ స్కోరు

హైదరాబాద్‌ స్కోరు 8 ఓవర్లకే 100 దాటేసింది.
విజయ్‌కుమార్‌ వేసిన ఎనిమిదో ఓవర్‌లో తొలి బంతికి అభిషేక్ శర్మ (34) సిక్సర్ బాదాడు.
తర్వాత ఐదు సింగిల్స్ వచ్చాయి.
8 ఓవర్లకు స్కోరు 108/0. ట్రావిస్‌ హెడ్ (71; 27 బంతుల్లో) క్రీజులో ఉన్నాడు.

15/04/2024 20:02(IST)

Bengaluru vs Hyderabad: దంచికొడుతున్న ట్రావిస్ హెడ్

హైదరాబాద్‌ ఓపెనర్ ట్రావిస్ హెడ్ (69; 25 బంతుల్లో) దంచికొడుతున్నాడు.
వీల్ జాక్స్‌ వేసిన ఏడో ఓవర్‌లో వరుసగా 4,6,6 బాదేశాడు.
ఈ ఓవర్‌లో మొత్తం 21 పరుగులు వచ్చాయి.
7 ఓవర్లకు స్కోరు 97/0. మరో ఎండ్‌లో అభిషేక్ శర్మ (25) పరుగులతో ఉన్నాడు.

15/04/2024 19:55(IST)

Bengaluru vs Hyderabad: 20 బంతుల్లోనే ట్రావిస్ హెడ్ హాఫ్‌ సెంచరీ

ట్రావిస్ హెడ్‌ (52) సిక్సర్లు, ఫోర్లతో విరుచుకుపడుతున్నాడు.
యశ్‌ దయాల్ వేసిన ఆరో ఓవర్‌లో రెండు సిక్స్‌లు, ఓ బౌండరీ బాది 20 బంతుల్లోనే అర్ధ శతకం పూర్తి చేసుకున్నాడు.
దీంతో పవర్‌ ప్లే ముగిసేసరికి హైదరాబాద్ 76/0 స్కోరుతో పటిష్ట స్థితిలో నిలిచింది. అభిషేక్ శర్మ (23) పరుగులతో ఉన్నాడు.

15/04/2024 19:51(IST)

Bengaluru vs Hyderabad: ట్రావిస్ హెడ్ దూకుడు.. 50 దాటిన హైదరాబాద్‌ స్కోరు

ఫెర్గూసన్‌ వేసిన ఐదో ఓవర్‌లో ట్రావిస్‌ హెడ్ (33) దూకుడు ప్రదర్శించాడు.
వరుసగా రెండు సిక్సర్లు బాది.. లాస్ట్ బాల్‌కు బౌండరీ రాబట్టాడు.
5 ఓవర్లకు హైదరాబాద్‌ స్కోరు 56/0. అభిషేక్ శర్మ (22) పరుగులతో ఉన్నారు.

15/04/2024 19:42(IST)

Bengaluru vs Hyderabad: కట్టుదిట్టంగా బౌలింగ్ చేసిన వీల్ జాక్స్‌

హైదరాబాద్‌ ఓపెనర్ల దూకుడుకు స్పిన్నర్‌ వీల్ జాక్స్ కళ్లెం వేశాడు.
అతడు వేసిన మూడో ఓవర్లో నాలుగు సింగిల్స్ మాత్రమే వచ్చాయి.
3 ఓవర్లకు స్కోరు 31/0. అభిషేక్ శర్మ (16), ట్రావిస్ హెడ్ (15) పరుగులతో ఉన్నారు.

15/04/2024 19:39(IST)

Bengaluru vs Hyderabad: దూకుడుగా ఆడుతున్న హైదరాబాద్‌ ఓపెనర్లు

హైదరాబాద్ ఓపెనర్లు దూకుడుగా ఆడుతున్నారు.
రీస్‌ టాప్లీ వేసిన రెండో ఓవర్‌లో 20 పరుగులు రాబట్టారు.
రెండు, మూడు బంతులకు ట్రావిస్ హెడ్ (13) వరుసగా 4,6 బాదాడు.
చివరి బంతికి అభిషేక్ శర్మ (14) సిక్సర్ బాదాడు.
2 ఓవర్లకు స్కోరు 27/0.

15/04/2024 19:34(IST)

Bengaluru vs Hyderabad: ప్రారంభమైన మ్యాచ్‌.. హైదరాబాద్‌ బ్యాటింగ్

బెంగళూరు, హైదరాబాద్‌ జట్ల మధ్య మ్యాచ్‌ ప్రారంభమైంది.
టాస్‌ ఓడి హైదరాబాద్‌ బ్యాటింగ్‌కు దిగింది.
స్పిన్నర్‌ వీల్ జాక్స్‌ వేసిన తొలి ఓవర్‌లో ఏడు పరుగులు వచ్చాయి.
నాలుగో బంతికి అభిషేక్ శర్మ (7) బౌండరీ బాదాడు.
ట్రావిస్ హెడ్ ఇంకా పరుగుల ఖాతా తెరవలేదు.

15/04/2024 19:15(IST)

Bengaluru vs Hyderabad: ఇరుజట్ల ఇంపాక్ట్‌ సబ్‌స్టిట్యూట్‌లు వీరే

బెంగళూరు: సుయాశ్‌ ప్రభుదేశాయ్‌, అనుజ్ రావత్, స్వప్నిల్ సింగ్, మహ్మద్‌ సిరాజ్‌, కర్ణ్‌ శర్మ.

హైదరాబాద్‌: ఉమ్రాన్‌ మాలిక్‌, అన్మోల్‌ప్రీత్‌ సింగ్, మయాంక్‌ మార్కండే, గ్లెన్ ఫిలిప్స్‌, రాహుల్ త్రిపాఠి.

15/04/2024 19:12(IST)

Bengaluru vs Hyderabad: మ్యాక్స్‌వెల్, సిరాజ్‌లకు తుది జట్టులో దక్కని చోటు

ఈ సీజన్‌లో నిరాశపరుస్తున్న మ్యాక్స్‌వెల్, సిరాజ్‌లను ఈ మ్యాచ్‌కు బెంగళూరు తుది జట్టు నుంచి తప్పించింది.

బెంగళూరు తుది జట్టు: డుప్లెసిస్‌ (కెప్టెన్‌), విరాట్ కోహ్లీ, వీల్ జాక్స్‌, రజత్ పటీదార్‌, సౌరభ్‌ చౌహన్‌, దినేశ్ కార్తిక్‌ (వికెట్ కీపర్‌), మహిపాల్ లామ్రోర్, రీస్ టాప్లీ, లాకీ ఫెర్గూసన్, విజయ్‌కుమార్‌ వైశాఖ్‌, యశ్ దయాల్.

15/04/2024 19:08(IST)

Bengaluru vs Hyderabad: హైదరాబాద్‌ తుది జట్టు ఇదే

పాట్ కమిన్స్‌ (కెప్టెన్‌), ట్రావిస్ హెడ్, అభిషేక్ శర్మ, ఐడెన్ మార్‌క్రమ్‌, నితీశ్ రెడ్డి, హెన్రిచ్‌ క్లాసెన్ (వికెట్ కీపర్‌), అబ్దుల్ సమద్, షాబాజ్‌ అహ్మద్‌, భువనేశ్వర్‌ కుమార్‌, జయ్‌దేవ్ ఉనద్కత్, టి నటరాజన్‌.

15/04/2024 18:54(IST)

Bengaluru vs Hyderabad: గత ఐదు మ్యాచ్‌ల్లో ఆధిపత్యం ఎవరిది?

2021 నుంచి ఇరుజట్ల మధ్య ఐదు మ్యాచ్‌లు జరిగాయి.
మూడు మ్యాచ్‌ల్లో బెంగళూరు, రెండు మ్యాచ్‌ల్లో హైదరాబాద్‌ గెలుపొందాయి.
2023లో చివరగా ఉప్పల్‌లో జరిగిన మ్యాచ్‌లో బెంగళూరు విజయం సాధించింది.

15/04/2024 18:50(IST)

హైదరాబాద్ బ్యాటింగ్‌ X బెంగళూరు బౌలింగ్‌

హైదరాబాద్‌ దూకుడు ఆటతో ప్రత్యర్థులను వణికిస్తోంది. బ్యాటింగ్‌తోపాటు బౌలింగ్‌లోనూ అదరగొడుతోంది. అభిషేక్ శర్మ, ట్రావిస్‌ హెడ్, క్లాసెన్, మార్‌క్రమ్‌, రాహుల్ త్రిపాఠి, సమద్‌, నితీశ్‌ రెడ్డితో కూడిన బ్యాటింగ్ లైనప్‌ బలంగా కనిపిస్తోంది. మరోవైపు బెంగళూరు బౌలింగ్ అత్యంత దారుణంగా ఉంది. అలాంటిది హైదరాబాద్‌ను ఎలా అడ్డుకుంటారనేది ఆసక్తికరంగా మారింది. సిరాజ్‌, విల్‌ జాక్స్, మ్యాక్స్‌వెల్, టోప్లీ, ఆకాశ్‌ దీప్‌ నాణ్యమైన బౌలింగ్‌ చేయాల్సిందే. విజయ్‌కుమార్ వైశాఖ్‌ ఒక్కడే అప్పుడప్పుడు ఫర్వాలేదనిపిస్తున్నాడు. ముంబయి, చెన్నై బౌలింగ్‌నే ఎదుర్కొని దూకుడుగా ఆడి హైదరాబాద్‌ బ్యాటింగ్‌ త్రయం పరుగులు రాబట్టింది. ఒకవేళ బెంగళూరు తొలుత బ్యాటింగ్‌ చేసి 200+ స్కోరు చేసినా విజయం సాధించాలంటే మాత్రం బౌలింగ్‌ శ్రమించాల్సిందే. ముంబయితో మ్యాచ్‌ అనంతరం బెంగళూరు కెప్టెన్ డుప్లెసిస్ మాట్లాడుతూ.. ‘మేం 250+ స్కోరు చేస్తేనే గెలిచేందుకు అవకాశం ఉంటుంది. మా బౌలింగ్‌ బలహీనంగా ఉందనేది వాస్తవం’ అని వ్యాఖ్యానించాడు. ఆ లోటును పూరించుకొని బరిలోకి దిగాలి.

15/04/2024 16:31(IST)

గతం ఇలా.. పిచ్‌ అలా

బెంగళూరు - హైదరాబాద్‌ మొత్తం 22 మ్యాచుల్లో తలపడ్డాయి. ఈ గణాంకాల్లో హైదరాబాద్‌దే పైచేయి. సన్‌రైజర్స్ 12 మ్యాచుల్లో విజయం సాధించగా.. బెంగళూరు 10 గెలిచింది. 2016లో ఆ జట్టును ఓడించే హైదరాబాద్‌ ఐపీఎల్‌ విజేతగా నిలిచిన సంగతి తెలిసిందే. పిచ్‌ పరిస్థితికొస్తే.. బ్యాటింగ్‌కు అనుకూలంగా ఉంటుంది. టాస్‌ నెగ్గే సారథి కచ్చితంగా లక్ష్య ఛేదనకే మొగ్గుచూపుతాడు. మంచు ప్రభావం కూడా కలిసొస్తుంది. భారీ టార్గెట్‌ను కూడా కాపాడుకోవడం కష్టమేనని క్రికెట్ విశ్లేషకులు అంచనా వేస్తున్నారు.

15/04/2024 16:29(IST)

అపజయాల ‘బెంగ’ళూరు ఎదుట.. హైదరా‘బాదుడే’ సవాల్‌..!

ముంబయిని ఓడించింది.. చెన్నైకి చెక్‌ పెట్టింది.. పంజాబ్‌పై పంజా విసిరింది.. ఈ ఐపీఎల్ సీజన్‌లో హైదరాబాద్‌ ఆటతీరు అందరి మతి పోగొడుతోంది. మరోవైపు వరుస ఓటములతో కుదేలైన బెంగళూరు పరిస్థితి ఘోరంగా తయారైంది. పేపర్‌ పై చూస్తే.. స్టార్లకు కొదవేం లేని ఆ జట్టు అరడజను మ్యాచుల్లో ఒక్కటి మాత్రమే గెలవటం అభిమానులను నిరాశకు గురిచేస్తోంది. ఈ క్రమంలో ఆ జట్టు చిన్నస్వామి వేదికగా హైదరాబాద్‌తో తలపడేందుకు సిద్ధమైంది. పూర్తి వార్త కోసం క్లిక్‌ చేయండి

App

బెంగళూరు X హైదరాబాద్‌ ఐపీఎల్ మ్యాచ్‌ లైవ్‌ అప్‌డేట్స్

తాజా వార్తలు (Latest News)

సేల్స్‌ తగ్గాయన్న ఫ్రస్ట్రేషన్‌.. సీనియర్‌ ఎగ్జిక్యూటివ్‌లపై వేటు వేసిన మస్క్‌

కెనడాలో విదేశీ విద్యార్థులకు నిరాశ.. ఇక వారానికి గరిష్ఠంగా 24 గంటలే పని!

అమిత్ షా నకిలీ వీడియోల కేసు.. కాంగ్రెస్‌ ఎమ్మెల్యే పీఏ అరెస్టు

భార్య దారుణ హత్య.. భారతీయుడికి జీవిత ఖైదు

ఈనాడు.నెట్‌లో టాప్‌ 10 వార్తలు @ 5 PM

టీ20 ప్రపంచకప్.. సౌతాఫ్రికా, ఇంగ్లాండ్ జట్లు ఇవే..

సుఖీభవ

చదువు