Breaking | Feedback | ePratibha | E-PAPER | Pratibha

దిల్లీ X కోల్‌కతా ఐపీఎల్ మ్యాచ్‌ లైవ్‌ అప్‌డేట్స్‌

విశాఖపట్నం వేదికగా దిల్లీతో జరిగిన మ్యాచ్‌లో కోల్‌కతా 106 పరుగుల భారీ తేడాతో మరపురాని విజయాన్ని అందుకుంది. 273 పరుగుల లక్ష్యఛేదనలో దిల్లీ 166 పరుగులకు ఆలౌటైంది.

Updated : 03 Apr 2024 23:26 IST

03/04/2024 23:20(IST)

Delhi vs Kolkata: దిల్లీ ఆలౌట్.. కోల్‌కతా హ్యాట్రిక్‌ విజయం

ఐపీఎల్ 17 సీజన్‌లో కోల్‌కతా హ్యాట్రిక్‌ విజయం సాధించింది.
విశాఖపట్నం వేదికగా దిల్లీతో జరిగిన మ్యాచ్‌లో కోల్‌కతా 106 పరుగుల భారీ తేడాతో మరపురాని విజయాన్ని ఖాతాలో వేసుకుంది.
తొలుత బ్యాటింగ్ చేసిన కోల్‌కతా నిర్ణీత 20 ఓవర్లలో 7 వికెట్ల నష్టానికి 272 పరుగులు చేసింది. ఐపీఎల్ చరిత్రలో ఇది రెండో అత్యధిక స్కోరు.
273 పరుగుల లక్ష్యఛేదనలో దిల్లీ 17.2 ఓవర్లలో 166 పరుగులకు ఆలౌటైంది.
రిషభ్‌ పంత్‌ (55; 25 బంతుల్లో 4 ఫోర్లు, 5 సిక్స్‌లు), ట్రిస్టన్‌ స్టబ్స్ (54; 32 బంతుల్లో 4 ఫోర్లు, 4 సిక్స్‌లు) మినహా మిగతా బ్యాటర్లు విఫలమయ్యారు.

03/04/2024 23:06(IST)

Delhi vs Kolkata: ట్రిస్టన్‌ స్టబ్స్‌ హాఫ్‌ సెంచరీ.. ఔట్

ట్రిస్టన్‌ స్టబ్స్‌ (54; 32 బంతుల్లో) హాఫ్‌ సెంచరీ పూర్తి చేసుకుని ఔటయ్యాడు.
వరుణ్‌ చక్రవర్తి వేసిన 15 ఓవర్‌లో ఐదో బంతికి మిచెల్ స్టార్క్‌కు చిక్కాడు.
దీంతో 159 పరుగుల వద్ద దిల్లీ ఏడో వికెట్ కోల్పోయింది.

03/04/2024 22:55(IST)

Delhi vs Kolkata: మరో వికెట్ కోల్పోయిన దిల్లీ

దిల్లీ ఆరో వికెట్ కోల్పోయింది. పంత్ ఔటైన తర్వాత వచ్చిన అక్షర్ పటేల్ (0) గోల్డెన్‌ డక్‌ అయ్యాడు.
చక్రవర్తి వేసిన 12.3 ఓవర్‌కు మనీశ్ పాండేకు క్యాచ్‌ ఇచ్చాడు.
13 ఓవర్లకు స్కోరు 129/6. ట్రిస్టన్‌ స్టబ్స్ (36), సుమిత్ (1) క్రీజులో ఉన్నారు.

03/04/2024 22:52(IST)

Delhi vs Kolkata: పంత్ దూకుడు.. వరుసగా 4,6,6,4,4,4

రిషభ్ పంత్ చెలరేగి ఆడుతున్నాడు.
వెంకటేశ్‌ అయ్యర్ వేసిన 12 ఓవర్‌లో వరుసగా 4,6,6,4,4,4 బాదేశాడు.
దీంతో 23 బంతుల్లోనే హాఫ్‌ సెంచరీ పూర్తి చేసుకున్నాడు.
12 ఓవర్లకు స్కోరు 125/4. పంత్ (55), ట్రిస్టన్ స్టబ్స్ (34) పరుగులతో ఉన్నాడు.

03/04/2024 22:36(IST)

Delhi vs Kolkata: ట్రిస్టన్‌ స్టబ్స్‌ రెండు సిక్స్‌లు..

ట్రిస్టన్‌ స్టబ్స్ దూకుడుగా ఆడుతున్నాడు.
వరుణ్ చక్రవర్తి వేసిన తొమ్మిదో ఓవర్‌లో అతడు రెండు సిక్సర్లు బాదాడు.
నాలుగో బంతికి స్టబ్స్‌ ఇచ్చిన క్యాచ్‌ను శ్రేయస్ అయ్యర్ డ్రాప్‌ చేశాడు.
9 ఓవర్లకు స్కోరు 83/4. స్టబ్స్ (25), పంత్ (23) పరుగులతో ఉన్నారు.

03/04/2024 22:27(IST)

Delhi vs Kolkata: ఈసారి పంత్‌ వంతు..

ఏడో ఓవర్‌ వేసేందుకు వచ్చిన రాణా అనివార్య కారణాల వల్ల డ్రెస్సింగ్‌ రూమ్‌కి వెళ్లాడు. అతడి స్థానంలో రస్సెల్‌ బౌలింగ్‌ చేశాడు.
రస్సెల్‌ వేసిన 4,5 బంతుల్ని పంత్‌ సిక్సులుగా మలిచాడు.
ఈ ఓవర్లో వచ్చిన పరుగులు 14. స్కోర్‌ 65/4

03/04/2024 22:16(IST)

Delhi vs Kolkata: పెవిలియన్‌కు క్యూ కట్టిన దిల్లీ బ్యాటర్లు

ఐదో ఓవర్‌లో 4వ వికెట్‌ రూపంలో వార్నర్‌ (18) ఔటయ్యాడు. మిచెల్‌ స్టార్క్‌ బౌలింగ్‌లో బౌల్డయ్యాడు.
ప్రస్తుతం క్రీజులో స్టబ్స్‌, కెప్టెన్‌ రిషభ్‌ పంత్‌ ఉన్నారు.
ఈ ఓవర్లో 2 సిక్సులు వచ్చాయి. స్కోర్‌ 40/4

03/04/2024 22:06(IST)

Delhi vs Kolkata: మిచెల్ మార్ష్‌ డకౌట్.. దిల్లీ రెండో వికెట్

మిచెల్ మార్ష్‌ (0) డకౌట్ అయ్యాడు.
మిచెల్ స్టార్క్‌ వేసిన 3 ఓవర్‌లో ఐదో బంతికి రమణ్‌దీప్‌ సింగ్‌కు క్యాచ్‌ ఇచ్చాడు.
స్టార్క్‌కిది ఈ సీజన్‌లో మొదటి వికెట్.
3 ఓవర్లకు స్కోరు 26/2. వార్నర్ (11), అభిషేక్ పొరెల్ (0) క్రీజులో ఉన్నారు.

03/04/2024 21:59(IST)

Delhi vs Kolkata: దిల్లీకి షాక్‌.. పృథ్వీ షా (10) ఔట్

పృథ్వీ షా (10) ఔటయ్యాడు. వైభవ్ అరోరా వేసిన రెండో ఓవర్‌లో ఐదో బంతికి వరుణ్ చక్రవర్తికి చిక్కాడు.
ఇదే ఓవర్‌లో మొదటి రెండు బంతులను వార్నర్‌ (10) బౌండరీకి పంపాడు.
2 ఓవర్లకు స్కోరు 21/1. మిచెల్ మార్ష్‌ (0) పరుగులతో ఉన్నారు.

03/04/2024 21:54(IST)

Delhi vs Kolkata: లక్ష్యఛేదనకు దిగిన దిల్లీ

కోల్‌కతా నిర్దేశించిన 273 పరుగుల భారీ లక్ష్యాన్ని ఛేదించేందుకు దిల్లీ బరిలోకి దిగింది.
మిచెల్ స్టార్క్‌ వేసిన తొలి ఓవర్లో 11 పరుగులు వచ్చాయి.
చివరి రెండు బంతులకు పృథ్వీ షా (10) ఫోర్లు బాదాడు. వార్నర్ (1) క్రీజులో ఉన్నాడు.

03/04/2024 21:30(IST)

విశాఖలో పరుగుల సునామీ.. ఐపీఎల్ చరిత్రలో రెండో అత్యధిక స్కోరు

దిల్లీతో జరుగుతున్న మ్యాచ్‌లో కోల్‌కతా బ్యాటర్లు చెలరేగారు.
దీంతో కోల్‌కతా నిర్ణీత 20 ఓవర్లలో 7 వికెట్ల నష్టానికి 272 పరుగులు చేసింది.
ఐపీఎల్ చరిత్రలో ఇది రెండో అత్యధిక స్కోరు.
ఓపెనర్ సునీల్ నరైన్‌ (85; 39 బంతుల్లో 7 ఫోర్లు, 7 సిక్స్‌లు) దిల్లీ బౌలర్లను ఊచకోత కోశాడు.
వన్‌డౌన్‌ బ్యాటర్ రఘువంశీ (54; 27 బంతుల్లో 5 ఫోర్లు, 3 సిక్స్‌లు) అర్ధ శతకంతో చెలరేగాడు.
ఆండ్రి రస్సెల్ (41; 19 బంతుల్లో), రింకు సింగ్ (26; 8 బంతుల్లో 1 ఫోర్, 3 సిక్స్‌లు) దూకుడుగా ఆడారు.
దిల్లీ బౌలర్లలో నోకియా 3, ఇషాంత్ శర్మ 2, ఖలీల్ అహ్మద్, మిచెల్ మార్ష్‌ తలో వికెట్ పడగొట్టారు.

03/04/2024 21:11(IST)

Delhi vs Kolkata: శ్రేయస్ అయ్యర్ (18) ఔట్.. క్రీజులోకి రింకు సింగ్

శ్రేయస్ అయ్యర్ (18) ఔటయ్యాడు.
ఖలీల్ అహ్మద్‌ వేసిన 17.1 ఓవర్‌కు సిక్స్‌ బాదిన అయ్యర్.. తర్వాతి బంతికి మిచెల్ మార్ష్‌కు చిక్కాడు.
రింకు సింగ్‌ క్రీజులోకి వచ్చాడు.
18 ఓవర్లకు స్కోరు 239/4. రస్సెల్ (41), రింకు సింగ్ (2) పరుగులతో ఉన్నారు.

03/04/2024 20:37(IST)

Delhi vs Kolkata: సునీల్ నరైన్‌ (85) ఔట్.. కోల్‌కతా రెండో వికెట్

సెంచరీ చేసేలా కనిపించిన సునీల్ నరైన్‌ (85; 39 బంతుల్లో 7 ఫోర్లు, 7 సిక్స్‌లు) ఔటయ్యాడు.
దీంతో 164 పరుగుల వద్ద కోల్‌కతా రెండో వికెట్ కోల్పోయింది.
13 ఓవర్లకు స్కోరు 171/2. ఆండ్రి రస్సెల్ (5*) పరుగులతో ఉన్నాడు.
రఘువంశీ (50*) 25 బంతుల్లో అర్ధ శతకం పూర్తి చేసుకున్నాడు.

03/04/2024 20:30(IST)

అర్ధ శతకానికి చేరువలో రఘువంశీ.. 11 ఓవర్లకు కోల్‌కతా@ 150/1

కోల్‌కతా బ్యాటర్ల విధ్వంసం కొనసాగుతోంది.
సలామ్ వేసిన 11 ఓవర్లో రఘువంశీ రెండు సిక్స్‌లు బాదాడు.
నాలుగో బంతికి రివర్స్‌ స్విప్‌ షాట్‌తో, చివరి బంతికి డీప్‌ మిడ్‌వికెట్ మీదుగా సిక్సర్లు దంచాడు.
11 ఓవర్లకు స్కోరు 150/1. నరైన్ (75), రఘువంశీ (46) పరుగులతో ఉన్నారు.

03/04/2024 20:24(IST)

విశాఖలో పరుగుల వరద.. 10 ఓవర్లకు కోల్‌కతా@135/1

విశాఖలో కోల్‌కతా బ్యాటర్లు పరుగుల వరద పారిస్తున్నారు.
ముఖ్యంగా సునీల్ నరైన్ (74; 32 బంతుల్లో 7 ఫోర్లు, 6 సిక్స్‌లు) తన బ్యాటింగ్ విశ్వరూపం ప్రదర్శిస్తున్నాడు.
రఘువంశీ (33; 16 బంతుల్లో) కూడా దూకుడుగా ఆడుతున్నాడు.
దీంతో 10 ఓవర్లు ముగిసేసరికి కోల్‌కతా స్కోరు 135/1.

03/04/2024 20:14(IST)

Delhi vs Kolkata: దంచికొడుతున్న సునీల్ నరైన్‌

సునీల్ నరైన్ దిల్లీ బౌలర్లకు ముచ్చెమటెలు పట్టిస్తున్నాడు.
బౌలర్‌ ఎవరనేది సంబంధం లేకుండా బౌండరీల మోత మోగిస్తున్నాడు.
అక్షర్ పటేల్ వేసిన ఎనిమిదో ఓవర్‌లో రెండు సిక్సర్లు బాదేశాడు.
8 ఓవర్లకు స్కోరు 112/1. రఘువంశీ (18) పరుగులతో ఉన్నాడు.

03/04/2024 20:04(IST)

Delhi vs Kolkata: నరైన్‌ ఊచకోత.. 21 బంతుల్లోనే హాఫ్‌ సెంచరీ

సునీల్ నరైన్‌ దిల్లీ బౌలర్లను ఊచకోత కోస్తున్నాడు.
సలామ్ వేసిన ఆరో ఓవర్‌లో మూడు ఫోర్లు, ఓ సిక్స్ బాదేశాడు.
ఈ క్రమంలోనే 21 బంతుల్లోనే అర్ధ శతకం పూర్తి చేసుకున్నాడు.
దీంతో పవర్‌ ప్లే ముగిసేసరికి కోల్‌కతా 88/1 స్కోరుతో పటిష్ట స్థితిలో నిలిచింది. రఘువంశీ (10) పరుగులతో ఉన్నాడు.

03/04/2024 19:56(IST)

Delhi vs Kolkata: ఫిలిప్‌ సాల్ట్ (18) ఔట్.. కోల్‌కతా ఫస్ట్‌ వికెట్

ఫిలిప్‌ సాల్ట్ (18; 12 బంతులలో) ఔటయ్యాడు.
అన్రిచ్‌ నోకియా వేసిన ఐదో ఓవర్లో రెండో బంతికి డేవిడ్ వార్నర్‌ క్యాచ్‌ మిస్‌ చేయడంతో బతికిపోయిన ఫిలిప్‌.. తర్వాతి బంతికే ట్రిస్టన్‌ స్టబ్స్‌కు చిక్కాడు.
దీంతో 60 పరుగుల వద్ద కోల్‌కతా మొదటి వికెట్ కోల్పోయింది.

03/04/2024 19:53(IST)

Delhi vs Kolkata: ఒకే ఓవర్‌లో 3 సిక్స్‌లు, రెండు ఫోర్లు బాదిన నరైన్‌

సునీల్ నరైన్‌ (34; 15 బంతుల్లో) చెలరేగుతున్నాడు.
ఇషాంత్‌ శర్మ వేసిన నాలుగో ఓవర్‌లో మొదటి మూడు బంతులకు వరుసగా 6,6,4 బాదేశాడు.
చివరి రెండు బంతులకు 6,4 కొట్టాడు. దీంతో ఈ ఓవర్‌లో 26 పరుగులు వచ్చాయి.
ఫిలిప్‌ సాల్ట్ (16) పరుగులతో ఉన్నాడు. 4 ఓవర్లకు స్కోరు 58/0.

03/04/2024 19:43(IST)

Delhi vs Kolkata: రెండో ఓవర్‌.. వరుసగా రెండు బౌండరీలు

ఇషాంత్ శర్మ వేసిన రెండో ఓవర్‌లో 10 పరుగులు వచ్చాయి.
మొదటి నాలుగు బంతుల్లో రెండే రన్స్‌ రాగా.. చివరి రెండు బంతులకు ఫిలిప్‌ సాల్ట్ (8) బౌండరీలు బాదాడు.
2 ఓవర్లకు స్కోరు 17/0. సునీల్ నరైన్ (1) క్రీజులో ఉన్నాడు.

03/04/2024 19:35(IST)

Delhi vs Kolkata: ప్రారంభమైన మ్యాచ్‌.. కోల్‌కతా బ్యాటింగ్

దిల్లీ, కోల్‌కతా మధ్య మ్యాచ్‌ ప్రారంభమైంది. టాస్‌ గెలిచి కోల్‌కతా బ్యాటింగ్‌ ఎంచుకుంది.
ఖలీల్ అహ్మద్‌ వేసిన తొలి ఓవర్‌లో ఏడు పరుగులు వచ్చాయి. ఇవన్నీ ఎక్స్‌ ట్రాల రూపంలో వచ్చినవే.

03/04/2024 19:11(IST)

Delhi vs Kolkata: దిల్లీ తుది జట్టు ఇదే

రిషభ్ పంత్ (కెప్టెన్‌/వికెట్ కీపర్‌), పృథ్వీ షా, డేవిడ్ వార్నర్, మిచెల్ మార్ష్, ట్రిస్టన్ స్టబ్స్, రిషిక్‌ దార్‌ సలామ్‌, అక్షర్‌ పటేల్, అన్రిచ్ నోకియా, సుమిత్ కుమార్, ఇషాంత్ శర్మ, ఖలీల్ అహ్మద్.

ఇంపాక్ట్‌ సబ్‌స్టిట్యూట్‌లు: అభిషేక్ పొరెల్, కుమార్‌ కుశాగ్ర, ప్రవీణ్‌ దూబె, లలిత్ యాదవ్, జేక్ ఫ్రేజర్ మెక్‌గుర్క్.

03/04/2024 19:09(IST)

Delhi vs Kolkata: కోల్‌కతా తుది జట్టు ఇదే

శ్రేయస్‌ అయ్యర్ (కెప్టెన్), ఫిలిప్ సాల్ట్(వికెట్ కీపర్‌), సునీల్ నరైన్‌, వెంకటేశ్‌ అయ్యర్, రింకు సింగ్, రఘువంశీ, ఆండ్రీ రస్సెల్, రమణదీప్ సింగ్, మిచెల్ స్టార్క్, హర్షిత్ రాణా, వరుణ్ చక్రవర్తి.

ఇంపాక్ట్‌ సబ్‌స్టిట్యూట్‌లు: సుయాశ్ శర్మ అనుకుల్ రాయ్‌, మనీశ్‌ పాండే, వైభవ్‌ అరోరా, రహ్మతుల్లా గుర్భాజ్‌.

03/04/2024 18:46(IST)

Delhi vs Kolkata: హ్యాట్రిక్‌పై కన్నేసిన కోల్‌కతా.. దిల్లీ అడ్డుకుంటుందా?

ఈ సీజన్‌లో ఆడిన రెండు మ్యాచ్‌ల్లోనూ నెగ్గి కోల్‌కతా ఊపుమీదుంది. దిల్లీపై గెలిచి హ్యాట్రిక్‌ కొట్టాలని చూస్తోంది.
మరోవైపు.. మొదటి రెండు మ్యాచ్‌ల్లో ఓటమిపాలైన దిల్లీ.. విశాఖలో చెన్నైపై గెలిచి పాయింట్ల ఖాతా తెరిచింది. ఈ మ్యాచ్‌ కూడా వైజాగ్‌లోనే జరగనుంది.

03/04/2024 18:26(IST)

Delhi vs Kolkata: తుది జట్లు (అంచనా)

దిల్లీ: పృథ్వీ షా, డేవిడ్ వార్నర్, మిచెల్ మార్ష్, రిషభ్‌ పంత్ (కెప్టెన్/వికెట్ కీపర్), ట్రిస్టన్ స్టబ్స్, అభిషేక్ పోరెల్, అక్షర్‌ పటేల్, అన్రిచ్ నోకియా, ముకేశ్ కుమార్, ఇషాంత్ శర్మ, ఖలీల్ అహ్మద్

కోల్‌కతా: ఫిలిప్‌ సాల్ట్ (వికెట్ కీపర్), వెంకటేశ్‌ అయ్యర్, శ్రేయస్‌ అయ్యర్ (కెప్టెన్), రమణ్‌దీప్‌ సింగ్, రింకు సింగ్, ఆండ్రి రస్సెల్, సునీల్ నరైన్, మిచెల్ స్టార్క్, అనుకుల్ రాయ్, హర్షిత్ రాణా, వరుణ్‌ చక్రవర్తి

03/04/2024 18:25(IST)

Delhi vs Kolkata: పిచ్‌ పరిస్థితేంటి?

వైజాగ్‌ పిచ్‌ బౌలర్లకే కాస్త అనుకూలంగా ఉంటుందని క్రికెట్ విశ్లేషకుల అంచనా. ఫ్లడ్‌లైట్ల వెలుతురు స్వింగ్ బౌలర్లు మంచి ప్రదర్శన చేసే అవకాశం లేకపోలేదు. అలాగని బ్యాటర్లకు సహకరించదని కాదు. క్రీజ్‌లో కాసేపు కుదురుకుంటే పరుగులు రాబట్టవచ్చని రిషభ్‌ పంత్‌ నిరూపించాడు. విశాఖపట్నంలోని తేమ, వేడి వాతావరణంతో పిచ్‌ ఎలా టర్న్‌ అవుతుందనేది కూడా కచ్చితంగా చెప్పడమూ కష్టమే.

03/04/2024 17:45(IST)

వైజాగ్‌లో చివరి మ్యాచ్‌.. ఈసారి విజయం ఎవరిదో?

ఐపీఎల్ 17వ సీజన్‌లో వైజాగ్ అభిమానులను అలరించేందుకు మరో మ్యాచ్‌ సిద్ధమైంది. దిల్లీ - కోల్‌కతా జట్లు తలపడనున్నాయి. ఇదే మైదానంలో చెన్నైను ఓడించిన ఉత్సాహంతో దిల్లీ బరిలోకి దిగుతోంది. మరోవైపు వరుసగా రెండు మ్యాచుల్లో గెలిచిన కోల్‌కతా హ్యాట్రిక్‌పై కన్నేసింది. విశాఖ వేదికగా ఈ ఎడిషన్‌లో ఇదే చివరి మ్యాచ్‌ కావడంతో ఎవరు విజేతగా నిలుస్తారనేది ఆసక్తిగా మారింది. పూర్తి వార్త కోసం క్లిక్ చేయండి

App

దిల్లీ X కోల్‌కతా ఐపీఎల్ మ్యాచ్‌ లైవ్‌ అప్‌డేట్స్‌

తాజా వార్తలు (Latest News)

మృత్యువుతో గెలిచి.. పదిలో మెరిసి

వాట్సప్‌లో కొత్త ఖాతాల నుంచి సందేశాలు రావిక..?

#ఆఫీస్‌ పికాకింగ్‌.. కార్పొరేట్ ప్రపంచంలో మరో ట్రెండ్‌.. ఏమిటిది?

నేటి రాశి ఫలాలు.. 12 రాశుల ఫలితాలు ఇలా... (02/05/24)

‘అద్దె ఇల్లే సో బెటరు’.. కారణం చెప్పిన బాంబే షేవింగ్ కంపెనీ సీఈఓ

గూగుల్‌తో ఇంగ్లిష్‌ ప్రాక్టీస్‌.. కొత్త ఏఐ ఫీచర్‌ను ఎలా వాడాలి?

సుఖీభవ

చదువు