Breaking | Feedback | ePratibha | E-PAPER | Pratibha

GT vs KKR: గుజరాత్‌పై కోల్‌కతా నైట్‌రైడర్స్‌ అద్భుత విజయం

గుజరాత్‌ టైటాన్స్‌తో జరిగిన మ్యాచ్‌లో కోల్‌కతా నైట్‌ రైడర్స్‌ అద్భుత విజయం సాధించింది. విజయం కష్టమే అనుకున్న దశలో కేకేఆర్‌ బ్యాట్స్‌మెన్‌ రింకూ సింగ్‌ అదరగొట్టాడు. చివరి ఓవర్‌లో ఏకంగా ఐదు సిక్సులు కొట్టడంతో కోల్‌కతా ఘన విజయం సాధించింది.

Updated : 09 Apr 2023 19:21 IST

09/04/2023 19:20(IST)

కోల్‌కతా విజయం

ఐపీఎల్‌-16లో కోల్‌కతా అదరగొట్టింది. గుజరాత్‌తో జరిగిన ఉత్కంఠభరితమైన మ్యాచ్‌లో కోల్‌కతా 3 వికెట్ల తేడాతో గెలుపొందింది. కోల్‌కతా విజయానికి చివరి ఓవర్‌లో 29 పరుగులు అవసరం కాగా.. రింకూ సింగ్ (48; 21 బంతుల్లో ) వరుసగా ఐదు సిక్స్‌లు బాదడంతో కోల్‌కతా విజయం సాధించింది.

09/04/2023 18:58(IST)

రషీద్‌ ఖాన్‌ హ్యాట్రిక్‌

కోల్‌కతాకు వరుసగా షాక్‌లు తగులుతున్నాయి. రషీద్ ఖాన్‌ వేసిన 17 ఓవర్లో తొలి బంతికి రస్సెల్ (1) వికెట్ కీపర్‌ భరత్‌కు చిక్కాడు. రెండో బంతికి సునీల్ నరైన్‌ (0) జయంత్‌ యాదవ్‌కు క్యాచ్‌ ఇచ్చి పెవిలియన్‌ చేరాడు. మూడో బంతికి శార్దూల్ ఠాకూర్‌ (0) వికెట్ల ముందు దొరికిపోయాడు. 17 ఓవర్లకు స్కోరు 157/7. రింకూ సింగ్ (4), ఉమేశ్ యాదవ్‌ (1) క్రీజ్‌లో ఉన్నారు.

09/04/2023 18:45(IST)

దంచికొడుతున్న అయ్యర్‌

కోల్‌కతా బ్యాటర్ వెంకటేశ్‌ అయ్యర్‌ దంచికొడుతున్నాడు. లిటిల్‌ వేసిన 15 ఓవర్లో అతడు మూడో బంతికి ఫోర్‌ బాదాడు. చివరి రెండు బంతులను 4, 6గా మలిచాడు. 17 ఓవర్లకు స్కోరు 149/3. వెంకటేశ్‌ అయ్యర్‌ (79), రింకూ సింగ్ (2) పరుగులతో ఉన్నారు.

09/04/2023 18:36(IST)

మూడో వికెట్‌

నితీశ్‌ రాణా (45) హాఫ్‌ సెంచరీ మిస్‌ చేసుకున్నాడు. అల్జారీ జోసెఫ్‌ వేసిన 14 ఓవర్లో మొదటి బంతికి షమికి క్యాచ్‌ ఇచ్చి పెవిలియన్‌ చేరాడు. దీంతో 128 పరుగుల వద్ద కేకేఆర్‌ మూడో వికెట్‌ కోల్పోయింది. అనంతరం ఈ ఓవర్‌లో నాలుగు పరుగులు వచ్చాయి. 14 ఓవర్లకు స్కోరు 132/3. వెంకటేశ్ అయ్యర్‌ (64), రింకూ సింగ్ (1) పరుగులతో ఉన్నారు.

09/04/2023 18:28(IST)

అయ్యర్‌ అర్ధ శతకం

వెంకటేశ్‌ అయ్యర్‌ జోరు మీదున్నాడు. యశ్ దయాల్‌ వేసిన 12 ఓవర్లో తొలి బంతికి ఫోర్‌ బాది 22 బంతుల్లోనే అర్ధ శతకం పూర్తి చేసుకున్నాడు. తర్వాతి బంతిని సిక్సర్‌గా మలిచాడు. చివరి బంతికి నితీశ్ రాణా కూడా ఓ సిక్స్‌ కొట్టాడు. 12 ఓవర్లకు స్కోరు 116/2. రాణా (36), వెంకటేశ్ అయ్యర్‌ (58) పరుగులతో ఉన్నాడు.

09/04/2023 18:26(IST)

అర్ధ శతకం దిశగా అయ్యర్‌

రషీద్‌ఖాన్‌ తన రెండో ఓవర్‌లో కూడా పరుగులు భారీగానే సమర్పించుకున్నాడు. అతడు వేసిన ఇన్నింగ్స్‌ 11 ఓవర్‌లో 13 పరుగులు వచ్చాయి. నాలుగో బంతికి వెంకటేశ్ అయ్యర్‌ (47) సిక్స్ బాదాడు. చివరి బంతికి రాణా (30) ఫోర్ బాదాడు. 11 ఓవర్లకు స్కోరు 99/2.

09/04/2023 18:22(IST)

పది ఓవర్లు పూర్తి.. ఇంకా ఎంత కొట్టాలంటే?

205 పరుగుల భారీ లక్ష్యంతో బరిలోకి దిగిన కోల్‌కతా 10 ఓవర్లు పూర్తి అయ్యేసరికి రెండు వికెట్ల నష్టానికి 86 పరుగులు చేసింది. నితీశ్ రాణా (25), వెంకటేశ్‌ అయ్యర్‌ (39) పరుగులతో ఉన్నారు. 60 బంతుల్లో 119 పరుగులు చేస్తే కోల్‌కతా విజయం సాధిస్తుంది.

09/04/2023 18:06(IST)

అయ్యర్‌ జోరు

వన్‌ డౌన్‌లో బ్యాటింగ్‌కు దిగిన వెంకటేశ్‌ అయ్యర్‌ దూకుడుగా ఆడుతున్నాడు. యశ్ దయాల్‌ వేసిన ఏడో ఓవర్‌లో రెండో బంతికి ఫోర్‌ బాదిన అయ్యర్‌.. తర్వాతి బంతిని సిక్సర్‌గా మలిచాడు. 7 ఓవర్లకు స్కోరు 56/2. నితీశ్ రాణా (6), వెంకటేశ్‌ అయ్యర్‌ (29) పరుగులతో ఉన్నారు.

09/04/2023 17:52(IST)

జగదీశన్‌ ఔట్

కోల్‌కతా రెండో వికెట్‌ కోల్పోయింది. లిటిల్ వేసిన నాలుగో ఓవర్‌లో చివరి బంతికి నారాయణ్‌ జగదీశన్‌ (6) అభినవ్‌ మనోహర్‌కు క్యాచ్‌ ఇచ్చి పెవిలియన్‌కు చేరాడు. 4 ఓవర్లకు స్కోరు 28/2. వెంకటేశ్‌ అయ్యర్‌ (7) పరుగులతో ఉన్నాడు.

09/04/2023 17:43(IST)

ఫస్ట్ వికెట్

కోల్‌కతా మొదటి వికెట్ కోల్పోయింది. షమి వేసిన రెండో ఓవర్‌లో తొలి బంతికి ఫోర్‌ బాదిన రెహ్మనుల్లా గుర్బాజ్‌ (15).. ఇదే ఓవర్‌లో మూడో బంతికి యశ్‌ దయాల్‌కు క్యాచ్‌ ఇచ్చి పెవిలియన్‌ చేరాడు. తర్వాత క్రీజులోకి వచ్చిన వెంకటేశ్‌ అయ్యర్‌ (6) ఓ సిక్సర్‌ బాదాడు. 3 ఓవర్లకు స్కోరు 26/1. జగదీశన్‌ (5) పరుగులతో ఉన్నాడు.

09/04/2023 17:16(IST)

దంచికొట్టిన విజయ్‌ శంకర్‌

కోల్‌కతా నైట్‌రైడర్స్‌తో జరుగుతున్న మ్యాచ్‌లో గుజరాత్‌ టైటాన్స్ బ్యాటింగ్‌ ముగిసింది. చివర్లో విజయ్‌ శంకర్‌ (63*; 24 బంతుల్లో 4 ఫోర్లు, 5 సిక్స్‌లు) దంచికొట్టడంతో 20 ఓవర్లలో నాలుగు వికెట్ల నష్టానికి 204 పరుగులు చేసింది. శంకర్‌ 21 బంతుల్లోనే హాఫ్ సెంచరీ పూర్తి చేసుకున్నాడు. ఆఖరి ఓవర్‌లో వరుసగా మూడు సిక్సర్లు బాదాడు. చివరి రెండు ఓవర్లలో 45 పరుగులు రాగా.. ఇందులో శంకర్ చేసినవి 41. సాయి సుదర్శన్‌ (53; 38 బంతుల్లో 3 ఫోర్లు, 2 సిక్స్‌లు), శుభ్‌మన్‌ గిల్ (39; 31 బంతుల్లో 5 ఫోర్లు) కూడా రాణించారు. వృద్ధీమాన్‌ సాహా (17), అభినవ్‌ మనోహర్‌ (14) పరుగులు చేశారు. కోల్‌కతా బౌలర్లలో సునీల్‌ నరైన్‌ (3/33) ఆకట్టుకోగా.. సుయాశ్ శర్మ ఒక వికెట్ పడగొట్టాడు.

09/04/2023 17:11(IST)

విజయ్‌ దూకుడు

ఓవర్లు ముగిస్తుండటంతో గుజరాత్ బ్యాటర్లు దూకుడు పెంచారు. ఫెర్గూసన్‌ వేసిన 19 ఓవర్‌లో విజయ్‌ శంకర్‌ చెలరేగిపోయాడు. మొదటి బంతికి విజయ్‌ శంకర్‌ ఫోర్‌ బాదాడు. అది నో బాల్‌. తర్వాత వేసిన బంతికి రెండు పరుగులు వచ్చాయి. రెండో బంతికి సిక్సర్‌ బాదిన శంకర్‌.. మూడో బంతిని బౌండరీకి పంపాడు. చివరి బంతిని నేరుగా బౌండరీ అవతలికి పంపించాడు. 19 ఓవర్లకు స్కోరు 184/4. శంకర్‌ (45), మిల్లర్‌ (1) పరుగులతో ఉన్నారు.

09/04/2023 17:03(IST)

సుదర్శన్‌ ఔట్‌

వరుసగా రెండో హాఫ్‌ సెంచరీ బాదిన సాయి సుదర్శన్‌ (53) ఔటయ్యాడు. నరైన్‌ వేసిన 17.3 బంతికి అనుకుల్‌ రాయ్‌కి క్యాచ్‌ ఇచ్చి పెవిలియన్‌ చేరాడు. దీంతో 153 పరుగుల వద్ద గుజరాత్ నాలుగో వికెట్ కోల్పోయింది. ఇదే ఓవర్‌లో ఐదో బంతికి విజయ్‌ శంకర్ ఫోర్‌ బాదాడు. 18 ఓవర్లకు స్కోరు 159/4. విజయ్‌ శంకర్‌ (22), డేవిడ్ మిల్లర్‌ (1) క్రీజ్‌లో ఉన్నారు.

09/04/2023 17:00(IST)

బ్యాక్‌ టూ బ్యాక్‌ హాఫ్‌ సెంచరీలు

గుజరాత్‌ ఆటగాడు సాయి సుదర్శన్‌ వరుసగా రెండో అర్ధ అర్ధ శతకం నమోదు చేశాడు. ఫెర్గూసన్‌ వేసిన 16.2 ఓవర్‌కు సింగిల్ తీసి 50 పరుగులు మార్క్‌ను అందుకున్నాడు. 17 ఓవర్లకు స్కోరు 151/3. విజయ్‌ శంకర్‌ (52), విజయ్‌ శంకర్‌ (16) పరుగులతో ఉన్నారు.

09/04/2023 16:56(IST)

హాఫ్‌ సెంచరీకి చేరువలో సాయి సుదర్శన్‌

గుజరాత్‌ బ్యాటర్లు నిలకడగా ఆడుతున్నారు. సుయాశ్‌ శర్మ వేసిన 16 ఓవర్‌లో 12 పరుగులు వచ్చాయి. మూడో బంతికి విజయ్‌ శంకర్‌ (14) ఫోర్‌ బాదాడు. 16 ఓవర్లకు స్కోరు 144/3. సాయి సుదర్శన్‌ (47) అర్ధ శతకానికి చేరువలో ఉన్నాడు.

09/04/2023 16:39(IST)

మూడో వికెట్

గుజరాత్ మూడో వికెట్ కోల్పోయింది. యువ స్పిన్నర్‌ సుయాశ్‌ శర్మ వేసిన 13.3 ఓవర్‌కు అభివన్‌ మనోహర్‌ (14) క్లీన్‌బౌల్డ్ అయ్యాడు.తర్వాత విజయ్‌ శంకర్‌ క్రీజులోకి వచ్చాడు. 14 ఓవర్లకు స్కోరు 123/3. విజయ్ శంకర్‌ (1), సాయి సుదర్శన్‌ (39) పరుగులతో ఉన్నారు.

09/04/2023 16:36(IST)

హ్యాట్రిక్‌ ఫోర్లు

అభినవ్‌ మనోహర్‌ క్రీజులోకి వచ్చిరావడంతోనే దూకుడుగా ఆడుతున్నాడు. ఉమేశ్ యాదవ్‌ వేసిన 13 ఓవర్‌లో మొదటి మూడు బంతులను బౌండరీకి పంపాడు. తర్వాత రెండు సింగిల్స్‌ వచ్చాయి. 13 ఓవర్లకు స్కోరు 115/2. అభినవ్‌ (32), సాయి సుదర్శన్‌ (32) పరుగులతో ఉన్నారు.

09/04/2023 16:27(IST)

శుభ్‌మన్ గిల్ ఔట్‌

గుజరాత్‌ రెండో వికెట్‌ కోల్పోయింది. సునీల్ నరైన్‌ వేసిన 12 ఓవర్‌లో తొలి బంతికి సాయి సదుర్శన్‌ సిక్సర్‌ బాదగా.. నాలుగో బంతికి గిల్ (39) ఉమేశ్‌ యాదవ్‌కు క్యాచ్‌ ఇచ్చి ఔటయ్యాడు.12 ఓవర్లకు స్కోరు 101/2. సాయి సుదర్శన్‌ (31), అభినవ్‌ మనోహర్‌ (1) క్రీజ్‌లో ఉన్నారు.

09/04/2023 16:22(IST)

సగం ఓవర్లు పూర్తి

సగం ఓవర్లు పూర్తయ్యేసరికి గుజరాత్ ఒక వికెట్ నష్టానికి 88 పరుగులు చేసి పటిష్ట స్థితిలో నిలిచింది. ఆట రెండో అర్ధ భాగంలో గుజరాత్‌ ఆటగాళ్లు మరింత దూకుడుగా ఆడితే స్కోరు 200 దాటే అవకాశం ఉంది. సాయి సుదర్శన్‌ (22), గిల్ (36) పరుగులతో ఉన్నారు.

09/04/2023 16:19(IST)

సుదర్శన్‌ సిక్సర్‌

గుజరాత్ బ్యాటర్లు సాయి సుదర్శన్‌, శుభ్‌మన్ గిల్ నిలకడగా ఆడుతున్నారు. వరుణ్ చక్రవర్తి వేసిన తొమ్మిదో ఓవర్‌లో మొదటి ఐదు బంతులకు ఐదు పరుగులు రాగా.. చివరి బంతికి సాయి సుదర్శన్‌ సిక్స్‌ బాదాడు. 9 ఓవర్లకు స్కోరు 79/1. గిల్ (30), సుదర్శన్‌ (20) పరుగులతో ఉన్నారు.

09/04/2023 16:02(IST)

ముగిసిన పవర్‌ప్లే

6 ఓవర్లు: గుజరాత్ ఇన్నింగ్స్‌లో పవర్‌ ప్లే ముగిసింది. వరుణ్‌ చక్రవర్తి వేసిన ఈ ఓవర్‌లో శుభ్‌మన్‌ గిల్‌ (20*) రెండు బౌండరీలు బాదాడు. మరో ఐదు పరుగులు వైడ్ల రూపంలో రావడం గమనార్హం. మొత్తం 16 పరుగులను వరుణ్‌ చక్రవర్తి సమర్పించాడు. దీంతో గుజరాత్ స్కోరు 54/1కి చేరింది.

09/04/2023 15:54(IST)

సాహా ఔట్

గుజరాత్‌కు షాక్‌ తగిలింది. కోల్‌కతా సీనియర్‌ బౌలర్‌ సునీల్ నరైన్ బౌలింగ్‌లో వృద్ధిమాన్ సాహా (17) ఇచ్చిన క్యాచ్‌ను జగదీశన్‌ అద్భుతంగా ఒడిసిపట్టాడు. దీంతో 4.2 ఓవర్లలో 33 పరుగుల వద్ద గుజరాత్ తొలి వికెట్‌ను కోల్పోయింది. అనంతరం క్రీజ్‌లోకి వచ్చిన సాయి సుదర్శన్ (4*) బౌండరీ కొట్టాడు. ఈ ఓవర్‌లో సునీల్‌ నరైన్ ఏడు పరుగులు మాత్రమే ఇచ్చాడు. దీంతో గుజరాత్‌ స్కోరు 5 ఓవర్లకు38/1. క్రీజ్‌లో సుదర్శన్‌తోపాటు గిల్ (10*) ఉన్నాడు.

09/04/2023 15:48(IST)

సాహా.. ఆఫ్‌సైడ్‌ ఫోర్

3 ఓవర్లు: నాలుగు బంతులను అద్భుతంగా వేసిన ఉమేశ్‌యాదవ్‌ ఐదో బంతిని మాత్రం వృద్ధిమాన్‌ సాహా (11*) బౌండరీగా మలిచాడు. ఆఫ్‌సైడ్‌ లాఫ్ట్‌డ్‌ షాట్‌ ఆడి ఫోర్‌ సాధించాడు. ఈ ఓవర్‌లో ఏడు పరుగులు రావడంతో గుజరాత్‌ స్కోరు 24/0కి చేరింది.

09/04/2023 15:41(IST)

సాహా, గిల్ చెరో ఫోర్

2 ఓవర్లు: శార్దూల్‌ ఠాకూర్‌ వేసిన ఈ ఓవర్‌ రెండో బంతికి వృద్ధిమాన్‌ సాహా (6*), చివరి బంతికి శుభ్‌మన్‌ గిల్ (8*) బౌండరీలు కొట్టారు. ఎక్స్‌ట్రాలు రావడంతో మొత్తం 13 పరుగులు వచ్చాయి. దీంతో గుజరాత్‌ స్కోరు 17/0కి చేరింది.

09/04/2023 15:29(IST)

క్రీజ్‌లో నిలబడితే చాలు..: గిల్‌

క్రీజ్‌లో నిలదొక్కుకుంటే పరుగులు సాధించడానికి అవకాశం ఉంటుంది. రన్స్‌ చేయాలని టెక్నికల్‌గా కంటే మానసికంగా సిద్ధంగా ఉండాలి. ఫార్మాట్‌లు మారినప్పటికీ గేమ్‌ మాత్రం మారదు. ప్రతి ఆటగాడూ కీలకమే. జట్టు విజయంలో అందరికీ భాగస్వామ్యం ఉంటుంది.

09/04/2023 15:13(IST)

మేం కూడా బ్యాటింగ్‌ అనుకున్నాం: రాణా (కేకేఆర్‌ కెప్టెన్)

టాస్ గెలిస్తే మేం కూడా ఫస్ట్‌ బ్యాటింగ్‌ చేయాలని భావించాం. వాతావరణం, పిచ్‌ పరిస్థితులు బాగున్నాయి. లక్ష్యాన్ని కాపాడుకోవడం కాస్త సులువు అనిపించింది. మా స్పిన్నర్లు తప్పకుండా వారిని అడ్డుకోగలరని భావిస్తున్నా. ఇవాళ మ్యాచ్‌లో రెండు మార్పులు ఉన్నాయి. లాకీ ఫెర్గూసన్, జగదీశన్‌ తుది జట్టులోకి వస్తున్నారు. టిమ్‌ సౌథీ, మన్‌దీప్‌ సింగ్‌ ఆడటం లేదు.

09/04/2023 15:09(IST)

వికెట్ చాలా బాగుంది: రషీద్‌

పిచ్‌ చాలా బాగుంది. అందుకే తొలుత బ్యాటింగ్‌ను ఎంచుకున్నాం. కోల్‌కతా ఎదుట మంచి లక్ష్యం ఉంచుతామని అనుకుంటున్నా. ఒంట్లో కాస్త నలతగా ఉండటంతో హార్దిక్‌ ఇవాళ ఆడటం లేదు. హార్దిక్‌ స్థానంలో విజయ్ శంకర్‌ను తీసుకున్నాం.