Breaking | Feedback | ePratibha | E-PAPER | Pratibha

గుజరాత్ X హైదరాబాద్‌ మ్యాచ్‌ లైవ్‌ అప్‌డేట్స్‌ మీ కోసం..

ఐపీఎల్ 17 సీజన్‌లో భాగంగా గుజరాత్‌తో జరుగుతున్న మ్యాచ్‌లో హైదరాబాద్‌ నిర్ణీత 20 ఓవర్లలో 8 వికెట్ల నష్టానికి 162 పరుగులు చేసింది.

Updated : 31 Mar 2024 17:51 IST

31/03/2024 18:54(IST)

Gujarat Vs Hyderabad: గుజరాత్‌తో మ్యాచ్‌లో ఓటమిపాలైన హైదరాబాద్‌

గుజరాత్‌తో జరిగిన మ్యాచ్‌లో హైదరాబాద్‌ ఓటమిపాలైంది.
తొలుత బ్యాటింగ్ చేసిన హైదరాబాద్‌ నిర్ణీత 20 ఓవర్లలో 8 వికెట్ల నష్టానికి 162 పరుగులు చేసింది.
ఈ మోస్తరు లక్ష్యాన్ని గుజరాత్ మూడు వికెట్లు మాత్రమే కోల్పోయి ఐదు బంతులు మిగిలుండగానే ఛేదించింది.
ఓపెనర్లు శుభ్‌మన్ గిల్ (36), వృద్ధీమాన్ సాహా (25) రాణించగా.. సాయి సుదర్శన్ (45), డేవిడ్ మిల్లర్ (44*; 27 బంతుల్లో 4 ఫోర్లు, 2 సిక్స్‌లు) జట్టు విజయంలో కీలకపాత్ర పోషించారు. విజయ్ శంకర్ (14) నాటౌట్‌గా నిలిచాడు.
హైదరాబాద్ బౌలర్లలో షాబాజ్ అహ్మద్‌, మయాంక్ మర్కండే, పాట్ కమిన్స్ ఒక్కో వికెట్ పడగొట్టారు.

31/03/2024 18:48(IST)

Gujarat Vs Hyderabad: విజయానికి చేరువైన గుజరాత్

గుజరాత్ విజయానికి చేరువైంది. ఆ జట్టు విజయానికి 12 బంతుల్లో ఏడు పరుగులే కావాలి.
ఉనద్కత్ వేసిన 18 ఓవర్‌లో తొలి రెండు బంతులకు విజయ్ శంకర్ (10) ఫోర్లు బాదాడు.
18 ఓవర్లకు స్కోరు 156/3. డేవిడ్ మిల్లర్ (36) పరుగులతో ఉన్నాడు.

31/03/2024 18:42(IST)

Gujarat Vs Hyderabad: సాయి సుదర్శన్ (45) ఔట్.. గుజరాత్ మూడో వికెట్

గుజరాత్ మూడో వికెట్ కోల్పోయింది. సాయి సుదర్శన్ (45) త్రుటిలో అర్ధ శతకం చేజార్చుకున్నాడు.
కమిన్స్‌ వేసిన 17 ఓవర్‌లో తొలి బంతికి అభిషేక్ శర్మకు క్యాచ్‌ ఇచ్చాడు.
తర్వాత డేవిడ్ మిల్లర్ (36) రెండు బౌండరీలు రాబట్టాడు. 17 ఓవర్లకు స్కోరు 147/3.

31/03/2024 18:40(IST)

Gujarat Vs Hyderabad: ఒకే ఓవర్‌లో రెండు సిక్స్‌లు, రెండు ఫోర్లు

డేవిడ్ మిల్లర్ (28) దూకుడు పెంచాడు.
మయాంక్ మర్కండే వేసిన 16 ఓవర్‌లో 24 పరుగులు రాగా.. మిల్లర్ రెండు ఫోర్లు, ఓ సిక్స్ బాదాడు.
ఇదే ఓవర్‌లో సాయి సుదర్శన్ (45) ఓ సిక్స్ కొట్టాడు.
16 ఓవర్లకు స్కోరు 138/2.

31/03/2024 18:35(IST)

Gujarat Vs Hyderabad: పొదుపుగా బౌలింగ్‌ చేసిన భువనేశ్వర్‌ కుమార్‌

భువనేశ్వర్‌ కుమార్ కట్టుదిట్టంగా బౌలింగ్ చేశాడు.
అతడు 15 ఓవర్‌లో ఆరు పరుగులే ఇచ్చాడు. మొత్తం మీద నాలుగు ఓవర్లు వేసి 27 రన్స్‌ ఇచ్చాడు.
15 ఓవర్లకు స్కోరు 114/2. డేవిడ్ మిల్లర్ (13), సాయి సుదర్శన్ (38) పరుగులతో ఉన్నారు.

31/03/2024 18:29(IST)

Gujarat Vs Hyderabad: టార్గెట్ 163.. వంద దాటిన గుజరాత్ స్కోరు

163 పరుగుల లక్ష్యఛేదనలో గుజరాత్ స్కోరు 100 దాటింది.
వాషింగ్టన్ సుందర్‌ వేసిన 14 ఓవర్‌లో 10 పరుగులు వచ్చాయి.
ఈ ఓవర్‌లో సాయి సుదర్శన్ (36) ఓ బౌండరీ బాదాడు.
14 ఓవర్లకు స్కోరు 108/2. డేవిడ్ మిల్లర్ (10) పరుగులతో ఉన్నాడు.

31/03/2024 18:22(IST)

Gujarat Vs Hyderabad: నెమ్మదిగా ఆడుతున్న గుజరాత్ బ్యాటర్లు

గుజరాత్ బ్యాటర్లు నెమ్మదిగా ఆడుతున్నారు. గత రెండు ఓవర్లలో 15 పరుగులు రాబట్టారు.
జయ్‌దేవ్ ఉనద్కత్ వేసిన 12 ఓవర్‌లో ఏడు, కమిన్స్‌ వేసిన తర్వాతి ఓవర్‌లో 8 పరుగులు వచ్చాయి.
13 ఓవర్లకు స్కోరు 98/2. సాయి సుదర్శన్ (30), డేవిడ్ మిల్లర్ (6) క్రీజులో ఉన్నారు.

31/03/2024 18:14(IST)

Gujarat Vs Hyderabad: కట్టుదిట్టంగా బౌలింగ్ చేసిన కమిన్స్‌

ఈ మ్యాచ్‌లో పాట్ కమిన్స్‌ తన తొలి ఓవర్‌ కట్టుదిట్టంగా బౌలింగ్ చేశాడు.
అతడు వేసిన ఇన్నింగ్స్‌ 11 ఓవర్‌లో ఐదు సింగిల్స్ మాత్రమే వచ్చాయి.
11 ఓవర్లకు స్కోరు 83/2. డేవిడ్ మిల్లర్ (4), సాయి సుదర్శన్‌ (18) పరుగులతో ఉన్నారు.

31/03/2024 18:08(IST)

Gujarat Vs Hyderabad: శుభ్‌మన్ గిల్ (36) ఔట్.. గుజరాత్ రెండో వికెట్

నిలకడగా ఆడుతున్న శుభ్‌మన్ గిల్ (36; 28 బంతుల్లో) ఔటయ్యాడు.
మయాంక్‌ మర్కండే వేసిన పదో ఓవర్‌లో తొలి బంతికి అబ్దుల్ సమద్‌కు చిక్కాడు.
దీంతో 74 పరుగుల వద్ద గుజరాత్ రెండో వికెట్ కోల్పోయింది.
10 ఓవర్లు ముగిసేసరికి గుజరాత్ 2 వికెట్ల నష్టానికి 78 పరుగులు చేసింది.
సాయి సుదర్శన్ (15), డేవిడ్ మిల్లర్ (2) క్రీజులో ఉన్నారు.

31/03/2024 18:00(IST)

Gujarat Vs Hyderabad: నిలకడగా ఆడుతున్న గుజరాత్ బ్యాటర్లు

163 పరుగుల లక్ష్యఛేదనలో గుజరాత్ బ్యాటర్లు నిలకడగా ఆడుతున్నారు.
మయాంక్ మర్కండే వేసిన ఎనిమిదో ఓవర్‌లో ఐదు పరుగులు వచ్చాయి.
8 ఓవర్లకు స్కోరు 63/1. సాయి సుదర్శన్ (12), శుభ్‌మన్ గిల్ (26) పరుగులతో ఉన్నారు.

31/03/2024 17:51(IST)

Gujarat Vs Hyderabad: పవర్‌ప్లే పూర్తి... గుజరాత్‌ స్కోరు 52/1

భువవనేశ్వర్‌ వేసిన ఆరో ఓవర్లో 7 పరుగులు వచ్చాయి.
మొదటి 3 బంతులు డాట్‌ కాగా.. నాలుగో బంతిని సాయి సుదర్శన్‌ బౌండరీగా మలిచాడు.
చివరి రెండు బంతులకు 3 పరుగులు చేశారు.
గిల్‌ (18), సుదర్శన్‌ (9) క్రీజులో కొనసాగుతున్నారు.

31/03/2024 17:43(IST)

Gujarat Vs Hyderabad: వృద్ధీమాన్ సాహా ఔట్.. గుజరాత్ ఫస్ట్ వికెట్

గుజరాత్ మొదటి వికెట్ కోల్పోయింది. దూకుడుగా ఆడుతున్న వృద్ధీమాన్ సాహా (25; 13 బంతుల్లో) ఔటయ్యాడు.
షాబాజ్‌ అహ్మద్‌ వేసిన 4.1 ఓవర్‌కు కమిన్స్‌కు చిక్కాడు.
తర్వాత ఇదే ఓవర్‌లో నాలుగో బంతికి శుభ్‌మన్ గిల్ (18) సిక్స్‌ బాదాడు.
5 ఓవర్లకు స్కోరు 45/1. సాయి సుదర్శన్ (2) పరుగులతో ఉన్నాడు.

31/03/2024 17:33(IST)

Gujarat Vs Hyderabad: రెండో ఓవర్‌లో 11 పరుగులు

గుజరాత్ ఓపెనర్లు నిలకడగా ఆడుతున్నారు. షాబాజ్‌ అహ్మద్‌ వేసిన రెండో ఓవర్‌లో 11 పరుగులు వచ్చాయి.
మూడో బంతికి వృద్ధీమాన్ సాహా (10) సిక్స్ బాదగా.. మిగిలిన బంతులకు సింగిల్స్‌ వచ్చాయి.
2 ఓవర్లకు స్కోరు 18/0. శుభ్‌మన్ గిల్ (8) పరుగులతో ఉన్నాడు.

31/03/2024 17:30(IST)

Gujarat Vs Hyderabad: లక్ష్యఛేదనకు దిగిన గుజరాత్

హైదరాబాద్ నిర్దేశించిన 163 పరుగుల లక్ష్యాన్ని ఛేదించేందుకు గుజరాత్ బరిలోకి దిగింది.
భువనేశ్వర్‌ కుమార్ వేసిన తొలి ఓవర్‌లో ఏడు పరుగులు వచ్చాయి.
శుభ్‌మన్‌ గిల్ (6) బౌండరీ బాదాడు. వృద్ధీమాన్ సాహా (1) క్రీజులో ఉన్నాడు.

31/03/2024 17:10(IST)

Gujarat Vs Hyderabad: ముగిసిన హైదరాబాద్‌ బ్యాటింగ్.. గుజరాత్ లక్ష్యం 163

ఐపీఎల్ 17 సీజన్‌లో భాగంగా గుజరాత్‌తో జరుగుతున్న మ్యాచ్‌లో హైదరాబాద్‌ బ్యాటింగ్‌ ముగిసింది.
టాస్‌ గెలిచి బ్యాటింగ్‌ ఎంచుకున్న హైదరాబాద్‌ నిర్ణీత 20 ఓవర్లలో 8 వికెట్ల నష్టానికి 162 పరుగులు చేసింది.
హైదరాబాద్ బ్యాటర్లలో అభిషేక్ శర్మ (29), అబ్దుల్ సమద్ (29) టాప్‌ స్కోరర్లుగా నిలిచారు. క్లాసెన్ (24; 13 బంతుల్లో 1 ఫోర్, 2 సిక్స్‌లు) దూకుడుగా ఆడినా ఎక్కువసేపు క్రీజులో నిలవలేదు.
షాబాజ్ అహ్మద్‌ (22), ట్రావిస్ హెడ్ (19), మయాంక్ అగర్వాల్ (16), మార్‌క్రమ్‌ (17) తక్కువ స్కోరుకే పరిమితమయ్యారు.
గుజరాత్ బౌలర్లలో మోహిత్ శర్మ 3, ఒమర్జాయ్‌, ఉమేశ్ యాదవ్, రషీద్‌ ఖాన్‌, నూర్ అహ్మద్‌ తలో వికెట్ పడగొట్టారు.

31/03/2024 17:06(IST)

Gujarat Vs Hyderabad: వరుసగా రెండు వికెట్లు కోల్పోయిన హైదరాబాద్‌

హైదరాబాద్‌ వరుసగా రెండు వికెట్లు కోల్పోయింది.
మోహిత్ శర్మ వేసిన చివరి ఓవర్‌లో రెండో బంతికి షాబాజ్‌ అహ్మద్ (22; 20 బంతుల్లో) రాహుల్ తెవాటియాకు క్యాచ్‌ ఇచ్చాడు.
మూడో బంతికి వాషింగ్టన్ సుందర్ (0) రషీద్‌ ఖాన్‌కు చిక్కాడు.

31/03/2024 17:02(IST)

Gujarat Vs Hyderabad: 150 దాటిన హైదరాబాద్ స్కోరు

దర్శన్‌ నల్కండే వేసిన 19 ఓవర్‌లో 12 పరుగులు వచ్చాయి. ఈ క్రమంలోనే హైదరాబాద్ స్కోరు 200 దాటింది.
ఈ ఓవర్‌లో నాలుగో బంతిని షాబాజ్‌ అహ్మద్‌ (22) స్టాండ్స్‌లోకి పంపించాడు.
19 ఓవర్లకు స్కోరు 159/5. అబ్దుల్ సమద్‌ (28) పరుగులతో ఉన్నాడు.

31/03/2024 16:56(IST)

Gujarat Vs Hyderabad: దూకుడు పెంచిన అబ్దుల్ సమద్‌

హైదరాబాద్‌ బ్యాటర్ అబ్దుల్ సమద్ దూకుడు పెంచాడు.
రషీద్‌ ఖాన్‌ వేసిన 17 ఓవర్‌లో ఫోర్, మోహిత్ శర్మ వేసిన 18 ఓవర్‌లో సిక్స్‌ బాదాడు.
గత రెండు ఓవర్లలో 19 పరుగులు వచ్చాయి. 18 ఓవర్లకు స్కోరు 147/5.
సమద్ (23), షాబాజ్‌ అహ్మద్ (15) పరుగులతో ఉన్నారు.

31/03/2024 16:50(IST)

Gujarat Vs Hyderabad: 16 ఓవర్‌లో ఆరే పరుగులు.. దూకుడు పెంచాల్సిందే

ఓవర్లు తరిగిపోతుండటంతో హైదరాబాద్‌ బ్యాటర్లు దూకుడు పెంచాల్సిన అవసరముంది.
దర్శన్ నల్కండే వేసిన 16 ఓవర్‌లో ఆరే పరుగులు వచ్చాయి.
16 ఓవర్లకు స్కోరు 128/5. షాబాజ్‌ అహ్మద్‌ (9), అబ్దుల్ సమద్ (10) పరుగులతో ఉన్నారు.

31/03/2024 16:42(IST)

Gujarat Vs Hyderabad: సగం వికెట్లు కోల్పోయిన హైదరాబాద్‌

హైదరాబాద్‌ ఐదో వికెట్‌ కోల్పోయింది. ఐడెన్ మార్‌క్రమ్ (17) ఔటయ్యాడు.
ఉమేశ్ యాదవ్‌ వేసిన 15 ఓవర్‌లో నాలుగో బంతికి రషీద్‌ ఖాన్‌కు క్యాచ్‌ ఇచ్చి పెవిలియన్‌ చేరాడు.
తర్వాత వచ్చిన అబ్దుల్ సమద్ (8) వరుసగా రెండు ఫోర్లు బాదాడు.
15 ఓవర్లకు స్కోరు 122/5. షాబాజ్‌ అహ్మద్‌ (6) పరుగులతో ఉన్నాడు.

31/03/2024 16:35(IST)

Gujarat Vs Hyderabad: హైదరాబాద్‌కు బిగ్‌ షాక్.. క్లాసెన్ (24) ఔట్

హైదరాబాద్‌కు బిగ్‌ షాక్‌. సూపర్‌ ఫామ్‌లో ఉన్న హెన్రిచ్‌ క్లాసెన్ (24; 13 బంతుల్లో) ఔటయ్యాడు.
రషీద్‌ ఖాన్‌ వేసిన 14 ఓవర్‌లో నాలుగో బంతికి క్లీన్‌బౌల్డ్ అయ్యాడు.
14 ఓవర్లకు స్కోరు 109/4. షాబాజ్‌ అహ్మద్ (1), మార్‌క్రమ్ (17) పరుగులతో ఉన్నారు.

31/03/2024 16:31(IST)

Gujarat Vs Hyderabad: బాదుడు షురూ చేసిన క్లాసెన్.. 100 దాటిన హైదరాబాద్ స్కోరు

హెన్రిచ్‌ క్లాసెన్ దూకుడుగా ఆడుతున్నాడు. నూర్ అహ్మద్‌ వేసిన 13 ఓవర్‌లో వరుసగా రెండు సిక్స్‌లు బాదాడు.
13 ఓవర్లకు స్కోరు 104/3. క్లాసెన్ (21), మార్‌క్రమ్‌ (16) పరుగులతో ఉన్నాడు.

31/03/2024 16:22(IST)

Gujarat Vs Hyderabad: క్లాసెన్, మార్‌క్రమ్ భారీ స్కోరు అందిస్తారా?

ముంబయితో జరిగిన గత మ్యాచ్‌లో హెన్రిచ్‌ క్లాసెన్, మార్‌క్రమ్ చెలరేగి ఆడిన విషయం తెలిసిందే.
ప్రస్తుతం ఈ జోడీ క్రీజులో ఉంది. వీరిద్దరూ ఈ మ్యాచ్‌లోనూ దూకుడుగా ఆడాలని ఫ్యాన్స్‌ కోరుకుంటున్నారు.
నూర్‌ అహ్మద్‌ వేసిన 11 ఓవర్‌లో 9 పరుగులు వచ్చాయి.
11 ఓవర్లకు స్కోరు 83/3. మార్‌క్రమ్‌ (11), క్లాసెన్ (5) పరుగులతో ఉన్నారు.

31/03/2024 16:18(IST)

Gujarat Vs Hyderabad: తడబడుతున్న హైదరాబాద్‌.. మూడో వికెట్ డౌన్

హైదరాబాద్‌ మూడో వికెట్ కోల్పోయింది. అభిషేక్ శర్మ (29) ఔటయ్యాడు.
మోహిత్ శర్మ వేసిన 10 ఓవర్‌లో మొదటి బంతులకు సింగిల్స్‌ వచ్చాయి.
చివరి బంతికి అభిషేక్.. శుభ్‌మన్‌ గిల్‌కు క్యాచ్‌ ఇచ్చాడు.
10 ఓవర్లకు స్కోరు 74/3.

31/03/2024 16:14(IST)

Gujarat Vs Hyderabad: రివ్యూ సక్సెస్.. బతికిపోయిన అభిషేక్ శర్మ

అభిషేక్ శర్మ (27) ఔటయ్యే ప్రమాదం నుంచి తప్పించుకున్నాడు.
నూర్ అహ్మద్‌ వేసిన తొమ్మిదో ఓవర్‌లో ఐదో బంతికి అతడి ఎల్బీడబ్ల్యూగా ఔటైనట్లు అంపైర్ ప్రకటించాడు.
కానీ, బ్యాటర్ డీఆర్‌ఎస్‌ తీసుకోగా.. అందులో నాటౌట్‌గా తేలింది.
ఇక గత రెండు ఓవర్లలో తొమ్మిది పరుగులే వచ్చాయి.
9 ఓవర్లకు స్కోరు 69/2. మార్‌క్రమ్ (4) పరుగులతో ఉన్నాడు.

31/03/2024 16:04(IST)

Gujarat Vs Hyderabad: రెండో వికెట్ కోల్పోయిన హైదరాబాద్

హైదరాబాద్‌ రెండో వికెట్ కోల్పోయింది. ట్రావిస్ హెడ్ (19; 14 బంతుల్లో) ఔటయ్యాడు.
నూర్‌ అహ్మద్‌ వేసిన ఏడో ఓవర్‌లో నాలుగో బంతికి అతడు క్లీన్‌బౌల్డ్ అయ్యాడు.
7 ఓవర్లకు స్కోరు 60/2. ఐడెన్ మార్‌క్రమ్ (2), అభిషేక్ శర్మ (20) పరుగులతో ఉన్నారు.

31/03/2024 15:59(IST)

Gujarat Vs Hyderabad: వరుసగా రెండు సిక్స్‌లు బాదిన అభిషేక్ శర్మ

అభిషేక్ శర్మ దూకుడుగా ఆడుతున్నాడు.
రషీద్‌ ఖాన్ వేసిన ఆరో ఓవర్‌లో వరుసగా రెండు సిక్స్‌లు బాదేశాడు.
6 ఓవర్లకు స్కోరు 56/1. ట్రావిస్‌ హెడ్ (18), అభిషేక్ శర్మ (19) పరుగులతో ఉన్నారు.

31/03/2024 15:51(IST)

Gujarat Vs Hyderabad: మయాంక్‌ అగర్వాల్ (16) ఔట్.. హైదరాబాద్‌ ఫస్ట్ వికెట్

హైదరాబాద్‌ తొలి వికెట్ కోల్పోయింది. మయాంక్ అగర్వాల్ (16; 17 బంతుల్లో) ఔటయ్యాడు.
అజ్మతుల్లా ఒమర్జాయ్‌ వేసిన ఐదో ఓవర్‌లో రెండో బంతికి దర్శన్‌ నల్కండేకు చిక్కాడు.
తర్వాత క్రీజులోకి వచ్చిన అభిషేక్ శర్మ (6) చివరి బంతికి ఫోర్ బాదాడు.
5 ఓవర్లకు స్కోరు 41/1. ట్రావిస్ హెడ్ (16) పరుగులతో ఉన్నాడు.

31/03/2024 15:45(IST)

Gujarat Vs Hyderabad: నిలకడగా ఆడుతున్న హైదరాబాద్‌ ఓపెనర్లు

హైదరాబాద్‌ ఓపెనర్లు నిలకడగా ఆడుతున్నారు. ఉమేశ్‌ యాదవ్ వేసిన రెండో ఓవర్‌లో 9 పరుగులు వచ్చాయి.
ఒమర్జాయ్‌ వేసిన మూడో ఓవర్‌లో ఏడు రన్స్‌ వచ్చాయి.
3 ఓవర్లకు స్కోరు 27/0. ట్రావిస్ హెడ్ (15), మయాంక్ అగర్వాల్ (11) పరుగులతో ఉన్నారు.

31/03/2024 15:11(IST)

Gujarat Vs Hyderabad: ఇంపాక్ట్‌ ప్లేయర్లు వీరే..

గుజరాత్‌: సాయి సుదర్శన్, రవిశ్రీనివాసన్ సాయి కిశోర్, శరత్‌ బీఆర్‌, మానవ్‌ సుథార్‌, అభినవ్‌ మనోహర్

హైదరాబాద్‌: ఉమ్రాన్ మాలిక్, వాషింగ్టన్ సుందర్, గ్లెన్‌ ఫిలిప్స్‌, నితీశ్‌ రెడ్డి, ఉపేంద్ర యాదవ్

31/03/2024 15:09(IST)

Gujarat Vs Hyderabad: గుజరాత్‌ తుది జట్టు ఇదే..

వృద్ధిమాన్‌ సాహా (వికెట్ కీపర్), శుభ్‌మన్‌ గిల్ (కెప్టెన్), అబ్దుల్లా ఒమర్జాయ్‌, డేవిడ్‌ మిల్లర్, విజయ్‌ శంకర్‌, రాహుల్‌ తెవాతియా, రషీద్ ఖాన్, ఉమేశ్‌ యాదవ్‌, నూర్ అహ్మద్‌, మోహిత్‌ శర్మ, దర్శన్ నల్కండే

31/03/2024 15:07(IST)

Gujarat Vs Hyderabad: హైదరాబాద్‌ తుది జట్టు ఇదే

మయాంక్‌ అగర్వాల్, ట్రావిస్ హెడ్, అభిషేక్ శర్మ, ఐదెన్ మార్‌క్రమ్‌, హెన్రిచ్‌ క్లాసెన్ (వికెట్ కీపర్), అబ్దుల్‌ సమద్, షహబాజ్‌ అహ్మద్, ప్యాట్ కమిన్స్ (కెప్టెన్), భువనేశ్వర్ కుమార్‌, మయాంక్‌ మార్కండే, జయ్‌దేవ్ ఉనద్కత్‌

31/03/2024 14:15(IST)

నెటిజన్లకు రాహుల్‌ రవీంద్రన్‌ సారీ

గుజరాత్‌, హైదరాబాద్‌ల మధ్య ఆదివారం మధ్యాహ్నం జరగనున్న ఐపీఎల్‌ మ్యాచ్‌ను ఉద్దేశించి దర్శకుడు రాహుల్‌ రవీంద్రన్‌ ఎక్స్‌లో పోస్ట్‌ పెట్టారు. తనని మ్యాచ్‌ చూడొద్దని చెప్పిన పలువురు నెటిజన్లకు ఆయన క్షమాపణలు చెప్పారు. ఇంతకీ ఆయన్ని మ్యాచ్‌ ఎందుకు చూడొద్దన్నారంటే..? రష్మిక కథానాయికగా రాహుల్‌ రవీంద్రన్‌ తెరకెక్కిస్తోన్న చిత్రం ‘ది గర్ల్‌ఫ్రెండ్‌’. ఇటీవల ఈ సినిమాకు సంబంధించిన కీలక సన్నివేశాలు చిత్రీకరించారు. షూట్‌ కారణంగా మార్చి 27న హైదరాబాద్‌ - ముంబయి మ్యాచ్‌ను రాహుల్‌ పూర్తిగా చూడలేకపోయారు. హైదరాబాద్‌ ఇన్నింగ్స్‌ పూర్తయ్యాక మ్యాచ్‌ చూశానని పోస్ట్‌ పెట్టారు. పూర్తి వార్త కోసం క్లిక్‌ చేయండి

31/03/2024 14:12(IST)

దూకుడు మంత్రంతో హైదరాబాద్‌

ఒక్క మ్యాచ్‌.. ఐపీఎల్‌లో సన్‌రైజర్స్‌ హైదరాబాద్‌ను చూసే దృక్కోణాన్నే మార్చేసింది. ఈ సీజన్‌లో సన్‌రైజర్స్‌తో మామూలుగా ఉండదని చాటిచెప్పింది. గత మ్యాచ్‌లో ముంబయిపై బ్యాటర్ల వీర విహారంతో 277 పరుగులు చేసి.. ఐపీఎల్‌ చరిత్రలో అత్యధిక స్కోరు చేసిన జట్టుగా సన్‌రైజర్స్‌ చరిత్ర సృష్టించిన సంగతి తెలిసిందే. ఇప్పుడదే దూకుడుతో గుజరాత్‌ టైటాన్స్‌పైనా చెలరేగేందుకు సిద్ధమైంది. ఆదివారం మధ్యాహ్నం ఆరంభమయ్యే మ్యాచ్‌లో గుజరాత్‌తో సన్‌రైజర్స్‌ తలపడుతోంది. ఇప్పటివరకూ ఈ సీజన్‌లో రెండేసి మ్యాచ్‌లాడిన ఈ రెండు జట్లూ.. ఒక్కో విజయాన్ని ఖాతాలో వేసుకున్నాయి. దుర్భేద్యమైన బ్యాటింగ్‌ ఆర్డర్‌తో ఈ మ్యాచ్‌లో సన్‌రైజర్స్‌ ఫేవరెట్‌గా కనిపిస్తోంది. హెడ్‌తో పాటు భారత కుర్రాడు అభిషేక్‌ శర్మ, దక్షిణాఫ్రికా ద్వయం క్లాసెన్‌, మార్‌క్రమ్‌ సూపర్‌ ఫామ్‌లో ఉన్నారు.

App

గుజరాత్ X హైదరాబాద్‌ మ్యాచ్‌ లైవ్‌ అప్‌డేట్స్‌ మీ కోసం..

తాజా వార్తలు (Latest News)

‘ఆయుధాలు అప్పగించేదే లేదు..!’ ఆర్మీని అడ్డుకున్న మహిళలు

ఈనాడు.నెట్‌లో టాప్‌ 10 వార్తలు @ 9PM

విడాకులు తీసుకున్న కుమార్తెను ఘనంగా ఇంటికి ఆహ్వానించిన తండ్రి

ఓటీటీలో సిద్ధార్థ్‌ రాయ్‌.. స్ట్రీమింగ్‌ ఎక్కడంటే?

వరుణుడి అడ్డంకి.. బంగ్లాదేశ్‌పై భారత్‌ విజయం

ఫ్లిప్‌కార్ట్ బిగ్‌ సేవింగ్‌ డేస్‌ సేల్‌.. గెలాక్సీ ఎస్‌23పై ₹20వేలు డిస్కౌంట్‌

సుఖీభవ

చదువు