Breaking | Feedback | ePratibha | E-PAPER | Pratibha

Lucknow vs Punjab: లఖ్‌నవూ X పంజాబ్.. మ్యాచ్‌ లైవ్‌ అప్‌డేట్స్

పంజాబ్‌ కింగ్స్‌తో జరిగిన మ్యాచ్‌లో లఖ్‌నవూ 21 పరుగుల తేడాతో గెలుపొందింది.

Updated : 30 Mar 2024 23:30 IST

30/03/2024 23:21(IST)

Lucknow vs Punjab: ధావన్‌ పోరాటం వృథా.. బోణీ కొట్టిన లఖ్‌నవూ..

పంజాబ్‌తో జరిగిన మ్యాచ్‌లో లఖ్‌నవూ 21 పరుగుల తేడాతో గెలుపొందింది. ఈ సీజన్‌లో లఖ్‌నవూకిది తొలి విజయం.
తొలుత బ్యాటింగ్‌ చేసిన లఖ్‌నవూ 8 వికెట్ల నష్టానికి 199 పరుగులు చేసింది.
ఈ భారీ లక్ష్యఛేదనలో పంజాబ్‌ 178/5కు పరిమితమైంది. శిఖర్ ధావన్ (70), జానీ బెయిర్‌స్టో (42) రాణించినా మిగతా ఆటగాళ్ల నుంచి సరైన సహకారం అందలేదు.
లఖ్‌నవూ బౌలర్లలో అరంగేట్ర ఆటగాడు మయాంక్‌ యాదవ్‌ (3/27) అదరగొట్టాడు. మోసిన్ ఖాన్ రెండు వికెట్లు పడగొట్టాడు.

30/03/2024 23:16(IST)

Lucknow vs Punjab: పంజాబ్ ఓటమి ఖాయం

పంజాబ్‌ ఓటమి ఖాయమైంది. చివర్లో ఆ జట్టు బ్యాటర్లు దూకుడుగా ఆడలేకపోతున్నారు.
కృనాల్ పాండ్య వేసిన 19 ఓవర్‌లో ఏడు పరుగులే వచ్చాయి.
19 ఓవర్లకు స్కోరు 159/5. లివింగ్‌స్టోన్ (11), శశాంక్‌ సింగ్ (8) పరుగులతో ఉన్నారు.

30/03/2024 23:02(IST)

Lucknow vs Punjab: పంజాబ్‌కు వరుస షాక్‌లు..

పంజాబ్ వరుస బంతుల్లో రెండు వికెట్లు కోల్పోయింది.
మోసిన్ ఖాన్ వేసిన 17 ఓవర్‌లో రెండో బంతికి శిఖర్ ధావన్ (70), తర్వాతి బంతికే సామ్‌ కరన్‌ (0) ఔటయ్యారు.
17 ఓవర్లకు స్కోరు 144/5. శశాంక్ సింగ్ (2), లివింగ్‌స్టోన్ (3) పరుగులతో ఉన్నారు.
పంజాబ్‌ విజయానికి 18 బంతుల్లో 56 పరుగులు అవసరం.

30/03/2024 22:54(IST)

Lucknow vs Punjab: మూడో వికెట్ కోల్పోయిన పంజాబ్‌.. ఉత్కంఠగా మారుతున్న మ్యాచ్‌

పంజాబ్‌ మూడో వికెట్ కోల్పోయింది. జితేశ్‌ శర్మ (6) ఔటయ్యాడు.
మయాంక్‌ యాదవ్‌ వేసిన 16 ఓవర్‌లో నాలుగో బంతికి నవీనుల్ హక్‌కు చిక్కాడు.
16 ఓవర్లకు స్కోరు 140/3. లియామ్‌ లివింగ్‌స్టోన్ (1), శిఖర్ ధావన్‌ (70) పరుగులతో ఉన్నారు.
పంజాబ్‌ విజయానికి 24 బంతుల్లో 60 పరుగులు అవసరం.

30/03/2024 22:40(IST)

Lucknow vs Punjab: ప్రభ్‌సిమ్రన్‌ (19) ఔట్.. పంజాబ్‌ రెండో వికెట్

పంజాబ్ రెండో వికెట్ కోల్పోయింది. మయాంక్ యాదవ్‌ వేసిన 13.3 ఓవర్‌కు ప్రభ్‌సిమ్రన్ సింగ్ (19) మిడాన్‌లో నవీనుల్ హక్‌కు చిక్కాడు.
14 ఓవర్లకు స్కోరు 129/2. జితేశ్‌ శర్మ (1), శిఖర్ ధావన్ (67) క్రీజులో ఉన్నారు.

30/03/2024 22:38(IST)

Lucknow vs Punjab: దూకుడుగా ఆడుతున్న ప్రభ్‌సిమ్రన్ సింగ్

ప్రభ్‌సిమ్రన్ సింగ్ (13) దూకుడుగా ఆడుతున్నాడు.
రవి బిష్ణోయ్‌ వేసిన 13 ఓవర్‌లో 14 పరుగులు రాగా.. ప్రభ్‌సిమ్రన్‌ ఓ ఫోర్, సిక్స్‌ బాదాడు.
13 ఓవర్లకు స్కోరు 121/1. శిఖర్ ధావన్‌ (66) క్రీజులో ఉన్నాడు.

30/03/2024 22:31(IST)

Lucknow vs Punjab: తొలి వికెట్‌ కోల్పోయిన పంజాబ్‌.. బెయిర్‌స్టో (42) ఔట్

పంజాబ్‌ తొలి వికెట్‌ కోల్పోయింది.
అర్ధశతకానికి చేరువవుతున్న బెయిర్‌స్టో (42) ఔటయ్యాడు.
మయాంక్‌ యాదవ్‌ బౌలింగ్‌లో భారీ షాట్‌కు ప్రయత్నించి స్టాయినిస్‌కు క్యాచ్‌ ఇచ్చాడు
ఇంపాక్ట్‌ ప్లేయర్‌గా ప్రభ్‌ సిమ్రన్‌ క్రీజులోకి వచ్చాడు.
12 ఓవర్లకు స్కోరు 107/1. శిఖర్‌ ధావన్ (64), ప్రభ్‌సిమ్రన్‌ సింగ్ (1) క్రీజులో ఉన్నారు.

30/03/2024 22:23(IST)

Lucknow vs Punjab: నిలకడగా ఆడుతున్న పంజాబ్‌.. 10 ఓవర్లకు స్కోరు 98/0

పంజాబ్‌ నిలకడగా ఆడుతోంది.
ఓపెనర్లు ధావన్‌, బెయిర్‌స్టో క్రీజులో నిలదొక్కుకుంటూ పరుగులు రాబడుతున్నారు.
10 ఓవర్లు ముగిసేసరికి ఒక్క వికెట్‌ కూడా కోల్పోకుండా పంజాబ్‌ 98 పరుగులు చేసింది.
ఈ ఓవర్లో 4 బౌండరీలు సహా 10 పరుగులు వచ్చాయి.
పంజాబ్‌ లక్ష్యం 10 ఓవర్లలో 102

30/03/2024 22:18(IST)

Lucknow vs Punjab: జోరు పెంచిన బెయిర్‌స్టో..ఒకే ఓవర్లో 2 సిక్సర్లు

పంజాబ్‌ ఓపెనర్‌ బెయిర్‌స్టో జోరు పెంచాడు
కృనాల్‌ పాండ్య వేసిన తొమ్మిదో ఓవర్ తొలి రెండు బంతులకు వరుస సిక్సర్లు బాదాడు.
ఈ ఓవర్లో మొత్తం .. పరుగులు వచ్చాయి.
శిఖర్‌ ధావన్‌ (51), బెయిర్‌స్టో (37) క్రీజులో ఉన్నారు.
పంజాబ్‌ @ 88/0

30/03/2024 22:05(IST)

Lucknow vs Punjab: పవర్‌ ప్లే పూర్తి.. పంజాబ్‌ స్కోరు 61/0

పంజాబ్‌ ఛేదనలో పవర్‌ ప్లే పూర్తయింది
6 ఓవర్లు ముగిసే సరికి వికెట్లు నష్టపోకుండా 61 పరుగులు చేసింది.
మోసిన్‌ఖాన్‌ వేసిన ఆరో ఓవర్లో ధావన్‌ విజృంభించాడు.
2 ఫోర్లు ఒక సిక్సర్‌తో విరుచుకుపడ్డాడు. ఈ ఓవర్లో మొత్తం 16 పరుగులు వచ్చాయి
ధావన్‌ (41), బెయిర్‌స్టో (20) క్రీజులోఓ ఉన్నారు.

30/03/2024 21:56(IST)

Lucknow vs Punjab: దూకుడుగా ఆడుతున్న పంజాబ్ ఓపెనర్లు

పంజాబ్ ఓపెనర్లు దూకుడుగా ఆడుతున్నారు.
మోసిన్‌ ఖాన్‌ వేసిన నాలుగో ఓవర్‌లో ఏడు పరుగులు రాగా.. రెండో బంతికి బెయిర్‌స్టో (17) సిక్స్‌ బాదాడు.
4 ఓవర్లకు స్కోరు 39/0. శిఖర్‌ ధావన్ (22) పరుగులతో ఉన్నాడు.

30/03/2024 21:41(IST)

Lucknow vs Punjab: లక్ష్యఛేదనకు దిగిన పంజాబ్.. టార్గెట్ 200

లఖ్‌నవూ నిర్దేశించిన 200 పరుగుల లక్ష్యాన్ని ఛేదించేందుకు పంజాబ్‌ బరిలోకి దిగింది.
సిద్ధార్థ్ వేసిన తొలి ఓవర్‌లో మొదటి నాలుగు బంతులకు పరుగులు రాలేదు.
ఐదో బంతిని శిఖర్ ధావన్ (5) బౌండరీకి తరలించాడు.
1 ఓవర్‌కు స్కోరు 5/0. జానీ బెయిర్‌స్టో (0) క్రీజులో ఉన్నాడు.

30/03/2024 21:21(IST)

Lucknow vs Punjab: చివర్లో కృనాల్ మెరుపులు.. పంజాబ్ టార్గెట్ 200

పంజాబ్‌తో జరుగుతున్న మ్యాచ్‌లో లఖ్‌నవూ భారీ స్కోరు సాధించింది.
నిర్ణీత 20 ఓవర్లలో 8 వికెట్ల నష్టానికి 199 పరుగులు చేసింది.
ఓపెనర్ క్వింటన్ డికాక్‌ (54; 38 బంతుల్లో 5 ఫోర్లు, 2 సిక్స్‌లు) అర్ధ శతకం బాదాడు.
కెప్టెన్ నికోలస్ పూరన్ (42; 21 బంతుల్లో 3 ఫోర్లు, 3 సిక్స్‌లు) క్రీజులో ఉన్నంతసేపు దూకుడుగా ఆడాడు.
చివర్లో కృనాల్ పాండ్య (43*; 22 బంతుల్లో 4 ఫోర్లు, 2 సిక్స్‌లు) మెరుపులు మెరిపించాడు.
పంజాబ్‌ బౌలర్లలో సామ్‌ కరన్ 3, అర్ష్‌దీప్‌ సింగ్ 2, కగిసో రబాడ, రాహుల్ చాహర్ ఒక్కో వికెట్ పడగొట్టారు.

30/03/2024 21:11(IST)

Lucknow vs Punjab: వరుసగా రెండు వికెట్లు కోల్పోయిన లఖ్‌నవూ

లఖ్‌నవూ వరుసగా రెండు వికెట్లు కోల్పోయింది.
సామ్‌కరన్‌ వేసిన 19 ఓవర్‌లో నాలుగో బంతికి ఆయుష్‌ బదోని (8) బెయిర్‌స్టోకి, తర్వాతి బంతికే రవి బిష్ణోయ్‌ (0) తనయ్‌కి క్యాచ్‌ ఇచ్చారు.
19 ఓవర్లకు స్కోరు 191/7. మోసిన్ ఖాన్‌ (2), కృనాల్ పాండ్య (35) పరుగులతో ఉన్నారు.

30/03/2024 21:06(IST)

Lucknow vs Punjab: చెలరేగి ఆడుతున్న కృనాల్ పాండ్య

కృనాల్ పాండ్య చెలరేగి ఆడుతున్నాడు.
హర్షల్‌ పటేల్ వేసిన 18 ఓవర్‌లో రెండు ఫోర్లు, ఓ సిక్స్‌ బాదేశాడు.
ఈ ఓవర్‌లో మొత్తం 20 పరుగులు వచ్చాయి.
18 ఓవర్లకు స్కోరు 182/5. కృనాల్ పాండ్య (30), ఆయుష్‌ బదోని (6) పరుగులతో ఉన్నారు.

30/03/2024 20:52(IST)

Lucknow vs Punjab: పూరన్‌ జోరుకు బ్రేక్ వేసిన రబాడ.. లఖ్‌నవూ ఐదు వికెట్లు

దూకుడుగా ఆడుతున్న నికోలస్ పూరన్ (42; 21 బంతుల్లో) ఔటయ్యాడు.
రబాడ వేసిన 16 ఓవర్‌లో తొలి బంతిని పూరన్‌ వికెట్ల మీదికి ఆడుకున్నాడు.
దీంతో లఖ్‌నవూ ఐదో వికెట్ కోల్పోయింది.
తర్వాత వచ్చిన కృనాల్ పాండ్య (11) సిక్స్ బాదాడు.
16 ఓవర్లకు స్కోరు 157/5. ఆయుష్‌ బదోని (4), కృనాల్ పాండ్య (11) పరుగులతో ఉన్నారు.

30/03/2024 20:42(IST)

Lucknow vs Punjab: క్వింటన్ డికాక్‌ (54) ఔట్.. లఖ్‌నవూ నాలుగో వికెట్

లఖ్‌నవూ నాలుగో వికెట్ కోల్పోయింది. క్వింటన్ డికాక్‌ (54) ఔటయ్యాడు.
అర్ష్‌దీప్‌ సింగ్ వేసిన 13.1 ఓవర్‌కు వికెట్ కీపర్‌ జితేశ్‌ శర్మకు చిక్కాడు.
తర్వాత ఇదే ఓవర్‌లో నికోలస్ పూరన్‌ వరుసగా రెండు ఫోర్లు బాదాడు.
14 ఓవర్లకు స్కోరు 136/4. ఆయుష్‌ బదోని (2), నికోలస్ పూరన్ (34) పరుగులతో ఉన్నారు.

30/03/2024 20:32(IST)

Lucknow vs Punjab: దూకుడుగా ఆడుతున్న నికోలస్ పూరన్

లఖ్‌నవూకు తొలిసారి నాయకత్వం వహిస్తున్న నికోలస్‌ పూరన్‌ దూకుడుగా ఆడుతున్నాడు.
రాహుల్ చాహర్ వేసిన 12 ఓవర్‌లో 20 పరుగులు వచ్చాయి.
మొదటి మూడు బంతులకు పూరన్ వరుసగా 6,4,6 బాదేశాడు.
12 ఓవర్లకు స్కోరు 115/3. క్వింటన్ డికాక్‌ (47), నికోలస్ పూరన్ (24) పరుగులతో ఉన్నారు.

30/03/2024 20:25(IST)

Lucknow vs Punjab: సగం ఓవర్లు పూర్తి.. అర్ధ శతకం దిశగా డికాక్‌

హర్షల్ పటేల్ వేసిన 10 ఓవర్‌లో ఎనిమిది పరుగులు వచ్చాయి.
ఈ క్రమంలో 10 ఓవర్లు ముగిసేసరికి లఖ్‌నవూ స్కోరు 88/3.
ఓపెనర్ క్వింటన్ డికాక్‌ (41) అర్ధ శతకం దిశగా సాగుతున్నాడు. నికోలస్ పూరన్ (3) పరుగులతో ఉన్నాడు.

30/03/2024 20:15(IST)

Lucknow vs Punjab: వరుసగా రెండు సిక్స్‌లు.. తర్వాతి బంతికే క్లీన్‌బౌల్డ్

లఖ్‌నవూ మూడో వికెట్ కోల్పోయింది. మార్కస్‌ స్టాయినిస్ (19) ఔటయ్యాడు.
రాహుల్ చాహర్ వేసిన తొమ్మిదో ఓవర్‌లో రెండు, మూడు బంతులను స్టాయినిస్‌ స్టాండ్స్‌లోకి పంపాడు.
కానీ, తర్వాతి బంతికే అతడు క్లీన్‌బౌల్డ్ అయ్యాడు.
9 ఓవర్లకు స్కోరు 80/3. క్వింటన్ డికాక్‌ (35), నికోలస్ పూరన్ (1) క్రీజులో ఉన్నారు.

30/03/2024 20:00(IST)

Lucknow vs Punjab: లఖ్‌నవూకు మరో షాక్‌.. పడిక్కల్ (9) ఔట్

లఖ్‌నవూకు మరో షాక్ తగిలింది. దేవ్‌దత్ పడిక్కల్ (9) ఔటయ్యాడు.
రబాడ వేసిన ఐదో ఓవర్‌లో వరుసగా రెండు ఫోర్లు బాదిన పడిక్కల్.. సామ్ కరన్‌ వేసిన ఆరో ఓవర్‌లో తొలి బంతికి శిఖర్‌ ధావన్‌కు చిక్కాడు.
పవర్ ప్లే ముగిసేసరికి లఖ్‌నవూ స్కోరు 54/2. డికాక్ (28), స్టాయినిస్ (1) క్రీజులో ఉన్నారు.

30/03/2024 19:54(IST)

Lucknow vs Punjab: కేఎల్ రాహుల్ (15) ఔట్.. లఖ్‌నవూ ఫస్ట్‌ వికెట్

లఖ్‌నవూ మొదటి వికెట్ కోల్పోయింది. కేఎల్ రాహుల్ (15; 9 బంతుల్లో) ఔటయ్యాడు.
అర్ష్‌దీప్‌ సింగ్ వేసిన నాలుగో ఓవర్‌లో తొలి బంతికి సిక్స్‌, మూడో బంతికి ఫోర్ బాదిన రాహుల్.. ఐదో బంతికి బ్యాక్‌వర్డ్ పాయింట్‌లో బెయిర్‌స్టోకు క్యాచ్ ఇచ్చాడు.
4 ఓవర్లకు స్కోరు 35/1. దేవ్‌దత్ పడిక్కల్ (0), డికాక్ (19) పరుగులతో ఉన్నారు.

30/03/2024 19:48(IST)

Lucknow vs Punjab: బతికిపోయిన కేఎల్ రాహుల్.. దూకుడుగా ఆడుతున్న డికాక్‌

కేఎల్ రాహుల్ త్రుటిలో ఔటయ్యే ప్రమాదం నుంచి తప్పించుకున్నాడు.
రబాడ వేసిన మూడో ఓవర్‌లో తొలి బంతికి రాహుల్ భారీ షాట్ ఆడగా.. హర్షల్ పటేల్ క్యాచ్‌ మిస్‌ చేశాడు.
తర్వాత క్వింటన్ డికాక్‌ వరుసగా ఫోర్, సిక్స్‌ బాదాడు.
అంతకుముందు అర్ష్‌దీప్‌ వేసిన రెండో ఓవర్‌లో ఏడు రన్స్‌ వచ్చాయి.
3 ఓవర్లకు స్కోరు 23/0. డికాక్‌ (19), రాహుల్ (3) పరుగులతో ఉన్నారు.

30/03/2024 19:39(IST)

Lucknow vs Punjab: ప్రారంభమైన మ్యాచ్‌.. ఓపెనర్లుగా కేఎల్ రాహుల్, డికాక్‌

టాస్‌ గెలిచి లఖ్‌నవూ బ్యాటింగ్ ఎంచుకోగా.. కేఎల్ రాహుల్, క్వింటన్ డికాక్‌ ఓపెనర్లుగా వచ్చారు.
సామ్ కరన్ వేసిన తొలి ఓవర్‌లో ఐదు పరుగులు వచ్చాయి. నాలుగో బంతికి డికాక్ (5) ఫోర్ బాదాడు.

30/03/2024 19:20(IST)

Lucknow vs Punjab: పంజాబ్‌ తుది జట్టు.. ఇంపాక్ట్ ప్లేయర్స్‌

శిఖర్ ధావన్ (కెప్టెన్‌), జానీ బెయిర్‌స్టో, లియామ్ లివింగ్‌స్టోన్, సామ్ కరన్, జితేష్ శర్మ (వికెట్ కీపర్‌), శశాంక్ సింగ్, హర్‌ప్రీత్ బ్రార్, హర్షల్ పటేల్, కగిసో రబాడ, రాహుల్ చాహర్, అర్ష్‌దీప్ సింగ్.

సబ్‌స్టిట్యూట్‌లు: ప్రభ్‌సిమ్రన్ సింగ్, రిలీ రోసో, తనయ్, విద్వాత్ కావేరప్ప, హర్‌ప్రీత్ భాటియా.

30/03/2024 19:17(IST)

Lucknow vs Punjab: లఖ్‌నవూ తుది జట్టు. ఇంపాక్ట్ సబ్‌స్టిట్యూట్‌లు వీరే

నికోలస్ పూరన్‌ (కెప్టెన్‌), క్వింటన్ డి కాక్ (వికెట్‌ కీపర్‌), కేఎల్ రాహుల్, దేవదత్ పడిక్కల్, ఆయుష్ బదోని, మార్కస్ స్టాయినిస్, కృనాల్ పాండ్య, రవి బిష్ణోయ్, మోసిన్‌ ఖాన్, మయాంక్ యాదవ్, మణిమారన్ సిద్ధార్థ్.

ఇంపాక్ట్ సబ్‌స్టిట్యూట్‌లు: అష్టన్ టర్నర్, నవీనుల్ హక్‌, అమిత్ మిశ్రా, దీపక్ హుడా, కృష్ణప్ప గౌతమ్

30/03/2024 19:04(IST)

Lucknow vs Punjab: టాస్‌ గెలిచిన లఖ్‌నవూ.. కెప్టెన్‌గా పూరన్

ఐపీఎల్ 17 సీజన్‌లో భాగంగా మరికాసేపట్లో లఖ్‌నవూతో పంజాబ్‌ తలపడనుంది.
ఈ మ్యాచ్‌కు కేఎల్‌ రాహుల్‌కు బదులుగా నికోలస్‌ పూరన్‌ లఖ్‌నవూ కెప్టెన్సీ బాధ్యతలు చూసుకోనున్నాడు. తుది జట్టులో రాహుల్ ఉన్నాడు.
లఖ్‌నవూ టాస్‌ గెలిచి తొలుత బ్యాటింగ్‌ ఎంచుకుంది.

30/03/2024 18:01(IST)

పంజాబ్‌ మ్యాచ్‌లోనైనా షామార్‌ను చూస్తామా? లఖ్‌నవూ కోచ్‌ ఏమన్నాడంటే?

ఆస్ట్రేలియాపై సంచలన స్పెల్‌తో క్రికెట్‌ వర్గాలను ఆశ్చర్యపరిచిన బౌలర్ షామార్ జోసెఫ్‌. విండీస్‌కు చెందిన అతడిని ఐపీఎల్‌ ఫ్రాంచైజీ లఖ్‌నవూ తీసుకుంది. మార్క్‌వుడ్ గాయపడటంతో అతడి స్థానంలో ఎంపిక చేసుకుంది. తొలి మ్యాచ్‌లో రాజస్థాన్‌పై అతడిని ఆడించలేదు. అప్పుడు కెప్టెన్ కేఎల్ రాహుల్‌ స్పందిస్తూ.. షామార్‌ను బరిలోకి దింపేందుకు కాస్త సమయం పడుతుందని తెలిపాడు. ఇవాళ పంజాబ్‌తో లఖ్‌నవూ తలపడనుంది. ఈ మ్యాచ్‌లోనైనా అతడి బౌలింగ్‌ను చూసే అవకాశం ఉంటుందా? అనే అనుమానాలు అభిమానుల్లో నెలకొన్నాయి. పూర్తి వార్త కోసం క్లిక్‌ చేయండి

App

Lucknow vs Punjab: లఖ్‌నవూ X పంజాబ్.. మ్యాచ్‌ లైవ్‌ అప్‌డేట్స్

తాజా వార్తలు (Latest News)

గూగుల్‌తో ఇంగ్లీష్‌ ప్రాక్టీస్‌.. కొత్త ఏఐ ఫీచర్‌ను ఎలా వాడాలి?

లైంగిక దౌర్జన్యం కేసు - తొలిసారి స్పందించిన ప్రజ్వల్‌ రేవణ్ణ

స్విమ్మింగ్‌ పూల్‌లో కేథరిన్‌.. సముద్ర తీరాన శ్రీనిధి

నీ డెబ్యూ నాటికి నేనింకా చెడ్డీలతోనే ఉండుంటా: మిశ్రాతో రోహిత్

తెరపైకి రజనీకాంత్ జీవితం.. హీరోగా ఎవరంటే!

‘హార్దిక్‌ దృఢంగా ఉండు.. విమర్శించిన వాళ్లే నిన్ను ప్రశంసించే రోజు వస్తుంది’

సుఖీభవ

చదువు