Breaking | Feedback | ePratibha | E-PAPER | Pratibha

ముంబయి X రాజస్థాన్‌ ఐపీఎల్ మ్యాచ్‌ లైవ్‌ అప్‌డేట్స్‌

ముంబయితో జరిగిన మ్యాచ్‌లో రాజస్థాన్ 6 వికెట్ల తేడాతో ఘన విజయం సాధించింది. ముంబయి నిర్దేశించిన 126 పరుగుల స్వల్ప లక్ష్యాన్ని 15.3 ఓవర్లలోనే ఛేదించింది.

Updated : 01 Apr 2024 23:01 IST

01/04/2024 22:57(IST)

Mumbai vs Rajasthan: ముంబయి చిత్తు.. రాజస్థాన్ హ్యాట్రిక్ గెలుపు

ముంబయితో జరిగిన మ్యాచ్‌లో రాజస్థాన్ 6 వికెట్ల తేడాతో ఘన విజయం సాధించింది.
ముంబయి నిర్దేశించిన 126 పరుగుల స్వల్ప లక్ష్యాన్ని 15.3 ఓవర్లలోనే ఛేదించింది.
రాజస్థాన్‌ బ్యాటర్ రియాన్‌ పరాగ్ (54*; 39 బంతుల్లో 5 ఫోర్లు, 3 సిక్స్‌లు) అర్ధ శతకంతో మెరిశాడు.
రాజస్థాన్‌కిది హ్యాట్రిక్‌ విజయం కాగా.. ముంబయికి వరుసగా మూడో ఓటమి.

01/04/2024 22:55(IST)

Mumbai vs Rajasthan: లక్ష్యానికి చేరువలో రాజస్థాన్‌

పీయూష్‌ చావ్లా వేసిన 15వ ఓవర్‌లో పరాగ్‌ (38) విజృంభించాడు.
శుభమ్‌ దూబే (8) తొలి బంతిని సింగిల్‌ తీసి ఇవ్వగా.. ఆ తర్వాతి బంతిని పరాగ్‌ సిక్స్‌గా మలిచాడు.
ఈ ఓవర్‌లో మొత్తం 10 పరుగులు వచ్చాయి
రాజస్థాన్‌ విజయానికి ఇంకా 30 బంతుల్లో 15 పరుగులు కావాలి

01/04/2024 22:13(IST)

Mumbai vs Rajasthan: బట్లర్ (13) ఔట్.. రాజస్థాన్‌ మూడో వికెట్

రాజస్థాన్‌ మూడో వికెట్ కోల్పోయింది. జోస్ బట్లర్ (13) ఔటయ్యాడు.
ఆకాశ్‌ మధ్వల్ వేసిన 6.3 ఓవర్‌కు పీయూష్‌ చావ్లాకు క్యాచ్‌ ఇచ్చాడు.
7 ఓవర్లకు స్కోరు 50/3. రియాన్ పరాగ్ (4), అశ్విన్ (1) క్రీజులో ఉన్నారు.

01/04/2024 22:01(IST)

Mumbai vs Rajasthan: సంజు శాంసన్ (12) ఔట్.. రాజస్థాన్ రెండో వికెట్

రాజస్థాన్ రెండో వికెట్ కోల్పోయింది. సంజు శాంసన్ (12) ఔటయ్యాడు.
ఆకాశ్‌ మధ్వల్ వేసిన ఐదో ఓవర్‌లో రెండో బంతిని వికెట్ల మీదికి ఆడుకున్నాడు.
5 ఓవర్లకు స్కోరు 44/2. బట్లర్ (11), రియాన్‌ పరాగ్ (1) క్రీజులో ఉన్నారు.

01/04/2024 21:48(IST)

Mumbai vs Rajasthan: రెండో ఓవర్‌.. ఎక్స్‌ ట్రాలు ఏడు

జస్‌ప్రీత్‌ బుమ్రా వేసిన రెండో ఓవర్‌లో రాజస్థాన్‌ బ్యాటర్లు పరుగులు చేయలేదు.
ఎక్స్‌ ట్రాల రూపంలోనే ఏడు పరుగులు వచ్చాయి.
ఒక వైడ్+ఫోర్, వైడ్, లైగ్ బై రూపంలో ఒక పరుగు వచ్చింది.
2 ఓవర్లకు స్కోరు 17/1. శాంసన్ (1), బట్లర్ (0) క్రీజులో ఉన్నారు.

01/04/2024 21:40(IST)

Mumbai vs Rajasthan: రాజస్థాన్‌కు షాక్‌.. యశస్వి జైస్వాల్ (10) ఔట్

రాజస్థాన్‌ తొలి ఓవర్‌లోనే వికెట్ కోల్పోయింది.
క్వెనా మఫాకా వేసిన మొదటి ఓవర్‌లో వరుసగా రెండు ఫోర్లు బాదిన యశస్వి జైస్వాల్ (10) తర్వాతి బంతికే టిమ్ డేవిడ్‌కు చిక్కాడు.
1 ఓవర్‌కు రాజస్థాన్‌ స్కోరు 10/1.

01/04/2024 21:20(IST)

Mumbai vs Rajasthan: చెలరేగిన బౌల్ట్, చాహల్.. రాజస్థాన్‌ లక్ష్యం 126

ముంబయితో జరుగుతున్న మ్యాచ్‌లో రాజస్థాన్‌ బౌలర్లు చెలరేగారు.
దీంతో టాస్‌ ఓడి తొలుత బ్యాటింగ్‌ చేసిన ముంబయి నిర్ణీత 20 ఓవర్లలో 9 వికెట్ల నష్టానికి 125 పరుగులు చేసింది.
ట్రెంట్ బౌల్ట్ (3/22) టాప్‌ ఆర్డర్ పనిపట్టగా.. యుజువేంద్ర చాహల్ (3/11) మిడిల్‌ ఆర్డర్‌ను దెబ్బతీశాడు. నంద్రి బర్గర్ 2, అవేశ్‌ ఖాన్‌ ఒక వికెట్ పడగొట్టారు.
ముంబయి బ్యాటర్లలో రోహిత్ శర్మ (0), నమన్ ధిర్‌ (0), డెవాల్డ్ బ్రెవిస్ (0) ఎదుర్కొన్న తొలి బంతికే పెవిలియన్‌ చేరారు. ఈ ముగ్గురూ బౌల్ట్ బౌలింగ్‌లోనే ఔటయ్యారు.
ఇషాన్ కిషన్‌ (16) కూడా తక్కువ స్కోరుకే వెనుదిరగడంతో ముంబయి 20 పరుగులకే నాలుగు వికెట్లు కోల్పోయింది.
తిలక్ వర్మ (32; 29 బంతుల్లో 2 సిక్స్‌లు), హార్దిక్‌ పాండ్య (34; 21 బంతుల్లో 6 ఫోర్లు) ముంబయిని ఆదుకున్నారు.
టిమ్ డేవిడ్ (17; 24 బంతుల్లో) ధాటిగా ఆడలేకపోయాడు. జస్‌ప్రీత్‌ బుమ్రా (8*), ఆకాశ్‌ మధ్వల్ (4*) జాగ్రత్తగా ఆడటంతో ముంబయి ఆలౌట్‌ నుంచి తప్పించుకుంది.

01/04/2024 21:14(IST)

Mumbai vs Rajasthan: ఆలౌట్‌కు చేరువైన ముంబయి

ముంబయి తొమ్మిదో వికెట్ కోల్పోయింది. టిమ్ డేవిడ్ (17) ఔటయ్యాడు.
నంద్రి బర్గర్ వేసిన 18.3 ఓవర్‌కు ట్రెంట్‌ బౌల్ట్‌కు క్యాచ్‌ ఇచ్చాడు.
19 ఓవర్లకు స్కోరు 115/9. బుమ్రా (2), ఆకాశ్‌ మధ్వల్ (1) క్రీజులో ఉన్నారు.

01/04/2024 21:10(IST)

Mumbai vs Rajasthan: కట్టుదిట్టంగా రాజస్థాన్ బౌలింగ్

రాజస్థాన్‌ బౌలర్లు కట్టుదిట్టంగా బౌలింగ్ చేస్తున్నారు.
అవేశ్‌ ఖాన్‌ వేసిన 18 ఓవర్‌లో రెండు పరుగులు మాత్రమే వచ్చాయి.
18 ఓవర్లకు స్కోరు 114/8. బుమ్రా (2), టిమ్ డేవిడ్ (17) పరుగులతో ఉన్నారు.

01/04/2024 20:47(IST)

Mumbai vs Rajasthan: 100 లోపే ఏడు వికెట్లు కోల్పోయిన ముంబయి

ముంబయి కష్టాలు కొనసాగుతున్నాయి. క్రీజులో కుదురుకుని నిలకడగా ఆడుతున్న తిలక్ వర్మ (32) ఔటైపోయాడు.
చాహల్ వేసిన 13.2 ఓవర్‌కు అశ్విన్‌కు క్యాచ్‌ ఇచ్చాడు.
దీంతో 95 పరుగుల వద్ద ముంబయి ఏడో వికెట్ కోల్పోయింది.
14 ఓవర్లకు స్కోరు 97/7. గెరాల్డ్ కొయెట్జీ (1), టిమ్ డేవిడ్ (7) పరుగులతో ఉన్నారు.

01/04/2024 20:34(IST)

Mumbai vs Rajasthan: పీయూష్‌ చావ్లా (3) ఔట్.. ముంబయి ఆరో వికెట్

ముంబయి ఆరో వికెట్ కోల్పోయింది. పీయూష్ చావ్లా (3) ఔటయ్యాడు.
అవేశ్‌ ఖాన్ వేసిన 12 ఓవర్‌లో తొలి బంతికి షిమ్రోన్‌ హెట్‌మయర్‌కు చిక్కాడు.
తర్వాత ఈ ఓవర్‌లో వైడ్‌తో కలిపి ఆరు పరుగులు వచ్చాయి.
12 ఓవర్లకు స్కోరు 89/6. టిమ్ డేవిడ్ (5), తిలక్ వర్మ (27) పరుగులతో ఉన్నారు.

01/04/2024 20:25(IST)

Mumbai vs Rajasthan: హార్దిక్ పాండ్య (34) ఔట్.. ముంబయి ఐదో వికెట్

దూకుడుగా ఆడుతున్న ముంబయి కెప్టెన్ హార్దిక్ పాండ్య (34; 21 బంతుల్లో ) ఔటయ్యాడు.
చాహల్ వేసిన 9.3 ఓవర్‌కు భారీ షాట్ ఆడి రోమన్‌ పొవెల్‌కు క్యాచ్‌ ఇచ్చాడు.
దీంతో 76 పరుగుల వద్ద ముంబయి ఐదో వికెట్ కోల్పోయింది.
10 ఓవర్లకు స్కోరు 77/5. తిలక్ వర్మ (24), పీయూష్‌ చావ్లా (1) పరుగులతో ఉన్నారు.

01/04/2024 20:22(IST)

Mumbai vs Rajasthan: దూకుడుగా ఆడుతున్న హార్దిక్‌ పాండ్య

హార్దిక్ పాండ్య (34; 19 బంతుల్లో) దూకుడుగా ఆడుతున్నాడు.
అశ్విన్‌ వేసిన తొమ్మిదో ఓవర్‌లో 10 పరుగులు రాగా.. చివరి బంతికి బౌండరీ బాదాడు.
9 ఓవర్లకు స్కోరు 75/4. తిలక్ వర్మ (23) పరుగులతో ఉన్నారు.

01/04/2024 20:18(IST)

Mumbai vs Rajasthan: ఎనిమిదో ఓవర్‌.. బౌండరీ బాదిన పాండ్య

యుజువేంద్ర వేసిన ఎనిమిదో ఓవర్‌లో ఆరు పరుగులు వచ్చాయి.
తొలి మూడు బంతుల్లో ఒకే పరుగు రాగా.. నాలుగో బంతిని హార్దిక్ పాండ్య (25) బౌండరీకి పంపాడు.
8 ఓవర్లకు స్కోరు 65/4. తిలక్‌ వర్మ (22) పరుగులతో ఉన్నాడు.

01/04/2024 20:12(IST)

Mumbai vs Rajasthan: దూకుడుగా ఆడుతున్న ముంబయి బ్యాటర్లు

ముంబయి బ్యాటర్లు తిలక్ వర్మ, హార్దిక్ పాండ్య దూకుడుగా ఆడుతున్నారు.
అవేశ్‌ ఖాన్‌ వేసిన ఏడో ఓవర్‌లో 13 పరుగులు వచ్చాయి.
నాలుగో బంతికి తిలక్ వర్మ (21) సిక్స్ బాదగా.. చివరి బంతిని హార్దిక్ బౌండరీకి పంపాడు. 7 ఓవర్లకు స్కోరు 59/4.

01/04/2024 20:07(IST)

Mumbai vs Rajasthan: ముంబయిని ఆదుకుంటున్న హార్దిక్, తిలక్ వర్మ

20 పరుగులకే నాలుగు వికెట్లు కోల్పోయి పీకల్లోతు కష్టాల్లో పడ్డ ముంబయిని హార్దిక్ పాండ్య, తిలక్ వర్మ ఆదుకుంటున్నారు.
నంద్రి బర్గర్ వేసిన ఆరో ఓవర్‌లో 16 పరుగులు రాగా.. హార్దిక్‌ మూడు ఫోర్లు బాదాడు.
6 ఓవర్లకు స్కోరు 46/4. తిలక్ వర్మ (12) పరుగులతో ఉన్నాడు.

01/04/2024 19:49(IST)

Mumbai vs Rajasthan: మూడు వికెట్లు కోల్పోయిన ముంబయి

ట్రెంట్ బౌల్ట్ విజృంభిస్తున్నాడు. తన తొలి ఓవర్‌లో రోహిత్, నమన్ ధీర్‌ను ఔట్ చేసిన అతడు.. తాజాగా మరో వికెట్ పడగొట్టాడు.
అతడు వేసిన 2.2 ఓవర్‌కు ఇంపాక్ట్ ప్లేయర్ డెవాల్డ్ బ్రెవిస్ (0) నంద్రి బర్గర్‌కు క్యాచ్‌ ఇచ్చాడు.
ఆసక్తికర విషయం ఏంటంటే.. బౌల్ట్ బౌలింగ్‌లో ఔటైన ముగ్గురూ గోల్డెన్‌ డక్ అయ్యారు.
3 ఓవర్లకు స్కోరు 16/3. తిలక్ వర్మ (2), ఇషాన్‌ కిషన్ (12) పరుగులతో ఉన్నారు.

01/04/2024 19:46(IST)

Mumbai vs Rajasthan: రెండో ఓవర్‌.. ఇషాన్‌ కిషన్ సిక్స్, ఫోర్

నంద్రి బర్గర్ వేసిన రెండో ఓవర్‌లో 12 పరుగులు వచ్చాయి.

తొలి బంతికి సిక్సర్ బాదిన ఇషాన్‌ కిషన్ (11).. ఐదో బంతిని బౌండరీకి పంపాడు.

2 ఓవర్లకు స్కోరు 13/2. డేవాల్డ్ బ్రెవిస్ (0) క్రీజులో ఉన్నాడు.

01/04/2024 19:35(IST)

Mumbai vs Rajasthan: ప్రారంభమైన మ్యాచ్‌.. తొలి ఓవర్‌లో ముంబయికి గట్టి షాక్‌

టాస్‌ ఓడి బ్యాటింగ్‌కు దిగిన ముంబయికి తొలి ఓవర్‌లోనే గట్టి షాక్ తగిలింది.
రోహిత్ శర్మ (0) ఎదుర్కొన్న తొలి బంతికే వెనుదిరిగాడు.
ట్రెంట్ బౌల్ట్ వేసిన 0.5 బంతికి వికెట్ కీపర్ సంజు శాంసన్‌కు క్యాచ్‌ ఇచ్చాడు.

01/04/2024 19:20(IST)

Mumbai vs Rajasthan: ఇరుజట్ల ఇంపాక్ట్ సబ్‌స్టిట్యూట్‌లు వీరే

రాజస్థాన్‌: రోమన్‌ పొవెల్, తనుష్ కొటియన్, కుల్‌దీప్‌ సేన్, శుభమ్‌ దూబె, అబిద్ ముస్తాక్.

ముంబయి: డెవాల్డ్ బ్రెవిస్, నువాన్‌ తుషార, రోమారియో షెఫర్డ్, నేహల్ వధేరా, శామ్స్‌ ములాని.

01/04/2024 19:16(IST)

Mumbai vs Rajasthan: ముంబయి తుది జట్టులోకి ఆకాశ్ మధ్వల్

ముంబయి కూడా తుది జట్టులో ఒక మార్పు చేసింది. స్పిన్నర్‌ శామ్స్‌ ములానిని పక్కనపెట్టి పేసర్ ఆకాశ్‌ మధ్వల్‌కు చోటిచ్చింది.

హార్దిక్ పాండ్య (కెప్టెన్), ఇషాన్‌ కిషన్, రోహిత్ శర్మ, నమన్ ధిర్‌, తిలక్ వర్మ, టిమ్ డేవిడ్, గెరాల్డ్ కొయెట్జీ, పీయూష్‌ చావ్లా, ఆకాశ్‌ మధ్వల్, జస్‌ప్రీత్‌ బుమ్రా, క్వెనా మఫాకా

01/04/2024 19:11(IST)

Mumbai vs Rajasthan: రాజస్థాన్‌ తుది జట్టులో ఒక మార్పు

రాజస్థాన్‌ తుది జట్టులో ఒక మార్పు చేశారు. సందీప్‌ శర్మ ఫిట్‌గా లేకపోవడంతో అతడి స్థానంలో నంద్రి బర్గర్‌ను తీసుకున్నారు.

సంజు శాంసన్ (కెప్టెన్, వికెట్ కీపర్‌), యశస్వి జైస్వాల్, జోస్ బట్లర్, రియాన్ పరాగ్, ధ్రువ్ జురెల్, షిమ్రోన్‌ హెట్‌మయర్‌, అశ్విన్‌, ట్రెంట్ బౌల్ట్‌, అవేశ్‌ ఖాన్‌, నంద్రి బర్గర్, యుజువేంద్ర చాహల్.

01/04/2024 19:03(IST)

Mumbai vs Rajasthan: ముంబయితో మ్యాచ్‌.. టాస్‌ గెలిచిన రాజస్థాన్

ఐపీఎల్ 17 సీజన్‌లో భాగంగా మరికాసేపట్లో ముంబయి, రాజస్థాన్‌ జట్ల మధ్య మ్యాచ్‌ జరగగనుంది.
రాజస్థాన్‌ కెప్టెన్ సంజు శాంసన్ టాస్‌ గెలిచి తొలుత ప్రత్యర్థి జట్టుకు బ్యాటింగ్ అప్పగించాడు.

01/04/2024 18:40(IST)

Mumbai vs Rajasthan: ఇరుజట్ల మధ్య 28 మ్యాచ్‌లు.. ఎవరిది ఆధిపత్యం?

ఐపీఎల్ చరిత్రలో ముంబయి, రాజస్థాన్‌ మధ్య ఇప్పటివరకు 28 మ్యాచ్‌లు జరిగాయి.
ఇందులో 15 మ్యాచ్‌ల్లో ముంబయి విజయం సాధించగా.. 12 మ్యాచ్‌ల్లో రాజస్థాన్‌ నెగ్గింది. ఒక మ్యాచ్‌లో ఫలితం తేలలేదు.

01/04/2024 16:26(IST)

Mumbai vs Rajasthan: తుది జట్లు (అంచనా)

ముంబయి: ఇషాన్‌ కిషన్ (వికెట్ కీపర్), రోహిత్ శర్మ, నమన్‌ ధిర్, తిలక్‌ వర్మ, హార్దిక్‌ పాండ్య (కెప్టెన్), టిమ్ డేవిడ్, గెరాల్డ్ కోయెట్జీ, శామ్స్‌ ములాని, పీయూష్‌ చావ్లా, జస్‌ప్రీత్ బుమ్రా, క్వెనా మపాకా

రాజస్థాన్‌: యశస్వి జైస్వాల్, జోస్ బట్లర్, సంజూ శాంసన్‌ (కెప్టెన్/వికెట్ కీపర్), రియాన్ పరాగ్, షిమ్రోన్ హెట్‌మయర్, ధ్రువ్ జురెల్, రవిచంద్రన్ అశ్విన్, ట్రెంట్ బౌల్ట్, యుజ్వేంద్ర చాహల్, సందీప్ శర్మ, అవేశ్‌ ఖాన్

01/04/2024 16:24(IST)

రాజస్థాన్‌తో మ్యాచ్‌.. హార్దిక్‌కు కఠిన పరీక్ష.. ముంబయి బోణీ కొట్టేనా?

తొలి మ్యాచ్‌లో గెలుపు ముంగిట బోల్తా కొట్టింది.. రికార్డు స్కోర్లు నమోదైన మ్యాచ్‌లోనూ విజయం వరకూ వచ్చినా ఓటమి తప్పలేదు. ముచ్చటగా మూడో మ్యాచ్‌ కోసం సిద్ధమైంది. ఐపీఎల్ 17వ సీజన్‌లో ఇప్పటి వరకు పాయింట్ల ఖాతా తెరవని ఏకైక జట్టు ముంబయి. ఇవాళ రాజస్థాన్‌తో ముంబయిలో తలపడనుంది. పూర్తి వార్త కోసం క్లిక్‌ చేయండి

App

ముంబయి X రాజస్థాన్‌ ఐపీఎల్ మ్యాచ్‌ లైవ్‌ అప్‌డేట్స్‌

తాజా వార్తలు (Latest News)

50MP సెల్ఫీ కెమెరాతో వివో కొత్త ఫోన్‌.. 4 ఏళ్ల సెక్యూరిటీ అప్‌డేట్స్‌

పింఛను దారులను అష్టకష్టాలు పెడుతున్న జగన్‌

చెన్నైకి షాక్‌ తప్పదా.. ఐదుగురు బౌలర్ల గైర్హాజరీపై ఫ్లెమింగ్‌ ఏమన్నాడంటే?

4 కంటైనర్లలో రూ.2వేల కోట్లు పట్టివేత!

సిద్ధార్థ్‌తో నిశ్చితార్థం.. అందుకే వెల్లడించాల్సి వచ్చింది: అదితిరావు

లైంగిక దౌర్జన్యం కేసు.. ప్రజ్వల్‌ రేవణ్ణపై లుక్‌అవుట్‌ నోటీసు

సుఖీభవ

చదువు