Breaking | Feedback | ePratibha | E-PAPER | Pratibha

IND vs ZIM: జింబాబ్వేపై ఘన విజయం.. అగ్రస్థానంతో సెమీస్‌కు భారత్‌

జింబాబ్వేపై విజయంతో గ్రూప్ - 2లో భారత్‌ అగ్రస్థానానికి చేరింది. జింబాబ్వేపై 60 పరుగుల తేడాతో విజయం సాధించింది. తొలుత టీమ్‌ఇండియా 20 ఓవర్లలో 186/5 స్కోరు చేయగా.. అనంతరం లక్ష్య ఛేదనలో జింబాబ్వే 115 పరగులకు కుప్పకూలింది. బర్ల్ (35), సికందర్ రజా (34) పోరాడిన ప్రయోజనం లేదు. భారత బౌలర్లలో రవిచంద్రన్ అశ్విన్ 3, హార్దిక్ 2, షమీ 2.. అర్ష్‌దీప్‌, భువనేశ్వర్‌ కుమార్‌, అక్షర్ పటేల్ తలో వికెట్ తీశారు. ఇంగ్లాండ్‌తో నవంబర్ 10న టీమ్‌ఇండియా రెండో సెమీఫైనల్‌ మ్యాచ్‌లో తలపడనుంది.

Updated : 06 Nov 2022 17:30 IST

06/11/2022 16:52(IST)

భారత్‌ విజయం

జింబాబ్వేపై టీమ్‌ఇండియా 71 పరుగుల తేడాతో ఘన విజయం సాధించింది. దీంతో గ్రూప్ -2లో అగ్రస్థానం దక్కించుకొని సెమీస్‌కు దూసుకెళ్లింది. అక్షర్ పటేల్ వేసిన (17.2వ ఓవర్) బంతిని ఆడబోయిన చతార (4) బౌలర్‌కే క్యాచ్‌ ఇచ్చి పెవిలియన్‌కు చేరాడు. దీంతో 115 పరుగుల వద్ద జింబాబ్వే చివరి వికెట్‌ను చేజార్చుకొంది.

06/11/2022 16:46(IST)

రజా దొరికేశాడు

జింబాబ్వే బ్యాటర్లలో కీలకమైన సికందర్ రజా (34) పెవిలియన్‌కు చేరాడు. హార్దిక్ పాండ్య బౌలింగ్‌లో (16.4 ఓవర్లలో) షాట్‌కు యత్నించి బౌండరీ లైన్‌ వద్ద సూర్యకుమార్‌ చేతికి చిక్కాడు. దీంతో జింబాబ్వే 111 పరుగుల వద్ద 9వ వికెట్‌ను కోల్పోయింది.

06/11/2022 16:41(IST)

మరొక వికెట్

అశ్విన్‌ సంధించిన బంతి (15.5వ ఓవర్‌) అనూహ్యంగా తిరిగి వికెట్లను తాకేయడంతో ఎన్‌గరవ (1) క్లీన్‌బౌల్డయ్యాడు. దీంతో 106 పరుగుల వద్ద జింబాబ్వే ఎనిమిదో వికెట్‌ను కోల్పోయింది. ఈ ఓవర్‌లో రెండు వికెట్లు తీయడంతోపాటు కేవలం రెండు పరుగులను మాత్రమే ఇచ్చాడు. దీంతో జింబాబ్వే స్కోరు 16 ఓవర్లకు 106/8. క్రీజ్‌లో సికందర్ రజా (31*), చతార ఉన్నారు.

06/11/2022 16:39(IST)

మసకద్జ పెవిలియన్‌కు..

జింబాబ్వే ఏడో వికెట్‌ను చేజార్చుకొంది. అశ్విన్‌ వేసిన బంతిని (15.1వ ఓవర్‌) ఆడబోయిన మసకద్జ (1) ఆన్‌సైడ్‌ ఫీల్డర్‌ రోహిత్ శర్మ చేతికి చిక్కాడు. దీంతో 104 పరుగుల వద్ద జింబాబ్వే ఏడో వికెట్‌ను చేజార్చుకొంది. అంతకుముందు 15వ ఓవర్‌లో అక్షర్ పటేల్ ఫోర్ సహా ఎనిమిది పరుగులు ఇచ్చాడు.

06/11/2022 16:32(IST)

బర్ల్‌ ఔట్‌

అశ్విన్‌ కీలక వికెట్‌ తీశాడు. దూకుడు మీదున్న బర్ల్‌ (32)ను క్లీన్‌బౌల్డ్‌ చేశాడు. 96 పరుగుల వద్ద (13.2 ఓవర్లు) జింబాబ్వే ఆరో వికెట్‌ను నష్టపోయింది. ఈ ఓవర్‌లో కేవలం రెండు పరుగులు మాత్రమే వచ్చాయి. దీంతో జింబాబ్వే స్కోరు 14 ఓవర్లకు 96/6. క్రీజ్‌లో సికందర్ రజా (23*), మసకద్జ ఉన్నారు.

06/11/2022 16:22(IST)

మళ్లీ సిక్స్‌, ఫోర్

ఈసారి వంతు అక్షర్‌ పటేల్‌ది. రివర్స్‌స్వీప్‌ చేసి మరీ బర్ల్ (21*) సిక్స్‌గా మలిచాడు. అంతకుముందు సికందర్ రజా (18*) ఫోర్‌ కొట్టాడు. మొత్తం 16 పరుగులను అక్షర్ సమర్పించాడు. దీంతో జింబాబ్వే స్కోరు 75/5కి చేరింది. ఇంకా 9 ఓవర్లలో జింబాబ్వే విజయానికి 112 పరుగులు కావాలి.

06/11/2022 16:16(IST)

అశ్విన్‌ను రఫ్పాడించారు..

10 ఓవర్లు: అశ్విన్‌ వేసిన ఈ ఓవర్‌లో బర్ల్‌ (14*), సికందర్ రజా (9*) చెరొక ఫోర్ బాదారు. మొత్తం 12 పరుగులు వచ్చాయి. దీంతో జింబాబ్వే స్కోరు 59/5కి చేరింది. ఈ క్రమంలో రజా టీ20 ఫార్మాట్‌లో మూడు పరుగుల మైలురాయిని అందుకొన్నాడు.

06/11/2022 16:04(IST)

సగం వికెట్లు

భారత బౌలర్ల ధాటికి జింబాబ్వే బ్యాటర్లు విలవిల్లాడుతున్నారు. కనీస పోరాటం కూడా చేయకుండా పెలిలియన్‌ బాటపడుతున్నారు. షమి వేసిన ఎనిమిదోఒ ఓవర్‌లో మూడో బంతికి టోనీ (5) ఎల్బీడబ్ల్యూగా వెనుదిరిగాడు. ఈ క్రమంలో జింబాబ్వే ఐదు వికెట్లు కోల్పోయి పీకల్లోతు కష్టాల్లో పడింది. ఈ ఓవర్‌లో 8 పరుగులు వచ్చాయి. దీంతో జింబాబ్వే స్కోరు 9 ఓవర్లకు 47/5. క్రీజ్‌లో బర్ల్‌, రజా ఉన్నారు.

06/11/2022 15:58(IST)

ఇంకో వికెట్

టీమ్‌ఇండియా బౌలర్లు విజృంభిస్తున్నారు. హార్ధిక్‌ వేసిన ఏడో ఓవర్లో నాలుగో బంతికి క్రెయిగ్ ఎర్విన్‌ (13) హార్దిక్‌కే క్యాచ్‌ ఇచ్చి ఔటయ్యాడు. 7 ఓవర్లకు జింబాబ్వే స్కోరు 32-4గా ఉంది. సికిందర్‌ రజా (1), టోనీ (1) క్రీజులో ఉన్నారు.

06/11/2022 15:54(IST)

మూడో వికెట్

జింబాబ్వే మూడో వికెట్ కోల్పోయింది. షమి వేసిన ఆరో ఓవర్‌లో నాలుగో బంతికి సిక్స్‌ బాదిన విలియమ్స్‌ (11) చివరి బంతికి భువనేశ్వర్‌కి క్యాచ్‌ ఇచ్చి పెవిలియన్‌ చేరాడు. 6 ఓవర్లు పూర్తయ్యేసరికి జింబాబ్వే 28-3 స్కోరుతో ఉంది.

06/11/2022 15:32(IST)

జింబాబ్వే రెండో వికెట్‌..

జింబాబ్వే రెండో వికెట్ కోల్పోయింది. అర్ష్‌దీప్‌ వేసిన రెండో ఓవర్‌లో నాలుగో బంతికి చకబ్వా (0) ఔటయ్యాడు. 2 ఓవర్లు పూర్తయ్యేసరికి జింబాబ్వే 3-2 స్కోరుతో ఉంది. సీన్‌ విలియమ్స్‌ (1), క్రెయిగ్ (0) క్రీజులో ఉన్నారు.

06/11/2022 15:23(IST)

జింబాబ్వేకి షాక్‌

భారీ లక్ష్య ఛేదనను ప్రారంభించిన జింబాబ్వేకి తొలి బంతికే షాక్‌ తగిలింది. భువనేశ్వర్‌ కుమార్‌ వేసిన మొదటి ఓవర్‌ ఫస్ట్‌ బంతికి మధెవెరె (0) ఇచ్చిన క్యాచ్‌ను విరాట్ కోహ్లీ అద్భుతంగా ఒడిసిపట్టాడు. 1 ఓవర్‌కు జింబాబ్వే 0-1 స్కోరుతో ఉంది. చకబ్వా (0), క్రెయిగ్ (0) క్రీజులో ఉన్నారు.

06/11/2022 15:09(IST)

సూర్య ఫిఫ్టీ.. భారత్‌ 186/5

భారత మిడిలార్డర్‌ బ్యాటర్ సూర్యకుమార్‌ (61*) హాఫ్ సెంచరీ పూర్తి చేశాడు. కేవలం 23 బంతుల్లోనే అర్ధశతకం చేశాడు. ఎన్‌గరవ వేసిన ఓవర్‌లో రెండు సిక్స్‌లు, ఫోర్ సహా 21 పరుగులు వచ్చాయి. దీంతో టీమ్ఇండియా స్కోరు 20 ఓవర్లకు ఐదు వికెట్ల నష్టానికి 186 పరుగులు చేసింది.

06/11/2022 15:02(IST)

పాండ్య, సూర్య చెరో ఫోర్

19 ఓవర్లు: ముజరబని వేసిన ఈ ఓవర్‌లో రెండు ఫోర్లు సహా 13 పరుగులు వచ్చాయి. ఇందులో సూర్యకుమార్ (43*), హార్దిక్‌ పాండ్య (18*) చెరొక ఫోర్ కొట్టారు. దీంతో భారత్‌ స్కోరు 165/4కి చేరింది. వీరిద్దరు కలిసి ఐదో వికెట్‌కు 63 పరుగులు జోడించారు.

06/11/2022 14:58(IST)

150 దాటేసింది

18 ఓవర్లు: భారత బ్యాటర్ల ధాటికి స్కోరు 150 దాటేసింది. సూర్యకుమార్‌ యాదవ్ (37*) చతార బౌలింగ్‌లో అద్భుతమైన సిక్స్‌తోపాటు ఫోర్ కొట్టాడు. మొత్తం 15 పరుగులు వచ్చాయి. దీంతో టీమ్ఇండియా స్కోరు 152/4. క్రీజ్‌లోసూర్యతోపాటు పాండ్య (11*) ఉన్నాడు.

06/11/2022 14:52(IST)

సూర్య దూకుడు..

17 ఓవర్లు: భారత మిడిలార్డర్‌ బ్యాటర్ సూర్యకుమార్ (24*) దూకుడు పెంచాడు. ఎన్‌గరవ వేసిన ఈ ఓవర్‌లో ఫోర్‌, సిక్స్‌ బాదేశాడు. మొత్తం 12 పరుగులు వచ్చాయి. దీంతో భారత్ స్కోరు 137/4కి చేరింది. మరోవైపు హార్దిక్ పాండ్య (9*) నిలకడగా ఆడుతున్నాడు.

06/11/2022 14:47(IST)

నాలుగు బౌండరీలు

16 ఓవర్లు: ముజరబని బౌలింగ్‌లో భారత్‌కు 18 పరుగులు వచ్చాయి. ఇందులో రెండు బౌండరీలు సూర్యకుమార్‌ యాదవ్ ( 14*) కొట్టగా.. ఒక ఫోర్‌ను హార్దిక్ పాండ్య (8*) బాదాడు. లెగ్‌బైస్‌ రూపంలో మరో బౌండరీ భారత్‌ ఖాతాలో చేరింది. దీంతో టీమ్ఇండియా స్కోరు 125/4.

06/11/2022 14:42(IST)

15 ఓవర్లకు 107/4

జింబాబ్వే బౌలర్లు కట్టుదిట్టంగా బంతులను సంధిస్తున్నారు. దీంతో ఓ వైపు వికెట్లు కోల్పోవడంతో పరుగులు సాధించడం కష్టంగా మారింది. ప్రస్తుతం 15 ఓవర్లకు భారత్‌ స్కోరు 107/4. క్రీజ్‌లో సూర్య (5*), పాండ్య (3*) ఉన్నారు. ఈ ఓవర్‌లో మసకద్జ కేవలం నాలుగు పరుగులను మాత్రమే ఇచ్చాడు.

06/11/2022 14:39(IST)

బర్ల్‌ సూపర్ క్యాచ్‌.. పంత్‌ ఔట్‌

వచ్చిన అవకాశాన్ని సద్వినియోగం చేసుకోవడంలో రిషభ్‌ పంత్ (3) విఫలమై నిరాశపరిచాడు. విలియమ్స్‌ బౌలింగ్‌లో (13.3 ఓవర్‌) షాట్‌కు యత్నించి బర్ల్‌ అద్భుతమైన క్యాచ్‌ పట్టడంతో ఔటయ్యాడు. 101 పరుగుల వద్ద నాలుగో వికెట్‌ను కోల్పోయింది. ఈ ఓవర్‌లో కేవలం ఐదు పరుగులు మాత్రమే వచ్చాయి. భారత్‌ స్కోరు 14 ఓవర్లకు 103/4. క్రీజ్‌లో హార్దిక్‌ (1*), సూర్యకుమార్ (4*) ఉన్నారు.

06/11/2022 14:30(IST)

ఫిఫ్టి కొట్టి.. పెవిలియన్‌కు

కేఎల్ రాహుల్‌ (51) అర్ధశతకం సాధించిన వెంటనే ఔటయ్యాడు. రజా బౌలింగ్‌లో సిక్స్‌తో హాఫ్‌ సెంచరీ పూర్తి చేసుకొన్న రాహుల్‌.. మరో భారీ షాట్‌కు యత్నించి మసకద్జ చేతికి చిక్కాడు. దీంతో 12.2 ఓవర్లలో భారత్‌ 95 పరుగుల వద్ద మూడో వికెట్‌ను నష్టపోయింది. ఈ ఓవర్‌లో మొత్తం 9 పరుగులు వచ్చాయి. దీంతో భారత్‌ స్కోరు 13 ఓవర్లకు భారత్‌ స్కోరు 98/3. ప్రస్తుతం క్రీజ్‌లో సూర్య (3*)తోపాటు రిషభ్‌ పంత్‌ (2*) ఉన్నాడు.

06/11/2022 14:27(IST)

విరాట్ ఔట్

12 ఓవర్లు: విరాట్ కోహ్లీ (26) పెవిలియన్‌కు చేరాడు. విలియమ్స్‌ బౌలింగ్‌లో (11.5 ఓవర్‌) షాట్‌కు యత్నించి రియాన్‌ చేతికి చిక్కాడు. దీంతో 87 పరుగుల వద్ద భారత్‌ రెండో వికెట్‌ను నష్టపోయింది. అనంతరం క్రీజ్‌లోకి వచ్చిన సూర్యకుమార్‌ (2*) పరుగుల ఖాతా తెరిచాడు. ప్రస్తుతం 12 ఓవర్లు ముగిసేసరికి టీమ్‌ఇండియా స్కోరు 89/2. క్రీజ్‌లో సూర్యతోపాటు రాహుల్ (45*) ఉన్నాడు.

06/11/2022 14:19(IST)

పది ఓవర్లు పూర్తి

పది ఓవర్లు పూర్తయ్యే సరికి భారత్‌ స్కోరు 79/1కి చేరింది. విరాట్ కోహ్లీ (22*), కేఎల్ రాహుల్ (41*) దూకుడుగా ఆడి స్కోరు బోర్డును నడిపించారు. వీరిద్దరు రెండో వికెట్‌ 52 పరుగులు జోడించారు. చతార వేసిన పదో ఓవర్‌లో ఎనిమిది పరుగులు వచ్చాయి.

06/11/2022 14:11(IST)

రాహుల్‌ జోరు

8 ఓవర్లు: రియాన్‌ బర్ల్‌ వేసిన ఈ ఓవర్‌లో కేఎల్ రాహుల్ (34*) అవుట్‌సైడ్‌ ఆఫ్‌ మీదుగా సిక్స్‌.. డీప్‌ వికెట్‌లో ఫోర్‌ కొట్టాడు. మొత్తం 14 పరుగులు వచ్చాయి. దీంతో భారత్ స్కోరు 68/1. క్రీజ్‌లో రాహుల్‌తోపాటు విరాట్ (18*) ఉన్నాడు.

06/11/2022 14:06(IST)

50 దాటిన స్కోరు

7 ఓవర్లు: కెప్టెన్‌ రోహిత్ శర్మ ఔటైనప్పటికీ.. కేఎల్ రాహుల్ (21*), విరాట్ కోహ్లీ (17*) కాస్త దూకుడుగా ఆడుతూ పరుగులు రాబడుతున్నారు. వెల్లింగ్టన్ వేసిన ఈ ఓవర్‌లో ఫోర్‌ సహా 8 పరుగులు వచ్చాయి. దీంతో భారత్‌ స్కోరు 54/1కి చేరింది.

06/11/2022 14:01(IST)

ముగిసిన పవర్‌ప్లే

భారత ఇన్నింగ్స్‌లో పవర్‌ ప్లే ముగిసింది. ఆరు ఓవర్లలో భారత్‌ వికెట్ నష్టానికి 46 పరుగులు చేసింది. ముజరబని వేసిన ఈ ఓవర్‌లో ఫోర్ సహా 10 పరుగులు వచ్చాయి. దీంతో టీమ్‌ఇండియా స్కోరు 46/1కి చేరింది. క్రీజ్‌లో విరాట్ (10*), రాహుల్ (20*) ఉన్నారు.

06/11/2022 13:51(IST)

రోహిత్ ఔట్

భారత్‌ కెప్టెన్‌ రోహిత్ శర్మ (15) మరోసారి నిరాశపరిచాడు. జింబాబ్వే బౌలర్‌ ముజరబని వేసిన (3.5వ ఓవర్‌) బంతిని షాట్‌ కోసం యత్నించి బౌండరీ లైన్‌ వద్ద మసకద్జ చేతికి చిక్కాడు. అనంతరం క్రీజ్‌లోకి వచ్చిన విరాట్ కోహ్లీ (4*) ఫోర్ కొట్టి పరుగుల ఖాతా తెరిచాడు. ప్రస్తుతం 4 ఓవర్లకు భారత్‌ స్కోరు 31/1. క్రీజ్‌లో విరాట్‌తోపాటు రాహుల్ (11*) ఉన్నాడు. ఈ ఓవర్‌లో 13 పరుగులు వచ్చాయి.

App

IND vs ZIM: జింబాబ్వేపై ఘన విజయం.. అగ్రస్థానంతో సెమీస్‌కు భారత్‌

తాజా వార్తలు (Latest News)

ఆంధ్ర వర్సిటీలో పోస్టల్‌ ఓటు కోల్పోయిన 150 మంది

మూసేవాలా హత్యకేసు నిందితుడు గోల్డీబ్రార్‌ మృతి

చందమామ ఆవలి భాగం నుంచి నమూనాల సేకరణ!

మృత్యువుతో గెలిచి.. పదిలో మెరిసి

వాట్సప్‌లో కొత్త ఖాతాల నుంచి సందేశాలు రావిక..?

#ఆఫీస్‌ పికాకింగ్‌.. కార్పొరేట్ ప్రపంచంలో మరో ట్రెండ్‌.. ఏమిటిది?

సుఖీభవ

చదువు