Breaking | Feedback | ePratibha | E-PAPER | Pratibha

News in Pics: చిత్రం చెప్పే విశేషాలు (09-10-2025)

నిత్యం మన చుట్టూ ఎన్నో సంఘటనలు జరుగుతూ ఉంటాయి. అందులోని కొన్ని ఆసక్తికరమైనవి మీకోసం..

By Photo News Team Updated : 09 Oct 2025 06:55 IST

Font size

ABC MEDIUM
ABC LARGE
ABC EXTRA LARGE

1/6

హిమాచల్‌ప్రదేశ్‌లోని లాహౌల్‌ స్పితి జిల్లా సిస్సులో బుధవారం మంచుతో నిండిపోయిన రహదారిపైనే వెళ్తున్న ద్విచక్ర వాహనదారులు

2/6

పైరు పంటలతో భూమికి పచ్చని రంగేసినట్లు కనిపిస్తున్న ఈ దృశ్యం కడప నగరంలోని దేవుని కడప చెరువు కింద ఆయకట్టు. కేసీ కాలువ నుంచి తరలివచ్చిన కృష్ణమ్మతో చెరువు పూర్తి సామర్థ్యంతో కళకళలాడుతోంది.

3/6

దండేపల్లి శివారులో బుధవారం ఉదయం పొగ మంచు ఆవరించింది. తెల్లవారినా మంచు తెరలు తొలగకపోవడంతో ఎటు చూసినా చీకటి కనిపించింది. వాహనదారులు లైట్‌ వెలుతురులో ప్రయాణం సాగించారు. రహదారికి ఇరువైపులా చెట్లు, పొలాలు కనిపించలేదు. డాబాల పైనుంచి చూస్తే గ్రామంలో ఎక్కడ చూసినా పొగ మంచు అలుముకుని ఉన్న దృశ్యాలు కనిపించాయి.

4/6

జడ్చర్లలో ఐసీడీఎస్‌ ప్రాజెక్టు ఆధ్వర్యంలో బుధవారం పోషణ మాసం కార్యక్రమం నిర్వహించారు. నియోజకవర్గంలోని 300 మంది అంగన్‌వాడీ టీచర్లు ఒకే రకమైన చీరలు ధరించి హాజరయ్యారు. డీడబ్ల్యూవో జరీనాబేగం సూచించిన అంశాలను శ్రద్ధగా విన్నారు.

5/6

వరల్డ్‌ పోస్టల్‌ డే పురస్కరించుకొని ఈ నెల 6 నుంచి 10 వరకు జాతీయ పోస్టల్‌ వారోత్సవాలు నిర్వహిస్తున్నారు. బుధవారం ఫిలాటెలి డేను పురస్కరించుకొని స్థానిక వెస్ట్‌ పోలీసుస్టేషన్‌లో హెడ్‌ కానిస్టేబుల్‌గా పనిచేస్తున్న తిమ్మాపురం సురేష్‌రెడ్డి.. తాను సేకరించిన స్టాంపులు, స్పెషల్‌ కవర్లు, నాణేలను ఓ ప్రైవేటు పాఠశాలలో ప్రదర్శనకు ఉంచారు. తిరుపతికి సంబంధించిన అనేక అంశాలతోపాటు ప్రముఖుల చిత్రాలతో విడుదల చేసిన స్టాంపులూ ఇందులో ఉన్నాయి.

6/6

తిరుమలలోని తితిదే ఉద్యాన శాఖ కార్యాలయం ఆవరణలో ఏర్పాటు చేసిన బెంచీలు ఆకట్టుకుంటున్నాయి. ఆ శాఖ డీడీ శ్రీనివాసులు దాతల సహకారంతో వీటిని వినూత్నంగా తయారు చేయించారు.

Tags :