Breaking | Feedback | ePratibha | E-PAPER | Pratibha

News in Pics: చిత్రం చెప్పే విశేషాలు (11-10-2025)

నిత్యం మన చుట్టూ ఎన్నో సంఘటనలు జరుగుతూ ఉంటాయి. అందులోని కొన్ని ఆసక్తికరమైనవి మీకోసం..

By Photo News Team Updated : 11 Oct 2025 06:41 IST

Font size

ABC MEDIUM
ABC LARGE
ABC EXTRA LARGE

1/11

ఓవైపు అనంత పద్మనాభ స్వామి కొలువై ఉన్న కొండ. మరో వైపు వంపుల వయ్యారంతో పరవళ్లు తొక్కుతున్న గోస్తనీ నది. ఇటీవల కురిసిన వర్షాలకు నది నిండుగా ప్రవహిస్తూ పొట్నూరు, మద్ది, కురపల్లి, మునివానిపేట ఆనకట్టల వద్ద జోరుగా ముందుకు సాగుతోంది.

2/11

3/11

హసన్‌పర్తి మండలంలోని అనంతసాగర్‌ శివారు ఎస్సార్‌ విశ్వ విద్యాలయంలో శుక్రవారం నూతన విద్యార్థుల స్వాగత కార్యక్రమం అట్టహాసంగా నిర్వహించారు. వర్సిటీ ఛాన్స్‌లర్‌ వి.మహేశ్, ఆచార్యులు పి.వెంకట రమణారావు, ఏవీవీ సుధాకర్‌ వేడుకను ప్రారంభించారు. ఈ సందర్భంగా విద్యార్థుల సాంస్కృతిక కార్యక్రమాలు అదరహో అనిపించాయి. అమ్మాయిల ర్యాంప్‌ వాక్‌ ఆకట్టుకుంది. సినీ గాయకులు దామిని బాట్ల, అర్జున్‌ విజయ్‌ తమ పాటలతో ఉర్రూతలూగించారు. వారి గళానికి విద్యార్థులు పాదం కదిపారు. కార్యక్రమం రాత్రి వరకు ఉత్సాహంగా సాగింది.

4/11

నల్లమల అటవీ ప్రాంతంలో కనుచూపు మేర విస్తరించిన పచ్చని గుట్టలు.. ఇరువైపులా సాగవుతున్న పంట పొలాలు.. నడుమ వంకలు తిరిగి పాములా వయ్యారంగా ఉన్న రోడ్డు.. ఇలా ఆ దారిలో సాగిపోతుంటే మనసుకు ఎంతో హాయి.. ఆ అనుభూతి మాటల్లో చెప్పలేం కదండీ.. సాగర్‌ వెనకజలాలు విస్తరించిన నేరెడుగొమ్ము మండలంలోని బుగ్గతండా నుంచి దేవరకొండకు వెళ్లే మార్గం ఇది. దీనికి సమీపంలోని పర్యాటక ప్రాంతం వైజాగ్‌ కాలనీ పర్యాటకులను విశేషంగా ఆకట్టుకుంటుంది.

5/11

కొంత కాలంగా కురుస్తున్న వర్షాలకు గ్రామీణ ప్రాంతాల్లోని రహదారుల్లో రెండువైపులా పెద్దఎత్తున పొదలు పెరిగాయి. కొన్ని చోట్ల రహదారిని సగానికిపైగా ఆక్రమించేశాయి. మలుపుల వద్ద మరీ ప్రమాదకరంగా మారాయి. ఎదురుగా ఎవరు వస్తున్నారనేది తెలియడం లేదు. పలు చోట్ల ప్రమాదాలు జరుగుతున్నాయి. ఇప్పటికైనా ఇలాంటి రహదారులపై దృష్టి సారించాల్సిన అవసరం ఉంది.

6/11

సికింద్రాబాద్‌ రైల్వేస్టేషన్‌ ప్రధాన రహదారి ఇరుకుగా మారింది. బస్సులు మలుపు తిరిగేందుకు, ప్రయాణికులను ఎక్కించుకునేందుకు ఇబ్బందులు తలెత్తుతున్నాయి. బస్సులు, ఆటోలు, ద్విచక్ర వాహనాలతో ఈ ప్రాంతం నిత్యం రద్దీతో ఉంటుంది. నూతన స్టేషన్‌ నిర్మాణం పూర్తయితే..రాకపోకలు మరింత పెరిగి ట్రాఫిక్‌ తిప్పలు మరింత పెరిగే అవకాశం ఉంది.

7/11

8/11

9/11

అటు ఫ్యాషన్‌ షో.. ఇటు నృత్యాలతో విద్యార్థినులు ఆకట్టుకున్నారు. రాయదుర్గంలోని ఫుట్‌ వేర్‌ డిజైన్‌ అండ్‌ డెవలప్‌మెంట్‌ ఇన్‌స్టిట్యూట్‌లో ‘ఇబ్తిదా’ వేడుకలు శుక్రవారం ముగిశాయి. స్వయంగా వారే డిజైన్‌ చేసిన వస్త్రాలను ధరించి ర్యాంప్‌ వాక్‌ చేసి అలరించారు.

10/11

నగర శివారు తారామతిపేట్‌ ఔటర్‌ ఎగ్జిట్‌ 10 సమీపంలోని మూసీ కాలువ వద్ద గురువారం అర్ధరాత్రి భారీ మొసలి ఉన్నట్లు స్థానికులు గుర్తించారు.అటవీ శాఖ, జూపార్కు సిబ్బంది వచ్చి సుమారు 120 కిలోల బరువున్న మొసలిని బంధించి జూపార్కుకు తరలించారు.

11/11

ప్రపంచంలో రెండో అతిపెద్ద లోహ విహంగమైన అంటొనొవ్‌ ఏఎన్‌-124 రుస్లాన్‌ కార్గో విమానం శంషాబాద్‌ విమానాశ్రయంలో శుక్రవారం తొలిసారిగా దిగింది. జీహెచ్‌ఐఏఎల్‌ అధికారులు ఘన స్వాగతం పలికారు. దీనికి నాలుగు ఇంజిన్లు ఉంటాయని, ఆగకుండా 4,650 కిలోమీటర్లు ప్రయాణించగలదని అధికారులు తెలిపారు.

Tags :