Breaking | Feedback | ePratibha | E-PAPER | Pratibha

News in Pics: చిత్రం చెప్పే విశేషాలు (22-10-2025)

నిత్యం మన చుట్టూ ఎన్నో సంఘటనలు జరుగుతూ ఉంటాయి. అందులోని కొన్ని ఆసక్తికరమైనవి మీకోసం..

By Photo News Team Updated : 22 Oct 2025 06:27 IST

Font size

ABC MEDIUM
ABC LARGE
ABC EXTRA LARGE

1/6

భాగ్యనగరంలో దీపావళి వేడుకలు వైభవంగా నిర్వహించారు. ఇళ్లు, వ్యాపార సముదాయాల్లో ప్రత్యేక పూజలు చేసి మిఠాయిలు పంపిణీ చేశారు. చిన్నాపెద్ద తేడా లేకుండా టపాసులు కాలుస్తూ సంబరాల్లో మునిగి తేలారు. చార్మినార్‌ భాగ్యలక్ష్మీ మాత ఆలయంలో మంగళవారం ప్రత్యేక పూజలు జరిపారు. అమ్మవారి ఖజానా కానుకగా భక్తులు నాణేలు స్వీకరించారు.

2/6

హైదరాబాద్‌: త్వరలో సెయిలింగ్‌ క్లబ్‌ ఆధ్వర్యంలో హుస్సేన్‌సాగర్‌లో జరగనున్న కయాకింగ్‌ పోటీలకు క్రీడాకారులు శిక్షకుల సాయంతో రోజూ ముమ్మరంగా సాధన చేస్తున్నారు. మంగళవారం కనిపించిందీ చిత్రం.

3/6

దీపావళి రోజు ఆకాశంలో అద్భుతం చోటుచేసుకుంది. శివలింగం.. దాని ఎదురుగా నంది మాదిరి మేఘాలు ఆవిష్కృతమయ్యాయి. చూపరులను ఆకట్టుకున్న ఈ దృశ్యాన్ని నాగర్‌కర్నూల్‌లో ‘న్యూస్‌టుడే’ క్లిక్‌మనిపించింది.

4/6

‘దీపావళి’ వెలుగుల్లో విశాఖ మహానగరం వెలిగిపోయింది. పండగ రోజు రాత్రి నగర వాసులు కాల్చిన బాణసంచా కాంతుల్లో మెరిసిపోయింది. భారీ భవనాలు, కొండలపైనుంచి తిలకించిన ప్రజలు మురిసిపోయారు. ఓ వైపు బాణసంచా కాంతులు, మరో వైపు విద్యుద్దీపాల ధగధగలతో సాగర తీర నగరం కళకళలాడింది.

5/6

శ్రీకాళహస్తి: కార్తిక మాసం సందర్భంగా శ్రీకాళహస్తీశ్వరాలయ గోపురాలు, ప్రాకారాలు దీప కాంతులతో వెలుగులు విరజిమ్ముతున్నాయి. సువర్ణముఖి తీరంలో ముక్కంటి ఆలయ గోపురాలు, ప్రాకారాల ప్రతిబింబాలు కనువిందు చేస్తున్నాయి.

6/6

అయినవిల్లి మండలం నల్లచెరువు వేంకటేశ్వరస్వామి ఆలయంలో దీపావళి సందర్భంగా సోమవారం దీపోత్సవం నిర్వహంచారు. ప్రాంగణమంతా వేలాది దీపాలు వెలిగించడంతో ఆ ప్రాంతమంతా దేదీప్యమానంగా వెలిగిపోయింది. ముందుగా స్వామివారికి భక్తులు ప్రత్యేక పూజలు నిర్వహించారు.

Tags :