CBSE: మోటూ పత్లూ.. ‘ఆదాయపు పన్ను దేవత’ కథ: CBSE వినూత్న ప్రయత్నం

By Features Desk Updated : 30 Oct 2025 20:57 IST

Ee

Font size

• ABC MEDIUM
• ABC LARGE
• ABC EXTRA LARGE

1 min read

ఇంటర్నెట్ డెస్క్‌: పాఠశాల విద్యార్థుల్లో ఆదాయపు పన్ను(Income Tax)పై అవగాహన కల్పించేందుకు సీబీఎస్‌ఈ బోర్డు(CBSE) వినూత్న ప్రయత్నానికి శ్రీకారం చుట్టింది. పాపులర్‌ కార్టూన్‌ పాత్రలైన ‘మోటూ పత్లూ’తో కామిక్‌ సిరీస్‌ను అందుబాటులోకి తీసుకొచ్చింది. ఆదాయపు పన్ను శాఖతో కలిసి దీనిపై అవగాహన పెంచేలా తెలుగు, ఇంగ్లిష్‌, హిందీ, తమిళం, గుజరాతీ భాషల్లో ఎనిమిది కామిక్‌ పుస్తకాల్ని పరిచయం చేస్తోంది. ఆజాదీ కా అమృత్ మహోత్సవ్‌లో భాగంగా ఆదాయ పన్ను శాఖ రూపొందించి వెబ్‌సైట్‌లో అందుబాటులో ఉంచిన ఎనిమిది కామిక్‌ పుస్తకాలివే..

• మోటూ పత్లూ- చట్టానికి కట్టుబడి ఉండటం వల్ల ప్రయోజనాలు
• మోటూ పత్లూ- అభివృద్ధి చెందిన భారతదేశం
• మోటూ పత్లూ- కలిసి ముందుకు సాగుదాం
• మోటూ పత్లూ- ఆన్‌లైన్‌ జీవితం
• మోటూ పత్లూ- భయంపై విజయం
• మోటూ పత్లూ-ఆదాయపు పన్ను కథ
• మోటూ పత్లూ-ఆదాయపు పన్ను దేవత
• మోటూ పత్లూ- పాన్‌కార్డు కథ

దేశ అభివృద్ధిలో ఆదాయపు పన్ను పాత్రపై విద్యార్థుల్లో అవగాహన కల్పించేలా తీసుకొచ్చిన ఈ కామిక్‌ సిరీస్‌లను ఆదాయపు పన్ను శాఖకు చెందిన పబ్లిక్‌ రిలేషన్స్‌, పబ్లికేషన్స్‌ విభాగం రూపొందించింది. వీటిని విద్యార్థులు, ఉపాధ్యాయులు, తల్లిదండ్రులతో పాటు ప్రజల్లో విస్తృతంగా ప్రచారం చేయాలని తన అనుబంధ పాఠశాలలను సీబీఎస్‌ఈ కోరింది.