CUET PG Results: సీయూఈటీ(పీజీ) పరీక్ష ఫలితాలు విడుదల

విశ్వవిద్యాలయాల్లో పీజీ కోర్సుల్లో ప్రవేశాలకు నిర్వహించిన కామన్‌ యూనివర్సిటీ ఎంట్రన్స్‌ టెస్టు (CUET-PG) ఫలితాలు వచ్చేశాయి. ఈ ఫలితాలను గురువారం రాత్రి ఎన్‌టీఏ అధికారులు విడుదల చేశారు. అభ్యర్థులు దరఖాస్తు చేసుకున్న విశ్వవిద్యాలయాల జాబితాను కూడా ఫలితాలతో కలిపి ఇచ్చారు. పూర్తి సమాచారం కోసం విద్యార్థులు సంబంధిత విశ్వవిద్యాలయాలతో సంప్రదించవచ్చని ఎన్టీఏ సీనియర్‌ డైరెక్టర్‌ సాధన పరశర్‌ పేర్కొన్నారు. స్కోర్‌ కార్డ్‌ ఆధారంగా యూనివర్సిటీలు కౌన్సిలింగ్‌పై నిర్ణయం తీసుకుంటాయని ఎన్టీఏ తెలిపింది. జూన్‌లో దేశవ్యాప్తంగా 295 నగరాలు, విదేశాల్లోని 24 సిటీల్లో నిర్వహించిన ఈ పరీక్షకు 8.7లక్షల మంది హాజరయ్యారు. ఫలితాలను https://cuet.nta.nic.in/లో చెక్‌చేసుకోవచ్చు.