చిన్నారి.. పొన్నారి.. నెమలి!
నెమలి ఎంతో అందమైన పక్షి..! దాని అందమంతా ఈకల్లోనే ఉంటుంది. అది పురివిప్పితే మరింత అందంగా కనిపిస్తుంది. ఈ బుజ్జి పక్షిలో కూడా కొన్ని నెమలి లక్షణాలు అగుపిస్తున్నాయి కదూ! ఇంతకీ ఈ పిట్ట పేరేంటి? ఇది నెమలిలా ఎందుకు ఉందో..
నెమలి ఎంతో అందమైన పక్షి..! దాని అందమంతా ఈకల్లోనే ఉంటుంది. అది పురివిప్పితే మరింత అందంగా కనిపిస్తుంది. ఈ బుజ్జి పక్షిలో కూడా కొన్ని నెమలి లక్షణాలు అగుపిస్తున్నాయి కదూ! ఇంతకీ ఈ పిట్ట పేరేంటి? ఇది నెమలిలా ఎందుకు ఉందో.. తెలుసుకోవాలని ఉంది కదా! అయితే ఈ కథనం చదివేయండి. మీకే తెలుస్తుంది.
నెమలిలాంటి ఈ పక్షి పేరు మలయన్ పికాక్- ఫెసెంట్. దీని తోక నెమలితో పోల్చుకుంటే చాలా చిన్నగా ఉంటుంది. మలేషియా, థాయిలాండ్, మయన్మార్, సుమత్రా, సింగపూర్లాంటి దేశాల్లో ఇవి జీవిస్తూ ఉంటాయి. వీటిలో మగవి 50 సెంటీమీటర్ల పొడవు పెరుగుతాయి. వీటి రెక్కలేమో 20 నుంచి 21 సెంటీమీటర్ల వెడల్పు ఉంటాయి. బరువేమో 600 నుంచి 700 గ్రాములు ఉంటాయి. ఆడ పక్షులు మగవాటి కన్నా కాస్త చిన్నగా ఉంటాయి. 40 సెంటీమీటర్ల పొడవు పెరుగుతాయి. తోకేమో 20 సెంటీమీటర్ల కన్నా తక్కువగా ఉంటుంది. రెక్కల పొడవేమో 18 సెంటీమీటర్లు ఉంటుంది. బరువేమో 450 నుంచి 550 గ్రాముల వరకు తూగుతుంది.
కాస్త సిగ్గెక్కువ!
పికాక్ ఫెసెంట్ పక్షికి కాస్త సిగ్గు ఎక్కువ. గుంపులుగా కాకుండా ఈ పక్షులు సాధ్యమైనంత వరకు ఒంటరిగా ఉండేందుకే ఇష్టపడతాయి. మనుషులు, జంతువులు, ఇతర పక్షుల అలికిడి వినిపిస్తే చాలు దూరంగా వెళ్లిపోతాయి. అడవుల నరికివేత, పారిశ్రామికీకరణ, పట్టణీకరణ వల్ల వీటి సంఖ్య రోజురోజుకూ తగ్గిపోతోంది. ప్రపంచవ్యాప్తంగా ఈ పక్షుల సంఖ్య పట్టుమని పదివేలు కూడా లేదు.
ఏం తింటాయంటే...
ఈ పక్షులు ఎక్కువగా చిన్న చిన్న పురుగులు, పండ్లు, విత్తనాలు, గింజల్ని ఆహారంగా తీసుకుంటాయి. ఆడ పక్షులు విడతకు ఒకటి, రెండు గుడ్లు పెడతాయి. 20 నుంచి 21 రోజుల తర్వాత వీటి నుంచి పిల్లలు బయటకు వస్తాయి. దాదాపు రెండు సంవత్సరాల వరకు పిల్ల పక్షుల ఆలనాపాలనా తల్లి, తండ్రి పక్షులు చూసుకుంటాయి. వీటి జీవితకాలం 11 నుంచి 18 సంవత్సరాల వరకు ఉంటుంది. ఇవీ బుజ్జి నెమలి విశేషాలు. భలే ఉన్నాయి కదూ!
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
అంత డబ్బు నా వద్ద లేదు: జాన్వీకపూర్
-
జేడీ వాన్స్ వ్యాఖ్యలు వైరల్.. తీవ్రంగా ఖండించిన ప్రముఖ నటి
-
మా బంధం ఎంతో స్పెషల్: కొత్త కోచ్ గంభీర్పై స్కై వ్యాఖ్యలు
-
సౌదీ అరేబియాలో దుర్భర జీవితం.. బాధితుడిని కాపాడిన మంత్రి లోకేశ్
-
అగ్నిపథ్ పథకంపై విపక్షాల విమర్శలు.. ఖండించిన మోదీ
-
మెక్సికన్ డ్రగ్ లార్డ్ ఇస్మాయిల్ ‘ఎల్ మాయో’ జంబాడ అరెస్ట్