ఆదివారమే దేశానికి పేరయ్యింది!

ఆదివారమే దేశానికి పేరయ్యింది!
డొమినిక

* డొమినిక.... పర్వతాలతో కూడిన బుల్లి ద్వీప దేశమిది. దీనికి తూర్పున అట్లాంటిక్‌ సముద్రం, పశ్చిమాన కరేబియన్‌ సముద్రం, ఫ్రెంచ్‌ ద్వీపాలైన గ్వాడెలూప్‌ ఉత్తరాన, మార్టినిక్యూ దక్షిణాన ఉంటాయి.
* ఈ దేశం చాలా చిన్నది. మన హైదరాబాద్‌ కన్నా కాస్త పెద్దగా ఉంటుందంతే.
* క్రిస్టఫర్‌ కొలంబస్‌ ఈ ద్వీప దేశాన్ని 1493లో దర్శించాడు. ఈయన అడుగుపెట్టింది ఆదివారం కావడంతో దీన్ని డొమినిక ద్వీపం అని పిలిచాడు.

‘డొమినిక’ అంటే లాటిన్‌ భాషలో ఆదివారం.

* ఈ దేశంలో పెద్ద నగరం రాజధాని రోసియు. జనాభాలో ఎక్కువ శాతం నివసించేది ఇక్కడే.

* ఈ దేశ జాతీయ పక్షి ‘సిసేరియో ప్యారట్‌’. ఇది ఇక్కడ మాత్రమే కనిపిస్తుంది.

* కాఫీ, పంచదారల ద్వారా ఈ దేశానికి ఎక్కువ ఆదాయం వస్తుంది.

* ఈ దేశంలో మొత్తం 365 నదులు, బోలెడు జలపాతాలు, అందమైన ఇసుక తీరాలు కనిపిస్తాయి.
* ప్రపంచంలో రెండో అతి పెద్ద వేడి నీటి సరస్సు ఉండేది ఇక్కడే. పేరు ‘బాయిలింగ్‌ లేక్‌’.
* రాతి యుగం నాటి ‘ఒరినొకొ’ తెగలు ఇక్కడ మొదటి సారిగా అడుగుపెట్టాయి.

* జెండా: పసుపు రంగు స్థానిక మూల వాసులకు, నలుపు రంగు సారవంతమైన భూములకు, తెలుపు స్వచ్ఛమైన నీటికి గుర్తులు. మధ్యలో ఉన్న నక్షత్రాలు ద్వీపాలకు చిహ్నం.

* దేశం: డొమినిక
* రాజధాని: రోసియు
* జనాభా: 72,660
* విస్తీర్ణం: 750 చదరపు కిలోమీటర్లు
* భాష: ఆంగ్లం
* కరెన్సీ: తూర్పు కరేబియన్‌ డాలర్‌
* అతి ఎత్తయిన పర్వతం ‘మోర్నె డియాబ్లొటిన్‌’. ఇది సుమారు అయిదు వేల అడుగుల ఎత్తు ఉంటుంది.
* ఇక్కడ ఉమ్మడి కుటుంబాలు ఎక్కువ.
* చురుకైన అగ్నిపర్వతాల సంఖ్య ప్రపంచం మొత్తంలో ఇక్కడే ఎక్కువ.
* 75 రకాల ఆర్కిడ్లు, 50 రకాల సీతాకోకచిలుకలు, 176 రకాల పక్షులు కనిపిస్తాయిక్కడ.
* సమృద్ధిగా ఉండే వృక్ష జంతుజాలాల వల్ల ఈ దేశాన్ని ‘కరేబియన్‌ సముద్రపు సహజ ద్వీపం’గా పిలుస్తారు.