Chandra babu: నా కోసం ప్రజల్ని ఇబ్బంది పెట్టొద్దు.. భద్రతాధికారులకు చంద్రబాబు ఆదేశం

బారికేడ్లు, పరదాలు, దుకాణాలు  మూత.. పోకడలకు స్వస్తి చెప్పాలని సూచన

ఈనాడు డిజిటల్, అమరావతి: భద్రతా కారణాల పేరుతో బారికేడ్ల ఏర్పాటు, పరదాలు కట్టడం, దుకాణాల బంద్, రోడ్ల మూసివేత వంటి పోకడలకు ఇకనుంచి స్వస్తి పలకాలని తెదేపా అధినేత, కాబోయే ముఖ్యమంత్రి చంద్రబాబు ఆదేశించారు. భద్రత పేరుతో ప్రజలను వేధించవద్దని స్పష్టం చేశారు. ఎన్డీయే సమావేశం కోసం గురువారం రాత్రి దిల్లీ బయల్దేరిన ఆయన...వాహనశ్రేణి వెళ్లే మార్గంలో ట్రాఫిక్‌ను ఎక్కువ సేపు నిలపొద్దని తన ముఖ్యభద్రతాధికారికి సూచించారు. తక్షణం ఈ ఆదేశాలను సంబంధిత అధికారులకు తెలియజేయాలన్నారు. దీంతో చంద్రబాబు బయల్దేరే ముందే విజయవాడ సీపీ, గుంటూరు ఎస్పీలకు చంద్రబాబు భద్రతా సిబ్బంది సమాచారం ఇచ్చారు.