మహాత్ముడు మన్నించినా.. ప్రజలు క్షమించరు!

గాంధీ విగ్రహంపైకి చెప్పులతో ఎక్కిన వైకాపా కార్యకర్తలు

నందిగామ, న్యూస్‌టుడే: ఎన్టీఆర్‌ జిల్లా నందిగామలో వైకాపా అభ్యర్థి మొండితోక జగన్మోహనరావు నామినేషన్‌ ర్యాలీ సందర్భంగా బుధవారం ఆ పార్టీ నాయకులు, కార్యకర్తలు హంగామా సృష్టించారు. ఎన్నికల నిబంధనలు అతిక్రమించి ర్యాలీ, సభ నిర్వహించారు. వైకాపా జెండాలు పట్టుకొని గాంధీ విగ్రహంపైకి చెప్పులతో ఎక్కారు. విగ్రహంపై కూర్చున్నారు. నానా యాగీ చేశారు. అక్కడే ఏసీపీ రవికిరణ్‌, సీఐ, ఎస్సైలు ఉన్నా పట్టించుకోలేదు. బాణసంచాలు, డీజేలతో హోరెత్తించారు. పార్టీ జెండాలు కట్టిన వాహనాలను పురపాలక సంఘ కార్యాలయం ప్రాంగణంలో నిలిపారు. కార్యకర్తలు గోడ దూకి ఆర్డీవో కార్యాలయంలోకి ప్రవేశించారు. ఫిర్యాదులు రావడంతో చివరికి అధికారులు డీజే వాహనాలను స్వాధీనం చేసుకున్నారు.