భోగాపురం విమానాశ్రయ పనులను పరిశీలించిన సీఎస్‌

సీఎస్‌ జవహర్‌రెడ్డికి పనుల వివరాలను తెలుపుతున్న జీఎంఆర్‌ ప్రతినిధులు 

భోగాపురం, న్యూస్‌టుడే: విజయనగరం జిల్లా భోగాపురంలో అంతర్జాతీయ విమానాశ్రయ నిర్మాణ పనులను మరింత వేగవంతం చేయాలని సీఎస్‌ జవహర్‌రెడ్డి ఆదేశించారు. సోమవారం జిల్లాకు వచ్చిన ఆయన విమానాశ్రయ పనులను పరిశీలించారు. టెర్మినల్‌ భవనంతో పాటు, రన్‌వే, ఏటీసీ కేంద్రాలు, ఇతర నిర్మాణాలను చూశారు. విమానాశ్రయానికి అవసరమైన భూములతో పాటు, ప్రహరీ నిర్మాణానికి సంబంధించిన మ్యాప్‌ను పరిశీలించారు. జీఎంఆర్‌ ప్రతినిధులతో సమీక్షించారు. జేసీ కె.కార్తీక్, ఆర్డీవో ఎం.వి.సూర్యకళ, తహసీల్దార్‌ శ్యాంప్రసాద్, జీఎంఆర్‌ సీఈవో మనోమయ్‌రాయ్, ప్రాజెక్ట్‌ ప్రధాన అధికారి బీహెచ్‌ రామరాజు ఉన్నారు. సీఎస్‌ వస్తున్న సమాచారాన్ని అధికారులు గోప్యంగా ఉంచారు.