అరాచక పాలన అంతం.. పురివిప్పిన ఆనందం!

వైకాపా ఓటమితో ప్రజలు సంబరాలు చేసుకుంటున్నారు. గత ఐదేళ్లలో ఆ పార్టీ నాయకుల చేతుల్లో దాడులకు గురైనవారు, బాధిత కుటుంబ సభ్యులు రోడ్లపైకి వచ్చి ఆనందం వ్యక్తం చేస్తున్నారు. ఈ చిత్రంలో కనిపిస్తున్న ఈమె పేరు కాళ్ల మధు. విజయనగరం జిల్లా కేంద్రంలోని అవనాపు వీధిలో నివాసముంటున్నారు. 2020లో ఈమె కుమారుడు కాళ్ల నారాయణరావుపై వైకాపా నాయకులు కత్తులతో దాడులకు దిగారు. వ్యక్తిగత కక్ష, వర్గపోరు కారణంగా దాడులు చేశారు. అప్పటి నుంచి మధు.. చంద్రబాబు సీఎం కావాలని దేవుళ్లకు మొక్కేవారు. కూటమి గెలవడంతో మంగళవారం ఇలా నడిరోడ్డుపైకి వచ్చి తీవ్ర భావోద్వేగానికి గురయ్యారు. స్టెప్పులేసి.. బిగ్గరగా అరుస్తూ ఇలా విజయ గళం వినిపించారు.

న్యూస్‌టుడే, విజయనగరం పట్టణం