తాజ్‌జీవీకే లాభం రూ.26 కోట్లు

ఈనాడు, హైదరాబాద్‌: తాజ్‌జీవీకే హోటల్స్‌ అండ్‌ రిసార్ట్స్‌ లిమిటెడ్‌ గత ఆర్థిక సంవత్సరం మార్చి త్రైమాసికానికి రూ.116 కోట్ల ఆదాయాన్ని, రూ.26 కోట్ల నికరలాభాన్ని ఆర్జించింది. 2022-23 ఇదేకాలంలో ఆదాయం రూ.106 కోట్లు, నికరలాభం రూ.14 కోట్లే ఉన్నాయి. దీంతో పోల్చితే ఈసారి నికరలాభం దాదాపు రెట్టింపైంది. గత ఆర్థిక సంవత్సరం (2023-24) పూర్తి కాలానికి  ఈ సంస్థ రూ.410 కోట్ల ఆదాయాన్ని, రూ.74 కోట్ల నికరలాభాన్ని నమోదు చేసింది. 2022-23లో ఆదాయం రూ.412 కోట్లు, నికరలాభం రూ.79 కోట్లు ఉన్నాయి. గత ఆర్థిక సంవత్సరం ఆదాయాలు స్థిరంగా ఉండగా, 4వ త్రైమాసికంలో కొంత మెరుగైన ఫలితాలు సాధించినట్లు తాజ్‌జీవీకే హోటల్స్‌ ఛైర్మన్‌ జీవీకే రెడ్డి వివరించారు.