Term Insurance: టర్మ్‌ బీమా ప్రీమియంలు ఎంతెంత?

ప్రతి ఒక్కరికి జీవిత బీమా చాలా అవసరం. ముఖ్యంగా, సంపాదించే వ్యక్తి(కుటుంబ పెద్ద) దురదృష్టకరమైన పరిస్థితుల్లో ఏ కారణం చేతనైనా మరణిస్తే..అతడిపై ఆధారపడిన కుటుంబానికి ఈ బీమా కొండంత అండగా ఉంటుంది. జీవిత బీమా పాలసీలలో అతి తక్కువ ప్రీమియంతో మంచి బీమా హామీ అందించగలిగేది టర్మ్ ప్లాన్. ట‌ర్మ్ ఇన్సూరెన్స్ పాల‌సీలో క‌వ‌రేజ్ మొత్తాన్ని అంచ‌నా వేసేట‌ప్పుడు..మీ ఆదాయం, ఆర్థిక ల‌క్ష్యాలు, భ‌విష్య‌త్‌ ద్ర‌వ్యోల్బ‌ణ రేటు లాంటివ‌న్నీ దృష్టిలో పెట్టుకోవాలి. మీ ప్ర‌స్తుత వార్షిక ఆదాయానికి 10-12 రెట్ల‌కు స‌మాన‌మ‌య్యే బీమా పాల‌సీని తీసుకుంటే మంచిద‌ని నిపుణులు స‌ల‌హా ఇస్తున్నారు. మీకు వ‌ర్తించే ప్రీమియం మీ వ‌య‌సు, ఆదాయం, జెండ‌ర్‌, పాల‌సీ ఫీచ‌ర్లు, మీరు ఎంచుకున్న బీమా సంస్థ నిర్దేశించిన ఇత‌ర ష‌ర‌తులపై ఆధార‌ప‌డి ఉంటుంది.

అయితే, ధూమ‌పానం(పొగ‌) అలవాటు ఉన్న వ్య‌క్తుల‌కైతే ప్రీమియం 50-80% ఎక్కువ ఉంటుంది. బీమా సంస్థలు ధూమపానం చేసేవారిని ‘అధిక ప్రమాదకర వ్యక్తులు'గా పరిగణిస్తాయి. 30 సంవత్స‌రాల కాలవ్య‌వ‌ధితో, రూ.50 లక్షల నుంచి రూ.1 కోటి వరకు ట‌ర్మ్ ఇన్సూరెన్స్ తీసుకోవాల‌నుకునే వారికి 13 ట‌ర్మ్ ఇన్సూరెన్స్ పాల‌సీల జాబితాను..సూచించే వార్షిక ఈఎంఐల‌ను దిగువ పట్టికలో అందిస్తున్నాం.

గమనిక: ధూమపానం చేసే వ్యక్తికి కొన్నిసార్లు, కొన్ని బీమా కంపెనీలు బీమా పాలసీని ఇవ్వకపోవచ్చు. సాధారణంగా, వీరికి ఆరోగ్య పరీక్షలు చేసే అవకాశం ఉంది. దాన్ని బట్టి నిర్ణయం తీసుకోవచ్చు.