‘నీ భార్యను అమ్మేసైనా డబ్బు కట్టాల్సిందే!’
బాకీ ఉన్న డబ్బు కోసం బెదిరించడంతో పాటు నీ భార్యను అమ్మేసైనా సొమ్ము కట్టాలంటూ వైకాపా నాయకులు అవమానించడంతో మనస్తాపానికి గురై మైనార్టీ వర్గానికి చెందిన చేనేత కార్మికుడు ఒకరు ఆత్మహత్యాయత్నానికి పాల్పడ్డారు.
చేనేత కార్మికుడికి వైకాపా నేతల బెదిరింపు
అవమానంతో మైనారిటీ వర్గీయుడి ఆత్మహత్యాయత్నం
ధర్మవరం, న్యూస్టుడే: బాకీ ఉన్న డబ్బు కోసం బెదిరించడంతో పాటు నీ భార్యను అమ్మేసైనా సొమ్ము కట్టాలంటూ వైకాపా నాయకులు అవమానించడంతో మనస్తాపానికి గురై మైనార్టీ వర్గానికి చెందిన చేనేత కార్మికుడు ఒకరు ఆత్మహత్యాయత్నానికి పాల్పడ్డారు. గురువారం శ్రీసత్యసాయి జిల్లా ధర్మవరంలో ఈ దారుణం జరిగింది. బాధితుడు ప్రస్తుతం ప్రభుత్వ ఆసుపత్రిలో చికిత్స పొందుతున్నారు. ఆయన కుటుంబ సభ్యులు తెలిపిన వివరాల మేరకు.. ధర్మవరం శాంతినగర్లో ఇలియాజ్ చేనేత మగ్గం నేస్తూ చీరల వ్యాపారం చేస్తుంటారు. అదే ప్రాంతానికి చెందిన వైకాపా వర్గీయులైన చీరల వ్యాపారులు తేజ, బాలకృష్ణ వద్ద 20 పట్టుచీరలు తీసుకున్నారు. వాటిలో 6 మాత్రమే అమ్ముడుపోగా, వాటికి మాత్రం డబ్బులు ఇచ్చి, మిగిలిన 14 చీరలను వెనక్కు ఇచ్చేస్తామని వ్యాపారులకు తెలిపారు.
అందుకు అంగీకరించని చీరల వ్యాపారులు తేజ, బాలకృష్ణ పంచాయితీ పెట్టించారు. ఈ మేరకు కౌన్సిలర్ నారాయణరెడ్డి, వైకాపా వర్గీయుడైన రెడ్డప్ప సోమవారం రాత్రి తన భర్తను బెదిరించారని ఆయన భార్య సల్మా తెలిపారు. ధర్మవరం రెండో పట్టణ పోలీసుస్టేషన్కు కూడా పిలిపించారని చెప్పారు. పోలీసు అధికారి చెప్పిన మేరకు మంగళవారం 14 చీరలు వ్యాపారులకు వెనక్కి ఇచ్చేశామని పేర్కొన్నారు. అయితే ఆ తరువాత వారు మళ్లీ వచ్చి తమకు రూ. 7 లక్షల విలువైన 41 చీరలు ఇవ్వాల్సి ఉందంటూ.. ఇలియాజ్తో బలవంతంగా తెల్లకాగితంపై రాయించుకున్నారని సల్మా ఆరోపించారు. తేజ బుధవారం నుంచి మరోసారి బెదిరింపులకు దిగారని, ‘నీ భార్యను అమ్మేసైనా డబ్బు కట్టాల్సిందే’ అని బెదిరించడంతో తీవ్ర మనస్తాపానికి గురైన తన భర్త విషం తాగి ఆత్మహత్యాయత్నం చేశారని ఆమె ఆవేదన వ్యక్తంచేశారు. దీనిపై పోలీసులకు ఫిర్యాదు చేశారు.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
నేటి రాశి ఫలాలు.. 12 రాశుల ఫలితాలు ఇలా... (27/07/24)
-
పావలా శ్యామలకు సాయిధరమ్ తేజ్ ఆర్థిక సాయం.. కన్నీరుపెట్టుకున్న నటి
-
మరింత తగ్గిన పసిడి ధర.. మీ నగరంలో ఎంతంటే?
-
ఇటలీలో పూజాహెగ్డే.. జిమ్లో రకుల్ప్రీత్.. సంయుక్త స్మైలీ సెల్ఫీ!
-
కొత్త హెడ్కోచ్గా ఆర్సీబీ మాజీ బ్యాటర్..! పంజాబ్ తలరాత మారేనా?
-
మీది తప్పు అనుకుంటే.. రిక్వెస్ట్ అనే వాడిని కాదు: హరీశ్ శంకర్