Crime News : ప్రియుడి మోజులో భర్తకు దూరం

ఖరగ్‌పూర్, న్యూస్‌టుడే: ఖరగ్‌పూర్‌ గ్రామీణంలో కుసుమద గ్రామానికి చెందిన వివాహిత ప్రియుడి మోజులో భర్తకు దూరమైంది. తీరా ప్రియుడి కుటుంబ సభ్యులు ఇంట్లోకి రానీయకపోవడంతో ఆత్మహత్యకు యత్నించగా గ్రామస్థులు కాపాడారు. పోలీసులు తెలిపిన వివరాల ప్రకారం.. సదరు యువతికి ఓ యువకుడితో వివాహం జరిగింది. పెళ్లయినా జగన్నాథ్‌ పూర్‌ గ్రామానికి చెందిన ప్రియుడితో రహస్యంగా గడిపేది. కొద్ది రోజులకు ఇది తెలుసుకున్న భర్త హెచ్చరించాడు. బుధవారం సాయంత్రం ఇదే విషయమై గొడవ జరిగింది. దీంతో ఆమె భర్తను విడిచి ప్రియుడి ఇంటికి వెళ్లిపోయింది. అతడి కుటుంబ సభ్యులు ఈమెను ఇంటిలోకి అనుమతించకపోవడంతో షాక్‌కు గురైంది. సమీపంలోని నదిలో దూకి ఆత్మహత్య చేసుకుంటానని పరుగులు తీసింది. గ్రామస్థులు పట్టుకుని పోలీసులకు అప్పగించారు. అందరినీ పిలిచి కౌన్సెలింగ్‌ ఇస్తామని పోలీసులు వెల్లడించారు.