ఐసీయూలోని మహిళపై అత్యాచారం

రాజస్థాన్‌లో ఘటన

జైపుర్‌: రాజస్థాన్‌లోని అల్వార్‌ జిల్లాలో దారుణం చోటుచేసుకుంది. ఓ ప్రైవేటు ఆసుపత్రిలోని ఐసీయూలో చికిత్స పొందుతున్న మహిళ(24)పై అత్యాచారానికి పాల్పడ్డాడు నర్సింగ్‌ అసిస్టెంట్‌. ఊపిరితిత్తుల ఇన్ఫెక్షన్‌తో బాధపడుతున్న మహిళకు మత్తుమందును అందించి నిందితుడు అత్యాచారం చేసినట్లు పోలీసులు తెలిపారు. మంగళవారం తెల్లవారుజామున 4 గంటల సమయంలో ఈ దారుణం జరిగింది. బాధితురాలి ఫిర్యాదు మేరకు కేసును నమోదు చేసుకున్న పోలీసులు నిందితుడిని చిరాగ్‌ యాదవ్‌గా గుర్తించారు. ఐసీయూలోని బాధితురాలి పడక దగ్గరకు నిందితుడు వెళ్లడం.. ఆ తర్వాత కర్టెన్లను మూసివేయడం సీసీటీవీ కెమెరాల్లో కనిపించినట్లు పోలీసులు వెల్లడించారు.