వ్యక్తికి గుండు కొట్టించి.. మూత్రం తాగించిన బంధువులు

గుణ: కొందరు కలిసి ఓ వ్యక్తి పట్ల అమానవీయంగా ప్రవర్తించిన ఘటన ఆలస్యంగా వెలుగుచూసింది. మధ్యప్రదేశ్‌లోని గుణ ప్రాంతానికి చెందిన కొందరికి బంధువు వరసయ్యే ఒకరితో కొద్దిరోజుల క్రితం గొడవ జరిగింది. ఈ నెల 22న అతడిని కిడ్నాప్‌ చేసి రాజస్థాన్‌కు ఎత్తుకెళ్లారు. అక్కడ అతడికి గుండు కొట్టించి.. మహిళల దుస్తులు తొడిగించి.. మెడలో చెప్పుల దండ వేసి.. మూత్రం తాగించారు. ఈ తతంగం మొత్తాన్ని వీడియో తీసిన నిందితులు.. దాన్ని సోషల్‌ మీడియాలో పోస్టు చేసి రూ.25 లక్షలు డిమాండ్‌ చేశారు. విషయం పోలీసుల దృష్టికి వెళ్లడంతో.. మూడు రోజుల్లోగా రూ.20 లక్షలు ఇవ్వాలని హెచ్చరించి బాధితుడిని వదిలేశారు. ఈ ఘటనలో మొత్తం ఏడుగురిపై కేసు నమోదైంది.