డిజిటల్‌ అరెస్టు బాధితుడు గుండెపోటుతో మృతి

పుణె: డిజిటల్‌ అరెస్టు మోసంలో సైబర్‌ నేరగాళ్ల చేతిలో రూ.1.2 కోట్లు పొగొట్టుకున్న పుణేకు చెందిన 83 ఏళ్ల వృద్ధుడు గుండెపోటుతో మరణించారు. ప్రభుత్వ విశ్రాంత అధికారి అయిన బాధితుడికి నెల క్రితం సైబర్‌ నేరగాళ్లు ఫోన్‌ చేసి మనీ లాండరింగ్‌ కేసులో తన పేరు ఉందంటూ బెదిరించారు. డిజిటల్‌ అరెస్టు పేరిట బాధితుడిని, ఆయన భార్యను ఇంటి నుంచి బయటకు వెళ్లకుండా కట్టడి చేశారు. పలు దఫాలుగా మొత్తం రూ.1.2 కోట్లు తమ ఖాతాల్లోకి బదిలీ చేయించుకున్నారు. అయితే, గతవారం బాధితుడు గుండెపోటుతో మరణించారు. ఆ వ్యక్తి మృతిచెందిన వారం తర్వాత అతడి భార్య పోలీసులను ఆశ్రయించారు. ఫిర్యాదు మేరకు కేసు నమోదు చేసుకొని దర్యాప్తు చేస్తున్నట్లు పోలీసులు తెలిపారు.