Heart Attack: వాకింగ్‌ చేస్తుండగా గుండెపోటు.. యువకుడి మృతి

రాజాం: వాకింగ్‌కు వెళ్లిన యువకుడు గుండెపోటుతో మృతిచెందాడు. ఈ ఘటన విజయనగరం జిల్లాలో చోటుచేసుకుంది. రాజాం మండలం మొగిలివలసకు చెందిన శ్రీహరి (28) శుక్రవారం ఉదయం వాకింగ్‌కు వెళ్లాడు. వాకింగ్‌ చేస్తుండగా ఆయనకు అకస్మాత్తుగా గుండెపోటు వచ్చింది. దీంతో ఒక్కసారిగా శ్రీహరి కుప్పకూలిపోయాడు. గుర్తించిన అగ్నిమాపక సిబ్బంది రాజాం ప్రభుత్వాసుపత్రికి తరలించారు. అక్కడ చికిత్స పొందుతూ యువకుడు మృతిచెందాడు. శ్రీహరి ఇంజినీరింగ్‌ పూర్తిచేసి పోటీ పరీక్షలకు సన్నద్ధమవుతున్నాడు. ఈ నేపథ్యంలో యువకుడు మృతిచెందడంతో కుటుంబసభ్యులు, బంధువులు కన్నీరుమున్నీరవుతున్నారు.