కళలకు నిలయం బాలకేంద్రం

ఆదిలాబాద్ సాంస్కృతికం: వివిధ భారతీయ కళలకు నిలయంగా బాలకేంద్రం నిలుస్తుందని జిల్లా విద్యాశాఖ కార్యాలయం సిబ్బంది ఉదయశ్రీ అన్నారు. విద్యాశాఖ ఆధ్వర్యంలో వేసవి శిక్షణ శిబిరం ప్రారంభోత్సవానికి ఆమె ముఖ్య అతిథిగా హాజరై మాట్లాడారు. 5 నుంచి 16 ఏళ్లలోపు బాల బాలికలకు శాస్త్రీయ నృత్యం, సంగీత వాయిద్యం, చిత్రలేఖనం, క్రాఫ్ట్, కరాటే వంటి అంశాలు ఉచితంగా శిక్షణ ఇవ్వనున్నట్లు తెలిపారు. తల్లిదండ్రులు ఈ వేసవి సెలవుల్లో తమ పిల్లలను బాలకేంద్రంలో శిక్షణ కోసం పంపించాలని కోరారు. ఈ కార్యక్రమంలో బాలకేంద్రం పర్యవేక్షకుడు మిట్టు రవి, శిక్షకులు దత్తు, తదితరులు పాల్గొన్నారు.