వైకాపా సర్కారును సాగనంపేందుకు జనం సిద్ధం

మోతుగూడెంలో కూటమి నాయకులు, కార్యకర్తలతో ప్రచారం నిర్వహిస్తున్న ఎమ్మెల్యే అభ్యర్థి శిరీషాదేవి

మోతుగూడెం, న్యూస్‌టుడే: వైకాపా అరాచక పాలనతో ప్రజలు విసిగిపోయారని రంపచోడవరం కూటమి అభ్యర్థి మిరియాల శిరీషాదేవి అన్నారు. వచ్చే ఎన్నికలో వైకాపా ప్రభుత్వాన్ని సాగనంపడానికి సిద్ధంగా ఉన్నారన్నారు. సోమవారం ఆమె నాయకులు, కార్యకర్తలతో కలిసి చింతూరు మండలం మోతుగూడెం, వై.రామవరం మండలం బొడ్డగండి గ్రామాల్లో ఇంటింటా ప్రచారం చేశారు. ఓటర్లను కలిసి సైకిల్‌ గుర్తుపై తనకు, కమలం గుర్తుపై ఎంపీగా కొత్తపల్లి గీతకు ఓట్లు వేసి గెలిపించాలని కోరారు. ఈ సందర్భంగా శిరీషాదేవి మాట్లాడుతూ చంద్రబాబు నాయకత్వంలో భాజపా, తెదేపా, జనసేన కూటమి అధికారంలోకి రావడం ఖాయమన్నారు. మేనిఫెస్టోలో ప్రకటించిన సూపర్‌ సిక్స్‌ పథకాలు అమలు చేస్తామని హామీ ఇచ్చారు. మోతుగూడెం, పొల్లూరు, ఫోర్‌బే, ఇంతులూరు వాగు, ఎంసీడీ, ఒడియా క్యాంపులు, డొంకరాయి, బొడ్డగండి పంచాయతీలోని గ్రామాల్లో భారీ బైక్‌ ర్యాలీలు నిర్వహించారు. నాయకులు చిట్టిబాబు, ఎం.రాజు, వేగి నాగేశ్వరరావు, కార్యకర్తలు పాల్గొన్నారు.