కూటమితోనే గిరిజన ప్రాంత అభివృద్ధి

రొంపల్లిలో తెదేపా నియోజకవర్గ ఇన్‌ఛార్జి దొన్నుదొర, కూటమి ఎమ్మెల్యే అభ్యర్థి పాంగి రాజారావు తదితరుల ప్రచారం

అనంతగిరి, న్యూస్‌టుడే: కూటమి ప్రభుత్వం అధికారంలోకి వస్తేనే గిరిజన ప్రాంత అభివృద్ధి సాధ్యపడుతుందని ఎమ్మెల్యే అభ్యర్థి పాంగి రాజారావు అన్నారు. తెదేపా నియోజకవర్గ ఇన్‌ఛార్జి దొన్నుదొరతో కలిసి రొంపల్లి, గరుగుబిల్లి పంచాయతీల్లో సోమవారం పర్యటించారు. ఈ సందర్భంగా రాజారావు మాట్లాడుతూ... వైకాపా పాలనలో అభివృద్ధి కుంటుపడిందని ఆరోపించారు. మన్యంలో మౌలిక సదుపాయాలు కూడా లేక అందరూ ఇబ్బందులు పడుతున్నారని ఆవేదన వ్యక్తం చేశారు. దొన్నుదొర మాట్లాడుతూ వైకాపా పాలనలో జరిగిన అభివృద్ధి శూన్యమని విమర్శించారు. అరకు ఎంపీ, ఎమ్మెల్యే స్థానాల్లో కమలం గుర్తుకు ఓటేసి కూటమి అభ్యర్థులను గెలిపించాలని కోరారు. నాయకులు బూర్జ లక్ష్మి, బుజ్జిబాబు, జోగులు, ఆనంద్‌, లక్ష్మి, తమన్నా తదితరులు పాల్గొన్నారు.